たまご園 (奧海城二期)

营业中

休息中

8號風小犬到港，夜晚落左街去奧海城睇下有咩餐廳開，覺得8號風仲開既餐廳真係好Respect 🥹餐廳好多蛋蛋造型，連枱凳都有雞蛋，打卡好正勁吸睛😚😚小食：松葉蟹肉玉子燒$60玉子燒勁好食😋，一客有3件，味道帶甜，口感十分鬆軟，有好多蟹肉絲，食落好似係日本食既玉子燒一樣，超正👍🏻👍🏻主食：煙三文魚班尼迪蛋$108呢個食落就有d普通，但都有好多塊煙三文魚係上面🩷多士配上水波蛋同煙三文魚，劃破左蛋漿即時流出，食落十分肥美，但就冇咩驚喜🫢主食：終極TKG生雞蛋拌飯$39造型超級可愛，隻蛋好似雲，雞蛋質感食落好似泡泡咁，但泡泡又有蛋香，生蛋黃超級流心，篤穿個蛋黃再淋d豉油，撈飯勁正👍🏻👍🏻飲品：凍玫瑰茉莉花啫喱茶$38我叫左凍玫瑰茉莉花啫喱茶，今日吾想飲太甜，飲落好香茉莉花味，可以去下油膩，仲有啫喱係底😚😚飲品：仲夏菠蘿梳打$38偷偷飲左一啖，覺得好甜，似有菠蘿味既梳打水😅

今日經過奧海城，大大同細細當然又話肚餓，要食嗰Tea。我哋揀咗呢間小朋友最鍾意嘅餐廳，因為佢係以蛋為主要食材，小朋友叫佢做蛋蛋店。😅入到去餐廳以黃色、橙色、綠色為主色，再配以淺木質牆身和座椅，感覺好清新。仲有蛋蛋咕𠱸、蛋蛋枱、蛋蛋擺設！蛋蛋燈罩⋯⋯小朋友都好鍾意。吉列豚三文治配薯條呢度菜必須推介，薯條炸得香脆美味，包質鬆軟，烘過又脆脆地，豬扒夠厚，炸得鬆脆又入味，配埋沙律菜同沙律醬食，味道一流。和牛肉醬意粉配慢煮蛋意粉彈牙，唔會煮得太淋，配埋和牛肉醬食，再加上慢煮蛋，味道唔會太濃，好夾，好味！招牌玉子燒即叫即製嘅玉子燒，蛋味好香濃，質地又香滑，唔使點醬汁，味道都剛剛好。

人在 奧海城 shopping, 行過路過 , 見到這間 "Tamago-EN たまご園" 以雞蛋為主題的餐廳 , 就立即入去食番餐 ~招牌玉子燒 : 招牌貨 , 必定一試，用上了日本頂級雞蛋 , 新鮮即製的玉子燒 , 不論是味道和口感，都極之細緻美味，質感軟嫩之餘，其蛋味之香 , 要知道有種味道叫幸福感 .... 正到爆燈 ~牛油果三文魚親子-生雞蛋拌飯：聽個名已經知道這個 combination 是無可匹敵；牛油果、三文魚、三文魚子 plus 頂級日本TKG雞蛋 , 真是屈機！ 全部材料再加上飯餸和少少醬油，配合日本米飯，撈起來吃 .... 簡單而又震撼的美味也 ~本篇完 ~

第一次喺奧海城呢一間食，間間質素都唔同，呢一間係食過最唔好食。啲雞肉鞋過冰鮮雞胸白灼🤣不過啲雞蛋就好滑，汁嘅味道都依然係嗰個配方😌下午茶嚟講40幾蚊（+$15 沙律+麵豉湯）都好抵，而且份量唔少🫶🏻如果唔係要求啲雞好滑嘅話，可以試吓下午茶嘅滑蛋吉列豬扒飯，我見我朋友食，好似都唔錯😌今次反而冇食佢嘅玉子燒，如果試埋就知道係唔係呢一間質素特別差🤣之前去過旺角朗豪坊，德福，北角，鑽石山食，咁當然係因為好食先會再食啫🤣雖然今次嘅體驗唔係幾好，但我都會再試一次😌

有陰毛的all day breakfast 2023年7月29日17:00本人去奧海城分店叫了一份all day breakfast 一開始食發現腸下面有一條陰毛（一定不是頭髮）極度嘔心點解你餐廳可以咁唔衛生我當時唔識反應你哋職員即時收回淨係話退番呢碟跟手另一個餐來到了我個仔都食咗一啖我哋愈諗愈反胃最後成個餐放棄埋只咬了一啖我付了$147 包括一杯凍朱古力+一份只吃了一啖的豬扒三文治薯條你哋其中一個職員講了一句唔好意思之後全部職員極速彈開埋單 仲收我加1服務費你哋廚房職員是不是去完洗手間冇洗手就煮嘢食 簡直令人食慾不振體驗太差唔該你哋公司顧下衛生太不能接受

今次嚟到奧海城嘅連鎖店tamago en~作為一間專食蛋料理嘅餐廳好有gimmick，裝修好得意有啲位直情好似坐喺個雞蛋入面咁XD食左幾樣野，全部個樣都幾靚，味道都唔錯，不過計埋個價錢就cp唔係幾高沖繩風塔可飯食落去係肉醬飯，唔係唔好食嘅，但無乜特別，仲要收百幾蚊，同薩莉亞個多利亞一樣味金槍魚生雞蛋拌飯生雞蛋拌飯一定係好食嘅，失望嘅係金槍食只係得勁少吞拿魚蓉，雞蛋都食唔出有咩特別，有啲鼓油，有啲飯素，有隻生蛋，加埋好食，但唔抵Tiramisu 梳乎厘pancake呢個好食，甜度適中，有啲芝士味又有pancake嘅蛋味，不過細細舊成百蚊真係有啲貴Overall啲野都好食，如果價錢可以合理啲會好啲～

🌮🍚明太子三文魚忌廉蛋包飯 $108明太子忌廉醬味道配白飯好好味😋因為我唔食得生蛋，所以叫咗全熟蛋。估唔到蛋包飯都可以整到全熟！而外貌都係keep到咁靚。只係口感唔生蛋咁滑，但係味道都好香蛋味。🍳蛋入面嘅飯，仲有驚喜！係有雞肉㗎！三文魚唔會好似煙三文魚咁鹹，配白汁送飯一流。🧈招牌玉子燒 $38揀咗原味玉子燒，唔使點甜豉油，味道啱啱好。玉子燒好香蛋味。texture 軟軟地，有種食緊蛋糕嘅感覺。🍓士多啤梨梳乎厘班戟 $88 🍓Pancake 鬆軟得黎又唔會好似夾空氣咁，入面好creamy！個士多啤梨醬唔會太甜，就咁食都唔「漏」。甜甜嘅pancake配酸酸甜甜嘅士多啤梨醬令甜品既味道更多層次。

第一次光顧，我五位攞咗張C飛。當有大檯埋單，店員竟然係嗌A飛先，俾兩位顧客坐一張六人大檯，係唔會搭檯既，話餐廳安排係先到先得。犀利了，我五位坐唔到二人檯，而成間店得幾張大檯，呢個安排讓我等候時間無限延長。從未見過任何餐廳係咁嘅安排，分ABC三條隊形同虛設。

餐廳佈置走可愛打卡風，有小屋造型及雞蛋造型座位，又有打卡專用雞蛋cushion，亦有大圓枱，適合帶一班小朋友黎聚會。低温慢煮雞肉沙律 ($78)流心蛋生熟度適中，沙律菜新鮮，醬汁酸甜開胃。慢煮雞肉嫩滑，雖然就咁食略為咸，不過夾着沙律菜一齊食就剛剛好。三文魚生雞蛋飯 ($65)蛋白打發成泡，中間放上蛋黃，造型吸引。三文魚粒新鮮肥美。加入醬油後將材料攪拌，然後加上飯素，口感濕潤fluffy，白飯香糯帶嚼勁。攪拌後大阪燒風八爪魚捲 ($78)雞蛋卷水分較高，口感與實心嘅玉子燒不同。八爪魚大大粒，好有咬口。配上大阪燒醬汁同木魚絲，風味十足。鮮果水果茶 ($48)水果茶好足料，基本上整杯都載滿不同種類嘅水果。凍玫瑰茉莉花啫喱茶 ($38)玫瑰花令茶身帶微苦。啫喱較碎，口感略為硬身。值得一讚嘅係員工好盡責，會不斷幫忙斟水。另外餐廳嘅餐具都好精緻，就連小碟都係雞蛋造型。

今日經過見到奧海城有一間特色嘅蛋包飯店，聽聞佢嘅疏乎厘都好好味㗎當然要試吓啦。淨係睇佢嘅裝修都已經覺得好靚，而且佢仲有兒童餐，啱晒帶埋小朋友過嚟食。今次就揀咗一款煮食同埋一款甜品 。主食就揀咗蕃茄濃湯海鮮蛋包飯，佢嘅蕃茄湯真係好濃郁，而且海鮮都幾多下，蕃茄湯上面加咗少少忌廉，用嚟送飯真係一流。至於疏乎厘真係冇得彈啊，佢呢個係空氣疏乎厘，入口即溶嘅感覺，而且蛋味濃郁，個人就比較鍾意食原味，，因為咁樣先可以食到佢真正嘅味道。

🇭🇰 #一粒波食好西-🍟 炸薯條配自家製黑松露沙律醬 $48新鮮炸起，外脆內軟，淡淡黑松露味⭐️⭐️⭐️⭐️-🍳全日早餐 $128菇小乾，麵包小韌，蛋很滑，腸脆皮的，不錯⭐️⭐️⭐️-🥞 原味梳乎厘班戟 $78很輕盈，很香蛋味，不會太甜，放一段時間也不塌⭐️⭐️⭐️⭐️⭐️-🥚 たまご園大角咀海庭道18號奧海城二期UG樓UG51號舖12:00 - 22:00 (Last order 21:30)-#一粒波ARollingBall #一粒波碌去大角咀 #hongkongfood #hongkong #香港美食 #大角咀美食

Tamago 餐廳全店皆用日本沖繩農場直送雞蛋餐廳招牌菜——燉牛肉蛋包飯，這道菜式選用滑嫩的雞蛋捲，經過巧妙的處理後，成為了旋風狀，讓人不禁感到視覺上的驚艷。牛肉則是經過長時間的燉煮，讓肉質軟腍入味，醬汁則是由香濃的洋葱汁和其他秘密佐料調製而成，讓整道菜式散發出深厚的香氣和美味。這道菜式的蛋皮上仍有蛋汁掛在上面，讓整道菜式更加滑溜，讓人一嚐難忘，回味無窮。這道菜式有獨特口感和豐富味道，值得推薦，已經介紹身邊朋友

餐廳主打玉子料理，包括燒玉子、丼飯、蛋包飯、pancake等等，雞蛋係用嚴選日本直送新鮮農場蛋。奧海城分店裝修佈置都好特別，係雞蛋做主題，由燈、枱櫈、公仔都係雞蛋形狀，可以打卡。午市套餐包括了一份沙律及一份蕃茄湯。牛油果三文魚親子生雞蛋拌飯 $108最招牌就係呢個飯，蛋白打發到雲朵形狀，口感好似梳乎厘，中間放生雞蛋。外圍舖左三文魚刺身、三文魚子同牛油果粒，都幾新鮮，另外配左飯素同醬油，撈埋一齊幾好味。明太子三文魚忌廉蛋包飯 $98今次嘅蛋包飯係漩渦蛋造型，蛋好滑，忌廉汁溝左同菠菜，撈埋明太子同滑蛋送飯一流，食食下有少少鹹但可接受。三文魚都整得好滑。推介指數：7/10

今日(26-3-2023 Sun)晏晝,同老公去奧海城睇張國榮展覽,去到時,老公要食嘢,佢見到呢間食將蛋白打起嘅生雞蛋拌飯就要試,我哋攞咗飛,等咗18分鐘就有位.坐低睇完menu,決定要:3. $32.00嘅熱玫瑰香濃朱古力呢個唔係好飲得到玫瑰嘅味道,而朱古力都唔係太濃,口感亦唔heavy,而成杯嘢唔會太甜.味道:2.8分1. $55.00嘅牛油果生雞蛋拌飯呢個就食食賣相,將所有嘢撈勻就食得,其實係好普通,而份量都唔多.味道:4分4. $30.00嘅熱玫瑰茉莉花啫喱茶玫瑰同茉莉花嘅味道都飲到但唔濃,係舒服嘅,而啫喱口感就ok.味道:4分2. $88.00嘅白桃梳乎厘班戟呢個係要得好耐嘅,而佢擺埋嚟是係會振吓振吓,佢嘅口感係好鬆軟,但味道就有啲特別,不過唔係咁好味.味道:4分其實我食之前唔肚餓,而食完後覺得好似冇食過嘢,之後甚至竟然有啲肚餓.環境:裝修同碟都以雞蛋為主題.抵食係 2.7分

好多身邊嘅朋友仔同我一樣，自從某日食咗日本蛋之後⋯就番唔到轉頭😝今次嚟到Tamago喺奧海城嘅分店，門口大大隻雞蛋好𥄫睛👀食店賣點係用嚴選日本蛋做玉子料理，仲要係用日本沖繩直送新鮮農場蛋🥚讓客人享受由雞蛋帶來嘅美好滋味體驗☺️唔講唔知，佢哋連餵飼雞隻都非常講究，用上極營養飼料去餵飼🐣，蛋黃先至會鮮橙色！另外，農場利用獨特UV殺菌，就連細菌都無埋，大人小朋友食都放心👶🏻👧🏻今次試咗燴雞肉蛋包飯，賣相同色彩配搭都好精美，炒蛋極其鬆軟，滿滿濃郁蛋香且滑溜，配合雞肉同西蘭花，比較健康唔heavy。另外試埋Tamago-EN 全日早餐，整體來講非常豐富，滑蛋固然有一定質素，配菜亦唔輸蝕，腸仔、雜菌同埋粒粒薯餅都做得唔錯👍🏻🐻評分：🐻🐻🐻🐻4/5