一寿司 (已結業)

兩個月內第二次到訪一壽司. 不同的是,這次有地方要彈... 就是那本"發臭"的menu.不是講笑,還未打開那本menu便已經聞到有陣"酸縮"味飄出來... 我們入座之時左右都沒有人(不是bar(木台));但問題是隔離那兩本menu都好不到那裡...惟有叫侍應把menu拿走並告訴他這個問題. 可笑的是他也認同那本menu很臭,跟著拿另一本來說了句: "這本應該唔臭"... 我們謝絕了他的"好意",因為已經不想再掂那本東西.食物方面依然不俗. 今次特別點了特長海鰻壽司和秘汁燒玉子. 特長海鰻壽司味道不錯; 燒玉子大大舊夠厚身,有口感. 帆立貝壽司很有賣相,夠大件,都算新鮮. 最後點了個金龍卷和雜錦天婦羅,味道都幾好.雖則好食,但那本menu實在幾趕客.

今日收到又晚左,同d同事收工11點幾去左一壽司食宵夜,其實門口已經好多人,宵夜時間有discount50%,真係好抵,可惜我得等左半個鐘先有位,入到去都差唔多12點, d waiter已經不停叫last order叫我地order野食,好啦,我地都知道佢地1點鐘收工,只好快d叫野食啦.野食已經上得唔快,12點40分先叫做差唔多上完,我地幾個女仔,已經用極快既速度去食, 但係到左1點我地仲有好多野都未食完,d waiter已經不停同我地講叫我地走啦, 差不多1,2分鐘就叫1次,雖然佢地都唔算係冇禮貌, 但叫左好多次我地都唔好意思食落去,係禁趕既時間我地真係冇可能食完,又唔可以打包返去食(因為特價時間), 其實佢地反正都未收到,點解唔可以俾多15分鐘我地食呢!!!講真佢d野食都算唔錯,宵夜時間又抵食, 但要我係禁趕既時間去食, 真係好似返工老細追我交project禁好有壓力,下次都係唔好係呢d時間去好了.

今次是第二回到一壽司！第一次是和友人在正價時段到來，由於有女孩一起的關係，每人平均消費都只是$80多第二次和一大班朋友到來，可能因為當時新世紀的分店並未開張，所以九時半開始排隊也排不到．．．今次和女友二人到夾，排隊的人明顯少了很多！今次最深刻的食物是：1. 三文魚刺生 (4件)：$35 半價 ==> $17.5　4塊大大的魚生，厚得來夠哂肥美，雖然有少少腥，沾一點芥辣 = 完美的配答！2. 三文魚壽司 (2件)：$9 半價 ==> $4.5　實在太平．．．質素也有一般的水準！3. 各式軍艦 (2件)：~$12 半價 ==> $6　很香的紫菜味，新鮮的表現！4. 加州卷(4件)：~$28半價 ==> $14 　蟹子超級爽，一粒一粒咸咸的，很久未試過如此正斗的蟹子了！半價之後，再加一都是每人６０元正！抵！

尋晚睇戲之前來試試; 19:15左右, 不用等位.sushi試了:三文魚帶子巨型帶子蟹柳甜蝦本來材料都好新鮮, 但嫌佢處理手法會令D sushi過凍, 影響口感. 連舊sushi飯都過凍; 食落乾左D.蟹子沙律 (英名叫caviar salad, 名不符實!) - 醬太多了海膽手卷x2 - 比較ok金龍之卷 (有炸蝦,三文魚及蟹子的卷物) - ok金剛卷 (4舊不同的魚類刺身卷物) - ok菠蘿雪巴x2 - 一般埋單$340, 價錢一般啦

上次同朋友慶祝生日覺得好抵..今日帶埋阿ta黎試下...9點3到...條龍已經勁長!!!可能星期六啦...叫左好多野食...吞拿魚..三文魚...曼魚同好多卷物...heehee全部都係半價...樣樣質素都ok..都幾好食...回轉壽司的話當然無得同板前o固d比...但係$4.5 一碟三文魚...咁ge價錢仲要有質素ge...我諗真係幾難搵!!!不過阿TA 唔係咁鐘意食生野...自己一個食一碟..好似無咁好食...哈哈整体真係唔錯...可以再試..但唔同阿TA 再黎了..HEEHEE環境都幾靚..服務就一般了....最後都係要講一句..好鬼抵食

我之前都試過一次, 各方面都唔錯, 可是今次就........差差差第一就係等位方面, 等唔係一個問題, 最大問題係等得太久及唔公平. 是原我地4人近11點時分去到旺角雅蘭等位, 也知道好多人等, 我地都有耐性的人 但在等了足足45分鐘內, 帶位合客一張4人枱都冇叫過, 佢只係不停地叫2人枱, 間中只叫過1張3人枱及5人枱(A=2人, B=3-4, C=5人以上). 除我之外, 也有其他食客都問她為何一張4人都唔叫呢? 她只說因為2人枱很多, 也等了很久來答我地. 但由於我地4人都做飲食業, 而且也是做過帶位的工作, 也明白但也會作出安排, 另客人等待時間都平均. 但此人不但冇做到公平一點, 也冇安撫食客, 還大條道理, 我同其他食客不停在佢面前批評她的做法. 佢先立即改變做法, 叫一些4人枱(在我地輪號碼前面起碼有4-5張4人枱也在等待中). 我地入座時間已經差不多12:00了. 第二就是服務生真的一流呀........我座下不久, 我足足叫左4-5位侍應生, 只係想要幾杯水, 可惜的是一杯水都冇law~~~最後....足足叫了一位男侍應3次後, 才可以有一杯可以飲. 你地話, 食都

第二次食黑夜壽司(半價),有D新鮮(食材),有D唔新鮮,好似上次我叫海膽壽司.........唔.新鮮................但今次又OK..睇運......總括黎講......黑夜壽司(半價).....抵食..........(正價)我唔會食.................

五月十六日(五)今日重點行程係一壽司既半價時段"黑夜壽司"，選擇尼度原因係老婆之前都不時同朋友黎食夜場，今次再出黎食，本人則第一次食一壽司。去到旺角行一陣見差不多九點就出發排隊。約九時到達，發現在場輪候人數上百，星期五來說有點誇，星期六的話真不敢想像～大約十時半入座，等了個半小時～ 幸好有NDS消磨時間，不然.......入到去見到紙都有好多選擇，都TICK左唔小，由較好食既寫起～香芒花之戀($28)三塊三文魚，配合蟹子同沙律醬，食落唔錯，味道幾夾，幾好味～厚燒玉子($12, 正)三大塊，夠晒厚身，味道不錯，亦有口感，可惜小食無半價～天婦羅南瓜、蕃薯($20, 正)每樣各三塊，炸得唔算好，但味道可以，有未隔乾油跡象～軟殼蟹壽司($22)軟殼蟹炸得較南瓜、蕃薯好，蟹味道亦OK，但沒醬汁配合下不適合餸飯～鰻魚壽司($20)斜片切法，魚較細塊在所難免，味道方面當然及不上板前、峰等，和元祿水平相約三文魚壽司($9)平～無傳閒中咁差，起碼我唔覺得D魚薄如紙，超細舊咁，賣相細舊只係佢D飯細魚卷埋左一舊，話好好當然唔係，一分錢一分貨，尼款係尼度黎講算好唔錯。三拼刺生($10X)有蝦、帆立貝同三文魚。

擒曰因為心急要出旺角買部mp4 所以一早約咗肥田B出嚟, 當我買完心頭好之後又要諗下去邊度食晚飯行行下, 肥田B話不如試下呢間 "一壽司" 啦上到去出其地唔駛等位可以因為佢做特價要成十點後既關係掛, 入到去間鋪好大有兩個好靚仔咸水魚江跟住就開始開餐啦，　大大話話叫咗十幾碟壽司食大致上都係中定貨式但係就千其唔好叫湯飲囉一來價錢唔抵二來佢啲湯咁鬼大碗，飲完都唔駛死其中嘢啦，不過最好笑係我地叫個人嚟落單佢居然叫我地自己寫紙喎學劉華話事齋咁既工作態度點得架，但係我擒晚瞓到半夜就肚痛啦雖然唔駛起身去厠所但係我諗都係佢啲壽司有問題因為我問過肥田B 佢都話佢返到屋企大約十一幾點都肚痛要去排毒呀

同男朋友去食..等左2個半鐘既黑夜壽司..抱住個期待既心情去食..入去坐底之後即刻畫紙叫野食..好期待三文魚.. 結果又大塊又好味.... 半價真係好抵.. 一定會再去..同埋個度d侍應唔係人地所講既黑口黑面..全部都好好服務態度^^ 好值得比笑面

之前食過都還可以, 是食正價的,而今次就試黑夜壽司, 因半價的關係就吸引了我和男友。分了2次落單, 全場侍應好似好忙兼無人理!!終於落了單吃進口真的想大叫回水!!!!!!海膽壽司非常非常非常不新鮮!!! 拖羅好薄, 好似食了=無食,比較可以的是鰻魚和軟殼蟹, 但這兩種都無什麼技術可言吧!極薄的壽司令人一見難忘=.=最最最差的是服務, 人手嚴重不足, 態度又極差的疑似男經理態度惡劣,坐在我們身旁的一對女客人問可否外賣, 只答了一句「無外賣」就溜了去,可憐的一對女客人問都未問完就被忽略了。男友只說「好唔掂」,而我只可以講「唔會再黎」貼$$我都唔食呀!!!!!!!!!!!

這店給我的感覺是,晚上一定會有人在門前排隊等九時後半價壽司,而且那條"龍"永遠都打足幾個"蛇餅"...因為時間關係我們沒有等半價壽司,肚子餓了也不管那麼多... 坐下一口氣點了多款壽司,天婦羅和燒物. 首先要讚讚有很多特式的壽司,而且賣相和味道頗不俗. 很多名字我都忘記了,只記得有一款叫"初吻",哈哈... 而天婦羅跟雞串燒也不錯.

今日係特登為左食佢半價壽司而o黎…睇食評話要早d排隊, 所以哩日我8:55到，仲以為自己已經算好早, 點知已經有十幾人排緊, 等左陣排係我後面的人越來越好多, 到差唔多10:00終於可以入去la…一入到去坐係回轉枱, 對住個超大魚缸, 個view真係好靚, 有好多假山同珊瑚仲有好多熱帶魚好正呀!! 1)香芒花之戀$28: 好好味, 芒果同三文魚原來都好夾, 有種好清新o既感覺!!2)秘製汁火灸玉子$9: 唔…好似唔同平時食開陣味唔同, 有少少好似燉蛋味…怪怪哋, 我都係鐘意食元x嗰d蛋!!3)海膽軍艦$28: 嘩d海膽原來真係唔啱我同男友食…好難食4)雜錦海鮮軍艦$20: 好似食緊草咁, 一d都唔好食。5)火灸海膽蟹棒$22: 好好味呀, 隻蟹棒好有蟹味好有質感…6)黑和牛手卷$28: 標明需時15分鐘, 仲以為會唔錯, 辛苦晒wor, 原來都只係d似免治牛肉ｏ既和牛，一ｄ都唔好食…7)玉子壽司$9: Ok 8)火龍卷$28: 好特別, 賣想都好好, 好吸引好好食!!9)愛火(酒精飲品)$69: 個玻璃樽好靚,入面d酒係水藍色, 都幾好飲, 酒味不重有d汽水味甜甜o地, 所以都幾而入口

星期六嚮學校忙完, 本來諗住食唦嗲王就算女友突然話想食累夜壽司, 咁又黎食下啦~今次明明已經早黎, 但唔知點解仲要等成兩粒鐘...嚮未講野食之前, 我真係想講句... 唔值得排咁耐!!本來以為佢肯改下menu, 有新野啦~點知無左d 想食ge 野~ 無哂蘇格蘭三文魚一生人一次系列ge 帆立貝亦係刺身改做壽司然後落單果陣, 係個好蒲友feel ge 金毛O靚仔waiter果個人衣衫不整, 眼袋大, 態度差, 成個唔夠訓ge樣幫我地落單果陣覆單語氣好差同我講無哂珍寶帆立貝果陣個態度差到我即刻想走anyway 女友平息左我ge 怒氣講番野食, 今次特登分開兩輪叫, 第一輪:甜蝦壽司帆立貝壽司芒果花之戀蟹棒壽司估唔到已經出事...d 甜蝦痴哂牙, 唔指唔新鮮, 完全係爛貨...最慘係我地已經放哂落口, 唔係我一定投訴...無珍寶帆立貝, 就叫普通size啦~但今次d 帶子一睇已經知唔多新鮮, 但都搏下啦~真係...真係好難食呀! 完全唔新鮮, 仲要同d 甜蝦一樣痴哂牙!!好彩之後芒果花之戀同蟹棒壽司同仲叫ok但花之戀ge 三文魚都唔多新鮮...唔通因為天氣熱, d野全部變得唔新鮮!?跟住再叫啦

和女友半週年, 剛好大家都想食黑夜壽司最後又黎到一壽司當日人唔太多, 我地9點幾開始等到十點三多d 就入得喇~當晚叫左:1. 火炙玉子　　　　　　　正~ 好抵食2. 香芒花之戀　　　　　　正~3. 帆立貝壽司　　　　　　太稔, 唔多生鮮4. 蘇格蘭特級三文魚壽司　正!絕對比9蚊果d 好好多5. 火炙蘇格蘭三文魚壽司　超正! 必食!6. 蟹棒壽司　　　　　　　正~ 好抵食7. ＸＸＸ特級吞拿魚壽司　唔知點解有血水...8. 海老天婦羅露筍壽司　　正~ 抵食呀9. 味噌湯　　　　　　　　好普通, 所以無出相10. 雜錦天婦羅　　　　　　料好食, 但個漿厚左少少11. 鰻魚壽司　　　　　　　唔掂...12. 甜蝦壽司　　　　　　　鮮甜!13. 火龍卷　　　　　　　　好食抵食!今次叫左一生人一次系列ge 火炙蘇格蘭三文魚壽司真係好好食!本身呢度ge 蘇格蘭三文魚已經比9蚊果d貨色好好多加上燒一燒, 好香, 好好食!比峰同板前更好食!食左咁多次一壽司都未叫過壽司以外ge野今次就叫左個雜錦天婦羅~ 估唔到又ok喎~有三隻蝦, 其他香菇, 南瓜, 茄子, 蕃薯各一雖然個漿厚左少少,