Mad for Garlic (已結業)

當一聽到流感高峰期，大家會做咩預防措施？戴口罩、勤洗手、飲水、早睡早起、食維他命C、多吃水果....我就除了早睡早起外，樣樣都做齊，仲有一樣，就是老爸的獨門秘方，食蒜！老爸話蒜頭可殺菌，提升免疫力，我信！見老媽感冒久久未清，今晚一於帶她去殺菌。餐廳開方式設計，感覺開揚，燈光柔和，幾有情調。兩邊設有一排長沙發座配二至四人枱，中間就有兩排寬闊的卡座，感覺好舒適，而另一邊還有幾張四人枱，座位不少。翻開餐牌，清晰精美，分別有Starter、Salad、SSAM、Pizza 、Pasta、Steak、Rice、Dessert 和 Drinks，仲有一份Seasonal menu，仔細看看每道菜式的細目，由Starter 至Dessert 都用蒜炮製，真全蒜宴，好有創意！***************************估不到還未點菜就先來welcome food，真窩心！是充滿蒜香的蒜蓉包。包面塗滿牛油蒜粒，蒜香牛油香兼備，簡單而美味！***************************先上凱撒沙律伴焗烤南瓜及脆芝士 MFG Caesar Salad ($128)，以全棵羅馬生菜製成，上面

九龍塘呢間Mad For Garlic係新開嘅，我記得之前呢度係Pacific Coffee，mad For Garlic嘅嘢食都係意粉同薄餅類型比較多，另外都有一啲韓國飯嘅菜式。自己平時冇特別鍾意食蒜頭，但聽過人哋講話煮腍左啲蒜頭好好食，於是就去挑戰下。我地叫左兩個主菜，兩個甜品，分別係香辣三重蒜味海鮮意粉，蝦、菠蘿、炸蒜片 MFG招牌意大利薄餅，D.I.Y. 提拉米蘇配意大利手指餅及咖啡甜酒，自家蒜頭雜莓奶凍。🍹飲品有floating ice ball and tropical fruit tea。每杯野飲入面都有啲冰凍嘅生果粒，差唔多有10粒咁滯🍝香辣三重蒜味海鮮意粉好正好惹味。我自己唔抗拒食辣，譚仔可以食到二小辣，呢個意粉嘅辣度覺得啱啱好。佢有魷魚、蝦同青口，啲魷魚煮得剛好唔韌，青口亦充滿鮮味，蝦就普通。成碟菜除咗充滿辣味之外亦都充滿蒜味同蒜片，啲蒜片炸左之後好香口。如果碟意粉可以再大分啲就好啦😛🍕蝦、菠蘿、炸蒜片 MFG招牌意大利薄餅都係一樣咁正，個薄餅本身係淋身既，有個職員埋黎幫我地加啲芝士落去🧀 入面嘅炸蒜片有小小腍咗，但成個薄餅都咁好味🍮兩個甜品來講我鍾意提拉米蘇多過雜