Achacha Food & Beverage Boutique (已結業)

喺Megabox睇戲之前，隨意搵咗間望落幾好嘅餐廳食個便飯👍🏻我同友人各揀咗個Dinner Set，各包一款前菜、一個Main、一杯飲品 (Lemonade/水果茶/茶)，價錢介乎$148-$218不等。我哋揀嘅前菜分別係薄切煙三文魚，同埋意大利雲吞配芝士。煙三文魚每片都好大塊，配上洋蔥粒、酸甜醬汁，好開胃，作為前菜係完美！意大利雲吞一到嘅時候，我同友人都唔多想食，因為望落好似好乾身，點知內有乾坤，底下全都係濃濃嘅芝士，約有六粒，細細粒，一口一粒，好快清碟🙌🏻黑松露帶子意大利飯 $158 賣相非常吸引，有兩大顆帶子，仲有滿滿嘅飛魚籽💕 Risotto口感正宗，飯粒中心有少少硬身，而且飯仍然係粒粒分明👍🏻黑白松露扁意粉 $148 雖然配料只有菌類同埋松露，但係味道都唔會遜色。松露無論聞落、抑或食落，都香氣十足，扁意粉煮得彈牙。飲品分別叫了Lemonade及凍嘅水果茶，兩者都味道清新，作結一流😊需加一服務費，埋單2人約$340。⁣如果你鍾意睇我嘅食評，不妨關注我，支持吓我，謝謝你☺️💕

星期日同MY BOSS睇完Captain Marvel 梗係近近地去MegaBox食dinner la發現呢間新開嘅(?) Achacha☺️叫左個set dinner ($158)頭盤有薄切煙三文魚香濃嘅三文魚片滑嫩鮮美薄薄煙熏香令三文魚滋味更濃郁主菜要咗黑松露帶子意大利飯意大利飯粒粒有口感黑松露配帶子的味道也很夾，香氣燶郁加點素菇就不覺膩😍之後叫咗個法式煎薄餅 磨菇雞肉 ($68)薄餅煎得金黃柔軟 包上香酥濃郁的磨菇雞肉又咸又甜 十分可口美味👍🏻_________________________裝修環境：✨✨✨✨✨服務態度：✨✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

今日同另一半去Mega Box 行下，發現5樓嘅Achacha F&B Boutique 晚餐時間到，一於入去試下！餐廳採用歐陸開放式Coffee Bar設計。環境優雅闊落並略帶清靜，而座位間距洽宜，設有BAR枱同普通座位，都幾舒服。最後我地叫左一個Dinner Set  同一個Crepe！ ⭐️意大利雲吞配芝士 ( *DINNER SET - Free )份量約有 5件。整到Bite Size咁，剛好一啖一粒！Creamy嘅芝士醬，芝味濃郁！再配埋蔬菜餡嘅意大利雲吞， 絕不覺膩！⭐️薄切煙三文魚 ( *DINNER SET - Free ) 哩款係我同另一半既大愛，必點之作！最值得一讚係餐廳選用嘅沙律汁，再配埋洋蔥粒同番茄粒，酸中帶甜，加上三文魚煙熏的香味～～非常之夾同美味！完全唔夠喉呀！ENCORE！ENCORE！⭐️黑松露帶子意大利飯 ( *DINNER SET - $158 )帶子大大粒  兩邊煎香帶微金黃，新鮮美味！飯帶硬身～但絕不會難以咀嚼，配埋飛魚籽，更有層次同口感。醬汁調得洽到好處，好Creamy～唔會太稀，做到掛汁效果，仲有好濃郁嘅黑松露香味添！而飯份量亦比想像中大!裡面加

呢間餐廳同我個名一樣，咁有緣點可以唔入去試下xD✨晚餐價錢唔算好貴，而且環境都唔錯，啱晒三五知己一齊傾餐飽。✨ 叫左一個Set dinner ,小食可以四㨂二～✨是日餐湯： 呢個南瓜湯帶點杰身，入面有好多南瓜蓉，味道幾清新。餐包幾特別，入面有d 無花果乾，食落甜甜地，d 籽又脆卜卜。✨薄切煙三文魚：一客有三大片，上面有d 蕃茄同洋蔥粒，個汁酸酸地，食落幾開胃。✨水果茶： 甜度幾天然，飲到d 菠蘿味同埋茶香。入面仲有芒果粒同提子，提子好甜又無核。✨黑松露帶子意大利飯（$158): 個飯好多汁，仲好香黑松露味。飯粒帶點咬口，入面仲有好多菇索晒汁，加埋大大粒既蟹籽食落卜卜脆，帶子都好鮮味彈牙。✨all day breakfast x crepes($86): 第一次食法式crepes, 咁既配搭未試過。 個crepes 好薄好脆，甜甜地又有d 蛋香，估唔到配上咸食係幾得意👍🏻✨材料有蛋、香腸、茄汁豆、火腿、煙肉、同埋沙律菜。火腿煙肉果d 唔會過咸，腸又夠脆皮，全部夾埋一齊都好好味。✨本身諗住唔夠飽，但食埋個紫薯蓉都真係好飽肚喇。埋單每人都係百五蚊到，又唔使同人迫，都係唔錯既選擇。

星期一放工專登到megabox睇傢俬，因為就嚟農曆新年屋企都想換新嘅傢俬，順便食埋晚飯， 行到五樓見到有間Achacha Food & Beverage Boutique， 店舖開揚帶靜，環境都唔錯， 一於就試下佢啦！ 看見餐牌有dinner set 或者可以單點，價錢都相當實惠，我點了以下的食物: 前菜有意大利雲吞配芝士，薄切煙三文魚，主菜有黑松露帶子意大利飯 $158，法式煎薄餅 $72， 沙律，牛油多士，還有兩杯飲品 Lemonade, fruit tea。意大利雲吞配芝士 ~ 一碟有五粒意大利雲吞， 味道偏淡，不過賣相都幾靚嘅！薄切煙三文魚 ~ 肥美的煙三文魚配上甜甜酸酸的醬汁，非常開胃。粟米湯 ~ 非常香濃的粟米味，還有很多粟米蓉，正！牛油多士 ~ 多士凍咗啲， 幸好有牛油配搭。法式煎薄餅 ~ 餡料有煙三文魚，菠菜，車打芝士，紅蔥頭，忌廉。 薄餅煎得非常香脆好味， 再配上紫薯蓉，賣相精美！是日沙律 ~ 沙律菜新鮮。黑松露帶子意大利飯 ~ 意大利飯粒粒煙韌有口感， 但上菜的時候只有微熱，如果食物上枱時可以熱辣辣就更加好味了。Lemonade ~ 味道清新非常好飲!Fruit T

Mega box賣傢私的5樓, 竟然有間以法式薄餅為賣點的西餐廳，而且Achacha的法式薄餅仲有做鹹食同甜食！成日都食傳統的厚批薄餅，見到有crêpe食的餐廳，同朋友二話不說，就決定了今餐一於入去試下佢地的dinner!餐廳以木色為主，再以綠色植物做裝飾，好清新的感覺晚餐餐牌選擇唔算好多，但勝在每項種類都有，岩哂有選擇困難的我未吃crêpe之前先吃頭盤雜果沙律清甜水果配沙律菜水果有菠蘿，芒果，草莓，蜜瓜沙律配上微酸的黑醋汁酸酸甜甜胃口大開南瓜湯配提子包南瓜湯濃味甜甜的南瓜湯配上脆身的提子法包很夾意大利雲吞配芝士只是頭盤但芝士雲吞的數量也有5粒呢薄切煙三文魚煙三文魚面有洋蔥粒及醬汁有點像吃三文魚他他的感覺另一開胃菜黑松露帶子意大利飯除了有大大粒的帶子之外還配有蟹子每口飯都食到黑松露味及蟹子的口感油封鴨腿法式薄餅鴨腿皮脆肉嫩配上帶有少許橙味的甜醬汁非常好味法式薄餅脆口微甜內有芝士口感脆而煙韌另還有薯蓉，雜菌及野菜非常豐富的法式薄餅食完鹹就試埋甜喇香蕉朱古力法式薄餅香蕉及朱古力的份量剛好甜的法式薄餅更脆身配上帶有微微芝士味的cream真係好滿足到第2個胃呀

昨晚黎megabox買d野，順道黎食番個happy Friday dinner 😊😊 叫左個set dinner ! 呢間餐廳係正上面商場大堂對出，位置都算方便！等左一陣個前菜黎左，有餐湯同salad, 粟米味餐湯好香濃，佢比一粒仔既牛油搽係麵包上再點d湯，口感更加豐富！煙三文魚撈埋d 洋蔥，酸酸地好開胃，而個意大利雲吞配芝士就稍微太濃味，食多幾粒會有d飽！反而個Crepe achacha 好有驚喜，crepe上有煙三文魚，少少車打芝士，菠菜夾埋紫薯同沙律菜！個crepe 好脆口，個紫薯香噴噴熱辣辣咁擺上面，層次感更豐富，第一次食法式crepe印象唔錯！😋😋 最後到個主菜黑松露帶子意大利飯，內有蟹籽撈埋d意大利飯一齊食好脆卜卜，同埋有好多菇菌好香濃，意大利飯質感同味道適中，係2粒帶子較為細粒😅，同唔太厚身，不過都鮮味十足！😉😊+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊