六公館

营业中

休息中

友人提議到享負盛名的六公館品嚐佳餚，一於趁著連日驟雨後的晴朗日子到訪，剛踏入餐廳，黃昏時份的美景映入眼簾、目不暇給。餐廳景緻裝潢氣派、不失大體，細節一絲不茍。職員安排坐於室內落地玻璃旁，雙眼已經被外面景色深深吸引，顧不上餐牌上的菜式，唯有讓友人決定餐點。第一道菜是八味金磚豆腐（$118），外皮薄且脆香，上面以櫻花蝦作為點綴；原以為豆腐會淡而無味，但經撒上味粉增色不少、滑不溜口。第二道菜是頭抽金不換生煎走地雞（半隻）$248這道菜是今次席間最愛，皮脆肉嫩、色澤完美，若嫌味道太淡，亦可以蘸上底盤的蘑菇醬汁，別具風味，必點推介。輪到招牌蜜汁黑豚叉燒（$288）友人形容這道菜是每枱必點，果然不負眾望。叉燒屬於半肥瘦，中間夾著肥肉加上外層瘦肉；經煙燻烤過後肉汁爆發，回味無窮。值得一提是擺盤上放上提子乾，本以為風馬牛不相及，誰知提子乾的酸甜幫助解除膩感，有驚喜！青花椒乾燒虎蝦未見其菜，先「聞」其香，上菜時已經被青花椒香味吸引，越南虎蝦巨型大隻，但花椒味略顯搶戲，蓋過蝦味。48小時慢煮牛肋骨（$538）一上菜已被粉嫩的牛肉吸引，48小時慢煮果然入口軟糯，外皮帶點微脆，有醬汁和粉紅粗鹽選擇搭配，但只是

作為港女母親的生日飯，除咗食物質素，環境都是十分重要。母親大人鐘意食中菜，所以今年選擇了六公館。今天雖然間中有驟雨，但還算天清。維港夜景相伴，打咭絕對無問題。一家四口，先order三餸一飯，以免眼闊肚窄。但分量頗少，最後再追加一餸一米。龍井熏太爺雞 - 我喜歡滑嘟嘟的雞肉，而且食出有微微茶香，但雞味略嫌不足。黑蒜焗羊架 - 羊架上鋪滿滿的黑蒜泥。黑蒜泥沒有想像中濃味，亦沒有搶過羊架的原味。而且羊架肉質夠淋，同枱都讚好吃。48小時慢煮牛肋骨 - 靚牛肉只要簡簡單單的調味已經足夠。油脂分布平均，而且用慢煮，肉質夠嫩滑。松茸羊肚菌海膽燴飯 - 是中式的意大利飯嗎？想不到用中式菌類燴飯會咁出色，飯是不淋不硬剛剛好。加上海膽毫無違和感，質素好，無海腥味，好食。蜜汁黑豚叉燒 - 肉質軟腍，肥瘦適中，叉燒有少少燶邊而且麥芽糖面做得好好，不失為好叉燒啊。桂花蟹肉炒新竹米粉 - 蟹肉分量不算少，但最重要炒得夠乾身。甜品拼盤 - 除左個燉蛋比較正常，其他應該是拌碟？特別兩粒黑色東西似冧咗嘅金沙。$308當買一個驚喜給媽媽。👍🏻👍🏻👍🏻值得一提，找服務員幫手拍照，他們會一手拿著「打光燈」，一手「拍照」。人又

今晚訂左這間餐廳同閏蜜補食生日飯，並要求座窗口位置。我們訂了18:00-20:00用餐時間，貪佢日頭可以看海，晚上可以欣賞夜景，－舉2得這裡裝修及佈置很高尚好靚，再加上出面的無敵大海景，簡直無得輸如果想享受自然風還可坐室外呢！好慶幸安排了４人枱的窗口位置比我倆空間感及光線十足，座位咕令人坐得好舒適成個用餐環境令人好輕鬆舒服－坐底侍應便問飲水定有汽水，我口快快答左飲有汽水，後尾才發覺原來有茶飲的，早知飲茶啦，支有汽水都要成＄98（2人份量），應該茶會更好飲，唯有下次吧！另外每張枱有2碟好好食前菜，－碟係脆卜卜魚仔腰果，一碟似上海菜四喜烤麩，前菜應該係送的，因為張單據無列名有收費。不過有加一服務費！我地點了:川味蟶子皇＄228 - 有2條蟶子皇份量，加上（我估係）䈑筍絲，再配上少少惹味辣椒油，口感爽脆清新，而且蟶子新鮮無沙，好好食哦48小時慢煮牛肋骨＄638 - 賣相吸引份量有成條牛肋骨，比想像中多！牛肉色澤粉嫩，肥瘦均勻肉質嫰滑面頭有少少黑胡椒可中和肥膩感。另有秘制醬汁及岩鹽配食，個人認為甜甜的醬汁配牛肋骨別有－番風味食到欲罷不能！但配岩鹽就略咸！蜜汁黑豚叉燒＄328 - 聽聞是出名的

友人D👧🏾終於去完兩個幾月(?😂)嘅grad trip番嚟啦！我地見面第一餐就去咗食六公館，平時我都好少去食呢種有靚景有裝修有格調嘅中菜館呢😛.全餐最impressive嘅係鴛鴦蝦球同茉莉花茶奶凍！.🦐鴛鴦蝦球一客有芒果醬同黃金咸蛋黃炸蝦球各三件。蝦好大隻，蝦肉非常爽彈，正！唔係見到menu寫芒果醬，我會一直以為係蜜糖芥末醬嚟😂因為食落都淨係食到芥末味🙈但都係好食嘅。黃金咸蛋黃就更加冇得輸，好味！.🥛茉莉花茶味意式奶凍都值得一試。奶凍好幼滑，奶味香濃。香濃奶味之中，食落夾雜淡淡茉莉花茶味，令到整體奶凍食落多份清新嘅味道，幾特別。因為本身奶凍嘅奶味真係好濃，所以雖然杯奶凍係茶杯咁嘅size、望落唔太大杯，但2個人share作飯後甜品食就啱啱好呢。.🐮48小時慢煮牛肋骨食落肉質真係非常非常非常嫩滑！細心望就發現牛肉上面脂肪比例好高、分佈好密，真係好肥😂所以一份牛肋骨雖然只係起到十塊肉左右上嚟，但我地2個人食都食唔完，因為食一兩塊就已經覺得幾溜🙈建議有4個人或以上先叫🙈除左點附上嘅醬汁食，我覺得沾啲鹽食仲正😚.🐷叉燒都係呢到招牌菜式之一。叉燒肉質鬆軟，我地忍唔住一定要叫番一人一碗白飯🍚蜜汁叉

一嚟到呢間維港海旁嘅餐廳，映入眼簾嘅絕對係室外嘅靚景天色漸暗，望住呢個景色食飯，真係好舒適閒暇餐廳室內嘅設計主要用淡紫色，好清雅座位有圓檯有方檯，設計方便一家人或者同公司同事嚟食，整體感覺好整潔舒服店員幫我哋沖好一壺水滾茶靚嘅鐵觀音第一道上嘅菜係鴛鴦蝦球，分别係芒果沙律醬沾蝦球同埋黃金鹹蛋黃蝦球芒果味道好清新，加上芝麻，沾滿大大隻蝦球，size比起一般中菜館食嘅還要大隻蝦肉新鮮，爽口彈牙另外仲有一直好heat嘅黃金蝦球，鹹蛋黃醬均勻地沾滿蝦肉，薄薄嘅一層彷彿係披上咗龍袍外層香脆可口，入面嘅蝦肉嫩滑，呢個配搭真係百吃不膩牛肋骨嘅肉好靚，雪花同肉夾雜，十分有口感望落去啲肉帶微紅，係慢煮過嘅樣子食落牛味甚濃，肉汁豐富係口入面蕩漾，牛肉咬落鬆化唔韌，確係慢煮過嘅功力就咁食調味已經好夠，有少少洋蔥粒，青紅椒粒同芝麻，碟上仲有滿有芝麻香，甜甜哋嘅燒汁，同埋粗海鹽供調味上湯浸住嘅新鮮椰菜苗，清甜下飯，吃再多嘅肉都唔怕雞湯入面仲有養生嘅杞子同鮮茨實，萬綠叢中一點紅白，色澤好悅目，開胃美味壓軸登場嘅係蒸煮班塊，大大塊嘅班球極度新鮮，肉質彈牙，魚肉雪白厚身，係新鮮剖好嘅東星班先有嘅味道店員幫我哋切開好一塊

※本文以用餐當日的環境、服務和食物質素為準，口味亦因人而異，文章只作參考之用。-去過一次Hexa食晚餐後便發現愛上它了！Hexa光看餐廳名稱可能會誤以為係一間西餐廳，但其實佢主打食中菜，部分菜式更融合了一些特別的新元素配搭，中午更有點心供應。另外最吸引小妹的必定係露天位置的海港景色，白天看海看藍天白雲、黃昏看日落，餐廳更設有酒吧，可以一面小喝一杯，一面欣賞美景，環境佔優，這地方真的很好，侍應的服務態度也值得一讚。瑰荔堂煌 $30/位入口很清幽的玫塊荔枝茶，剛好可以解解飽滯感。天子蘭花膠海螺竹絲雞 $238原盅上枱的雞湯，入面有瑤柱、竹絲雞、花膠和海螺等，用料很足！雞湯燉得很透徹，完全不覺油膩，飲落很鮮味，花膠又大片，久違了家人的老火湯，這盅雞湯讓我很回味。蜜汁黑豚叉燒 $288來食中菜忍唔住叫左佢地既蜜汁黑豚叉燒試下，每一件叉燒掃上蜜汁後的樣子令人胃口大開。邊邊位還帶點點焦香，肉質亦非常鬆化，半肥瘦肉質咀嚼中的味道好邪惡，沒半點乾柴的情況出現，就算凍左都好食。八味金磚豆腐 $118之前有係其他餐廳食過呢種豆腐，好鍾意其外皮炸至薄薄一層再灑上味粉，咬落皮脆，裡頭的豆腐滑不溜口，惹味非常，

維港夜景璀璨美麗，作為土生土長的香港人，確實為此覺得嬌傲知道我很喜歡這片海景，男友就帶我來到六公館來慶祝我們的紀念日在美景相伴下享用美食，確實是賞心樂事。餐廳有室外及室內位置，坐在室外可無阻隔地欣賞維港，設有吧枱，把酒談天最好不過。因為有落地大玻璃，室內位置亦同樣享有美景，而且裝潢及氣氛都相當好，也設有吧枱，時尚之餘又帶有復古味不只裝潢，餐桌用具和店員服務態度也值得讚賞。這𥚃主打新派中菜，以熟悉的食材做出不一樣的菜式水牛奶龍蝦球($288)：龍蝦肉已被拆起，方便入口又不用擔心儀態問題龍蝦肉爽滑，上方有雪白綿滑的牛奶蛋白像被子蓋著，牛奶蛋白那淡淡的甜味不會搶去龍蝦本身的鮮味，兩者混著吃很美味慢煮牛肋骨($498)：牛肋骨肥瘦比例平均，經了48小時慢煮，肉質鬆化juicy牛肉味濃，附有醬汁和鹽，我比較喜歡沾醬汁吃，而男友則更愛沾鹽吃松茸羊肚菌海膽燴飯($238)：飯粒軟硬適中，夾有菇菌香，帶有絲絲薑味，拌入海膽就加添了鮮甜味，味道層次豐富鮮茨實濃雞湯浸菜苖($168)：說是濃雞湯，味道真的香濃上面的杞子粒粒飽滿，味道甜甜的～第一次吃鮮茨實，口感煙韌，很有趣川貝陳皮燉雪梨($108)：雪梨清

最近海港城港運大廈全新地段OTE區，開設了多家高級餐廳，其中新派粵菜“六公館”的賣點是能夠近距離看到270度維多利亞港的沿岸美景的中餐廳，所以特地同朋友來試試。六公館的設計以墨綠雲石貫穿餐廳各個區域，帶有新60年代的感覺，店內設有酒吧區，還有Chef Table，最底消費$12,000。行政總廚是曾任文華酒店的洪貴賓師傅，他擅長以創新穎的手法烹調中國傳統的菜式，以表現香港中西文化混合的特色。先來品嚐我最愛的點心，“黑餃”是以自家製黑蒜及黑炭做的餃皮，裡面是傳統的蝦餃餡料，黑餃上撒上金箔，味道就同蝦餃差不多。“和牛黑椒酥”則以傳統做蘿蔔酥的方法配上和牛來製作，食材加上心思，誠意滿分。“果木煙熏鮮鮑魚”用大連的八頭鮮鮑以蘋果木煙熏，配上香脆炸蟲草花，鮑魚爽口帶木香味，是很不錯的冷盤。 廣東人喜歡喝湯，這一道“天子蘭花膠海螺竹絲雞”燉湯是每盅獨立以清湯燉足四小時，沒有鹽和味精，只有瑤柱、花膠、海螺和竹絲雞的甘香甜味，廚師特別用天子蘭以取代百合花，入口鮮甜味美，湯人最啱。招牌菜是“48小時慢煮牛肋骨”，從紐西蘭進口的原條牛肋骨以西式方法慢煮48小時，最後配上原味的牛骨湯醬汁，肉質細嫩肉香，令人