Lex Coffee (已結業)

來到西環，在網上search勁多人來這裡打卡，朋友話想試試呢間D咖啡，入到店內，環境都算寬敞，地方大，唔會枱貼枱，牆上掛了很多裝飾，唔錯！我order了Cappuccino朋友order了Latte另一朋友order了無貼紙包裝手沖因為我們已吃了午餐，只是想找個地方坐，所以只order了咖啡，這裡的咖啡不過不失，沒有什麼可以comments，不過一邊看著裝飾、嘆著咖啡和朋友聊天都算唔錯的地方

今日收工約左朋友傾計，大家都返工返到咁晏真係想搵間坐得舒服又靚既cafe食。堅尼地城呢邊就好少黎但之前黎過呢間Lex飲過咖啡覺得一流，今日決定再訪一次啦😝平日7:30去到餐廳都幾full，好彩都有位！餐廳有好多唔同藝術品，目不暇給～餐牌都好多選擇，我呢就一眼鎖定想食漢堡～朋友就叫左個意粉～飲品就每人一杯latte，我地唔怕訓唔著🤣招牌爆汁牛肩肉漢堡$168漢堡size算大，我地切開一半share仲好夠食，漢堡入面有蛋同洋蔥、酸瓜、蕃茄、芝士同菜！我好驚喜會有蛋，蛋汁咬開配埋牛肉好正！但又唔會太膩！配埋既係薯片，岩哂傾下計又拎一塊黎食🤣波士頓龍蝦意粉配自家製柳橙橄欖油$198嘩！好大隻蝦wo!成個配襯好靚，意粉用餐廳自家製既柳橙橄欖油去煮好好味，係出面食唔到，好清新！而蝦肉已經切開左撈埋落意粉到，好彈牙好食！Latte$41 呢到既咖啡杯都好靚，好似藝術品咁，各有特色！而拉花都好靚，咖啡都做得幾好！聽講呢到有藝術打印咖啡，係咖啡面上面加上藝術圖片，下次都想試下👍🏻👍🏻飲飽食醉，點可以無甜品呢～甜品係第二個胃架！我就幾乎每次都有tiramisu都會叫既！今次就試下呢間既tiramisu啦～

每一個星期日都需要充份休息先可以迎接每週忙碌工作。適逢假日，便同男友毫無目的出發。而今次目的地就是很少踏足的港島。經過西環，走著走著，便比這間CAFÉ所吸引。大概12時左右，店內已經接近客滿。店內的裝潢非常鮮明華麗，掛了一排排特色滑板。一台小型手推車，車上放滿咖啡用品首先跟男友和點了一杯飲品　及一個Main Course。手沖Mocha人客需要親手將鮮奶倒入朱古力磚之中。除了慢慢品嚐外亦不乏玩味朱古力加上香滑鮮奶，口感濃中帶甜。Café LatteLatte 滑而不澀招牌美國肉眼扒 配黑松露薯蓉肉眼扒選了7成熟，一上枱而經感受到香濃牛肉味。入口仍能感覺到牛汁從肉中慢慢滲出。但薯蓉卻帶不出黑松露的味道。慢煮雞胸牛油果漢堡雞胸可能慢煮關係，肉質偏硬 加上每塊都極厚。每口都要略為費勁撕開，可能選擇牛肩的漢堡配搭更佳。假日能夠在小店慢活，慢慢品嚐每一道菜或飲品，就是一種享受。

灣仔上班的另一好處，就是除了可吃盡灣仔美食之外，搭幾個站地鐵或者搭個短程的士，即可瞬間抵達港島西的其他地方。今天，我們都十分有閒情地（雖然是上班日）搭幾個站來到堅尼地城的Lex Coffee。同事極力推薦，所以來吃個午餐吧！甫走到店的門口已經給那樓底極高的設計吸引住，畢竟香港這地少人多的地方，很少咖啡店能夠有這樣的裝潢。店內空間感更強，顏色用上和諧色調，舒服的梳化上正坐著幾位外國人，閒著喝咖啡談天，好不寫意呢！今次點了個bunch，因為下午有同事請吃下午茶呢。這個Breakfast Fantasy比較輕盈，有炒蛋配黑松露,煙三文魚,煙肉,烤菠蘿,香腸,鮮果,配以青新蔬菜。味道方面，三文魚丶蔬菜都好新鮮，磨菇厚身而多汁，感覺十分滿足，而火箭菜有淡淡芝麻香味，十分新鮮，沙津以新鮮西柚汁拌勻，令人精神抖擻呢，也沒有太多飽膩感。隨餐可選擇Americano 或者Honey Lime (即係……熱檸蜜）好，就讓我試Americano吧！因為多數都是比較少奶，而且咖啡味會偏濃，平日喝開Latte或 Cappuccino 的人會較難接受。不過因為不用加$28（可轉其他咖啡）所以我就要了America

BFF剛搬到堅尼地城，以前從來沒有來過這一區，只知道是電車上的一個最終站。搬家後的House Warming，伴隨著大家的懶惰，我們還是走到街上吃飯。打從剛才走出堅城站，就看到別樹一幟的這家Lex Coffee，好姊妹果然是帶我們來這一家餐廳。曾經在傢具公司工作過，所以一進店內就眼厲的看出米蘭家具展見過的桌椅。好漂亮的裝修和傢具呢，還有燈飾也是很華麗的設計，但卻給人一種很舒適的感覺，好像正要去英國皇宮跟凱特公主喝下午茶。欣賞完畢還需填肚子，既然是新居入伙主人家請客我們就毫不客氣了。我們一行3人一人點了一份主菜，Venchi朱古力鴨胸伴南瓜、美國肉眼扒、大蝦龍蝦汁意粉。我自己覺得最特別是「Venchi朱古力鴨胸伴南瓜」，一向都知道Venchi朱古力是意大利名牌。不作甜品，配熱食非常有綽頭。一點點的朱古力sauce原來不太甜，反而更突出鴨胸的肉嫰香滑。並非一般西餐地方可吃到這種新嘗試，而利用南瓜蓉代替薯蓉亦健康抵讚。「美國肉眼扒」是店內的新菜色，Coffee Shop 有這樣的水準是喜出望外的。Medium 的牛扒封煎得恰到好處，底面帶點炭燒味道的香脆，鎖得住肉汁而不會太乾身。肉質煙韌但不

最近愛上了堅利地城。人流少的街道，再加上那寧靜的海旁，感覺最適合放鬆。這晚約了大學朋友到此試一間鬼佬日式咖喱店，晚餐後又如常找cafe去hea下。上網search一search就搵到呢間。望都無望食評就去左搵，心諗又係一間小品cafe。去到附近，離遠見到間樓底好高的獨立店，就好似平時見慣的名貴傢俬店咁，心裡已有驚喜期待。行到門口，見到咁grand，心中都有d驚會唔會係d食人高級店，不過心諗都係飲杯咖啡，貴極$100都可以全身而退啦。入到去，人唔多，為左睇清楚個水吧，搵左個靠水吧的4人檯坐，兩個人坐超闊落~望一望menu，咦，又唔貴喎。Latte都係三十幾。除左裝修好Grand外，店內有好多格仔櫃，有賣朱古力、茶和茶具等的產品，令食野吹水外增加一點樂趣。當晚發現街外都好多人經過時望入黎，證明呢間店的確好新，知的人不多，而外表的確吸引到人留意。想不到香港都有這樣的地方，不過只怕它成本咁高捱不住。還是趁未多人知，有機會多點去。