一代日式料理 (已結業)

我係今年四月左右去過一次之後，真係決定唔再用佢既優惠券，唔會再去佢度食。都係因為今次同屋企人去左九龍城行下，先有番想頭去試多次，希望大有改善。（怪就怪我自己太鍾意食放題了．．．）咁訂左六點半入去，成間野得兩張枱有人坐，而我地坐低左無耐，又係咁多次都係咁既問題：「先生，試唔試下食膽啊？」我地話唔駛之後，今次仲要「加強」攻勢，有另外兩個人再問番同樣問題，去到第三次個陣，我已經話：「我地咪話左唔駛囉！」學我媽咪講，食海膽就唔會刻意黎放題啦！之後我地就點野食，唯一可以讚下既，就係佢既食物款式變過，而且多ｄ新款，認真唔錯！　讚完又鬧番啦，當我地交左張單比ｄ侍應，佢地竟然話我地點得太多，話成張紙只可以點六樣野（因為我地得三個人）。下？刺身：三文魚、甜蝦、希靈魚、八爪魚、赤貝、魷魚。夠啦！已經六樣啦！就想一次過叫埋壽司、炸物？唔駛諗啦！因為佢話要到左先可以再入單bor．．．．我食過咁多次放題，都係第一次見到間咁樣既野！半年前黎個陣，佢地見我地點左某個quota之後，佢地先至會開始「炸型」，成日比藉口話我地點得太多，但係今次竟然不進則退，一黎到就我地點得太多，又話咩任我地寫份量，我寫左要十塊三文魚，最

尋日係飲食男女見到呢間野2周年紀念 推出中午時段48蚊任食優惠今日走去同朋友試下 一坐低 有伙計走黎問係咪88蚊任食 我話:下? 唔係48咩個伙計即刻黑面之後收起我地d單 話48只有壽司食我話: ok 冇問題啊點完比張紙佢 佢又問 你地嗌咁多食唔哂要逐樣計啵up左一大輪 我話我地食得哂 好肚餓 我好想佢快d上菜囉之後佢行開左 又到大經理行過黎重新講多次我依家冇錢比咩 我出去出面隊蠔 次次30隻都係咁啦 睇我瘦就串我食唔哂?! 我依家比48蚊唔通我唔係客人?佢話我地嗌左100件 要食哂先好等左15分鐘先上第一碟 佢地送既頭盆 有8件壽司我一食就知點解佢話我地食唔哂 壽司冇落壽司醋 有既.. 可能少少 但我食唔到d飯好痴 食落成舊"囉"米飯咁冇問題 我好肚餓 我真係肚餓到食左30幾件蟹子壽司 d蟹子好苦沙律多醬冇料 真係食醬咩鰻魚切埋d邊邊比你 係人地唔要果d邊邊囉之後佢同我講 d野食到齊我啞左 算數 走人齊頭每人52.8 一仙都唔比多佢

未食過一間日式料理既餐廳可以係難食到咁，冇心機整野食，服務態度部份十分差，咁既食店，可以點算。話說星期日同屋企人食飯，阿媽話呢間野有優惠卷加上佢食過幾次都幾好食，雖然佢咁講，但我其實都有d保留，但佢老人家想去呢間野食，咁我將就下啦，點知.......四五點訂左位，六點過到去，當然未有咁多食客啦。坐低後，當然好似之前既post咁講，有個妹妹仔食你試下二十八蚊既海膽啦，既然又唔係貴，咁我都要左一客試下既，其實唔太差，又唔係特別好食，二十八蚊係咁上下啦。我覺得最奇怪既係食日本野，點解食食下，自己隻碟有好多湯汁......咁係因為佢又有燒烤，又有火鍋，感覺好奇怪。另外差既係壽司，飯又硬又冇味，一夾就散，再夾再散。見到order紙有火炙三文魚腩壽司，咁我問侍應哥哥，可唔可以order三文魚腩壽司，咁廚房就唔使用火槍燒啦，點知佢答我: 因為係任食既，所以d菜式係整定架，冇得變架。我答: 下，d野食係整定架? 點知佢都話係...........好，之後諗住問下經理，睇下有冇一個可以令人滿意既答案，點知換來既係成餐飯既一肚氣。我同樣問題，男經理答: 冇架，d野食都係整定既，你地宜家食放題係咁架啦(佢老

雖然已經係4月食,但因為覺得真唔錯,所以一定寫!一早知道呢區好多食美食,但因偏愛食日本菜,又見報紙介紹就決定黎!但地點都幾難找.....因為唔識路,都找左好一回!唔算多食物,而且因為人少,所以叫既數量不能太多!但見有得打邊爐同可以自己玩迷你鐵板燒,都幾得意同新奇!刺身食左幾轉都幾新鮮同好大件呀!可是每次的份量都好少,食得唔喉!佢有個魚湯都超好味!我飲左幾碗,而且飲得出佢地真係用鮮魚煲,唔係味精水!!讚! 但熱食就差左d,炒蜆類多過肉!東坡肉就幾入味! 火煱配料雖然少,但都幾新鮮!壽司除左係舊好散之外,都冇乜問題!咁啱4月係每人送一件羊扒,呢個都好味!夠熱~迷你鐵板燒自好好玩~但金真係熱就好鬼耐,因為只係靠個小火,需時都幾多!不過牛舌朋友話好好味,叫左幾次~可能自己有份燒0掛 串燒係唔夠熱!同埋呢到既侍應不足,經常冇人理!一定會再去!!!!!

十個差.......:炒雜菜好似用油浸....炒飯無味...壽司唔好食...d 飯好硬...叫左碟長腳蟹壽司...D長腳蟹超級"乾爭爭"炸物好油...同埋炸左好似仲難食過唔炸刺身麻麻地..有d 唔新鮮...d Waiters 服務態度麻麻...一定唔會再黎哩間野食囉!!!!價錢唔算貴~~但食物質數真係超級差....

i visited the restaurant twice..also dinner buffet..for me..it's really ok woh...sashimi is fresh.....staff is fine (of course i will not expect 5 stars service)..no order missing at all..even i ordered only one stick of chicken skin..also did not miss...all orders arrived my table within 5-15 mins...so strange that it got so much poor comment..or lunch buffet got big difference with dinner one?

一行五人黎食放題.......刺身選擇不少而且鮮甜......有三文魚..甜蝦...北寄貝..甜蝦...希靈魚等....蟹子沙律用上我最愛的"bb沙律醬"....特別好味蟹棒壽司:如果蟹棒上面有d沙律醬會更好...蠔鍋: 蠔都幾新鮮...湯底甜甜地..有適量配菜....不錯...炸物:頗油膩罐裝可樂...雪碧任飲......題外話一代o係openrice 有好多喊臉.....親身試過後都唔係咁差......而且都座無虛席.......咁點解會有咁多喊臉.....實在不得而知.....

爲了打呢篇野...先開個AC希望有意去呢間野食..真係請三思..三思..再三思本身山長水遠去到食日本放題第一次去呢間..門口標的價錢很合理,閒日$168+1一行7人..比左間房..環境都好舒適1.點知,一入去...間房係臭的好地地一間有冷氣房都要放風扇..仲要壞既2.服務態度勁差落單幾次,叫十樣野食,泥三樣每次催單都當無到,聽唔到算數,總知扮唔記得WAITER咁拎住個盤,都可以跌晒D食物落地,總重要係佢又扮睇唔到,D食物係地下照擺唔理,等發臭食放題要食到每碟食物相隔十幾分鐘泥一兩碟,慢到呀3.食物質素勁差未試過食日本野差到咁..壽司...飯硬兼諧..跟本就食唔落口...百佳D壽司都好食過佢小食D熱食炒粉麵...拎過泥一食落口係唔暖又唔熱..有D食物又苦又霉...唔知想點佢送現金卷比我都比返佢....一間根本唔會食既餐廳真係好難食

壽司d飯唔知點解可以咁難食,又大舊又''鞋'', 冇諗過有壽司既飯係會難食..$48午餐既選擇本來都唔多. 咁我都算喇始終佢咁平.但係d選擇少得黎, 當中仲要有3,4樣比較貴既係冇得供應!!令到選擇更加少.開頭個頭盤d野幾好~~ 幾新鮮~~點知愈嗌d野愈難食.尤其係三文魚.黑哂不特止. 仲要咬唔開!!第1次食唔可以1咬咬得開既三文魚.搞到我即刻dum底唔敢食.總括黎講果度d壽司,係可以用<吉x島同x佳超級市場既壽司都好食過佢>去形容!!!!果度d人又衰.在場有1個日本人(?) 我唔肯定. 總之係外國人.問左好耐又揀左好耐.我聽到有個員工行開左之後細細聲話"幾廿蚊都揀咁耐"雖然唔係對住我講,但係我聽到都好un耳.衰到咁都有.總之依間野無論如何都唔會再黎!!!!!下次都唔會貪平!!!!!!今次當買個教訓!!

去呢到食野不如唔好食 食物來得慢到呀媽都唔認得！第一輪d食物來得都幾快，5分鐘就到！但係第二輪就要等15分鐘。其實15分鐘來一次我都接受到，但係第三次入單之後，等左成十幾廿分鐘都唔來，所以我地就叫人跟跟，足足叫左三次，都無d食物都未來(最後d食物係無來到架)！ 入去坐左個半鐘，食得兩轉野！ 禮貌差到噴血！d waiters 唔會等你講完野就走！吹單三次，三個唔同waiters三個都聽到一半就走，最緊要既係，走左之後唔係幫我跟，都唔知去左邊！ 每次落單，都要問你係唔係食48蚊既壽司放題，好次失憶咁！以後唔會再食呢間野，係貼錢都唔會以下評分： 如果有負分，我會比負分！

雜誌見promote,8月$48任食壽司,持學生証$38.一去到,環境不錯。心諗唔通真系有好野。同經理講食$48任食壽司,經理竟然黑口黑面....帶左位,丟低句"只系食壽司架咋"。一望張壽司紙,嘩...選擇翏翏可數。經理話有個頭盤送(約10件), 質素....眼望似百佳粒粒壽司,食落原來仲差過粒粒壽司完全唔想再食....結果低處未算低....所有壽司都唔新鮮,口感怪,大大舊飯....叫staff 俾wasabi,一行開就失左憶.....但店裡無咩客要serve......$38加一....去拮好多串魚旦食飽算...可以有10個喊,一定俾10個。

系magazine見到宣傳學生$38sushi放題，心（林）咁平都唔會有mud特別抱住0期望去，有心理準備會唔掂，難食都有個譜啦入到去坐低，拒就check student card之後就叫野吃，所謂一分錢一份貨，梯下張sushi order list好似好多野食，其實得10多種一種食材分sushi,手卷同卷物仲有salad....食sushi放題仲要先送一大碟sushi，我地兩個人盤野有成1x舊sushi.....食完都order唔到其他，though theres nothing worth to eatwaiter態度好唔得，野食好唔掂d飯就大大舊，驚死你唔夠飽咁三文魚又乾又薄又細舊，梯下個豬扒手卷，舊豬扒細到...d飯大舊到...真系仲差過supermarket個d，$38蚊我真系覺得比人騙magazine相就好靚，好多種類，真系騙到人邊又咁著數呀，唔好貪平呀

今日去左呢間日本放題食野 係因為之前行街經過時比佢吸引住 本來已經抱住好低既底線去試 點知 呢間咁既野簡直離晒大譜囉~1)出野勁慢2)佢拿比我地個d野我地跟本無點過 求求其其咁放低就算 當我地係咩先3)有某d waiters d 態度勁無禮貌 次次同佢講野 講到一半就走左 同佢講點左d野咪黎 話幫我地跟跟 跟左十幾次 都係咁 佢唔覺沈氣我地都覺啦 跟本都唔係想做生意4)坐左入去仲慘過企係旺角既街頭 熱到死 都跟本無冷氣 咁都唔緊要 連風扇都無把 大佬啊 咁既天氣 你唔覺熱咩真係無作大 好多人都係咁既情況 唔只我地嫁下次就算唔洗錢 我一定都一定唔會去囉 寧願用多d錢 去間自己食得舒服既地方囉

上個星期同女朋友黎一代食野~d食物都算ok啦~由其係鐵板牛柳粒,紅酒燴羊腩,芝士年糕,辣味炒硯.......就係我覺得係最好味既...不過d天婦羅就差少少...軟淋淋又有d凍...或者係放得耐先至拎出黎俾人.....d刺身壽司都幾好~ok新鮮~而壽司就怪怪地...一時手握一時機壓...總括d食物黎講都可以.....但d服務態度就強差人意!!!! 由其是個男經理去完洗手間""唔洗手""直頭係無理食客既安危!!!簡直係想食到我地個個肚痾!!!!!而個女經理就好搞笑...光天化日之下當眾粗言穢語,又大大聲係到講私人事(我坐個位已經離收銀處都有一段距離.....我都知佢買左部新手提囉~)不過都好彩..其他既待應態度都ok..又其是肥果個經理態度幾好...對比起果倆個不知所謂既經理喎...就好得多~!最後大家食野要小心...d食俱都好多"濱濱"地午市 $88 (12:00~2:30)晚餐 $168 (5:30~12:30)宵夜 $138 (9:30~12:30)另收加一服務

三文魚：夠厚夠新鮮 (越叫越厚同靚，比左個腩我地超正！)鰻魚 ：真係勁好味，叫左3轉啦炸蝦 ：夠新鮮，香口，正打邊爐：湯底正，特別推介(九洲鍋)打邊爐配料：肥牛正啊坐位：舒服服務態度：好好呀(我今次食左第2次，覺得d服務有禮貌，有笑容)特別備註：我見到呢度d人 post話服務唔好，但我覺得就係第2回事價錢:二人330元埋單，我地用左$20 coupon