一代日式料理 (已結業)

3文魚：夠厚夠鮮鐵板燒正醉雞：一d味都無其它野都唔錯，大家可以試下！呢間野食日本野又得打邊爐又得鐵板燒都得＊總括黎講：位置：舒服服務態度：ok食物質素：唔錯有70分啦我地用埋coupon，3人只需要:$175

看到雜誌介紹.一代食物款式算多.就打算同一班fd 落九龍城 試下..去到大概8點鐘..感覺d裝修算ok.一坐低.望下餐紙d款式都算多 食物都算吸引....!!!正當滿心歡喜叫野食既時候.但是~~~~~~叫人冇人應我地..茶又冇人倒..好難得先入到張餐紙.好快刺身就黎左啦.d三文魚都幾厚.唔係出面放提果d薄切.食落都幾新鮮.感覺幾好!!!跟住點左 :鐵板牛柳粒.同咩炒金菇.味道都幾好.其他食物都還可以!!!! 仲之..d野食 算幾好...但唯一失望係d服務態度好差Lo.......同埋時不時 聽到有個穿西裝既女經理 係個收銀位度.講野好大聲..仲時不時聽到拒講粗口 鬧拒d地同事..人地都係打份工姐...真係覺得拒地好慘

經過九龍城見到間日本料理..成家就落左去食...行到門口, 有個似經理ga物體企左係到..見到我抱住個bb都唔幫手開門...企係到望住, 反應好遲鈍..加埋bb五個人, 叫佢俾張大小小ga(木台)都唔得...(個日都冇咩人食野)坐低就當然係叫野食喇...叫人叫幾十次都冇人應, 個個企晒係到傾計鬼咁大聲... 仲大聲過d客! 離晒譜食物方面, 三文魚幾新鮮"火鍋還可以... 野食黎ga速度唔算慢!但係開始多人個陣, d野食就黎得慢左小小...有d野叫左幾次都冇黎...之後就叫個女經理幫我地追下...點知, 個經理對住我講 (任食係咁ga喇, 冇黎咪再叫多幾次囉)個女人真係不知所謂, 咩經理黎ga... 態度可以差到咁d人"食完野諗住坐陣先喇.. 有個好瘦ga男經理係咁行過黎唔知想點咁...見到冇茶又唔加, 好似趕我地走咁..叫埋單, 行動超快...收錢就收得咁快, 叫個侍應仲慘過去死咁...我諗經過今次, 以後都唔會再黎!去第2間都仲好過佢, 起碼d人態度好先喇!

寫咁多次食評, 再差的餐廳還保留些餘地但今次山長水遠過九龍城去試佢結果只是想狠核因為午膳時間較平 $88位而報紙的印花寫每位減20满心歡喜去到 卻得到不爽的下場a.贈卷不能用(佢話午餐係特價無得用喎!i.沒有地方指明午餐特價;ii.贈卷上亦沒有說明)b.個個坐低就狂叫人食放題(有單點午餐),有位好禮貌的姐姐又sell人加錢叫海膽(好想食斬人咁)c.所謂一開始就的刺生盤賣相還好,但後來再點的就真如屍體d.order紙上寫著1-3位,每次只可點六款食物,本來可以接受,但佢就亂塞d無叫ge野食黎,佢連繼2次比錯野,忍唔住要出聲(任食都唔係求其塞飽人ga)e.拎住碟雞翼同佢講無叫過,侍應答:雞翼同雞腎個位好近ga喎!(哇,答案當然係佢比錯枱啦!不過咁唔負責任ge! i.你係咪應該自己check單下先呢?一心抱住係人地寫錯ge態度 ii.張order紙兩樣野印得近,都係你地問題 iii)接都唔接返碟野,由人地拎住f.第4次錯單同佢講無叫過(因為又係再黎一碟爛雜菜,邊個想哽?),侍應超無禮貌拎走,轉身大大聲話"等我去check下先~"我同意唔好亂點浪費食物,但係限住order又黎得慢又出錯野,食放

其實本身這間食店一入去感覺不錯, 又大, 又舒適第一感覺良好...但可惜..的是, 食店會自行願意降低食物質數來趕客.開始進食的時候, 來的食物很新鮮, 特別是魚生, 切得很大件但當我們食到一半(因為我們幾個大漢去食)開始送來的魚生開始很差.會有起灰白邊那些. 不是切得差的現象, 而是那些比較差的肉質.還有是切得好細件. 有些更冰凍得..像冰一樣其實我見該食店夜晚可以滿座, 更有很多女仕進食, 該店應該不太會蝕本, 但為何還要用此手段來趕自己的客. 我本身是該店的VIP...見到此行為真的感覺不好... 寫這封信當然希望該店有所改善. 我希望日後我還可以繼續再到該店進食還有可改良的時物有, miso soup太淡, 魚生種類太少. 還有額外一談的是, 該店有個別員工態度很差(男的), 但有一個頭髮cut到好短的態度非常之好, 令我覺得他是想客人好的. 當然更加要一提的是高級少少那位, 態度不好.自己的下級人員竟然更有禮貌過他, 我真的覺得他要檢討自己. 希望日後, 我可以見到該店的進步, 不是自己"柴台" 的食店!!!!

因為係生果日報見到有"每人減$20"既coupon, 就同男友去試下呢間啦..一坐低就送左個刺身拚盤, 好靚, 好新鮮但之後落order, 都明知佢d刺身好細我寫10塊, 佢上既永遠都只有4塊quality同刺身拚盤果d都幾有距離再落order要10塊, 又係比得2-4塊刺身嬲得滯不停入紙, 佢就不停漏單要人地等勁耐先有一樣野黎仲要係佢中意比咩你食就比咩你食叫人黎check單, d service勁差未至於黑口黑面, 但又唔係好理你咁一check單先發現佢係亂入單架佢篤到咩你就要食咩咁...叫10樣野只有4-5樣黎平價/飽肚既又唔知點解黎得咁齊咁快...d份量又勁細勁奀果餐係我想多謝我男友幫我搬屋而去食既d野食咁奀, 攪到我請客都請得好cheap咁最後, 埋單佢送左3張"每人減$20"既coupon比我但2個星期就到期我乾脆拎轉身將我既coupons送晒比我身邊果3張台既人無啦啦多左9個人有discount($20 x 9 = $180)hoho因為我真係唔抵得佢咁cheap lor走果時d waiter話: 多謝晒但對眼係咁啤住我lor

失望......以$168(再加一)的價錢!!!!以後唔會再去!!!!!我和朋友一行四人於8時入座,當時店內只坐了1/3 的客人,真唔明白點解上菜嘅速度可以咁慢...(唔知係咪星期三跑馬嘅原故),質素差不在話下,話明放題,即係任食,都未試過食放題食到咁唔暢快!!!落嘅order同嚟嘅完全唔啱嘅!!刺身求求其比幾片就草草了事,(d三文魚刺身越嚟越薄,越嚟越"林"),落幾次都係咁!嬲嬲哋叫個侍應問吓,佢就黑口黑面咁話"係咁架喇,再寫啦!"d服務態度差到不得了!!!!食完嘅碟擺到成枱都唔收!另外....款式甚少....有好多基本嘅都無得食!!!總括嚟講...1:服務態度差 2:食品種類少 3:食物質素偏差我哋四人自問唔係"厭尖"嘅人,但是次真係食到一肚氣!!!!!

都係果句...唔好咁多人去...你一多人去服務態度會好差...星期二..同人班唔認既人去...只係得幾個認..去到成班阿太細佬...嘈到爆-_-...勁無奈..坐低之後..等埋幾個朋友... 跟住見到佢地咩都寫....咩都要...寫成十幾份...點知....黎到只知係平野...刺身黎得一次...一陣又話冇三文魚....要等到1點先有...因為我地一排咁坐,可能人地咩都放係前面就算...前面d人唔要d野就比哂我地...其實我都唔知佢地搞咩-.-"...食食下冇啦啦又整個爐黎...打邊爐咁...個鐵板燒又唔知咩事....整舊野比我地...又唔知燒咩...D野食既味道就一般...冇咩特別..仲有佢係勁漏單...勁黎炒雜菜...食雜菜料理-.-....服務態度就一般...不過我個fd係廁所見到個經理去完廁所唔洗手-_-"...

一次比一次差（我每次都係食下午放題）第一次去食係朋友帶...係d比較少人既日子，所以服務態度就好d，d刺身亦都係厚切亦都有個ｄ迷你雪糕泡芙做甜品（雖然小器左ｄ）但你叫服務生都會即刻黎，亦唔會秒嘴秒舌去到第二次，係慶祝朋友生日，個日就多ｄ人個次竟然冇左迷你雪糕泡芙！！不過ｄ野都尚算黎齊服務生亦都好有禮貌甘同我地傾計開玩笑去到第三次，簡直係垃圾．．．（當日星期日蠻多人，但仍有三分一位未坐滿）冇泡芙都算，叫任何野都係求其黎ｄ就算客人多少少就搞到服務態度差哂，跟住仲要苦口苦面咁對住我地我同家人想每人食幾條蝦天婦羅，於是係天婦羅度寫左十ｘ條（仲要係last order)跟住佢就勁黑面咁問我食唔食得哂，請問呢ｄ係咪服務態度？跟住佢仲要特登黎齊哂ｄ野，仲黎多個咖哩飯（服務生擺低就走，嗌都唔應）分明就係睇死我地食唔哂食物質素不錯我食左甘多次，都冇一次係未溶雪丫個ｄ情況出現（當然只針對午市）燒牛柳粒同金姑肥牛都好正，不過有ｄ浪費時間至於火鍋湯底，辣味湯底麻麻，煮多陣就溝淡哂，好似水甘牛肉味湯底就唔錯，令食物好入味刺身第一次食時極度厚切，一塊抵出面店舖既兩塊甘濟可惜之後愈黎愈小氣，最後一次同出面個ｄ冇分別

太耐無同男朋友去食放題, 揭晒所有飲食雜誌之後, 決定試新野~就揀左一代啦去之前睇下呢度既食評...有好多劣評...所以都諗過唔去, 不過最後都去左感想是出乎意料之外的好!刺身比一般放題新鮮、大塊好似北寄貝咁...一般放題只會比較小的鯊魚旗部分(唔識形容..)總之成塊北寄小都會比較乾身..但一代的北寄貝大塊D而且仲多少少嫩滑的旗末部分..(真係唔識形容..)令成塊北寄貝都好食好多!三文魚肥美新鮮~甜蝦同其他放題無咩大分別~壽司都好食~D飯唔會好易散~而且有款好似叫鹽燒芝士三文魚壽司~真係好好味!只有表皮燒到脆卜卜~底層還是新鮮的魚生~加埋芝士同鹽味真係一流!最開心係有埋火鍋同鐵板燒!^^火鍋比較似係一般的鍋類定食~我同男朋友揀左地獄湯底~同生蠔拼盆個生蠔拼盆入面有麵、菜、生蠔等~D麵同菜都幾多~幾「質」飽人~不過生蠔幾好食! 另外和牛定食...D牛肉同一般肥牛無分別~我覺得火鍋試一個就OK~至於地獄湯底真係幾辣~不過幾好味!鐵板燒比火鍋好味D佢係用蠟生火的~舊蠟成日發出的的DA DA聲仲突然間彈D火點出黎! 彈到我隻手..幾痛下...不過燒牛柳粒~金姑牛肉卷都好正!一代各方面都很討我歡

上星期日同一大班朋友前往一代日式料理,晚上8:00入座刺身不夠新鮮,每次order,無論order數量多少,都係是旦比幾片,d刺身還未溶雪炸物,串燒不是即叫即做,全是凍冰冰的, 落極order都唔到,冇落order既,而且比較cheap的食材通通來晒叫人開爐, 三崔四請都唔黎, 有幾個 senior 既伙計直頭當見唔到我地添, 等左九個字, 開左爐, 燒得兩碟少得只夠兩人食野肉, d 臘就燒完啦, 又要再等開爐.....我地訂位既時候, 訂大概30人, 問可唔可以有折, 個女經理話可以有九折, 但最後埋單既時候, 個女經理話我地唔夠30人, 得27人, 所以無九折, 當我地一到個度, 已經同佢d伙計講左最後得27位, 當時個經理又唔同我地講唔夠30人就無九折, 要到我地埋單先講, 完全有欺騙之嫌呀!!!!最後鬧左好耐, 佢先唔收加一, 總括而言，以$168一位(仲要加一)呢個價錢食呢間餐\廳係完全唔抵, 無質素, 無服務, 完全唔會再嚟食....亦唔建議任何人去食...

我已經多次到一代食野, 但服務態度, 食物速度真係越做越差, 人少既時候還可以, 部長仲會成日埋黎打招呼, 問你要唔要海膽呀.. 生蠔呀... 不過要另外加錢!!!上一次聖誕節 (26/12), 服務一樣不知所謂, 今日年初五(30/01)仲嚴重漏單, 入左3張單紙, 一個鐘祇係上左一碟魚生, 我多次追問, 最終個肥部長print左一張單叫我自己對下有咩未黎, 幫我跟返, 一睇張單, 原來祇係得第一張紙, 而冇左第二/三張, 咁我就要由頭寫過2張, 又要再等過... 當然中間又再漏又再追不知幾多次!!最難譜今日訂位話每位送虎蝦一隻, 我一共追過3個部長至少10次, 到9.30個女部長話d虎蝦唔新鮮唔比我地, 換個龍蝦沙律, 點知黎到係一小兜剪碎左既魚生, 想搵一粒龍蝦都冇!!!我唔會再去一代食野, d部長既服務差到不得了, 返而侍應態度不錯!! 上食物的速度非常慢, 漏單嚴重, 總之就係一d進步都冇, 仲要越做越差!!

今日一行9人前往一代日式料理,晚上7:30入座-10:00離開1. 刺身不夠新鮮,每次order,無論order數量多少,都係是旦比幾片,八爪魚刺身還未溶雪2. 炸物,串燒不是即叫即做,全是凍冰冰的,尤其是係炸蝦,d蝦梅o架3. 落左order又冇到,冇落order而且比較cheap的食材通通來晒4. 開頭半小時落order都好快,之後崔極都唔來總括來講:以$168 +10%, 食物質數只值$60本人覺得.......差.......差..........差................一定唔會再去,同區來比三禾田好好多

準時七點去到,成個場都只係得10枱到,環境都算乾淨,被安排坐在獨立房裏面,有電視睇．一坐底就有兩碟刺身放在枱上，每碟大約有五款刺身．都算新算，不過唔係幾鮮味．一開始我們點了好多款式的食品，不過等了幾個字都無嘢來，終於來了兩個一人份量的沙侓，蟹子沙侓和吞拿魚沙侓，個樣都ok，不個唔夠沙侓醬成個沙侓都好乾．去到嗰時個待應話每人會送一件羊排，不過等咗好耐都無，問了幾次等到大約食咗大半羊排先出現，不過件羊排好油，好似油浸一樣．食到最尾會送一個甜品，嗰晚係雜果西米露，嗰樣已經唔吸引一pat pat，個雜果又酸．總括來講，嗰到d食物都唔係太差，只係普普通通．由於有九折咭，所以免加一．

lunch time放題價錢其實唔算貴只係想先了解食物質素如果88蚊食垃圾就喊都無謂環境算幾好坐不過可能開左鋪無耐地下岩岩拖完，有D濕今日試左一客天婦羅拉麵定食有一碗天婦羅拉麵+麵鼓湯+西米露甜品上菜有D慢麵的分量似乎偏細天婦羅有一件蝦+一件南瓜+一件茄子炸得不過不失不過差左天婦羅用的鼓油麵就平平穩穩，用麵鼓湯做湯底似北海道拉麵多D配菜有蘿蔔絲....-.-埋單係$28以今次食物質素表現來計加上隔離檯的三文魚刺身望落都唔錯會考慮去食放題