The Right Place (寶勒巷)

营业中

休息中

今晚同朋友來到寶勒巷的The Right Place chill返晚。Outdoor area 可以看到街外。今晚選擇走進室內，室內播放都音樂，氣氛輕鬆，仲可以看到調酒師表演。澳洲和牛肉醬·卡拉布里亞辣香腸·水牛芝士手工貝殼粉伴溫泉蛋 $178最愛這裡的意粉，貝殼粉煙韌有嚼勁，拌著香甜的溫泉蛋黃和牛肉醬一齊食，十分滋味。日式照燒茄子美國安格斯牛肉芝士漢堡伴薯條 $128饀料極之豐富的漢堡，令人忍不住要大口大口的吃下去。五成熟的安格斯牛肉，肉汁豐富，牛味濃郁。夾著照燒茄子和木魚碎，和風味道跑出來了。燒西班牙黑毛豬五花腩伴芥茉籽蜜糖青蘋果 $88五花腩烤得十分香脆，夾著微酸的青蘋果一齊食，解膩之餘，令肉味更香甜。法式熱情果焦糖燉蛋 $58香甜的焦糖燉蛋，配埋熱情果的微酸和香氣，不會是死甜，蛋香在口中慢慢散發，是甜而不膩的美味。飲品方面，不論酒類，還是非酒精類選擇多。當中以cocktail 和mocktail的賣相和玩味都吸引人。Dr Kitty $66 荔枝味為主，味道清甜。Longan Grey $74高雅的西式茶具放著凍的龍眼蜜、Earl Grey、yoghurt好特別。

呢間餐廳主打將一啲香港地道食物加入西方元素，做個fusion，食物好好食，價錢亦合理，但佢啲特式飲品真係細杯到離譜，仲要過百蚊一杯...店內既cocktail或無酒精既mocktail，都主打中西合璧，cocktail 中可能會加咗薑、中國茶、花膠等，個概念真係好好，味道亦好唔錯，但係最大問題係，佢哋會用中式茶杯（或者其他好細既杯）去盛載大家去開茶樓都知一個中式茶杯有幾大，一杯咁細既cocktail要過百蚊，飲一杯一定唔夠，呢個價錢真係有啲離譜，不過當然，可以唔order cocktail 既，店內仲有啤酒、汽水等選擇呢個係加咗薑同花膠既mocktail：Non Grand，飲落好滋潤，但啲花膠未煲得夠軟，食落好硬個避風塘軟殼蟹炸得好鬆化，面頭加咗啲金蒜同薯片碎，好香口，$98一客兩隻蟹，幾抵食再要咗個慢煮豬仔胺，可以㨂7成或10成熟，我要咗7成，個豬仔胺肉質好tender，幾好食，唯一問題係佢有一半都係肥豬肉⋯⋯ 還好肥豬肉我都食既，否則就真係有一半唔食得最後要咗好多人推介既豆腐花布甸，試完覺得名過其實，佢會係豆腐花未凝結時加入威士忌酒，再等7分鐘，等豆腐花凝結成型時食用乖乖咁等咗7

上星期經openrice 訂此酒吧餐廳 The Right Place. 選佢既原因係係因為係尖沙咀寶勒巷 交通方便。因為我工作地點比較近此餐廳, 所以準時到達。一坐低餐廳職員放低餐牌及drink list 給我。我同壽星女都選擇非酒精類的Dr Kitty. 此果汁用荔枝肉加上蝴蝶結型糖 外型又係幾似Kitty 既。略甜 。之後上小食併盤，因為有選擇困難，此拼盤有五個小食加少量沙律菜，味道香口。有黑毛豬腩肉拼芒果莎莎（個餐牌上寫的豬腩肉，我分不清到底是豬腩肉還是鴨胸。不過酸酸甜甜 係好味既）。有避風塘雞翼，好香口，成個拼盤中最吸引。黑松露燒粟米，食唔到黑松露味。改返牛油粟米算啦。炸軟殼蟹，大大件，好味。香草焗蠔，個殼好大呀！舊肉細細地，焗完變細係正常的，但都好香。再上鮮蟹肉煙肉海膽汁扭捲粉，個醬汁有大量蟹肉煙肉，十分漏，好在份量細，所以食完併盤再分享捲粉剛剛好。其實味道唔錯，記得唔好一人獨享，食唔到其他野。最後朋友點上甜品，但因為我忘記影相的關係，所以沒有相片。訂枱時通知餐廳在甜品碟上加上生日快樂。餐廳職員送上甜品時，碟上伴有小型煙火。祝她生日快樂。

來到尖沙咀寶勒好多野食的酒吧街搵食，這間餐廳的名字好得意叫”The Right Place”，見到餐牌食物都好吸引，所以就入左去食晚餐。這裡的氣氛好好，有個大電視播住d懷舊至現代MV。餐廳d飲品好特別，是不同的果味Mix埋一齊，所以叫左2杯黎試下。Dr.Kitty 顏色粉紅色，用了菠蘿汁、芒果汁混合而成，上面有d乳酪，飲落去甜甜酸酸，帶有重重而清新的菠蘿味，杯邊的荔枝有kitty的頭飾，很有代表性。Right Place Tour 用的杯很特別，就像擺大壽的老爺會飲用到茶杯，加入了蘋果粒、牛蒡粒，有蘋果汁同桃味黑茶調配，聞落去有很香的果香味，飲落去桃茶味好濃，很不錯。鮮蟹肉煙肉海膽汁扭捲粉拌鮮海膽，上面舖了幾塊鮮海膽，海膽好鮮甜，扭捲粉的質地每一條都好彈牙，蟹肉和煙肉很多拌在扭捲粉裡，所以每一口的口感都很豐富，而且煮很Juicy，總體感覺都很好食。烤德國鹹豬手，烤焗時間需時，所以可謂是壓軸的好美食。鹹豬手好大份，旁邊的薯角都炸得很香口。而豬手的外皮焗到脆卜卜，切開外皮豬手的肉時會冒煙冒煙，焗得很透徹，食到最後一口的豬手仍然覺得是溫熱的，豬手的肉很軟熟，豬手可以點上芥末醬，更加美味。

近來多留意了酒吧餐廳，發現有不少餐廳都別出心裁設計自家cocktail，讓我每次對cocktail的賣相和味道都有小期待這次做了點功課，在openrice上找了一間評價不錯的The Right Place，和男友飲酒、吃晚飯這餐廳以西式為主調，同時加入了港式風格踏進餐廳，左邊是西式吧枱，右邊以唐樓鐵窗做裝飾Menu上有多款西式菜，也有充滿港式風味的「避風塘」系列作為酒吧，這𥚃當然有一份長長的drink menu。Cocktail選擇不少，正當我們在苦惱喝甚麼時，店員主動來向我們講解推介他們的特色cocktail讓我們的選擇更輕鬆～My cup of tea ($148)：這看似中國茶的其實是這𥚃很受歡迎的cocktail壺內的是熱cocktail，可倒在小茶杯中，大茶杯內的是冷cocktail熱的酒味較重，但更有茶香；冷的則較易入口。按店員的建議，一啖熱接著一啖冷cocktail的喝，熱cocktail的嗆辣感頓時被冷cocktail消去，相當過癮Dr Kitty ($70)：十分適合女生的一杯mocktail，甜甜的，杯上扮作kitty頭的荔枝絕對是亮點煙三文魚藜麥香芒沙律($128