Day and Nite by Master Kama (已結業)

第一次黎加慶祝朋友生日，滿心期待。頭盤叫左個沙律，無乜話好特別。不過注意，佢有好多脆片，口感好好，不過如果為健康而叫就可以免了。頭盤仲有Nachos。佢同calimex呀南華會呀果啲焗出黎既水準仲有好遠，不過勝在個芝士醬唔錯，脆片都有兩款口味搭救，都幾好食。龍蝦湯無乜太特別，係龍蝦味濃既，不過唔會特別回味。主菜有龍蝦Mac n Cheese。少少失望，本身expect係傳統充滿芝士鋪面焗果種，同埋會用傳統彎既通粉。最尾同想像有出入。味道ok，勝在個底有龍蝦汁，不過芝士略嫌太少了。烤龍蝦既蒜蓉同牛油味唔夠，不過份量係ok既，都幾大幾多膏。佢有普通薯條同蕃薯條，叫做有誠意！朱古力心太軟。最失望。只不過係一舊熟哂既朱古力蛋糕，仲要朱古力味唔香，等佢仲話要等耐啲先有。全晚最驚艷竟然係apple crumble！！！朋友生日所以加左爉燭。個apple crumble好脆，下面啲醬好香蘋果同肉桂味。不過要提一提，佢係好甜的。如果唔鍾意太甜既人千奇唔好叫！

和朋友慶祝生日，朋友想試龍蝦，看到Day and Nite這間日式餐廳好評如潮，因此決定試一試。龍蝦芝士Mac N Cheese $208可選通粉或Risotto，我們選的是Risotto。Risotto賣相吸引，是用鐵板上菜，能確保食物的温度以及芝士呈半溶的狀態，飯粒飽滿，有濃濃芝士味，粒粒龍蝦肉亦鮮味十足。 Risotto上的龍蝦不單單是裝飾品，是真的能吃，而且啖啖肉，這道菜果然是這間餐廳的必試菜式。👍巴馬火腿水牛芝士薄餅 $148巴馬火腿比平常吃到的薄，而且味道不突出， 水牛芝士味道也不濃，薄餅焗得有點過乾，芝士呈硬身狀而非半溶狀。吉列牛排配忌廉蘋果咖哩烏冬 $148光看名字無法想像味道，似是又甜又咸的。牛排最外面吉列脆皮的炸金黃色，但吃下去不怎麼脆，裏面是半生熟的牛肉，但也不特別嫩口，而且有點難咬，好準一般; 烏冬則似是口感creamy的白咖哩，不怎麼吃得出有蘋果味，不過味道不錯。關西大阪燒 $65大阪燒外脆內軟綿綿，裏面有椰菜絲和肉粒，配上木魚絲、紫菜絲、沙律醬和甜醬等配料，口感豐富!整體來說，有龍蝦的菜式，非常值得一試，其他食物也不錯，勝在價格不太貴。

朋友話帶我食好西，即刻應承。我地平日約左旺角6：30，地鐵站行左大約五分鐘已經到餐廰，好就腳。原來佢帶我黎Day and nite by master kama。之前黎食過一次蟹宴, 已經覺得OK!!因為我地Book左位，所以喺餐廰地下既接待處等左一陣，待Confirm我地既Booking之後搭Lift上一樓。餐廰裝修特別，窗口同牆都有用左好多霓虹燈同食物圖案裝飾。正門入口地下用左細細粒黑色磁磚砌成既餐廰名，好特別，好有心思。餐廰大部份座位都係近窗，雖然窗外無咩景色，但勝在唔局促。坐低左就叫野食，呢到主要食龍蝦，所以有好多龍蝦公仔，上次黎都唔察覺添。今次2個MAIN都叫左龍蝦!!! 我地叫左個 龍蝦包set 配薯條及沙律 $188，仲叫左個 龍蝦芝士MAC N CHEESE 配長通粉 $208。龍蝦包Set餐廰寫住限量供應，所以一定要試下。果然無失望！個包係焗過既甜包，好香既牛油味，焗完有脆口但口感仍然鬆軟。夾住既龍蝦肉大大舊，砌開仲有幾舊多到掉出黎。龍蝦肉質好嫩滑，調味岩岩好。因為覺得太好味，完全勿略左跟既檸檬牛油醬。下次再試吧!個薯條有驚喜，有兩種，普通既薯條同甜番薯條。甜番薯條真

依間店係佢開佐無耐已經想食，但差不多次次經過都見到好多人等位😕 今次就襯住有優惠同book佐位黎試😆 上去時匆匆望到門口個牌見到話'龍蝦三文治售罄'，即刻好失望😕 因為最想食果個無貨😞.入到去間店唔係話好大，但環境都感覺舒適，限時食一個半小時。最想食果個無佐😕除佐龍蝦類，仲有啲日式既料理簡，但食物種類唔算太多，反而小食類偏多，我地簡menu都起碼用佐半個鐘😂 .龍蝦芝士mac n cheese $208佢有得簡要通粉／飯，我地簡佐要通粉。份量無想像中咁大，用鐵板上見到滿滿既芝士已經覺得好邪惡🤤 一食落口真係好creamy😍，同埋佢真係拆佐d龍眼肉落啲通粉度，唔洗自己拆得咁辛苦。唯一要拆就係個蟹鉗，反而就咁食有d so🤔 .意式龍蝦海鮮薄餅 $188反而覺得pizza無乜特別，醬料蓋過咗龍蝦咩，仲有少少燶底同鹹佐啲😕，不過咬落好脆口，而個龍蝦頭無乜肉食🤔，依個有d失望.UNICORN DREAM / COOKIE AND MINT $58好有少女心😍 完全係為佐相機食先呃like所以嗌🙈。兩杯都係沙冰黎，一飲第一啖真係凍到傻佐😂 綠色果杯係薄菏朱古力味，另一杯就係類似糖果味。原本仲怕好伏

四月適逢兩位好朋友生日🎂其中一位姊妹係openrice 搵到呢間新開無耐既餐廳，見好似坐位幾舒適所以就決定揀佢依間餐廳位置個人覺得有啲難搵...不過入到餐廳店內其實坐位都好舒適唔會太迫我地今晚一行六人，最後被安排到一樓閣位，有張長枱，六個人坐都有鬆動我地今晚order龍蝦宴Kama龍蝦匯 / $458龍蝦包係主打，趁熱食會幾好食，龍蝦鉗好有肉，記住可以問店員拎個蟹鉗，咁就容易開喇類似一個熱鍋飯，上枱嘅時候湯汁仲好滾，有半隻龍蝦，龍蝦汁融入係飯中，好好味。芝士肉醬薯條 / $75個芝士肉醬味道幾唔錯吉列牛扒配忌廉咖喱撈烏冬 / $148呢個菜式值得推介，咖喱撈烏冬配上忌廉汁配搭好新穎，兩者味道非常夾，烏冬好用咬口，絕對唔係港式烏冬。吉列牛扒都好入味龍蝦芝士Mac N Cheese / $208呢個係另一個強烈推介，我地幾個六仔覺得最好食，芝士配上長通粉，條條長通粉都入哂味Unicorn dream / $58呢杯飲品好夢幻，淨係打卡已經贏晒六個人食到飽飽平均每人都唔洗$250呢個價錢食到龍蝦，抵到爛

一直都有留意佢地餐廳，見到人地既爆芝士都覺得勁吸引，今日中午同媽媽黎食流心芝士龍蝦三文治配薯條及沙律 $108澎湃嘅熔岩芝士！雙色芝士勁拉絲份量多到一個點！芝士控未食都已經流矖口水食落咸香既芝士味特濃！就算凍左都吾會變硬流心口感配上爽甜既龍蝦肉🤩真係無得輸！重點龍蝦肉份量一啲都吾少，仲係大舊厚肉飽滿外面係用牛油烘到脆卜卜既多士！多士係雜谷方包，咬落增加口感，仲有炸到金黃香脆既薯條。成個組合超滿足！呢個價錢食到份量咁足既芝士同龍蝦！值了～龍蝦芝士Mac N Cheese $208意大利飯混合龍蝦汁同芝士外面再鋪上厚厚既芝士去焗芝味香濃既意大利飯就誕生除左配意大利飯之外，仲有配長通粉既選擇揀意大利飯當然可以索盡佢所有龍蝦芝士汁既精華唔好以為剩係得一隻龍蝦鉗～表層芝士底下其實鋪滿左肉質鮮美又飽肉既龍蝦肉意大利飯既口感偏淋身，欠缺煙韌嘅口感外面芝味十足！而入面就龍蝦汁味偏重，一齊食就可以match返個味道芝士控感覺好正喔！BBQ醬手撕煙燻豬肉漢堡配薯條 $88手撕煙燻豬仔肉份量唔少！可惜肉質燒得偏乾同吾夠嫩滑燒烤醬惹味十足，但份量有點太多，可能會有點偏咸⋯⋯另外加左$10要炒蘑菇麵包密度高，上

朋友吹雞食飯，三個女仔食乜好? 有人提議食海鮮，咁我就提議食蟹火鍋，之前食過，一直念念不忘。一早睇左OPENRICE，知道做緊優惠，$998就有Holy Crab one 西式蟹宴($538/2位用）同Holy Crab two 日式蟹宴($588/2位用），兩個餐一齊叫就平百幾蚊，都幾抵食。入坐後店員更推介特別優惠 - $910就可以揀兩個海鮮SET，包括Signature Lobster Set/Holy Crab One/Holy Crab Two，如果叫兩個蟹宴，就會平左二百幾，真係好鬼抵，但係我地三個女生食到嗎?!最後都係決定散叫算，兩個蟹宴實食唔晒，海鮮打包又唔好食。大家幾經商量，最終決定叫一個通粉、一個日式蟹宴加一客芝士蟹肉釀蟹蓋，飲品就各自揀。飲品我叫左Pineapple & Mint tea$48，大大杯。入口好大陣新鮮菠蘿嘅香甜味，又有薄荷嘅清新香氣。入面落左大量粒粒菠蘿肉同新鮮薄荷葉，超好飲!龍蝦芝士Mac N Cheese $208，可以揀長通粉或意大利飯，我地揀左長通粉。嚟到比想像中細碟，放喺小淺鍋上面原鍋焗，爆多芝士。面頭有好多芝士碎同粒粒龍蝦肉，蟹鉗位亦有

在旺角搵野食真係好多選擇，但要精心挑選先可以搵到好野食，今日我就做足功課，問埋朋友介紹呢間餐廳俾我。吉列牛排配忌廉咖哩烏冬($128)首先是咖哩烏冬十分濃郁既味道，但是加上雪白既忌廉混和在一起之後卻產生左特別既效果，中和左咖哩既少少辣味令到咖哩濃郁而平和既味道。另外吉列牛排真是十分出色，外面的一層粉好薄，另外最重要的是火喉控制得十分好，牛排雖厚，但是仍然保持到牛肉既嫩滑感覺，牛味也十分濃郁，配合上烏冬真係絕佳既配搭。龍蝦芝士MAC N CHEESE($208)濃濃既芝士真係太邪惡啦，仲有大大粒滿佈係長通粉之間既龍蝦球粒令到口水直流。芝士份量好多，一夾長通粉就有長長既芝士絲拉到出黎，另外龍蝦球除左大大粒之外，還有一個龍蝦鉗係到，真係落重料，龍蝦味同芝士味真係好配合，濃濃既味道令人食不停手，好難停落黎。

由於媽媽喜愛食龍蝦, 出街做節時好多時都會叫龍蝦, 而中式煮法離不開都係傳統既上湯/芝士伊面底, 之前行經呢頭都知開左呢間以龍蝦做主打既新式餐廳, 一於帶媽媽試下新野!去到見到呢個燈箱就知係呢度, 同侍應講幾多位後就可上一樓安排入座入到去以見到裝潢以粉藍色為主調, 配以淺色木枱椅, 有隻龍蝦公仔及意粉作點綴, 播住輕快節奏既歌, 感覺都唔錯!打開醒神餐牌望下有咩食先, 原來呢度係除左以龍蝦做主打外, 都有其他日式及意式食物可選擇, 價錢都唔算貴!今次我地為住龍蝦而黎, 當然係食龍蝦菜式啦, 芝士焗龍蝦配伊面底媽媽就食得多, 呢度都有個西式變奏版, 就係呢個龍蝦芝士Mac N Cheese ($208), 以鐵器盛載熱辣辣上枱重量級長通粉被芝士龍蝦汁重重包圍住, 口感煙韌, 一咬落去d醬汁會係口腔內爆發, 小心燙口; 而龍蝦肉質感彈牙, 配埋個長通粉一齊食好夾喎, 媽媽表示滿意!早前係朋友fb洗版既火紅既龍蝦包, 呢度都有得食, 當然要試下, 除了主角龍蝦包($188)外, 仲有薯及蕃薯條一籃及沙律菜, 無論份量及賣相都相當吸引食前先淋d檸檬芝士汁落個龍蝦包上, 一啖放入口會食到彈牙既

今日要去旺角樓上舖攞D野，於是「被迫」要去旺角呢個自由行專用地區！本來諗住快快趣離開就算，點知經過呢間同旺角感覺有點「格格不入」的小店，就被佢獨特的氣質吸引左上去幫襯！可能只係六點幾、時間尚早既關係，人唔算太多，感覺都非常舒服relax。不過當我七點幾離開既時候，可能因為晚飯peak hour既關係差唔多全場滿座！龍蝦芝士Mac N Cheese ($208)：除左大路既芝士之外，整道菜充滿左龍蝦湯味既汁，龍蝦肉亦比想像中多，啖啖芝士龍蝦湯味同平時食到的Mac N Cheese好唔同，不過可能因為「芝士充滿」既關係，整體感覺好似滯左少少，如果有兩個人以上一齊share會更好！吉列牛排配忌廉咖喱撈烏冬 ($128）： 唔知點解，炸熟既吉列牛排居然做到有少少平時煎既時候medium rare既感覺，能夠做到外面香脆之餘裹面亦有啖啖牛既juicy味道，非常特別。忌廉 X 咖喱撈烏冬感覺非常獨特，忌廉既奶味亦能中和返咖喱既辣味，即使平時唔食得辣既朋友都唔需要擔心！龍蝦玉子燒 ($88)： 雖然賣相同平時玉子燒差唔多，但切開時竟然見到一粒粒大大的龍蝦肉，真係無諗過幾十蚊既貨式居然有咁既質素，性價

上次中午到來，得知早晚餐牌有別，特意晚上再來一次。意式龍蝦海鮮薄餅 ($168+10%)龍蝦頭座落於薄餅之上氣吞山河，霸氣十足。龍蝦蝦身已經拆肉與海鮮同作薄餅餡料，不過龍蝦鉗內仍然充滿結實的龍蝦肉，絕不欺場，整隻龍蝦使盡渾身解數，興薄餅二合為一。 薄餅餅底比較薄身，多吃數件也絕不覺膩。龍蝦芝士Mac N Cheese ($208+10%)這款豪華版Mac N Cheese不但加入了龍蝦蝦肉，更以鐵鑊熱騰騰地呈上。與別不同的是這裡的Mac N Cheese並非用上Macaroni(通心粉)，而是用上Penne(斜管長通粉)，比通心粉能掛上更多芝士醬汁。Melon Cream Soda ($55+10%)梳打分為杯裝及樽裝，樽裝的份量更多，適合興朋友分享。鮮艷的熒光綠色梳打上唧上軟滑的牛奶雪糕，喝到最後雪糕融化與梳打融為一體，味道帶點忌廉溝鮮奶的感覺。早晚餐牌菜式各有特色，龍蝦菜式亦突破傳統框框，值得一試。