たまご園 (奧海城二期)

营业中

休息中

Intro: 先前介紹左有一間主打日式蛋嘅料理店，而除左主食外，仲可以叫甜品飲品，樣樣打卡都好靚，呢次就點評下佢地嘅梳乎厘同埋飲品～ ___________________🍽 Tiramisu鬆弛梳乎厘💰 98（須加一）✍🏻 梳乎厘嘅口感同坊間甜品店極為不同，呢到嘅鬆弛程度極高，入口即溶；✍🏻 而蛋香味比坊間嘅更重，似乎蛋白更靚：✍🏻 Tiramisu好夾梳乎厘，賣相適合打卡；✍🏻 $98蚊有兩塊，偏貴但味道成正比。🍹櫻花草莓鮮奶（凍）💰38✍🏻 呢杯士多啤梨味極重，甜度蓋過酸度；✍🏻 奶泡佔左三分之一，奶味都幾重；✍🏻 奶泡內有幾粒嘅士多啤梨粒；✍🏻 感覺就好似士多啤梨奶昔咁，甜度適中。🍹玫瑰朱古力（熱）💰32✍🏻 朱古力就最好就係熱飲，甜甜暖暖地過冬天；✍🏻 朱古力味都幾濃，而會飲到淡淡嘅玫瑰香；✍🏻 飲完成杯野飲都幾飽滯，但就好滿足。___________________🏠 たまご園 Tamago-EN📍 大角咀海庭道18號奧海城二期UG層51號舖 ___________________

Intro: 近黎有一間主打日式蛋嘅料理店，好多嘅菜式都係用日本蛋製造；呢到嘅環境仲好靚，好適合各位女仕打卡；而呢一次就叫左打卡好靚嘅三文治同雞肉蛋包飯～___________________🍽 吉列豚三文治💰 98（須加一）⭐️ 8.25/10✍🏻 要打卡一定要叫三文治，呢碟包左兩塊三文治、薯條同沙律菜；✍🏻 三文治裡有幾厚嘅吉列豚、流心蛋同沙律菜，吉列豚厚肉得黎好多肉汁，肉質仲好煙韌，而蛋係作襯托用，流心效果唔錯；✍🏻 沙律菜就冇咁新鮮，但包內嘅沙律醬令到三文治有酸酸地嘅感覺，而塊包皮可以更厚更脆得黎更鬆軟；✍🏻 薯條都炸得香脆，而甜甜地嘅沙律醬好夾薯條，不過就冇茄汁提供。🍽 燴雞肉蛋包飯💰 88（須加一）⭐️ 7.25/10✍🏻 呢碟嘅賣相好好，有西蘭花、蛋、多粒大雞粒同咖哩汁，色彩配搭得好靚；✍🏻 蛋就真係幾香幾滑，果然係專門蛋料理店✍🏻 但咖哩汁就偏甜，唔係咁夾咖哩蛋包飯，西蘭花就偏硬；✍🏻 雞粒係就係多粒又大粒，但就肉質好鞋。___________________🏠 たまご園 Tamago-EN📍 大角咀海庭道18號奧海城二期UG層51號舖⭐️ 7.75/10 （cafe）__

有一天經過這間餐廳門口，已經被燒玉子串燒的相片深深吸引住了。今日點了Tamago-EN特製5款玉子串燒、特上鰻魚終極TKG生雞蛋伴飯、三文魚生雞蛋伴飯追加牛油果及凍蝶豆花黑加侖子。熱熱地甜甜地的玉子串燒，口感細滑，蛋味香濃，每一囗都感受到恍如初戀的感覺，味蕾也彷佛被感動了一遍，那種滿滿幸福感實在難以形容。至於生雞蛋伴飯，重點是雞蛋，餐廳採用的雞蛋是來自日本沖繩農場。鮮橙色的蛋黃與白雪雪的蛋白，顏色分明，非常可愛。第一次吃這種蓬鬆軟嫩口感的蛋白，雖然沒有什麼味道，但賣相吸晴。餐廳餐牌有教如何吃得美味，就是「加入日本醬油、戳破蛋黃與一半的飯和蛋白拌勻，按個人喜好加入飯素輕輕攪拌。」，是一碗簡簡單單的生雞蛋伴飯。

❇️精選午市套餐-滑蛋鰻魚丼(包括是日餐湯或味噌湯迷你沙包括是日餐湯或味噌湯/迷你沙律）🌀鰻魚+滑蛋=無得輸😋😋😋餐湯係蕃茄湯，忌廉味道比較重蕃茄湯，忌廉味道比較重，湯內有蕃茄蓉，不錯呢！❇️玫瑰茉莉花啫喱茶🌀味道清新，當中有啫喱，煙煙味道清新，當中有啫喱，煙煙韌韌。❇️宇治抹茶梳乎厘班戟🌀有濃濃的抹茶味，味道不會過甜，恰到好處，如果梳乎厘可以再鬆軟d 就更好💪

今日又是一個人的午餐，選的是這家日式西餐店。最近吃得很肥膩，所以想選個比較清爽的。於是就選了牛油果三文魚親子生雞蛋拌飯，午市套餐包括了一份沙律及一份蕃茄湯。很日式的套餐，營養平衡，蔬菜沙律很新鮮且清涼，以油醋沙律汁入口很清爽。蕃茄湯偏酸，我不是很喜歡。拌飯上桌，擺盤很美，拍照出來效果很好。蛋白打成souffle 的質地，中間留了小坑放生雞蛋。外圍就舖了三文魚刺身塊及三文魚子， 這樣的組合肯定好吃。餐廳附了一小杯配料，是拌飯素，再澆上醬油， 味道已經很足。唯一是蛋白的狀況，樣子是很美，但拌起來有點難度呢。

平時見呢間嘢好多人食；前日夜晚見人少少，走左入去；menu 相當吸睛！就試下佢人氣推薦嘅食物！果然色香味俱全！幾推薦個大阪燒風八爪魚捲👍🏻👍🏻👍🏻脹卜卜嘅蛋捲入面，有好多八爪魚丸粒，感覺似食緊章魚燒！出邊俾厚厚嘅嘅甜蛋包住，入面就係八爪魚粒，上面又有木魚碎同大阪燒汁，唔錯👍🏻

🥚Tamago-EN x Namco 玩轉蛋樂園🥚🎏玩味十足的Tamago-EN以卡哇依雞蛋為主題，食品以雞蛋為主角，仲有雞蛋公仔、蛋型座位，打卡一流！近日與日本遊戲機中心品牌 Narnco 聯乘，攜手推行為期一個月的「玩轉蛋樂園」活動。堂食或外賣自取，憑當日單據即可換領電子金幣卡1張或免費遊戲2局，體驗夾公仔的樂趣！餐廳仲推出咗期間限定食品。餐廳更將「金幣」「彩虹池」及「雞蛋」等趣味元素混人其招牌食物，如：燉牛肉蛋包飯、生油果三文魚親子生雞蛋拌飯及松葉蟹肉玉子燒等，當然少不了最具人氣的梳乎厘班戟！🎀色彩繽紛的得意主題食品令人瞬間重拾童真，顧客品嚐美味之餘，更可拍照打卡。特別版餐紙更可帶走，隨時隨地享受「擲彩虹」樂趣！🥚松葉蟹肉玉子燒💰60HKD 三大塊厚切玉子燒軟硬適中，松葉蟹豐富，啖啖都食到松葉蟹，口感爽滑蛋味十足。🍛燉牛肉蛋包飯💰118HKD一直好期待食呢間嘅蛋包飯，估唔到佢咁特別，雞蛋果然與眾不同，好有蛋味，蛋汁juice 有層次，賣相好吸引！燉牛肉很入味，大大塊牛肉夠冧，配合日式咖哩，拌飯好味。🍳煙三文魚班尼迪蛋💰108HKD果然系雞蛋專門店，連班尼迪蛋都咁特別，流心溫泉蛋好

新一年繼續又玩又食黎咗奧運呢間Tamago-EN，原因係呢間餐廳同緊Namco做聯乘「玩轉蛋樂園」，30/12-31/1期間拎住餐廳即日單據去Namco指定分店就可以換電子金幣卡又或者免費玩兩局指定遊戲，有得食有得玩。餐廳以「蛋」做主題，款款都用咗日本蛋去炮製，連餐廳裡裡外外都搵到蛋造型嘅裝飾。講返嘢食先，我哋叫咗幾款期間限定嘅主題食品，款款都賣相精緻。松葉蟹肉玉子燒 $60厚厚嘅玉子燒口感非常軟熟，蛋香好濃郁，味道甜甜哋，面頭鋪咗滿滿嘅松葉蟹肉碎，食落啖啖蟹嘅鮮味。煙三文魚班尼迪蛋 $108煙三文魚同班尼迪蛋一向都係絕配，呢到嘅班尼迪蛋生熟程度岩岩好，輕輕切開就見到流心蛋黃漿，夾埋荷蘭醬、煙三文魚同脆麵包一齊食認真唔錯。燉牛肉蛋包飯 $118另外叫咗個蛋包飯，金黃色嘅蛋皮夠哂嫩滑，包住香軟白飯，燉牛肉汁好香濃，仲有好多牛肉粒。原味梳乎厘班戟 $68必食係呢到嘅梳乎厘班戟，有好多唔同味道嘅選擇，不過我哋今次就食返原味。梳乎厘班戟口感鬆軟綿密，就好似食緊雲朵咁，而且蛋味都好香，非常滿足。飲品方面叫咗杯仲夏菠羅梳打($38)同清香蘋果茉莉花茶($38)，菠羅梳打酸甜清爽，蘋果花茶飲落清新。

12月26日同家人來到此店食，女侍應招呼我們進餐廳內，當時我們想坐卡位，問女侍應想坐卡位要等幾耐，有個黑衫陳經理插咀話無晒卡位，我哋睇到有張吉嘅卡位，黑衫話個張卡位員工坐，然後用一個好差嘅態度同我哋講「想坐卡位出返去等」，我們只好坐普通位，我同家人心裡好唔舒服，個黑衫黑經理咩態度？我哋係客人嚟食嘢點解要受你氣呀？😡呢日食得好唔開心☹️12月30日我同小朋友向附近玩完，小朋友想食意粉🍝再一次過嚟食，我哋三個人，同樣女侍應招呼我哋，我哋見到有兩張卡位吉，女侍應禮貌地問我「你想唔想坐卡位，我執執個位比你哋坐」我話好呀唔該晒，點知個黑衫陳經理再此插咀話個卡位有人要咗，係出面兩位女士先，佢哋有4個人（我只見得兩個），然後即刻叫咗個兩個人入去坐卡位，個一刻覺得佢特登，然後我再問另一張卡位，黑衫話二人卡位，又再一次用一個態度差嘅眼神同語氣講「你想坐卡位去拎飛等」我心裡又一次受氣😡我實在忍唔到同佢理論點解對客人態度咁差🤬呢間食物質素係ok, 係店內經理態度惡劣，實在太過份😡

たまご園係一間以雞蛋為主題既日式餐廳，成個𝕞𝕖𝕟𝕦都係同蛋有關既料理，我地都好鐘意食雞蛋料理就去左試啦🥚🤤🤤成間餐廳仲要好多雞蛋公仔既裝飾都幾𝕔𝕦𝕥𝕖💓 ✨佢地雞蛋特別之處係用左日本沖繩直送既新鮮雞蛋🇯🇵標榜營養同埋衛生標準較高，而口感濃郁程度聲稱比一般雞蛋高出三倍以上‼️實際既味道又係點呢🤨✨🍚沖繩琉香豚肉飯（配慢煮蛋） 賣相幾靚，份量比想像中少左啲🫣個慢煮蛋爆哂流心好正，蛋味𝕆𝕂既🙌🏻🙌🏻不過唔知係唔係因為預你撈埋蛋汁食，啲飯煮得比較乾身，偏硬，個慢烤豬都比較乾😂整體中規中矩🥞士多啤梨梳乎厘班戟🍓Menu寫即制要𝟚𝟝分鐘左右，實際只等左𝟙𝟝分鐘左右✨呢個真心唔錯，好軟綿，唔係夾生個種梳乎厘班戟，蛋香濃得黎唔會有蛋腥味😋😋驚喜位係佢既糖漿好重焦糖味‼️勁香，完全昇華左成個甜品，但又唔會死甜個種🤩👍🏻👍🏻推介💓𝙿.𝚂. 啲野食都合格既，性價比𝕆𝕂，不過我地都覺得佢既雞蛋無乜特別🤣🤣甜品比主食更驚喜🫶🏻

今日朋友約咗去奧海城呢間試吓，去到門口，由裝修到餐牌，感覺好似去咗日本咁，第一印象已經好好！因為我哋4個大人，兩個小朋友，所以安排坐咗係個蛋入面，小朋友好開心！阿仔order 咗個兒童餐，我就叫咗個原味梳乎厘，朋友們order咗吉列豚三文治同all day breakfast！梳乎厘超好味，所以比阿仔食埋😵‍💫😵‍💫😵‍💫所以我就痴咗朋友食咗一件三文治。。一件已經好飽肚，又好味😋😋😋😋

過開奧海城買🐶狗糧，見到呢間裝潢好得意😍有成隻蛋型既座位好吸睛🤩於是就入去試吓喇😊原來成間餐廳以蛋為主題嚴選日本直送最新鮮的農場雞蛋，製作多款不同的美味創意玉子料理😋燴雞肉蛋包飯 $88 ⭐️⭐️⭐️⭐️蛋好似捲到成朵花，賣相好靚，食得出個汁有牛肉成分，同個蛋包飯幾夾😋宇治抹茶疏乎厘班戟 $88 ⭐️⭐️⭐️⭐️好大個疏乎厘班㦸又脹卜卜好打耳，一定要打卡呀😍😍抹茶雪糕配紅豆係完美架hehe 呢度仲有香草醬大蝦意粉，見隔籬枱食，隻蝦好大隻😌下次再試🫢

相信好多西九龍區嘅朋友都同我一樣，最近多咗嚟奧海城食飯行街，因為 2022 世界盃嘛，呢度有得現場直播，有個超級大電視，商場嘅中庭仲有一個好大嘅地方，畀人坐喺度睇波，睇波當然要搵嘢食，奧海城食肆都唔少。今次就同朋友嚟咗呢間，主打食雞蛋嘅連鎖店，好多地區都有分店嘅，之前都食過幾次印像都唔錯。今次點咗燴雞肉蛋包飯（$88）雞肉都整得幾嫩滑，另外又點咗滑蛋鰻魚飯（$118）鰻魚都幾肥美，另外佢嗰個 5 款玉子燒都幾好食㗎，不過今日得兩個人食唔到咁多嘢所以就冇點到，平時如果三四個朋友就一定會叫，另外佢啲甜品都整得幾靚嘅。

係奧海城發現左間裝修好精緻既餐廳，就因為佢個裝修，加上日本既蛋包飯，我就入左去光顧餐牌滿滿的介紹著不同的蛋料理最後我選擇左燉牛肉蛋包飯賣相精緻，但係牛肉並不是很美味，蛋既質素沒有感到很高，由於佢係主打蛋，所以本來對蛋既期望好高，但可惜佢只係一般甜品選擇左TAMAGO-EN原味梳乎厘再一次，我唔覺得個梳乎厘好食，佢只係屬於一般，整得好味既餐廳有好多，而e個梳乎厘唔需要再試總括黎講佢只係虛有外表，同食物質素不成正比。其次我係平日光顧，店內根本無咩客人，但待應要搵好耐先有人應餐桌仲覺點dirty， 希望佢可以改善下。

奧海城二期開咗一年左右既Tamago EN，店舖主題係雞蛋，全間餐廳都係雞蛋氛圍🥚🍳有好可愛既雞蛋卡位、蛋殼燈罩、有心思設計既餐廳，打開餐牌一眼望落去每一頁都係雞蛋菜式菜式：1️⃣燉牛肉蛋包飯碟上面鋪滿牛腩汁、配菜係牛腩+蘑菇+西蘭花、食落牛腩夠林、蛋包飯靠牛腩汁調味、炒蛋煮得滑身又保留倒蛋漿，腩汁吊胃口令人想添飯。2️⃣鮮果水果茶望落大杯足料，有多種生果：西柚、蜜瓜、龍眼、菠蘿、草莓、火龍果，食完主菜可以當飯後果，一杯茶既價錢兩種享受😋果茶飲落有雜果甜味，原來杯裡面仲有粒青檸可以自行篤爛佢提升果茶味覚、有別於一般檸檬。環境：⭐️⭐️⭐️⭐️⭐️👫🏻服務：⭐️⭐️⭐️⭐️🧹衛生：⭐️⭐️⭐️⭐️⭐️💰價錢：⭐️⭐️⭐️食物質素：⭐️⭐️⭐️⭐️⭐️回頭指數：⭐️⭐️⭐️⭐️(5星為最高分)餐廳：🥢類別：日式西餐📍地址：たまご園 (奧海城) (大角咀)大角咀海庭道18號奧海城二期UG層51號舖