Trattoria Kagawa by Mihara (已結業)

放工經過灣仔船街見到一間意日fusion 菜做緊優惠 - 任食青口同薯條都係$388/位，餐廳環境有情調，另外有鐵板燒座位，同時欣賞師傅嘅手藝。Bottega , Pinot Grigio ,Venezia DOC特登開咗支酒配青口食，Pinot Grigio係意大利出產，入口輕盈，清爽，帶有青草，梨香味。Trippa alla Kagawa係一個意大利傳統菜式，用慢煮嘅方式令牛肚非常軟腍，另外用上自家製蕃茄蓉同埋鹿兒島雞蛋配搭，非常滋味。Ajillo of the Day 是日精選係橄欖油大蒜蝦，蝦係浸泡過蒜片既橄欖油烹調，香氣四溢極為惹味。Free flow mussels and fries 有三個味道可以揀 - 白酒蒜蓉、忌廉、蕃茄（微辣），三種味道各有千秋，建議先食白酒蒜蓉青口，味道清新，帶有酒香味；忌廉味青口入口順滑，個人非常鍾意；蕃茄味青口有驚喜，蕃茄汁好稠身，同味道濃郁。Homemade Gelato甜品試咗自家製雲呢拿味既Gelato，入口滑順，仲有好濃郁嘅奶香味，上面加咗少少nuts。

年初二上長輩家中拜年後，為咗唔同人迫，十人就一返傳統地棄選中餐，揀咗間好評於潮嘅和系意大利餐廳「Trattoria Kagawa by Mihara」晚膳。位於灣仔船街嘅地舖門面光亮時尚。外牆有個光盒展出餐牌供途人參閱。店子左側為室外座。室內用餐大堂後方最右排出一列高櫈吧位，圍繞著嘅開放式廚房相信就係主廚嘅舞台。或許因十人一早訂位後即繳付訂金，派對被安排入座私隱度較高而且又冇咁嘈嘅廂房內，牆上係咩圖案細佬就唔係好睇得出啦。飲品餐牌共有六頁之多，當中似乎日本清酒最抵飲。如客人欲自攜佳釀，開瓶費為$300/枝標準裝紅白、汽、清酒。適逢農曆新年，西餐廳都設計咗一份$480/位嘅五道菜新年套餐應吓節。長輩們個個雀仔肚，但又想試多幾款，所以就從三頁散點餐牌點菜。友善兼有耐性嘅外籍服務生不單樂於介紹招牌菜，食到咁上吓仲會自動為各人換上潔淨嘅餐具，唔係淨換碟喎，係連刀叉都換埋，衛生非常！Kagawa Olive（$38）：XO仔平時唔多食橄欖，故只能複述席上嘅鬼妹仔所言：「個玻璃瓶就好靚，不過真係食唔出香川產嘅橄欖有咩特別囉！」。Kagawa Style Garlic Toast（$38）：暖手嘅蒜