佳記甜品 (已搬遷) 新店位置

去咗佳記甜品食咗幾次，都係最難忘佢嘅蒜香辣雞翼尖。所以今次就點咗佢嘅$81蚊，B仔涼粉去試。佢個涼粉真係好大，如果3-4人share比較好。個涼粉上面真係好多生果，有奇異果🥝丶西瓜🍉丶大樹菠蘿丶啫喱（蒟蒻）丶哈密瓜丶蜜瓜等。啲水果都鮮甜而且多汁，而涼粉都夠凍。配上淡花奶食真係一次。.另外，點咗2碟蒜香辣雞翼尖同腸仔丶肉丸丶腸粉。每碟約10-20蚊。.腸粉丶肉丸同腸仔就普普通通啦！其實無咩特別，只係純粹想食。🤣而佢嘅蒜香辣雞翼尖就做得比較出色。🌞唔是單純得個辣字，而且好重蒜嘅香，而雞翼尖都唔係無肉，而有少許肉，而且食落去辣得嚟仲好開胃。但唔食辣嘅人就唔好點，而且越食會越辣🔥。

終於食到B仔涼粉! 人人都話黎元朗一定要食B仔，雖然近年都聽到d人話覺得呢間野嘅野食言過其實，不過都係想試下! 元朗呢間B仔比我想像中大好多，入面有好多位，雖然星期六嘅下午都有好多人，不過好彩唔使等位。 黎得緊係要叫碗B仔涼粉試下啦。開頭見到81蚊都嚇一嚇，但睇番佢個size又真係好大碗下，最好係同班friend黎share，一個人食真係會太多。呢碗B仔涼粉堆滿左啫喱、蒟蒻同埋各式各樣嘅水果，包括桃、西瓜、哈蜜瓜、蜜瓜、菠蘿、龍眼、荔枝、香蕉、木瓜、奇異果，而涼粉就沉左底，要食左面嘅生果先會食到涼粉，仲有一碗椰汁可以按自己喜好加入。其實成個感覺就好似食緊雜果宴，感覺係幾健康，但涼粉就好似變左配角咁。 另外仲叫左腸粉，正常味道，無話特別好食/唔好食。

今日成班兄弟姊妹一齊入黎元朗搵我食宵夜真係好熱鬧，元朗最地道當然係B仔涼粉啦成班都係港島人好多個都冇食過B仔。最讚KEEP住價錢不變，但態度照舊麻麻黎到咁多人必叫大大個B仔涼粉，而啊姐推介堆B仔啫喱，只係涼粉換左啫喱，其實成個都係雜果，生果好新鮮，涼粉同啫喱都夠彈再配上煉奶，不過其實吾加都夠晒甜了。另外尼到最主打亦係我最愛就係《蒜辣雞翼尖》黎到必食之選食得辣先好叫，辣得夠過癮仲要超入味另外仲有其他腸粉、燒賣、魚蛋既小食，不過就平平無奇

未入過元朗食佳記B仔涼粉的人不能說去過元朗，以前細個踩單車經過元朗係一定會去食，一大碗B仔涼粉足夠四個人食有餘，當年好像還是要五十多元，現在一碗都$81，雖然內裡生果是平價貨，但每款生果都從來不酸，多年來質量一直維持，認真底讚。材料離不開西瓜、涼粉、哈蜜瓜、椰果、大樹菠蘿、桃、荔枝、荔枝、海底椰、蜜瓜、香蕉、蘆薈等.....每一款生果都好新鮮、份量不會時多時少。但環境很差、很迫、幾乎面貼面，員工態度一般，如果可以開一間環境好一點，價錢貴點都不介意去。

難得入元朗，就算凍到震都要去會一會b仔！呢間分店座位之間無咁逼，又大d，好過另一間。📌b仔涼粉 ᴴᴷ$78真係好巨型‼️ 呢個份量兩個人食根本就食唔晒，如果有半份叫就好啦 ！佳記應該好好考慮一下，咁樣兩個人可以食呢個正甜品之餘又唔會晒嘢！生果種類好多，都好新鮮：有西瓜🍉、蜜瓜、哈密瓜🍈、菠蘿🍍、桃、椰果、蘆薈、龍眼、大樹菠蘿、奇異果🥝等等，簡直係睇到眼花撩亂；涼粉口感亦都好夠爽口。呢個甜品性價比好高👍🏻係市區食一定貴好多！

今天帶豆丁到濕地公園，然後乘坐輕鐵到元朗大馬路，即是大棠站。可是嚐過晚餐，意猶未盡，還想食甜品，心中只想到元朗有名的涼粉。晚市剛開始，竟然要等位，等了几個字，終得入座。下單後，先去洗手間，再慢慢等各款美食來到。　蒜蓉香辣雞翼尖先來到。　看到很多客人都點這款小食，所以來一份。職員還呈上小碟，方便吐骨，其實也方便職員清理枱面。雞翼真的很腍身，關節位都已煮到軟棉棉，無需太多牙力就可以嚐到翼尖。初時只感到蒜香，不覺得辣。可是越食越辣，不過真係好爽。　嚐過辣的，就要食甜品來解辣。芒果西米露　　　B仔涼粉　　是這店有名的甜品。份量十分大，78元，絶不欺場。先點算水果種類。　新鮮系列：蜜瓜，哈蜜瓜，西瓜，木瓜，奇異果，香蕉　　罐頭系列：水蜜桃，椰果，菠蘿，大樹菠蘿，荔枝，蘆薈　　　　十多款水果都全堆在盤內，還有底下的涼粉呢！新鮮的水果，當然健康又好味。罐頭水果雖然很甜，但也有其好處。底部黑色的涼粉没有加糖漿，所以要靠罐頭水果的甜味幫補。二者中和，就真的恰到好處。這B仔涼粉份量很大，一家三口吃不完。又不想浪費，唯有另加三元外帶回家。　　　　前提：要把新鮮的水果吃光，只留罐頭系列。　　不過，最大問題，餐

B仔涼粉 $78呢個好大份😳完全唔知咁多4個人都食唔哂呀有西瓜 香蕉 蜜瓜 哈蜜瓜 大樹菠蘿 水蜜桃 奇異果 龍眼 荔枝 蘆薈🙈勁多款 生果都好甜 但奇異有啲酸😿下面係涼粉 加埋煉奶 凍冰冰食都幾正❤️呢個5-6人食好似比較好🤔 好大份好抵食 B仔無論幾時都係咁多人😂評分:8/10🌟

曾經有一段時間，常常與朋友來 B仔食 它的甜品，我們都喜歡這間新店多過第二邊在坑渠旁的舊店。因為舊店的員工次次也是極之沒禮貌，很想趕客的擺架子。這間店的員工雖然不是特別好服務，但是都能十分體諒他們十分忙，還要至少他們不會擺架子。每次來，都會叫它的馳名甜品，B仔涼粉。今次我們點了涼粉，不過想順帶推薦一下，B仔配西米露是非常好吃的喔。還是先回歸這次點的B仔涼粉吧，有機會下次再介紹B仔西米露。它的水果量勁多，有十多款水果，並且堆積得一座山一樣高，來到時感覺超爽的!而水果的味道就按乎本身的季節吧，不過當中有些水果是罐頭來的，例如荔枝菠蘿，紅毛丹。涼粉吃落很易入口，不會是那些較鞋的那種。

元朗，對於我這個市區人來說，極少踏足。今天因為朋友帶隊去龍鼓灘行山，所以順便來試一下元朗出名的甜品店。晚上10點，想不到仍然人頭湧湧，外賣的和堂食的都需排隊。這里燈火輝煌，熱鬧非常。趁排隊的時候，站在門外無聊，便拿餐牌先研究一下等陣吃什麼好。不看不知道，一看嚇一跳，足足兩版紙的甜品，估計超過2百種吧，這種陣容真是非一般甜品店能及。打正旗號B仔涼粉，我想應該必食吧。第一次光顧的我也不容考慮太多，決定了B仔涼粉。朋友在為我們分開三碗，份量的確充足，有西瓜、蜜瓜、哈蜜瓜、大樹菠蘿、木瓜、奇異果、海底椰、香蕉、蒟蒻，當然少不了涼粉。分了三碗之後，仍有一半有多，五顏六色，色彩繽紛。令人垂涎。這些生果並非虛有其表，吃起來口感特別新鮮，而且件件經過細心裁切，價格也算親民。難怪那麼聞名。

滿溢的鮮甜水果鋪滿粒粒爽滑涼粉🍉🍈🍌🍍 大得足夠5人分享! 西瓜、木瓜、蜜瓜、哈蜜瓜、香蕉、椰果、蘆薈、大樹菠蘿、龍眼、奇異果、罐頭黃桃，水果應有盡有，任君選擇 辣得過癮，喜歡吃辣的人應該覺得不夠辣，對我來說則已經足夠，吃到舌頭火熱但未到麻的地步，還可以吃得出其他味道。蒜味夠香，用上許多許多蒜蓉。雞翼尖炆得超級林，但又不會爛，外型非常完整。$16爽豬皮、$16林甜蘿蔔、$8八粒咖哩魚蛋，簡單的港式街頭小吃，勝在有親民價錢。$8四條腸粉也是，做到不削已很好，甜辣醬芝麻足夠，但麻醬欠奉，對於喜歡麻醬的我來說難免失色。很多特別是元朗人會認為雞翼尖比涼粉有名，於sweet tooth的我來說，超多水果的涼粉仍然是一再encore B仔的原因。

今日米仔話地鐵有優惠半價，就要有甘遠去甘遠，所以我就去到平時好少踏足的元朗喇！剛剛食完老牌冰室，就要去食返過 B仔，如果唔係點叫去過元朗喎~~~第二站B 仔涼粉今次恕我大鄉里出城，真係第一次食 B仔，見住個B仔涼粉，真係。真係好大份！但又覺得好抵食~~~ 生果多到呢~~包括有蜜瓜。西瓜。哈蜜瓜。菠蘿。奇異果。木瓜。大樹菠蘿。荔枝。香蕉。水蜜桃。海底椰。蘆薈。椰果。。。個底就係涼粉，不過生果就係多到呢。。我地三人行都食唔哂呀~~~ *不過唔係全部生果都係新鮮，有些生果係罐果生果，如果全部都係新鮮就會更吸引唷！

嚟到元朗，大家心思思要去食佳記甜品。食店座無虛席，我哋等左差唔多十分鐘先有位。餐牌上嘅甜品款式相當多，但我們還是選擇了招牌的B仔涼粉。整盆涼粉的份量相當足，材料盛得滿滿的，足足有四個人嘅份量，相當抵食。涼粉賣相吸引，色彩繽紛，除了普通水果如西瓜、哈密瓜、奇異果和龍眼外，最特別是加入大樹菠蘿，這種水果很少吃到，雖然我不是太喜歡吃這水果，但配以涼果及椰果，加上涼粉又沒有如想像中苦澀，口味還是十分棒的!吃完涼粉還不夠喉，當然還要嚐嚐那些小食。 小食當中最馳名的就是蒜茸香辣雞翼尖，在店外排隊時已聞到陣陣的蒜蓉香味，驟眼所看，好像差不多每一枱都會點那小食。 雞翼尖炆得恰到好處，相當入味，蒜香味和辣椒味互相配合，真是好吃到停不了口。除此之外，我們還點了腸粉和炸魚蛋。魚蛋就一般般啦，腸粉很滑，口感還不錯。佳記不愧為元朗必吃之選，食物美味抵食之餘價錢又平民化。每次來到元朗，必定要光顧一番!

之前兩次入嚟三聖食海鮮，跟手都會揸車過元朗佳記食涼粉，今次大家晌容龍食海鮮食到咁高「慶」，就更要食番啲冰凍嘅涼粉降吓溫，更可以延續依份傳統。癈話就唔多講喇，都已經3年第3次寫佳記，所以，兩張環境相交待晒當晚現場環境，有口皆碑，就自然多人捧場 。再嚟就餐牌底面兩張相交待晒最新嘅價錢，睇番B仔涼粉嘅定價，由前年嘅$70，到舊年嘅$72，至今時今日嘅$75，加幅依然好溫和 ，但對比啲相，份量仍然咁巨無霸。 B仔涼粉 $75 正如以前都講過，嚟B仔涼粉與其叫嚟食飯後甜品，倒不如叫食飯後果啦。兩大兜生果山，睇見都開心，我哋11個麻甩佬，每人至少分到兩碗。以前就貪得意會數吓有咩生果，總共有幾多款，但依家就懶理，為咗唔好跌到成枱都喺，由小弟先負責分生果，再添涼粉，灌滿花奶，入口冰涼清爽，甜甜滑滑。忽發奇想，B仔涼粉都算喺食咗好多年，見佢都似喺無咩點變，生果款式亦以罐頭貨居多，唔知有無可能，將來有朝一日限定推出升級版，全部以新鮮生果入饌呢 ！

每個月，總會有機會到訪小店甚多的元朗。生活充斥著連鎖店，真的有點膩。在這金錢主導的世界，小店要維生絕對不容易。每每見到老闆默默耕耘，為自己的心血下苦功，不期然會有點感動。當小店變得出名，繼而開分店時，當然感到鼓舞，但亦會擔憂小店會變質。要取得平衡實在不易。晚飯後，甜胃開始作怪。對，又要滿足嗜甜的女人胃。說B仔涼粉是元朗的代表絕不誇張。店舖雖大，但長期也有人潮在外等候，當然有部分是等外賣的食客。B仔涼粉以大堆頭見稱，上台時的氣勢真的不得之了。份量之大絕對可餵飽5個人的甜品胃！我為人專一，近乎每次到訪甜品店也點紅豆沙，今次也不例外。之前試過對面那間的，十分足料好吃。今晚也要試試佳佳的出品！而我的家人本來也各自點不同款式的涼粉，但總額比B仔涼粉更高，精明的當然會單點B仔分享吧！ 大大的碗盛著高高的鮮雜果涼粉，十分讚嘆廚房的手藝，為何可把這麼多形狀大小不一的鮮果穩固地建築在涼粉上！鮮果有紅毛丹、荔枝、龍眼、哈密瓜、桃、木瓜、椰果、蘆薈、大樹菠蘿、香蕉、西瓜、密瓜。每款的份量也很多！不過有部分生果應該是罐頭貨，始終不是每款也長時間當造，也能理解。 底下的涼粉是較硬身的，但也不錯。花奶是

聽B仔涼粉就聽得多,但就一直都覺得元朗太遠未嚟過,難得今日去大棠賞葉咁近元朗當然來試試啦行遠一輪山實在太肚餓,睇下有咩食先朋友超餓望兩眼就決定好,兩碟腸粉加兩份魚蛋,腸粉夠滑,魚蛋就一般,唔爽又無味我就叫左雞翼尖同B仔涼粉,眼見十檯有十檯都叫雞翼尖,我又試下先,平時我同朋友都唔食雞翼尖,但聽過其他朋友堆介加上現場所見,我都試試先,食落又真係幾好味,有蒜香,辣味又夠,完全入味,唔怪得檯檯都叫我嘅B仔涼粉出場啦,嘩洗唔洗咁大盤呀,超多生果,心諗兩個人點食得哂,食完肯定超飽,睇下有咩生果先,木瓜.西瓜.蜜瓜.哈蜜瓜.菠蘿.大樹菠蘿.荔枝,蕉.奇異果.桃......再加椰果,超勁。每樣生果都好新鮮多汁,個涼粉唔會苦,甘味好努力食食食都係食剩D,分量實在太足。食物很滿意,但食嘢中途,有個職員用清潔劑拖地,味道難聞,影響胃口,我知你要保持清潔,但味道真係唔得。