為食仔海鮮火鍋專門店

营业中

休息中

呢間餐廳唔同口味嘅卜卜蜆火鍋，並提供不同火鍋配料，包括優質牛豬羊雞，時令海鮮、自家製手打丸、新鮮蔬菜、餃子麵食等🍲💗招牌卜卜蜆煲($198) 蒜蓉卜卜蜆份量超多，每粒都鮮甜無沙，最重要係無唔開口嘅死蜆🐚💗本地新鮮牛頸脊($298/ 小)牛頸脊肉質嫩滑，有肉味之餘帶適量油香🥩💗本地新鮮牛胸爽($168)牛胸爽口感爽脆，一咬豐富嘅油香爆出🐂💗本地新鮮吊龍伴($328/ 小)吊龍則牛肉眼邊，肉質軟滑而且牛味相對較濃🐃💗海蝦($98)海蝦結實爽彈，夠哂新鮮🦐💗蟶子皇($58/ 隻)蟶子非常大條，食落爽口鮮甜🐚💗脆鯇片($88)脆肉鯇魚鮮爽脆，完全無腥味🐟💗黃金魚皮($68)香脆嘅炸魚皮沾滿鹹香起沙嘅鹹蛋黃，超邪惡🥚💗黑松露蝦丸($98)手打蝦丸超級彈牙，黑松露香味好濃🦐💗鵝肝墨魚丸($98)手打墨魚丸同樣彈牙，釀咗一小粒鵝肝係中間，爆出甘香嘅油脂🐙💗蒜蓉燒元貝($68/隻)元貝肉厚鮮嫩，加上海量嘅蒜蓉令味道更濃郁🐚💗椒鹽鮑魚($48/隻)鮑魚肉質鮮嫩爽口，加埋面頭嘅椒鹽同炸蒜一齊食，非常惹味🧄

朋友果然冇介紹錯，呢間食打邊爐果然一流！地方大坐得又舒服，嘢食好味不在話下，連餐廳嘅服務員都一流！有賓至如歸嘅感覺我哋叫咗個龍蝦🦞海鮮鍋，主打龍蝦大大隻，仲有8隻大海蝦添，湯底十分鮮甜，配有娃娃菜、豆腐同雜菇，配菜入晒啲鮮味，連我呢個唔係好鍾意食菜嘅人都食晒呢度食近江牛，出名牛味濃郁，聽店員包包推介左食「邊抓」，係我哋第一次食，果然無得頂，唔止擺盤靚，煮熟後好有咬口，食落非常之有質感，真係大力推薦再黎叫左個黑松露蝦丸，鍾意食黑松露嘅人一定唔可以錯過，蝦丸彈牙兼充滿黑松露香味！嘢飲方面就叫咗一杯鹹檸七同埋菠蘿沙冰，菠蘿🍍沙冰非常之特別，飲得出有鮮菠蘿粒，真材實料！不得不提醬料方面，必試自家製XO醬，呢個係廚師獨家秘製，充料又惹味，出面一定食唔到！哈哈😄，我又忍唔到想約朋友再食啦！

週末晚約咗兩位好友出嚟聚一聚，揀咗嚟為食仔食卜卜蜆，貪佢九點半後有優惠價任食卜卜蜆，非常抵食。入舖頭之前店員會先喺店外為食客探熱，並提供酒精搓手液同放置口罩用嘅膠袋，仲提醒我哋餐廳內已經用納米光觸媒全面消毒過，令人感覺安心。除咗餐廳主打嘅卜卜蜆煲，仲有雞煲、海鮮鍋、水煮魚、雞煲翅同清湯鍋底，選擇豐富。另外最令我驚喜嘅係牛類嘅選擇亦非常多，除咗一般常見嘅和牛、安格斯牛同本地牛之外，仲有池板、封門柳、邊抓同腩底等刁鑽嘅部位。本來想挑戰下18禁卜卜蜆，但其中一位朋友唔係咁食得辣，所以最後我哋揀咗咸菜豬肚卜卜蜆煲，份量好多，而且蜆都幾大隻，唔係我哋想像中嘅細粒蜆，好足料。店員非常好，不時為我哋翻動卜卜蜆，提醒我哋蜆一開口時食最鮮嫩，更不時為我地清走蜆殼，服務滿分！蜆肉非常鮮味，啖啖肉而且冇沙，配上鮮濃嘅咸菜豬肚湯底，非常過癮。本來想點嘅池板已經冇哂，於是我哋揀咗邊抓，邊抓係喺牛肋骨附近包圍牛腩嘅肌肉，雖然望落脂肪多，但食落爽口冇油膩感，而且牛味重，非常優質。手打蝦丸加入黑松露，絕對落重本，味道亦自然冇得輸，而且口感彈牙，非常有驚喜！油麥菜新鮮翠綠，而且份量足。菠蘿沙冰大大杯，近乎滿瀉，飲落味道