影片
更多
2023-01-25
885 浏览
去完星加坡返嚟之後識得欣賞印度美食雖然香港食會貴啲，但係為咗止癮都去試吓啦🙈今次算係我第一次起香港試正宗印度餐廳呢間嘅選擇好多，基本上咩都有：momo餃子、烤羊/牛/ 雞/ 海鮮、印度炒飯 (Biryani)、各式烤餅 (Naan/ Prata / Chapati)等一入到去已經聞到香料味道👃🏻餐廳播住啲印度歌，好有feel🎶▶️ Spinach soup 菠菜湯同西餐廳嘅湯有少少分別，呢個會更加厚同creamy用上真菠菜切碎攪拌而成，每一啖都充滿碎菠菜🥬面頭落咗少少奶油味道上唔會覺得佢好「蔬菜」，反而會有啲啲辣辣地嘅香料味😋▶️ 脆片+炸洋蔥呢個係免費嘅小食脆片超薄身，除咗脆卜卜之外仲入口即化，可以用來配湯食炸洋蔥炸到一條條金黃色嘅，非常香口而唔油膩，基本上唔會覺得係食緊洋蔥🧅一開始以為係炸番薯條😂▶️ Chicken tikka 串燒雞柳($98)必試❣️上菜嘅時候熱辣辣，好似鐵板燒咁「渣渣」聲侍應會幫你落埋檸檬🍋用作解濟有成六大嚿雞柳，雖然話係雞柳，但其實比較似雞髀肉 件件都勁厚身啖啖肉 (半個手掌嘅size同厚度)😍因為用咗紅椒粉(paprika)醃，所以係紅色嘅🌶️但係唔辣，反而帶煙燻
雖然香港食會貴啲，但係為咗止癮都去試吓啦🙈
今次算係我第一次起香港試正宗印度餐廳
呢間嘅選擇好多，基本上咩都有：momo餃子、烤羊/牛/ 雞/ 海鮮、印度炒飯 (Biryani)、各式烤餅 (Naan/ Prata / Chapati)等
一入到去已經聞到香料味道👃🏻
餐廳播住啲印度歌，好有feel🎶
▶️ Spinach soup 菠菜湯
同西餐廳嘅湯有少少分別，呢個會更加厚同creamy
用上真菠菜切碎攪拌而成，每一啖都充滿碎菠菜🥬面頭落咗少少奶油
味道上唔會覺得佢好「蔬菜」，反而會有啲啲辣辣地嘅香料味😋
菠菜湯
18 浏览
0 赞好
0 留言
▶️ 脆片+炸洋蔥
呢個係免費嘅小食
脆片超薄身，除咗脆卜卜之外仲入口即化，可以用來配湯食
炸洋蔥炸到一條條金黃色嘅，非常香口而唔油膩，基本上唔會覺得係食緊洋蔥🧅一開始以為係炸番薯條😂
脆片+炸洋蔥
14 浏览
0 赞好
0 留言
▶️ Chicken tikka 串燒雞柳($98)
必試❣️上菜嘅時候熱辣辣，好似鐵板燒咁「渣渣」聲
侍應會幫你落埋檸檬🍋用作解濟
有成六大嚿雞柳，雖然話係雞柳，但其實比較似雞髀肉
件件都勁厚身啖啖肉 (半個手掌嘅size同厚度)😍
因為用咗紅椒粉(paprika)醃，所以係紅色嘅🌶️但係唔辣，反而帶煙燻味👍🏻味道好有驚喜
不過偶爾都會覺得佢鹹咗啲，所以一定要配飯食
Chicken tikka 串燒雞柳
$98
13 浏览
0 赞好
0 留言
最值得讚係佢嘅肉質，烤到啱啱好，邊邊位微脆，而因為佢肉夠厚，所以中間位置仲好juicy鮮嫩，可以鎖住肉汁😋亦食得出用新鮮雞肉整，每層肉之間仲帶啲油脂，完全冇骨又冇皮，可以成舊肉咁咬好滿足呀！
呢個看似簡單，但其實好考功夫，唔係一般屋企或者普通餐廳可以整到出嚟嘅水準👍🏻
🐔鍾意食雞嘅朋友，一定一定要試呢個
▶️ Chana masala 瑪沙拉雞心豆 ($82)
如果唔熟悉印度菜未必識叫，印度菜嘅素食菜式好鍾意用雞心豆/鷹嘴豆
呢個就係用雞心豆煮出嚟嘅咖喱蓉，最啱用嚟配薄餅食🥘
出面有啲會偏向重番茄味底，呢個就主要係咖喱味底，但咖喱唔辣而帶少少甜，鍾意佢唔太油 (之前喺星加坡食嘅咖喱通常面層會帶一層油🫢)
稀杰到啱啱好，唔會太水，亦唔會感覺一Pat咁
Chana masala 瑪沙拉雞心豆
$82
16 浏览
0 赞好
0 留言
可以食到一粒粒完整嘅鷹嘴豆 (自己本身好鍾意食，所以好鍾意)
另外仲會咬到切碎咗嘅洋蔥同香菜葉，增添口感層次同埋味道🌱微微攻鼻效果以刺激味蕾～
當然仲落咗好多其他香料，應該有落姜黄根粉(tumeric)、孜然(cumin)、芫荽(coriander)呢啲，所以其實每道印度菜都好多材料，好花心機時間
▶️ Tandoori Roti 烤麥餅 ($25)
本身想叫千層餅 (paratha)，不過點錯咗，但係呢個冇令我失望😙
邊邊位會脆少少，而中間就好軟身同埋帶啲煙靭口感(似麵包多啲)
🫓用上小麥粉，健康得來食落口感豐富
本身以為呢個放耐咗會變硬，但係竟然一路保持住煙靭口感😯
本身係冇任何餡料嘅，我自己就鍾意配馬沙拉雞心豆食，非常之夾味！但係朋友鍾意就咁食，話鍾意佢原先嘅味道
Tandoori roti 烤麥餅
$25
12 浏览
0 赞好
0 留言
▶️ Pullau rice 印度皇飯 ($68)
啲飯係黃色㗎，咁係因為落咗牛油同埋薑黃粉，味道上扁甜少少💛每粒米都吸引咗「精華」，非常圴勻
🍚用上印度香米 (basmati rice)，比平日食嘅米長同幼又冇咁黏
食落粒粒分明而唔乾／硬 ，別具特色
另外加入咗少許豆豆粒同粟米粒令佢冇咁單調🌽
當然都係落咗好多其他香葉
碗飯本身幾大兜，可以三個人食，但係我配雞肉食，食吓食吓就食咗大半兜😂
Pullau rice 印度皇飯
$68
25 浏览
0 赞好
0 留言
▶️ Indian Masala tea 特式香料茶($29)
第一次試，個侍應會喺你面前表演「拉茶」，好似張相咁樣會拉到好高☕️
望落似奶茶，但味道上已經好唔同
好重肉桂味 (cinnamon)同薑味 (ginger)，本身我唔特別好呢兩樣嘢，但係呢個好接受到
雖然有加鮮奶，不過味道比較淡，主要都係辛辛辣辣嘅味
感覺好啱冬天飲，聽人講係幾健康嘅，有助消化同調節血糖🙈
算係一試難忘
Indian Masala tea 特式香料茶
$29
23 浏览
0 赞好
0 留言
▶️ Young coconut 椰青 ($46)
係成大個椰青咁上，幫你開咗個頭，咁就容易啲飲同埋食佢啲椰肉
朋友話好清甜好飲🌴
-
食物味道果然好正宗，全部都超有質素水準，睇得出每道菜落咗好多心機同功夫，因為老實講印度菜用嘅香料非常繁複，落少一樣可能已經好影響味道，但係呢間嘅味道全部都好到位而且濃味❤️
位置相當方便，上環站一出C出口行幾步就到
不過係樓上舖，門面得個黃色Basmati招牌，平時如果唔留意可能就錯過咗呢間餐廳😢
環境舒服，入到去好有印度風格，感覺好似啲皇宮大廳咁👸🏻仲咁啱坐到窗邊位，可以望到馬路同少少景色(同朋友傾閑偈或者拍拖都好啱)
老闆娘係印度人，超nice同friendly☺️(見佢會同客人傾吓計，同埋同小朋友開玩笑)，仲自己落手落腳做
另一個男侍應都好好服務，令你覺得有種貴賓feel
(佢哋聽得明同識講少少廣東話，我問個侍應係咩湯，佢答我菠菜湯🤣)
價錢抵食，大概$180/人，已經食到超飽
上菜速度快，一落完單10分鐘之內就上晒所有菜🤯但係全部都熱辣辣同即叫即做嘅
香港食印度菜都要咁上下價錢，呢間開起上環，大份兼好食，絕對值得👍🏻(佢個lunch set仲抵食)
快啲bookmark啦，唔係淨係印度人先黎食㗎，見到唔少其他香港食客，聽到佢哋不斷讚話好食❤️
张贴
