盈館

营业中

休息中

​這間海鮮酒家位於旺角創興廣場，主打精緻的中式點心及鑊仔小炒，擁自設魚缸養飼鮮活海產。店內環境寬敞舒適，乾淨衛生，適合多人聚會。店內的燒味均由老師傅自家製作，燒鵝皇可以媲美著名燒鵝店，私心推薦叉燒；炭香窯燒雞套餐包一隻窯燒雞及一款精選小菜非常划算，冰鎮咕嚕肉更是招牌菜式；有機會晚市必須再來試試～原隻鮮蝦腸每條均有兩隻肥美飽滿的鮮蝦仁，三重腸粉米漿皮包裹著，煙韌彈牙好軟滑。芝士鮮蝦腐皮卷金黃薄脆的腐皮毫不油膩，包裹著清甜的蝦仁及豐富的蔬菜餡，平衡鹹香。金湯小籠包與傳統小籠包不同，加入熬煮得很濃稠的高湯，薄透煙韌的外皮充滿彈性不易破，咬開流出濃濃的湯汁，又有鮮美細膩的豬肉。豐料瑤柱珍珠雞軟綿具黏性的糯米吸飽荷葉的清香，包裹著鬆軟的鹹蛋黃、雞肉、冬菇及瑤柱等豐富配料。銀湖百花釀魚肚大大塊魚肚蓬鬆富膠質，伴以紮實的蝦膠充滿彈性。黑金流沙包黑色的外皮柔韌且鬆軟細緻，咬開流出大量金黃色流沙內餡，以牛油及鹹蛋黃製成，鹹甜有層次。豉汁蒸鳳爪鳳爪蒸得十分入味，有鹹香的豉油，輕易便皮骨分離，肉筋充滿膠質。 金珠小雞鹹水角造型非常可愛，淺黃色的外皮外脆內煙韌，咬開有飽滿的豬肉碎、韭菜、蝦米及冬菇等內餡。

星期六Honey想飲茶食點心，又再帶左佢黎呢間盈館撐台腳，之前已經黎過一次，今次第二次到訪，鐘意呢度坐得幾舒服，比平時酒樓冇咁嘈吵。鋪面屬於傳統茶樓乾淨企理， 店員及點心姐姐都好有禮貌。 傳統點心紙落單，款式選擇數量可以，大部份喺見慣見熟嘅款式，兩個人點左六個點心： 鮑汁炆鳳爪 黑金流沙包抹茶流沙麻球晶瑩鮮蝦餃手剁陳皮牛肉球一口鮑魚燒賣 點心上枱速度都好快，唔駛等好耐，樣樣點心味道仍然幾唔錯，最緊要係上枱嘅時候仲見到一籠籠點心出哂煙仲好熱，特別推介以下 ：牛肉球～平時其他茶樓一般食到嘅比較林身鬆軟，可能手剁牛肉關係，呢度嘅牛肉球相對明顯有咬口有牛肉味！ 蝦餃～皮夠薄，塞滿新鮮蝦肉爽脆弹牙，有水準！ 燒買～升級版製作，頂頭放有入味鮑魚，賣相已經好吸引，豬肉夠味新鮮，真材實料！最後茶位服務加一合共$303

係旺角行完街，約左爸爸食餐飯，老人家鍾意食粵菜，所以揀咗間位置方便嘅酒樓，等佢唔洗搵得咁辛苦。酒樓唔算好大間，但坐滿人，都等咗一小陣先有枱可以入座。店員都好好人，主動介紹唔同嘅菜式比我地。今次我地叫咗四個小菜同一籠呢度好出名嘅黑金流沙包𝐎𝐫𝐝𝐞𝐫 ::⧐北京片皮鴨 | $168⧐櫻花蝦高麗炒銀絲 | $108⧐私房蜜椒豬肋骨 | $148⧐流心脆蝦球 | $168⧐黑金流沙包(3個) | $32⧐朝日啤酒 | $38北京片皮鴨我好耐無食過，同時我都想食好耐，職員會係你面前即片比你睇，刀功好好，好快片好，包好配合醬料同配料，口感一流。櫻花蝦高麗炒銀絲炒得好有鑊氣，味道唔錯蜜椒豬肋骨係一個幾有驚喜嘅菜式，蜜糖同黑椒形成咗一層脆脆包住咗豬肋骨，味道極佳，同埋好特別咁配上咗煉奶炸饅頭做伴碟，超好食流心脆蝦球賣相相當唔錯，蝦球中間包住滿滿嘅芝士，再配上酸辣醬，幾開胃黑金流沙包係呢度嘅主打點心，外皮鬆軟，如果奶黃可以再多一啲就完美喇員工都好細心，知我地叫咗啤酒，拎咗幾隻冰杯比我哋，非常貼心酒樓整體比我感覺都幾好，食物味道都唔錯，下次會再同屋企人黎食！—📝評分味道 ⁴ / ⁵環境 ⁴ / ⁵服務 ⁵

【懷舊點心 新式做法】📍盈館旺角彌敦道593-601號創興廣場7樓🌃環境位於旺角最繁華嘅街上，鬧中取靜，雖然正值飯點，但係由於餐廳比起其他酒樓嚟講唔大，所以唔係好嘈，食客三兩成羣咁聚埋一齊傾偈，係另一種嘅chill法。見到其他枱上都有一個睇落係銅做嘅茶壺，有啲復古嘅感覺，幾有feel嘅，但係可惜我哋台就無，睇嚟數量有限，希望下次嚟嘅時候會遇到啦！🥘食物❤️冰鎮咕嚕肉一上臺嘅時候，係畀佢驚喜到嘅，我哋expect嘅冰鎮咕嚕肉可能係碟周圍有啲冰，但係呢個係咕嚕肉撈埋啲冰一齊，幾有創意。我哋初頭以為會隨住啲冰溶化而令醬汁淡咗，但係去到最後都係保持到酸酸甜甜嘅味道，甚至唔會好似平時食嘅咕嚕肉咁，外面係淋嘅，而係成舊都好似鍋包肉咁脆，肉質又緊緻，我諗都係多得冰嘅功勞。而且有個好有趣嘅位係，一開始啲肉仲係熱熱地嘅，但係食食下啲肉越嚟越冰，而個肉越嚟越脆，呢種口感上係十分特別嘅，並且個口感係成餐飯會keep住有變化，好奇妙，可惜我哋未等到成嚿肉都變冰之後先食，因為實在太好食，必食啊！評分：👍🏻👍🏻👍🏻👍🏻👍🏻❤️私房蜜椒豬肋骨會話呢碟亦係必食之一，蜜糖加黑椒呢個搭配係十分出彩嘅。因為佢黑椒係落得好重手嘅

假日小妹和男友行街後未能想好食什麼之際，發現兩人從未試過單獨在茶樓飲茶。創興廣場出名多餐廳選擇，一看見《盈館》水牌，心血來潮兩人就想飲杯茶，食個包。😆盈館為傳統酒樓，但點心都與時並進，加入小創新。有必點的流沙豬嘜包、蘿蔔絲鹹水角，可惜豬嘜包太搶手，來個同樣奶黃餡料的黑金流沙包試試口味！和男友兩人都眼闊肚窄，先叫5籠點心淺嘗。☑ 1.黑金流沙包包皮鬆軟，把包掐開，奶黃便如流金。熱哄哄的，一口咬下，便食到滿滿的流沙，濃濃的奶黃味蘊藏在口中。☑ 2.蘿蔔絲鹹水角造型可愛趣致，就似三個小蘿蔔！香炸脆皮非常香口，鹹水角不韌又帶有嚼勁。裏面包着一條條的蘿蔔絲加肉碎絲，鹹鹹甜甜的。☑ 3.晶瑩鮮蝦餃這裡的蝦餃皮薄適中，每粒都晶瑩剔透，蝦肉非常飽滿，一口咬落就是原粒的蝦仁，十分滿足。☑ 4.原隻鮮蝦腸外層滑滑溜溜的腸粉，包住淡淡鮮甜的蝦仁，每條腸粉都食到多粒又飽滿又夠大隻的爽口彈牙鮮蝦。愛蝦的小妹當然很驚喜。☑ 5.懷舊乾蒸牛肉燒賣牛肉燒賣口感實淨且彈牙，有足夠的牛肉味，感覺就像牛肉球。這份懷舊的乾蒸牛肉燒賣，在茶樓中已經很少再見到了。雖然盈館是比較傳統的茶樓，但是假日中也吸引着的很多食客。在這熱鬧的