たまご園 (奧海城二期)

营业中

休息中

🥚Tamago-EN x Namco 玩轉蛋樂園🥚🎏玩味十足的Tamago-EN以卡哇依雞蛋為主題，食品以雞蛋為主角，仲有雞蛋公仔、蛋型座位，打卡一流！近日與日本遊戲機中心品牌 Narnco 聯乘，攜手推行為期一個月的「玩轉蛋樂園」活動。堂食或外賣自取，憑當日單據即可換領電子金幣卡1張或免費遊戲2局，體驗夾公仔的樂趣！餐廳仲推出咗期間限定食品。餐廳更將「金幣」「彩虹池」及「雞蛋」等趣味元素混人其招牌食物，如：燉牛肉蛋包飯、生油果三文魚親子生雞蛋拌飯及松葉蟹肉玉子燒等，當然少不了最具人氣的梳乎厘班戟！🎀色彩繽紛的得意主題食品令人瞬間重拾童真，顧客品嚐美味之餘，更可拍照打卡。特別版餐紙更可帶走，隨時隨地享受「擲彩虹」樂趣！🥚松葉蟹肉玉子燒💰60HKD 三大塊厚切玉子燒軟硬適中，松葉蟹豐富，啖啖都食到松葉蟹，口感爽滑蛋味十足。🍛燉牛肉蛋包飯💰118HKD一直好期待食呢間嘅蛋包飯，估唔到佢咁特別，雞蛋果然與眾不同，好有蛋味，蛋汁juice 有層次，賣相好吸引！燉牛肉很入味，大大塊牛肉夠冧，配合日式咖哩，拌飯好味。🍳煙三文魚班尼迪蛋💰108HKD果然系雞蛋專門店，連班尼迪蛋都咁特別，流心溫泉蛋好

新一年繼續又玩又食黎咗奧運呢間Tamago-EN，原因係呢間餐廳同緊Namco做聯乘「玩轉蛋樂園」，30/12-31/1期間拎住餐廳即日單據去Namco指定分店就可以換電子金幣卡又或者免費玩兩局指定遊戲，有得食有得玩。餐廳以「蛋」做主題，款款都用咗日本蛋去炮製，連餐廳裡裡外外都搵到蛋造型嘅裝飾。講返嘢食先，我哋叫咗幾款期間限定嘅主題食品，款款都賣相精緻。松葉蟹肉玉子燒 $60厚厚嘅玉子燒口感非常軟熟，蛋香好濃郁，味道甜甜哋，面頭鋪咗滿滿嘅松葉蟹肉碎，食落啖啖蟹嘅鮮味。煙三文魚班尼迪蛋 $108煙三文魚同班尼迪蛋一向都係絕配，呢到嘅班尼迪蛋生熟程度岩岩好，輕輕切開就見到流心蛋黃漿，夾埋荷蘭醬、煙三文魚同脆麵包一齊食認真唔錯。燉牛肉蛋包飯 $118另外叫咗個蛋包飯，金黃色嘅蛋皮夠哂嫩滑，包住香軟白飯，燉牛肉汁好香濃，仲有好多牛肉粒。原味梳乎厘班戟 $68必食係呢到嘅梳乎厘班戟，有好多唔同味道嘅選擇，不過我哋今次就食返原味。梳乎厘班戟口感鬆軟綿密，就好似食緊雲朵咁，而且蛋味都好香，非常滿足。飲品方面叫咗杯仲夏菠羅梳打($38)同清香蘋果茉莉花茶($38)，菠羅梳打酸甜清爽，蘋果花茶飲落清新。

12月26日同家人來到此店食，女侍應招呼我們進餐廳內，當時我們想坐卡位，問女侍應想坐卡位要等幾耐，有個黑衫陳經理插咀話無晒卡位，我哋睇到有張吉嘅卡位，黑衫話個張卡位員工坐，然後用一個好差嘅態度同我哋講「想坐卡位出返去等」，我們只好坐普通位，我同家人心裡好唔舒服，個黑衫黑經理咩態度？我哋係客人嚟食嘢點解要受你氣呀？😡呢日食得好唔開心☹️12月30日我同小朋友向附近玩完，小朋友想食意粉🍝再一次過嚟食，我哋三個人，同樣女侍應招呼我哋，我哋見到有兩張卡位吉，女侍應禮貌地問我「你想唔想坐卡位，我執執個位比你哋坐」我話好呀唔該晒，點知個黑衫陳經理再此插咀話個卡位有人要咗，係出面兩位女士先，佢哋有4個人（我只見得兩個），然後即刻叫咗個兩個人入去坐卡位，個一刻覺得佢特登，然後我再問另一張卡位，黑衫話二人卡位，又再一次用一個態度差嘅眼神同語氣講「你想坐卡位去拎飛等」我心裡又一次受氣😡我實在忍唔到同佢理論點解對客人態度咁差🤬呢間食物質素係ok, 係店內經理態度惡劣，實在太過份😡

たまご園係一間以雞蛋為主題既日式餐廳，成個𝕞𝕖𝕟𝕦都係同蛋有關既料理，我地都好鐘意食雞蛋料理就去左試啦🥚🤤🤤成間餐廳仲要好多雞蛋公仔既裝飾都幾𝕔𝕦𝕥𝕖💓 ✨佢地雞蛋特別之處係用左日本沖繩直送既新鮮雞蛋🇯🇵標榜營養同埋衛生標準較高，而口感濃郁程度聲稱比一般雞蛋高出三倍以上‼️實際既味道又係點呢🤨✨🍚沖繩琉香豚肉飯（配慢煮蛋） 賣相幾靚，份量比想像中少左啲🫣個慢煮蛋爆哂流心好正，蛋味𝕆𝕂既🙌🏻🙌🏻不過唔知係唔係因為預你撈埋蛋汁食，啲飯煮得比較乾身，偏硬，個慢烤豬都比較乾😂整體中規中矩🥞士多啤梨梳乎厘班戟🍓Menu寫即制要𝟚𝟝分鐘左右，實際只等左𝟙𝟝分鐘左右✨呢個真心唔錯，好軟綿，唔係夾生個種梳乎厘班戟，蛋香濃得黎唔會有蛋腥味😋😋驚喜位係佢既糖漿好重焦糖味‼️勁香，完全昇華左成個甜品，但又唔會死甜個種🤩👍🏻👍🏻推介💓𝙿.𝚂. 啲野食都合格既，性價比𝕆𝕂，不過我地都覺得佢既雞蛋無乜特別🤣🤣甜品比主食更驚喜🫶🏻

今日朋友約咗去奧海城呢間試吓，去到門口，由裝修到餐牌，感覺好似去咗日本咁，第一印象已經好好！因為我哋4個大人，兩個小朋友，所以安排坐咗係個蛋入面，小朋友好開心！阿仔order 咗個兒童餐，我就叫咗個原味梳乎厘，朋友們order咗吉列豚三文治同all day breakfast！梳乎厘超好味，所以比阿仔食埋😵‍💫😵‍💫😵‍💫所以我就痴咗朋友食咗一件三文治。。一件已經好飽肚，又好味😋😋😋😋

過開奧海城買🐶狗糧，見到呢間裝潢好得意😍有成隻蛋型既座位好吸睛🤩於是就入去試吓喇😊原來成間餐廳以蛋為主題嚴選日本直送最新鮮的農場雞蛋，製作多款不同的美味創意玉子料理😋燴雞肉蛋包飯 $88 ⭐️⭐️⭐️⭐️蛋好似捲到成朵花，賣相好靚，食得出個汁有牛肉成分，同個蛋包飯幾夾😋宇治抹茶疏乎厘班戟 $88 ⭐️⭐️⭐️⭐️好大個疏乎厘班㦸又脹卜卜好打耳，一定要打卡呀😍😍抹茶雪糕配紅豆係完美架hehe 呢度仲有香草醬大蝦意粉，見隔籬枱食，隻蝦好大隻😌下次再試🫢

相信好多西九龍區嘅朋友都同我一樣，最近多咗嚟奧海城食飯行街，因為 2022 世界盃嘛，呢度有得現場直播，有個超級大電視，商場嘅中庭仲有一個好大嘅地方，畀人坐喺度睇波，睇波當然要搵嘢食，奧海城食肆都唔少。今次就同朋友嚟咗呢間，主打食雞蛋嘅連鎖店，好多地區都有分店嘅，之前都食過幾次印像都唔錯。今次點咗燴雞肉蛋包飯（$88）雞肉都整得幾嫩滑，另外又點咗滑蛋鰻魚飯（$118）鰻魚都幾肥美，另外佢嗰個 5 款玉子燒都幾好食㗎，不過今日得兩個人食唔到咁多嘢所以就冇點到，平時如果三四個朋友就一定會叫，另外佢啲甜品都整得幾靚嘅。

係奧海城發現左間裝修好精緻既餐廳，就因為佢個裝修，加上日本既蛋包飯，我就入左去光顧餐牌滿滿的介紹著不同的蛋料理最後我選擇左燉牛肉蛋包飯賣相精緻，但係牛肉並不是很美味，蛋既質素沒有感到很高，由於佢係主打蛋，所以本來對蛋既期望好高，但可惜佢只係一般甜品選擇左TAMAGO-EN原味梳乎厘再一次，我唔覺得個梳乎厘好食，佢只係屬於一般，整得好味既餐廳有好多，而e個梳乎厘唔需要再試總括黎講佢只係虛有外表，同食物質素不成正比。其次我係平日光顧，店內根本無咩客人，但待應要搵好耐先有人應餐桌仲覺點dirty， 希望佢可以改善下。

奧海城二期開咗一年左右既Tamago EN，店舖主題係雞蛋，全間餐廳都係雞蛋氛圍🥚🍳有好可愛既雞蛋卡位、蛋殼燈罩、有心思設計既餐廳，打開餐牌一眼望落去每一頁都係雞蛋菜式菜式：1️⃣燉牛肉蛋包飯碟上面鋪滿牛腩汁、配菜係牛腩+蘑菇+西蘭花、食落牛腩夠林、蛋包飯靠牛腩汁調味、炒蛋煮得滑身又保留倒蛋漿，腩汁吊胃口令人想添飯。2️⃣鮮果水果茶望落大杯足料，有多種生果：西柚、蜜瓜、龍眼、菠蘿、草莓、火龍果，食完主菜可以當飯後果，一杯茶既價錢兩種享受😋果茶飲落有雜果甜味，原來杯裡面仲有粒青檸可以自行篤爛佢提升果茶味覚、有別於一般檸檬。環境：⭐️⭐️⭐️⭐️⭐️👫🏻服務：⭐️⭐️⭐️⭐️🧹衛生：⭐️⭐️⭐️⭐️⭐️💰價錢：⭐️⭐️⭐️食物質素：⭐️⭐️⭐️⭐️⭐️回頭指數：⭐️⭐️⭐️⭐️(5星為最高分)餐廳：🥢類別：日式西餐📍地址：たまご園 (奧海城) (大角咀)大角咀海庭道18號奧海城二期UG層51號舖

位於奥海城的日式西餐店，在香港其實已經有很多分店，店舖的裝修別具特色，以可愛的雞蛋造型做主題，少女心爆發，非常可愛；餐廳主打由日本農場直送的雞蛋料理，很多不同類型的玉子料理和蛋製品，人流算多，繁忙時間還是需要等位的三文魚TKG生雞蛋拌飯 $65很簡單的一道料理，但評論真的很兩極；我個人是喜歡的，首先賣相真的很可愛，很像還原卡通片造型的料理，這點已經很加分了😂；蛋白蓬鬆軟嫩，雖然口感很像泡泡，但配上蛋黃，特製豉油和飯素拌飯，意外的搭；但同行友人形容這是洗潔精料理，放入口完全沒味道，不知道在吃甚麼。因此大家可以斟酌吃看看燉牛肉蛋包飯 $118燉牛肉很軟腍很入味，醬汁十分濃郁；雞蛋也十分香滑，拌飯一流，但略嫌牛肉份量有點少三文魚親子玉子燒 $68玉子燒甜甜的，蛋香味濃而且口感嫩滑，很好吃；但是三文魚親子配料並沒有為這道料理加分，兩種食材就是獨立的食材，並沒有融入這道料理內，或許可以點其他配料會更好伯爵茶梳乎厘班戟配青葡萄 $98我本來以為這種連鎖店的梳乎厘班戟都是名大於實，結果不知道是否因為沒有期望，因此比我想像中好吃呢；班戟很鬆軟且富有空氣感，但不會覺得只吃了一股空氣，你還是能吃得出蛋香的

一直都有光顧d間分店 裝修特別 食物質素還可以 有d菜式係幾特別但就並唔係好抵食 店員服務態度整體都還可以！特別係一個肥肥地男侍應有禮貌！但有一個中女老侍應。短頭髮服務態度非常差 惡劣我地同行朋友食晚飯 叫左好多野做枱根本唔夠位放 叫佢黎好聲好氣幫手收下台野食佢態度惡劣 語氣勁差 話等陣先 直接走咗佢走左之後 我哋仲好天真咁等佢一路都望住佢 等佢返嚟 幫手執啲嘢咁先有位食嘢。但係佢可以忽略咗我哋見到我哋望住佢 佢直行直過幫其他台人收野希望你哋公司改善一下服務嘅質素 食物都尚算可以 但係有時會失水準 例如意粉有時會比較辣。有時啲分店例如九龍灣就冇甘辣味道唔同分店有啲唔同 例如嗰個海鮮意粉杯嘢飲唔該熱少少 好似蘋果茶咁有一次杯野黎左返嚟係凍嘅 係奧海城分店食過但都值得讚嘅係高高地肥肥地嘅男侍應服務態度好好👍🏻

🐣🍳【 たまご園Tamago-EN 】🍳🐣⋄—————⧫♟⧫—————⋄話咁快又到萬聖節👻「たまご園Tamago-EN」推出咗3款趣怪又矚目嘅Halloween單品 🎃 造型賣相超吸睛😍 應節打卡必備呀喂‼️📸⋄┄ ┄ ┄ ┄ ❖ ┄ ┄ ┄ ┄ ⋄▪️◾️Main ◾️▪️🌊#海洋黑魔法🐙藍青口三文魚子墨汁意粉 ($128)集合咗幾款海洋食材：藍青口、三文魚子及墨魚汁，鮮味無比！食完個嘴黑蚊蚊，笑住影張相，係最好嘅Halloween打扮😂▪️◾️Dessert ◾️▪️🪦#迷墓派對 🥞朱古力梳乎厘班戟配焦糖香蕉 ($98)將蛋味香濃、口感鬆軟嘅梳乎厘班戟化身墓園，加上邪惡朱古力忌廉、曲奇碎，再配焦糖香蕉及雜莓醬，口感味道豐富又清新🍓🍌▪️◾️Drinks◾️▪️💀#鬼馬爆眼 🍊爆炸糖西柚梳打 ($38)將珍珠釀入龍眼肉，再加上士多啤梨醬，製造出有如「爆眼球」嘅趣怪效果🙈西柚梳打味道酸甜清爽，再加入爆炸糖，口感超過癮💥🧋朱古力雪糕特飲 ($48)▪️◾️Ala Carte◾️▪️🐙大阪燒風八爪魚捲 ($78)⋄┄ ┄ ┄ ┄ ❖ ┄ ┄ ┄ ┄ ⋄🥚たまご園Tamago-EN🥚📍分店：朗豪坊 / 北角匯 / YOHO

在店內開心食蛋，很多菜色與蛋有關，朋友一行選了蛋與咖喱飯，整體令人滿意，男士亦夠食。每嗰餐也配沙律及餐湯，令人感到十分滿意，有菜有湯，更見健康，蕃茄湯超足料，令人興奮。亦另外選了蝦肉意粉，肉多意粉惹味，一齊分享超滿足。

可能因為佢裝修比較特別，所以weekend都多人食。我就大約下午茶時段去，因為佢係無tea set既，所以呢個時候炉就比較少人。仲安排到個特式鳥籠廂座比我哋添，雖然我男朋友就唔太欣賞，但係個位本身係好寛敞既。我本來就鍾意食吉烈豬扒三文治，見到佢有，我就唔使多諗order咗，我男朋友就穩穩陣陣叫咗個carbonara。 吉烈豬扒三文治配埋薯條，上碟時既豬扒係熱辣辣既，有埋隻煎蛋係入面，好味既，但係我食半件已經覺得飽飽。一定要趁熱食，凍咗就無咁好食。至於carbonara，就不過不失，ok好食無驚喜咁囉。

✨ 𝙊𝙡𝙮𝙢𝙥𝙞𝙘 / 𝙏𝙖𝙢𝙖𝙜𝙤 - 𝙀𝙣 / たまご園 去咗以雞蛋主題佈置嘅@tamagoen_hk 🤤 由燈 枱到Cushion都係🥚好可愛啊😆 $98 明太子三文魚忌廉蛋包飯薄薄嘅漩渦蛋 加埋忌廉汁 靚又好餸飯(日本宮城縣特A級米飯😏) 係略嫌鹹咗少少姐 🤏🏻 $65 三文魚生雞蛋拌飯TKG (Tamago Kake Gohan) 即係生雞蛋伴飯🥚係日本傳統嘅營養早餐🇯🇵 佢地就採用咗日本沖繩直送最新鮮嘅農場雞蛋 仲幫啲蛋做埋UV殺菌工序 令佢可以直接食用👍🏻 啲蛋白發到好蓬鬆軟嫩🤤 加埋日本醬油 飯素 同三文魚 好可愛☁️ $78 白桃梳乎厘班戟小編個甜品胃梗係要試埋班戟🤤 疏乎厘幾軟滑 蛋味濃 值得一試👍🏻 💰 需加一服務費