意歐

营业中

休息中

這晚約了大學同學一聚，要找個大家都方便的地方旺角真是不二之選。但娜娜又不熟旺角有何開飯好去處，便由朋友揸主意，選了這間在橫街窄巷中的意歐。我們去到是7時多的時間，已坐滿了大半間店，剩下的都已被預訂了，幸好稍等了一會便有位！店內燈光不算光猛，而且座位排得較密，這應該是大部份小店「生存之道」吧，能放多台就多放一台。我們選了個二人餐另再加點食物。二人餐包括餐湯和麵包，餐湯也是紅白兩個選擇，味道一般，但蒜蓉包就挺好吃的！餐中可選一款沙律，朋友選了這個煙三文魚凱撒沙律，大大份，沙律菜配有足夠的醬汁，麵包粒亦不少，三文魚也就不過不失啦，不錯！然後是小食拼盤，雖然是較平凡的食材（腸仔和雞翼），但我們也差不多掃清光！尤其是那個粟米片，脆卜卜，吃著吃著實在停不了二人餐又可選一個pizza！娜娜一眼便看中這個meat crazy pizza啦，全是肉肉！有芝士、五香肉粒、辣肉腸、菠蘿和火腿！相片影得歪歪的其實是想講右上那個用火熱著的是蕃茄醬汁，配這個pizza 一起吃yummy yummy呢！讚喔另外可選一個飯或意粉。我們見相片中這個燒雞柳大蝦南瓜意大利飯賣相不錯便點來一試！來到卻令我們大失所望呢！有南瓜

每次經過都人頭湧湧但都未去過，今日女友人shopping完想食pizza就try try sin,等左一陣就入去見紅色梳化又大又舒服，坐了入面二人位隔離有張椅可放戰利品，正，馬上打開pizza嗰頁只有4款選擇，二話不說就點了個meat crazy,再點了白酒煮蜆同肉丸，蛋碎焗薯（呢個影得矇左冇up到），基本上呢度嘅焗薯冇質疑，其實肉丸係我最想講因沒想過係咁好味，有肉香同juicy,白酒蜆就一般，meat crazy pizza 好足料，芝士亦舖得滿滿的，跟個蕃茄醬（侍應叫我地可每一塊pizza點少少蕃茄醬食，幾細心）熱騰騰咁，啱晒而家咁凍嘅天氣，食到一半我兩已經好飽就叫野飲，叫左個荔枝蘋果醋綠茶，好消濟清新，芝麻牛奶亦好香滑，整體唔錯，最後食淨少少真的太飽了才離開，下次再嚟食pasta sin

台灣朋友黎香港玩幾日，當然會行旺角啦，放左工就帶佢食飯喇，雖然而家有佔中事件，不過女人街原來比想像中安全，好似平時咁。因為好多人都怕左黎旺角，所以一入去餐廳就有位坐。呢度d梳化椅又大張又好坐，適合情侶或者閨蜜食飯傾計丫……環境以女人街既餐廳黎講算係幾好我地叫左個Meat Crazy Pizza, 煙三文魚凱撒沙律, 兩杯飲品Berries Blossom同士多啤梨乳酪雪花冰。因為台灣朋友想食完飯去食糖水，兩個女仔既份量已經差唔多。個pizza值得推薦，佢個汁係分開上，而且用酒精加熱，客人可隨意淋幾多汁食，好細心。個汁味道唔會太濃，可以突顯pizza本身個味。pizza係薄批，厚批反而怕太‘漏’，好味。 煙三文魚凱撒沙律份量都夠大碗，味道符合一般標準。台灣朋友叫左杯Berries Blossom, 隻杯幾靚賣相唔錯，飲落去有什莓味，唔會似藥水，又唔會太酸，都係值得推介既。我個杯士多啤梨乳酪棉花冰，上面有層忌廉，可以同乳酪味平衡番，又夠大杯，鍾意飲乳酪味飲品既朋友都可以試下。以前去旺角通常去樓上cafe，睇黎今次有多個選擇喇。