三ステーキ

营业中

休息中

經常經過這間餐廳都大排長龍，終於有一次5:30左右便來到不用排隊就可以入去。餐廳內是自助形式，首先在門口用自動售賣機買了相應的牛扒後，入內之後自行去取前菜、飯和湯，這些小食都是任食的，當然不要抱有很大的期望，因為主菜是牛扒。至於牛扒，我們叫了兩款，一款是普通的steak，都叫了五成熟，中間有肉汁才好味，如果覺得太生，可以叫他在弄熱鐵板。總括而言，我覺得這樣的價錢能有這樣的質素已經是很好了，下次有機會會再來光顧。

本身等左好耐先入去都幾興奮既, 但去點知入到去都等左超過20分鐘先拎到塊扒, 係等既時間覺得餐廳環境好多蚊仔同飛蟻, 感覺已經麻麻地, 到終於拎到個扒, 點知個石板唔夠熱, 令塊扒好生, 要慢慢熱熟佢, 佢把餐刀又異常地鈍, 好難先切到d肉, 食左一陣已經冇咩心機再食落去, d飯硬都都不在話下, 總之唔會有下次

收工八點過到黎咁啱唔使排隊，坐低食時見到出面有條小人龍牛柳三拍子牛。個人認為牛柳嘅牛味重啲，響度食野似日本餐廳咁self-service，個餐包左啲椰菜沙律、白飯同牛湯。響度食但想要塊靚牛扒就應該諗多左，如果想要塊大件牛扒就實際啲。唔係話塊扒唔掂，只係覺得呢個價錢，大家就唔好要求太多。第一次食，塊鐵板都幾熱，話咁快就連牛扒入面都燒到熟晒。🙈

自從開舖起，每日逢午飯同晚飯時段都見到店門一條長長嘅人龍，於是今日終於去左試食！晚飯時間喺門口等左大約半個鐘，終於可以入座。店門有個自助售票機，揀啱食物已經可以直接比錢，非常方便。會錢算實惠，一百蚊鬆啲已經食到300g 三拍子牛肉。入座後發現由於舖面好細，座位坐得一啲都唔舒服，而且四處都係油煙以及黐納納。等食物喒山過程亦好慢長，以鐵板牛肉呢種唔需要烹調嘅食物來講，最後都等左十五分鐘先有得食，估計應該係唔夠鐵板。因為係自助式餐廳嘅關係，食物準備好之後，要親自去領取，呢個鐵板嘅size非常細，攞起手更加發現好唔穩陣，而鋪頭又窄，所以攞返去座位嘅途中就非常之危險。而且餐廳提供嘅刀竟然咁鈍，可以話係唔適合切肉，再加上個鐵板咁細，完全無位切肉，一定要另外搵一隻碟裝住先可以切到啲牛肉。食物黎到之後更加發現鐵板唔夠熱，六七分鐘後已經成塊凍左，肉都未煮熟（外層啱啱好唔錯，但中心係得2-3成熟）。朋友話上次嚟食嘅時候，情況並唔係咁，所以相信係因為人太多而唔夠時間預熱鐵板。雖然店員有話隨時可以去拎新嘅鐵板繼續燒，但見到佢地根本趕唔切預熱鐵板，要攞新一塊一定有排等...所以最後只能夠食左外層熟度啱啱好嘅部份

今日去左深水埗三人氣旺盛的Triple Steak（熱石牛扒專門店），平時晚晚都見到排長龍! 今日下午4點左右去食，幸好沒有太多人，也不用排隊。入座前我們要自行在自動販賣機點餐，有三款牛類：三拍子牛扒、牛柳、西冷牛扒。我們點了180克三拍子牛扒，因為沒有太多人，所以不用等太久，約5分鐘便可自取了! 而且店內是自助形式，沙律、餐湯、米飯、水及餐具等都是自取的。朋友說米飯好吃，是珍珠米，粒粒分明。餐湯是牛肉湯，味道正常。店內也有提供即棄圍裙，但是還是支持環保! 若真的有需要才用吧! 180克的牛扒份量還好(女生一個人吃算是剛剛好)，三拍子的牛扒是選用安格斯牛，個人覺得油而不膩，質嫩爽口，值得一食。亦可按個人喜歡來調整生熟程度，可自行配燒汁、蒜泥或芥末等等進食。

是咁的今日時間多，就出左去試下呢個石板牛！每一次想食既時候，都係排晒隊！我地大約排左30到40分鐘就到我地買飛啦！佢地都係採取自助mode,由落單到拎野食！三拍子牛扒 180g牛柳 300g今次點解冇係每一款下面都留下食後感想呢！係因為我覺得食落去冇乜特別！不過，呢個價錢，係非常抵食，75蚊有塊牛排，最緊要白飲同沙侓菜冇限添！有樣野都好好既，佢地好細心會提供圍裙！你問我？未食過既可以去試下，食過既我就未必會去食第二次！

經過幾次都好多人，所以都無食到。今次收工剛好有事要岀深水埗，就睇下多唔多人，有無機會試一試。點知真的不是太多人，就立即去排隊等，等咗半個鐘左右吧！由於飯/沙律/水都是自助的。因為我只得一位的關係，所以行岀行入都要跟旁邊坐位的幫忙看一看！（純粹個人問題！）這枱機很有日本風格，根據自己喜好點餐，但暫時只收紙幣，這點要留意！最好是100蚊紙幣入座每位會有一部「咇咇機」，方便通知取扒，係自助式取餐，所以一人來時岀入記得貴重物品跟身😂😂。這是我用1蚊硬幣作比較的大小，肉身偏厚所以很有口感，肉質不乾不油膩，每一口都帶有肉汁，盛著牛扒的熱石，非常厲害，到開始到用餐完全程都還在散發熱度。👍🏻👍🏻另外這店貼心地有提供一次性圍裙供客人使用。

由波蘭朋友回來香港都會同佢食返餐當餞行今晚由佢發板食呢間自助形式的牛扒店用石燒形式以一成熟牛扒作賣點，我哋覺非常新穎又可以無限添加飯，湯，沙律。真的好有趣。我就點左牛扒，朋友就食牛柳，汁醬自由選擇，加鹽加胡椒咩都得，自由發揮很好玩價錢不算太貴很合理肉質鮮嫩算不錯不過想食就要早啲嚟排隊了仲要記得食的時候不要全部切開哂啲肉，如果唔係就會好熟了，因為依度可以自己調校生熟程度如果不夠熱可以換一個新石燒板，個人認為沙律吧上的和風醬汁配牛扒好好味的，值得去試。

🤗今日專登去深水埗食依間🍽簡左《三拍牛扒》$75店名：三Triple Steak（熱石牛扒專門店）👉每款牛扒已免費包括：無限任添沙律，白飯，湯，水👉牛扒會放上一舊熱到出煙嘅熱石上，基本只得一成熟（我覺得個一成熟係由你取到行到位做成多🤣）👉😏之後你自己係位到，除心想煎到幾多成熟食都得👉🤤好多款牛扒醬汁選擇柚子味勁配同開胃+新鮮蒜泥溝牛扒醬油，必點來食🤤攪到我食左1.5碗飯（🤫d飯鬆軟適中好好味變左飯筒）等食期間：🤤椰菜好新鮮，醬汁又ok，食左二碗🤭再加多半碗用來餸飯#見意避過繁忙時間食#自助形式記得帶現金#先自己用購票機購買想食嘅嘢#跟注會有人帶位，再來自己攪點，自己裝湯沙律白飯取餐具#最後你塊購票牌著左紅燈響機，就自己去櫃面取（個熱石連牛扒有點重量）🤩大家記得取即棄圍巾，圍上先取牛扒呀圍左食完，衣服就無陣鐵板油煙味架🤩我130pm過後避過lunch繁忙時間去食，等左30分鍾內都算快。

今日特登去試食，但大家要留意自動販賣機，要自備大量紙幣，我帶的3張一百元及五十元紙幣均認不到，我承認我帶的紙幣是舊鈔，皺皺的，所以自動販賣機認不出。所以我建議想去試食的朋友，要多帶紙幣，最好是新鈔，否則店員都幫你唔到。

平時見到好多人排隊冇機會試，咁啱夜晚補完習9點幾，買左飛即刻有得坐低。已經9點半仍然有超過一半以上嘅位坐左客人，究竟係跟風定真係高質就要試過先知。餐牌見到最貴的級別都不算很貴，但第一次食加上已經好夜就揀左個200g牛柳試下水溫先。攞完飯、湯、汁醬同沙律菜之後牛柳已經攞得。見到成塊都係鮮嫩嘅肉色，塊石嘅熱力離遠都感覺得到，牛柳底下的部分已經有烤肉香味傳黎。建議唔想太老太熟嘅話即刻處理好，掛住打卡相機食先就嗮咁D啦（我係反面教材）。牛柳份量足夠，亦容易切開，但火候比較難控制，畢竟平時喺屋企都係識食唔識煮，搞到開始舊石超熱嘅時候好多細塊牛肉都變到較硬。牛柳就咁食唔算特別出色，有少量肉汁和牛味；但點起燒烤汁送飯就非常正。亦可以加D蒜蓉，都很滋味。飯和湯都屬中上，湯雖然有D肥，但可以見到用左好多肉黎熬。美中不足真係D位太難坐，尤其係有熱石同刀叉+咁多餐具器皿嘅環境，一定要小心翼翼。以呢個價錢有得玩有得食，算係很抵玩

超人氣石燒牛排🥩最近最出名嘅一定係深水埗triple steak仲開埋分店係西環 掀起一股抄襲熱潮.三拍子180g又冇坊間講到甘差喎👀幾嫩滑幾多成熟由自己控制 可以叫店員加熱塊石.牛柳200g嘩 呢個牛味重好多 都係甘嫩滑絕對對得住個價錢 不過一分錢 一分貨又唔可以期待到係好高質嘅牛排.白飯🍚應該加得太多水煮 有點過淋沙拉🥗唔知點解好苦 食左幾啖放棄左湯🍲似係熱水加幾粒鹽 不建議飲

晚飯時間排隊等左半個鐘，先買飛，再又店員安排座位。座位唔太舒服，有d 迫，好多客人一食完就即走。試了佢地嘅招牌「三拍子牛」$75，都算算可以。另一隻「牛柳」似乎比「三拍子牛」好，肉質鮮嫩些，但份量望落俾「三拍子牛」還要細份。

想食一排 難得放假12點就來到了 一開門就入得唔使排隊 響門口部機揀左牛扒款式先 然後由staff帶位坐底等食 等食期間可以拎沙律菜同湯食住先 但湯好淡 好似飲緊水咁 菜就爽甜 個和風汁好味 食左2碗牛扒本身一成熟 響熱石上面自己燒 呢個三拍子牛180g 比想像中份量多 而且好有牛味好正 又可以自己控制熟度 台面仲有黑椒 鹽 同 其他醬汁 我覺得就咁落黑椒已經好好味 75蚊來講我覺得超值 會再食！

見到社交網站有很多石燒牛嘅post 一場黎到深水埗就黎一試原來位置就係以前嘅拉麵店🍜呢度係類似日本拉麵店嘅形式先買票 後入座 記得準備好現金購票買票後大概等左5分鐘就有位有飯有湯有沙律，係自助的叫左一份三拍子及一份牛柳朋友表示三拍子牛比牛柳好食佢係用一成熟嘅形式上，再自行燒到想要嘅程度有得食有得玩，仲有唔同嘅醬汁呢！如果塊石唔夠熱可以換過一塊其實$75-85 有齊湯，飯，沙律性價比都好高如果想玩下食下都不防一試啦