浜滝

营业中

休息中

九龍城出晒名多好o野食不在話下，漫步於縱橫交錯o既舊樓堆之中，隨時有新發現。呢間居酒屋，裡裡外外都充滿日式風情；鋪頭唔大間，細細地、o黎飲兩杯，傾下密偈應該會幾好feel。前菜酒盜芝士($68 未加一) 係menu 上o既店長推介之一，o係香港o既日式餐廳唔算常見，感覺地道！將鰹魚o既肝直接淋在cream cheese 上面，附上紙菜，侍應哥哥教我地可以用紙菜夾起o黎食。佢話如果覺得比較鹹，如果唔夠紙菜仲可以再加，是貼心的~個酒盜芝士聞起o黎有少少腥，食落味道亦非常濃郁，個肝同埋芝士都係。會咁濃味因為佢suppose 係一個佐酒菜，o係當地因為「好食到係咁送酒搞到d 酒無晒」因而得名。雖然我地無叫酒飲，不過以柚子蜜梳打($25) 代替sake，也是唔錯。伊勢海老姿焼き($688) 一龍蝦二食，先有足料原隻刺身，燒至半熟，上面仲整埋一pat 海膽，睇到人口水直流……咁大隻舊肉自然厚身，啖啖肉讓人十分滿足，海膽也係輕輕烤過，多點烘焙o既氣息。一啖擺晒入口，讓海鮮o既鮮味o係口中爆發，簡直ichiban！食完個龍蝦個肚，侍應哥哥就會收番個頭，再煮成龍蝦湯or 粥。In the meantim

屯馬線終於開通，以後去九龍城覓食就更方便～依間居酒屋近宋皇臺站，室外及室內裝修如同日本地道居酒屋，好似去左一趟日本旅行般，令人懷念！居酒屋樓高兩層，底層以吧枱及小圓枱為主，而上層位置空間較寬闊，更設有VIP房。店內周圍掛著不少彩色旗海、日式擺設及掛畫，更有日本師傅駐場，處處散發著濃厚既日本氣氛，好啱朋友聚會～店內座位不多，想黎既朋友記住先預約呀～❀ 伊勢海老姿燒第一次食半熟龍蝦，不論賣相還是味道都好令人驚艷！擺盤好精緻，以原隻龍蝦上枱，蝦身係已切開一塊塊又飽滿厚身既龍蝦肉，上面放上海膽及蔥花，仲有竹葉及菊花作點綴～依款龍蝦係一味兩食，店員會先送上海龍燒，即是半熟龍蝦配海膽。半熟龍蝦保留住刺身般既質感，口感爽彈，鮮味又濃郁，而海膽都好鮮甜。店員推薦半熟龍蝦及海膽夾埋一齊食，果然味道更鮮甜惹味！食完第一道菜，店員會拎走龍蝦頭，將其煮成湯或粥。客人可以二選其一或者一粥一湯，而我地今次就揀左一粥一湯。上枱已經聞到香濃既龍蝦味，龍蝦湯及粥味道濃郁又足料，入面有豆腐、娃娃菜、雜菌及蘿蔔絲做配料，而飯粒亦吸收晒龍蝦湯既鮮味，食得好滿足。記住要食埋煮完湯既龍蝦肉呀～❀ 大分直送火炙平目魚邊經火炙後，左

做嘢實在太辛苦，要善待一下自己，看到半熟龍蝦，即刻book枱同我老公享受一下！點了半熟龍蝦二食，我們選了一碗粥及一碗湯。先講下個半熟龍蝦，啖啖肉，生熟程度啱啱好，唔會「鞋」口，有龍蝦肉質嘅口感，最重要係唔使我用手食！其實我好怕食蝦、蟹及龍蝦，因為要剝殼，攪到雙手好污糟又難處理，喺度食就完全無依個煩腦，食得好𣈱快！而且份量都唔少，食極都有😆至於個湯，有香濃嘅龍蝦味，個粥底好「棉」，飯粒吸收晒個湯嘅精華，配有雜菜，令成個湯底更豐富！個龍蝦頭入面仍見到大量羔，成隻龍蝦完全沒有浪費過👍我們亦點了串燒，包括：雞心、雞腎、鰻魚串及燒菠蘿，全部燒得不會太乾及硬，仍有肉汁，軟硬度適中，菠蘿是我的最愛，鮮甜中帶微酸，令人開胃。😋值得一讚係芥末牛油果海老餅，這醬很特別，看出廚師用心創作，全部食材配合得天衣無縫，我老公話好似食緊鵝肝醬咁😆最後點了個塘牛制霸拉麵，簡單來說是豪華版沙爹牛肉麵，沙爹湯底濃郁，牛肉一食就知係高級貨，有和牛級數。麵上枱時仍在沸騰，從未見過如此震撼，原來湯中藏了塊熱石，保持温度。最後要盛讚服務員，他有禮細心，上半熟龍蝦會提醒我們不要食碟上伴碟的鹽及未熟的龍蝦頭。他亦不時留意我們枱面情況

好耐無見過我嘅食評了😂適逢母親節就介紹一下去慶祝實滿意餐廳💓當我講九龍城嘅時候可能你會諗起泰國菜但其實有一間十分正宗嘅日本菜匿埋咗喺度😂餐廳裝潢同氣氛同日本居酒屋一樣嘅浜滝話咗實會滿意 緊係有我超級推薦嘅美食就係半熟龍蝦·海膽·龍蝦粥-兩食($688)由於係日本嘅龍蝦 所以特別大隻🦞龍蝦蝦肉 一半生一半熟 咬落幾彈牙龍蝦味幾重配上海膽 十分鮮滑好味👍🏻食完蝦肉 廚師會將蝦頭劈開 拎去煲粥/湯無論係粥定係湯 蝦嘅鮮味一樣喺度 而且好濃郁所以我覺得嚟呢度一定要食呢一個餸😋除此之外 我特別推介嘅係大份直送火炙平目魚邊 ($148)睇相片可能你會覺得咁細份 性價比應該好低咁你就大錯特錯啦❌我同MY BOSS 都係第一次食 但食完都讚不絕口因為雖然佢係魚邊 但經過火炙同醬汁加持真係油膩得來 但係又帶啲清新 仲要入口即溶😌無錯 就係咁吸引🤣 其他食物我都好推薦👇🏻包括炸一口芝士($48)半熟吞拿魚($88)但最後不得不提嘅係 激辛地獄拉麵($108)本身食開其他拉麵都係要辣湯底嘅我食咗一啖都要放棄😂 因為真 係 好 辣‼️🌶🥵除咗辣度夠刺激之外 仲有一個好特別嘅地方就係拉麵裏面有嚿熱石保持溫度🔥食得

忙碌的工作過後來到九龍城覓食，在九龍城多數以食泰國菜為主，而靜中帶旺的鬧市中竟然有間日式的居酒屋，與同事決定在此吃點東西。入到居酒屋，裝潢都充滿日本居酒屋的格調，天花高掛日本風的旗幟，牆身有日本的燈籠、海報、日本啤酒的毛巾等.....播放著輕快的日本歌曲，讓我們感受到濃厚的日本居酒屋的情懷。安排了座位後就點了飲品傾下計先，友人就選擇杯梅酒南高梅(一杯) $68，梅香味醇，而我就飲杯凍柚子梳打$25，冰涼可口，內有柚子蜜的香甜，順喉暢快。這次我可以嚐到沖繩海葡萄 $48，我都是初次品嚐，它是長莖葡萄蕨藻，一種營養豐富的食用綠藻，而原產地來自沖繩，粒粒碧綠外貌像一串串的青葡萄，口感Q彈爽脆，最緊要是營養價值高，可以抗癌、抗氧化、淨血等功效，難怪那麼受大眾追捧的小涼菜。熱食會先吃些小食串燒，燒柚子雞 $22燒的火喉可以再香脆些，雞肉都嫩滑，塗上了柚子鹽，可以作鹹香的調味。再來隻明太子燒蠔 $48，蠔殼有手掌般大隻，蠔肉的size 適中，蠔中加入了明太子去燒，有微微明太子的鹹鮮，兩者一起共食，咬下蠔肉都爆汁，真是鮮美。我們向店員查詢一番，原來油揚げ意思是炸豆腐皮，我點了一串燒油揚廣東蠔$48，

居酒屋掛左好多日本旗，恍如去左日本一樣。首先，我地叫左芥末海老餅。牛油果蓉混合芝士同芥末，上面仲有櫻花蝦同香蔥，配合鬆脆既餅乾，口感豐富，而且味道好夾。半熟吞拿魚有幾舊有筋，影響口感，但個醬汁調味幾好。冰蜆肉質爽脆而且味道鮮甜，上面有柚子啫喱好清新，好食。見好多人都推介佢個龍蝦二食，咁梗係要試下。龍蝦肉係半生熟既，表面係有炙燒過，味道鮮甜。不過我認為一係全生一係全熟，口感會好啲。燒白鰻外脆內軟，肉質爽脆，只略嫌唔夠熱。雞肉漢堡串好夠熱，入面有雞頸骨，又軟又脆，好有口感，配合埋蛋黃同燒汁，好好食，推薦！海龍燒加$100就有龍蝦湯。呢個湯不得了，用石鍋上熱辣辣又大碗，龍蝦味好濃郁。湯入面有豆腐、茶樹菇、金菇同娃娃菜。飲完呢個湯真係超滿足！牛豚之幸串燒盛合豚肉好夠熱燒得好香脆，但近江牛冇咩大驚喜又唔夠熱。性價比黎講就爭啲，建議淨係叫燒豚肉。呢個燒三文魚頭係呢餐完美既總結。三文魚頭都有好多肉，而且燒得好香脆。佢既燒野做得好出色，讚👍🏼總括而言，呢間居酒屋好高水準，會encore!

今日適逢我生日，屋企人搵左哩間居酒屋慶祝一入去 店員都好熱情！ 廚師係日本人，仲每台寫左張感謝語比我地。Menu上也有些特式小食。味道整體都非常好！ 特別推介： 1. 海龍燒必食！龍蝦輕輕火炙過，食落口好彈牙，配埋海膽，口感一流食完之後 仲可以加$100 將個龍蝦做湯，入面有大量蔬菜，勁鮮甜好味2. 柚子雞肉串每粒雞肉都大大粒，柚子味仲好足，推介3. 雞肉漢堡串雞肉混埋啲蛋汁一齊食，食法好特別