Involtini Italian Cuisine

营业中

休息中

當日好好彩即日30分鐘前預約就有位☺️聽聞係十分之難Book🤔尤其是Dinner呢度嘅手工意粉更獲得米芝蓮推介🌟餐廳唔係好大 所以難訂座應該係其中一個原因食物款式亦唔算多 稱得上貴精不貴多😆.餐前包微烘過 好軟熟 比較偏愛配香草牛油💛牛肉刺身薄片 Beef Carpaccio 有Cheese 魚子醬同果仁碎 口感好複雜 同果仁碎配搭唔係好夾 而且唔係太食到牛味 🦐手造意大利幼麵配西班牙紅蝦最出色亦係我最鍾意嘅一道❤️❤️❤️首先不得不讚呢度嘅意大利粉掛汁力真係好強紅蝦肉質好鮮嫩好彈牙 海鮮汁好有蝦鮮味建議將蝦頭嘅膏同意大利粉再撈勻 會更加香呢一道真係絕對值得一試‼️🧈傳統卡邦尼手造意大利幼麵係用蛋漿整嘅汁 好香濃又唔會黏口一啲都唔會膩 而且煙肉唔係乾煙肉粒同出面嘅Carbonara的確係有好大分別

Involtini 呢一間餐廳並唔容易book。今次既booking都係早一個月前於官網幸運book到，而都係較容易book到既午餐時段。當日入到餐廳好快就安排比入座。餐廳環境亦都喺寬敞舒適。餐廳出名嘅菜式包括有紅蝦意粉🍝同埋Carbonara。不過午市套餐唔包括依兩個選擇，只好單點。今次叫咗午市套餐嘅一個扭扭意大利粉配意大利腸(Strozzapreti  Italian  sausage)。先來咗個餐前包，味道正常。加咗$38配左當日嘅餐湯，大蒜薯仔湯，粒粒薯仔蓉亦都幾好咬口。Strozzapreti既意粉軟硬程度剛剛好，適中煙韌嘅感覺，係午市套餐亦都係一個可以考慮嘅選擇。Carbonara 既味道亦都好好，真材實料嘅感覺，並唔似得其他普通意粉店用罐頭醬。店員介紹，蛋黃醬用咗純雞蛋黃去整，醬汁凍咗會變硬，所以要趁熱食。整體來講，今次食手工意粉嘅體驗不錯，值得再返嚟食過。臨走前打算再book位，店員講到平日嘅夜晚唔係太full。但個人喺官網上見到fully booked，建議大家可以試吓打電話去book。

去親西餐都會品嚐卡邦尼既我，知道呢間有米芝蓮既推薦，上年已經book定位，等到跨左年終於食到了！點好菜隔左陣就上麵包，因為係即刻加熱既，麵包仲keep到微溫，細細件而且質感軟熟。本來覺得呢度係手工意粉出名，對湯品等冇咩期待。點知見隔離枱叫，聞到勁香，於是忍唔住試埋佢既海鮮湯。海鮮湯隻色有d似龍蝦湯，飲落冇咁厚重，但都好濃既蝦味，入面仲有d帶子粒、蝦同蟹肉，果然冇叫錯～好好味😋我最期待既畫面～主角出場！呢度既卡邦尼意粉係跟傳統，冇落忌廉個種，只係用牛油、芝士同蛋汁去做個醬汁。手工蛋麵食到有蛋味，配埋蛋汁同煎煙豬肉粒既咸香，好滋味❤️❤️另一款試下呢度既闊意粉，好多好多既牛肉粒，個量多到食到尾幾乎食唔晒～意粉口感黎講比幼蛋麵好，不過個汁始終敵唔過卡邦尼（因為我係卡邦尼控😆）呢度既意粉雖然定價都有d貴，但鍾意食卡邦尼既我好想再encore，如果book位唔駛等咁耐先食到就好了🙈不過味道算係有保證，等待係值得既！

叻叻男朋友早個幾月前book枱🥰，慶祝拍拖紀念日😝❤️，有得大飽口福！😋😋💕餐前麵包好鬆脆👍🏻.蘑菇湯超濃蘑菇味🥺🥺，好creamy，係用烘過嘅蘑菇煮，所以更加香😋，一啖接一啖停唔到口😛.重頭戲carbonara😝！未嚟之前男朋友已經有話過呢間嘅carbonara好食，係必點！一食落口，係超濃蛋汁同芝士味😍，絕對係我食過最濃最好食嘅carbonara🥺，手工意粉口感彈牙，啲煙肉粒食落似乳豬肉嘅味🤣，果然好出色好好食🥰！.牛肉份量好驚人🤣！肉質夠淋，而且意粉充分吸收牛肉汁精華😋😋，個汁夠杰同掛麵，寬麵嘅口感都好彈牙😍.呢間餐廳所有甜品都配有Gelato雪糕👍🏻，我哋揀咗柑柚味，酸酸甜甜好好食🥰，焦糖燉蛋嘅蛋味重，又夠滑，讚😍！.成餐飯每一道菜都好滿足，而且服務又好，絕對值得去一試！