影片
更多
2023-01-18
3565 浏览
學左法文有好一段日子，好鐘意法國嘅文化，今年生日就同屋企人去食法國大餐~ Bouillon位於小斜巷嘅角落，由法國廚師打理，侍應生都係法國人，亦有唔少法國人嚟呢度覓食，地方唔大座位比較密，牆身仲有黑白投影片播放昔日法國新聞/專題特輯，好有feel~一坐低就為我地送上一籃法包同牛油，法包仲有微溫，外皮微脆而不硬，唔錯~首先上係Entrée頭盤嘅經典之作Escargot à la Bourguignonne，Escargot係法國蝸牛，六隻都嚟自Burgundy話說體質比較大，伴蒜蓉、牛油、香芹parsley真係香氣十足，超入味~ 媽媽超鐘意個牛油蒜香芹醬，話咁快就KO左籃法包要encore~ 我試過係citxsxper買過法國蝸牛返屋企焗發覺真係完全兩回事，蝸牛嘅質感同牛油蒜香完全比唔上！Bouillon escargots真係必試~接著上嘅Os à moelle法式香烤牛骨髓仲令人驚豔，一條牛骨撥開兩邊超大，離遠已經香到暈，牛骨髓好滑，油脂係個口內蕩漾，好味到上天堂，全家都嘩嘩聲~ 伴法包食簡直係人間美味，感覺冇咁膩~ 份量超巨，兩個人食有d多，四個人食啱啱好！法包控媽媽當然又enco
一坐低就為我地送上一籃法包同牛油，法包仲有微溫，外皮微脆而不硬，唔錯~
首先上係Entrée頭盤嘅經典之作Escargot à la Bourguignonne，Escargot係法國蝸牛，六隻都嚟自Burgundy話說體質比較大，伴蒜蓉、牛油、香芹parsley真係香氣十足，超入味~ 媽媽超鐘意個牛油蒜香芹醬，話咁快就KO左籃法包要encore~ 我試過係citxsxper買過法國蝸牛返屋企焗發覺真係完全兩回事，蝸牛嘅質感同牛油蒜香完全比唔上！Bouillon escargots真係必試~
Escargot à la Bourguignonne
$118
48 浏览
1 赞好
0 留言
接著上嘅Os à moelle法式香烤牛骨髓仲令人驚豔，一條牛骨撥開兩邊超大，離遠已經香到暈，牛骨髓好滑，油脂係個口內蕩漾，好味到上天堂，全家都嘩嘩聲~ 伴法包食簡直係人間美味，感覺冇咁膩~ 份量超巨，兩個人食有d多，四個人食啱啱好！法包控媽媽當然又encore多次包點汁啦hahah (Bouillon唔少菜色嘅醬汁都好吸引，同法包簡直係絕配，奉勸各位包/sauce控唔好一開頭就食太多，可留肚)
Os à moelle
$158
123 浏览
0 赞好
0 留言
Les choses sérieuses照字面解係 serious things，其實就係mains。Mains當然唔少得油封鴨Cuisse de canard 啦，係法國西南部嘅signature dish。鴨肉先用鹽醃製，再封存係油內，既可保存得耐，肉質和味道亦更嫩更香。鴨肉係我食過幾間duck confit裡面最腍嘅，出奇地唔算太鹹/乾，但我最鐘意反而係個伴碟嘅野莓醬，點鴨肉酸酸地好fresh~ Side dish加$78有薯條過過口癮~
Cuisse de canard
$268
50 浏览
0 赞好
0 留言
Main course to share我地揀左嚟自法國800g嘅小牛肉架Côte de veau ，雖然承惠一千蚊，但絕對物有所值，分量好多每人食到至少4大塊，最難得除左小牛肉外，個sauce同菇都超好味，食到我地捧住個肚~ 小牛肉比較粉嫩同滑，完全冇筋、超級tender！而且yellow wine做嘅醬非常濃郁，我地又再次抵擋唔到，法包又要出動！ 哈哈~ 餐廳最impress我嘅地方係除左主菜，其他配菜同醬汁都採用多種少見嘅法國食材，一d都唔馬虎。配菜嘅morel mushroom令人驚嘆~ 網狀嘅羊肚菌口感同竹笙有幾分相似，同yellow wine sauce超夾，第一次食就愛上！
Côte de veau
$1098
79 浏览
0 赞好
0 留言
最後當然唔少得甜品啦，第一次食用熱情果盛住Crème brûlée，酸酸地好特別，一人一粒啱啱好~ 餐廳仲好貼心咁寫左birthday message，呢個birthday cake 夠哂特別~
Crème brûlée fruit de la passion
$108
50 浏览
0 赞好
0 留言
Crème citron
$118
37 浏览
2 赞好
0 留言
雖然坐得有d迫，同tap water要每位承惠$30，但新鮮同特別嘅食材，正宗法國菜真係超高質，性價比高，必定encore~
Menu-
张贴
