百味鮮辣蟹專門店 (已結業)

呢間餐廳係食海鮮出名嘅但係佢啲小菜我都覺得唔錯呀好有鑊氣 好足料蟹肉海皇豆腐羹暖笠笠 蟹肉 豆腐 蝦仁 加埋啲韭黃同埋香菇粒 好足料 （掛住食唔記得咗影相）薑蔥粉絲蝦有嘅好多隻大蝦薑蔥味好出 帶出蝦嘅鮮味啲粉絲仲索晒啲汁九層塔胡椒蝦都係有好多隻大蝦九層塔胡椒味比較少試到好香 好特別蜜椒龍躉球個龍躉球有炸過外脆內軟蜜椒味道甜甜地好好味黑松露蛋白炒飯黑松露味好濃不過略嫌份量少咗啲鮑汁雞粒豆腐煲好足料 撈飯一流椒鹽鮮魷拌茄子椒鹽鮮魷好鮮味連個茄子都係炸過 但係又唔油好用心既製作好值得encore呀

今日去左住係西環既朋友到，所以朋友就一早預訂左呢間餐廳比我地一盡地主之誼。芥香雲耳仔同蒜香凍螺 : 個醬汁調較得好出色，而凍螺個醬汁甜甜地之剩又有蒜香，而且螺肉好爽口 ; 椒鹽魷魚鬚都好食，呢三樣食物重點推介。冰鎮咕嚕骨 : 本店生招牌人氣菜式，上枱時已經好吸睛，咕嚕骨底下放了乾冰，而咕嚕骨表面則用上了麥芽糖，睇落晶凝通透。口感特別不過有點癡牙同稍為偏甜，不過都係一道特別既菜式，值得一試。海鮮賽螃蟹 : 雖然幾大碟但味道欠奉，加左餐廳既酷食後味道重奇怪。櫻花蝦醬四季豆炒牛肉 : 味道不錯，可惜牛肉太少。黑松露蛋白炒飯 : 睇落平平無奇，但食落口松露味都幾濃，而且啲米都炒得幾乾身粒粒分明，無出現好黏既感覺 ; 櫻花蝦炒飯就中規中。濃湯龍躉浸菜芯 : 龍躉食落幾爽口彈牙，不過味道偏淡普普通通。

朋友介紹這間食肆距離地鐵站只需幾分鐘，也算方便。環境乾淨，座位寛闊，侍應招待也很好。之前試過幾次在星期六日想訂位但都滿座，就算今天是星期一也要等到8:30才有位，真的天天都滿座。蒜香凍螺 東風螺很香酒味但蒜味不會太濃，醬汁甜甜地，螺肉很鮮味和彈牙。涼拌三鮮 以青瓜、皮蛋和蕃茄造成的涼拌三鮮是我第一次吃，加上芝麻醬，是一道很清新的前菜。混醬鴨鬆生菜包 切成粒狀的鴨肉、冬菇粒、豆角粒和混醬，再加上新鮮爽脆的生菜，很是美味。黑蒜淮山炒帶子 帶子很新鮮，用黑蒜和淮山來炒都很特別。黃金蟹蟹有很多煮法可選擇，平常我們多數選擇避風塘炒蟹，今晚則想試試黃金蟹。鹹蛋黃炸成脆卡卡很香口，蟹肉很鮮甜而且很多蟹膏，平時起碼要$500-$600的一隻蟹，這裏只需$380，真的很划算。臘味炒菜芯 臘肉和臘腸不會太鹹，菜芯很嫩，炒得剛剛好。芋頭油鴨煲 芋頭很粉，加上椰奶的漿汁很美味，只是油鴨略為鹹了一點。黑松露蛋白炒飯 這道菜剛端上桌已經聞到很香的黑松露味，還有很多菇粒，飯粒很乾身，很特別和美味，但我們實在太飽，所以吃剩的便拿走了。

恭喜細佬於前幾天的大學聯招放榜，考到理想的大學，成功入讀科技大學👉科學及管理學雙學位technology and management ！為了慶祝這項盛事，我們一家五口🤣爸爸、媽咪、細妹、細佬同我一起出街食飯！ 就在屋企附近石塘咀吃晚餐百味鮮在我家附近就試一試他們味道吧！雖然我們只有五人，但是我們一共叫了八個小菜 食得超飽，埋單總共$829，晚餐時段要五蚊一個茶位，但免收加一。鹵水豬耳豬耳超爽口，配搭絲狀蔥絲和芝麻，撈在一起，入口涼浸浸，絕對適合現在熱辣辣的夏天吃 真的超爽！海鮮賽螃蟹材料包括蛋白、蝦仁、帶子、西蘭花，最後撒上橙色的蟹子 材料非常豐富，味道清淡，帶海鮮味，蛋白質豐富！沙嗲粉絲牛肉煲這個煲味道非常香濃，有鑊氣粉絲非常入味，裏面的牛肉切得一片片，很林滑、絕對不靭啫啫滑雞煲煲內除了有滑雞，還有豬潤， 但可惜是雞味不太入味櫻花蝦醬四季豆炒牛肉裏面一粒粒的是櫻花蝦醬，是非常細粒的 乾蝦， 櫻花蝦醬與四季豆及牛肉炒在一起，非常香口四季豆很嫩口，一點渣宰也沒有， 牛肉也炒得很林。 本人超級推介本人推介：餐廳新菜式芝士牛油炒蝦超多芝士而且芝士味重， 完全滲入大蝦中，蝦很新鮮、很爽口彈牙

兄弟外國返黎帶左三支美酒， 所以我就專登訂左呢間餐廳品嘗佳肴！炎炎夏日，先來四個冷盤消消暑，開開胃！「麻辣豬手」，「蒜香凍螺」， 「芥苿雲耳」，「冰川鮑魚」強烈推介！增加食慾！！！！主菜：1）金銀蒜茸粉絲蒸聖子皇，超新鮮！2）避風塘炒蟹，料頭超足，勁野味！！3）BBQ 豬扒！4）豬潤浸菜芯， 個上湯好好味， 我飲左成碗！5）黑松露蛋白炒飯， 松露的香味令人難忘！十分滿足的一晚！！！見到隔離枱食炸鱔 ， 上枱成條龍咁， 下次黎一定要試一下！！！

約左朋友西環影日落同天空之境，影完行出黎係電車總站對面既呢間餐廳，聽佢講堅尼地城除左樓價之外，餐廳都堅離地，呢間食物水準同價錢都算貼地，所以一早訂左位，行出黎唔使等位就可以入座。冰川凍鮑，口感一流，上面個個唔知咩汁，冰底塾住，買相好嘩嘩嘩，呢個一上，第一時間相機食先，上枱時隻貓識噴煙，應該係加左乾冰，外脆內暖，值得一試。黑白芝麻雞，呢個呢，好似比較少地方有得食，成隻雞外面沾滿晒黑白芝麻，但食起黎好香，雞都唔會太乾，好味道。主角黎啦，避風塘炒蟹，啲蒜蓉勁好食，我用黎餸飯，食完先知有二食可以炒米粉，蟹好大隻實肉，加埋枝ASHAI ，爽爽爽。由於同行有人唔食得辣，所以叫左隻薑蔥傳統既味道黑松露蛋白炒飯，飯乾身，雖然齌齌地，只有菇粒菜粒同蛋白，但加埋啲黑松露醬又幾好食喎，上枱已經聞到好香了。成枱呢個比較遜色小小，唔係因為唔好味，係因為佢一上枱個賣相差左少少。總括黎講，味道好好，價錢都唔算好貴，下次再黎希望可以保持到水準。

放假前，食餐好既，係FACEBOOK 知道有啲預訂既菜，早2日已經訂左龍蝦，蟶子，由於訂左位，去到都唔係使等。 我地只係得三個人，開頭只係叫左啲，但真好好味，樣樣都想試下，叫下叫下三個人食左8個餸，真係有啲誇張，食完真係飽到想再去食糖水都食唔落芥香雲耳，好開胃既前菜，酸酸地加埋WASHABI，都幾過癮上湯龍蝦煎米粉底，呢個餸預定既，不得了，龍蝦食得出好新鮮，彈牙爽甜，伊麵底食得多，煎米粉底都係第一次食，我覺得仲好食，米粉煎到脆香，加埋啲汁，正到爆濃湯桂魚片，桂魚滑得黎無泥味，我地連個湯都飲埋，有小小胡椒味，下面仲有啲粉絲同豆卜，吸晒啲味，更加入味。呢度食既蟶子皇比我之前食既大隻，粉絲都比較多，金銀蒜蒸係我覺最好食既，蟶子鮮甜爽口，無蒸過籠，食完真係想ENCORE 多2 隻因之前有煎米粉底又有粉絲，本來無諗住叫既，但因為見到隔離叫，聞到好香，問下係乜東東炒飯，原來係黑松露蛋白炒飯，係已經好飽既情況下，我地每人都再食多2碗仔.....仲有個菜樹菇雞湯無影相, 哈哈食埋個飯，真係飽到上心口啦，好滿足，攞左咭片，見到有好多預訂菜式都好吸引，下次約多啲人一齊再黎食過。