一寿司 (已結業)

周日晚7:15到，等6張2人枱7:30入得，坐迴轉枱面對魚缸，將魚嘅貢獻同時發揮(觀賞+食)。特色壽司選擇頗多，點了"軟殼蟹黑蜘蛛卷"、"火灸海胆蟹柳"、"腐皮蟹柳"、"針魚"(期限發賣)等，其他還有"蟹肉清湯"、"南瓜甜薯天婦羅"、同自選串燒4串($44)，串燒就點咗"芝士翠玉瓜"、"鰻魚"、"多春魚"x2，估唔到燒得咁好食，尤其"芝士翠玉瓜"有驚喜、有新意，面頭芝士少少焦，香噴噴，再加上五香粉的味道，出奇地合襯，好食!整晚侍應招呼不錯，唯一是門外知客妹妹態度較差，不時咀藐藐，仲對客人反白眼，好唔耐煩咁，惡搞。

為甚麼總體評分是中立? 因為心存忠厚, 而且喊面是留給最差的食肆的. 不想多費周章了. 週六吃了頓不飽的午飯, 因為一邊吃一邊無心機. 先在門外等了10多分鐘, 原來內裡座位多的是, 半間舖是空的! 可能餐廳想在門前營造墟場面吧!迴轉運輸帶上竟無三文魚壽司($9), 要另外叫. 運輸帶上都是貴價(注意: 貴的是價錢price, 不是價值value)貨(約$20-$30). 這樣硬銷是不行的.吃了數碟, 水準一般, 令我覺得再吃也是白吃. 用料不算新鮮且食材素質不突出, 分量很迷你, 和鄰近的x壽司的"抵食夾大件"有天壤之別, 但價錢卻無大分別.menu錯別字百出, 又要裝作很有品牌故事似的, 不忍卒睹. 服務一般, 都是被動服務, 毫不主動.

今日與友人本來想去羽壽司，不過友人覺得遠。便選擇了這間。平時多係半價時段來。因爲第二日仲要返工，所以我地決定食正價啦。 點知....三文魚都算係甘，不過花之戀就越來越細了。服務更是差得好緊要，飲曬杯水好耐都無人斟。最後買單，等人數完牒都要再等超過10分鐘。一個生的幾高的A.C對我的態度更係不屑一顧。很想投訴他，但他行開得太快，我來不及看他的名牌。= =" 以後都吾會再去lei間了,去板X好過。

又到食飯時間，可以因為早，經過一壽司時見冇咩人，就走左入去。我地對住個大魚缸，環境好好，而且有d卡位，好啱三五知己gathering。d魚生好新鮮，除左新鮮都唔知仲可以點形容，我會再去食囉。

試過10點半後既半價優惠......一般啦.超多人, 等左一個鐘, 不過半價喎, 預左.叫左個刺身拚盤,仲有個唔記得咩魚既刺身,三文魚,帶子, 鯖魚, 藍鯨吞拿魚等壽司.同時叫左蟹棒,赤貝, 牡丹蝦壽司, 不過都冇貨......拚盤d蝦幾新鮮有甜味, 但三文魚, 帶子就好"林",一d 都唔新鮮.個咩魚刺身薄過張紙, 似乎係將貨就價.其他野都係咁, 我諗日頭食會好d掛, 不過半價......收貨啦.

平日到旺角都喜歡到板前，剛好初四晚板前等候人潮超多，試試一壽司，很抱歉，食物令我和bf都大失所望。我們坐在sofa位，比較舒服，但waiter們好根本不沒看我們一眼，點菜之後等了很久才上。壽司的飯很糟，比便宜價的元氣金太郎都差，像煮爛的飯一樣，很難入口，其中有些魚生的賣相真的很噁心，我bf吃了一件，覺得不太新鮮，我連試都免了！價錢比板前還貴，以後都不會再去！

11號晚去左食佢\10pm後既半價壽司....個大魚缸,其實一d都唔靚..嗌左(壽司):海膽(10個嘔有一萬個嘔):佢\d海膽係細細塊,一pat pat的;食落甜味欠奉,每一塊都有異味的!!咩異味?!個人認為係似尿味的異味!!!真係超嘔心呀!!食到作嘔!仲有一塊係苦的....有冇搞錯呀....食到喊呀真係.... 問問坐右手邊又有嗌海膽壽司的,佢\話食落好腥;但唔知點解見到坐左手邊既人係咁嗌海膽壽司黎食...完全唔知有咩好食囉.... 唉....海膽本身係一種美食....點解可以俾佢\地搞到咁....?帶子:好\"林\"....好似不太新鮮咁....三文魚+魚子:非常馬虎...就咁喺魚上放上魚子..但係都跌晒落黎,好似就咁食d魚子之後食三文魚壽司一樣...蟹肉+蟹膏:個蟹膏其實係唔錯的~幾濃郁呀d味~不過份量頗少..藍鰭吞拿魚:味道其實唔錯的,好有吞拿魚味,,不過塊魚好薄好薄....大甜蝦:雖然大同彈牙,但冇甜味的.....我寧願食細但鮮甜的....其他壽司全都冇咩特別,包括:鰻魚,蟹柳,腐皮,北寄貝,\"立\"魚,蔥吞拿魚軍艦,三文魚等.坐左個幾鐘,杯茶只被添過一次咁大把..

之前已經黎呢到食過幾次半價場. 次次都勁多人一早黎等位. 如果唔係九點佢黎等位十點開第一輪既時侯一定入唔到去. 因為佢本身既價位都唔係好高, 半價左之後真係好抵, 最緊要我覺得佢d野都算好ok, 所以好抵. 之前成日都黎食.前兩日, 同媽咪係正價時侯都黎, 8點幾9點黎到等左一陣間就有得入. 因為媽咪愛好食魚生, 基本上我哋成餐都係魚生壽司既世界. 花之戀都食左4碟. 我覺得佢d野既質量係正價同半價既時侯真係差唔多喎. 唔會話因為半價就ling d超唔得既魚生出黎. 都係咁好味. 所以食完呢餐之後, 我決定~~~ 我以後都唔會正價時間黎, 一定要等到十點鐘之後, 平靚正!!不過我今日另外點左個炸軟殼蟹.... d炸粉超多, 食完之後即刻飽晒, 好彩呢個最後先上, 如果唔係咩都唔駛食! 不過唔知係唔係太油, 食完之後有少少反胃既感覺.....

我上個月去呢度食，因為有人請~ 佢話都ok，所以去試下無妨。我們係平日3pm去的，坐吧枱。o個個time都唔係好多人，佢又無位放袋喎! 咪放o係隔離無人坐啲位，之後有人坐又要攞起。好麻煩! 明明仲有其他位，點解要坐到咁迫呢?!有個fish tank 係唔錯既(environment)。三文魚壽司是廋廋長長的+thin，口感一般，元氣，板前好些。三文魚手卷的紫菜一上桌已經軟身左，你話點食?! 十分之唔好味! 仲食o左好多其他野，又drank soup。soup 都ok。燒三文魚壽司都唔夠同其他店fight。又無得自己加水，咪要等佢come。又唔多人，o的waiter都唔知閃o左去那。加水都唔自動自覺。埋單仲耐，等成10mins! o麥好多人咩? >.< 我唔會再同anyone去呢間。係咪真係地區問題?

昨晚食了旺角一壽司，因為係個FRIEND一早(晚上七點前)搵位，所以說不用等位。我地二人叫了十多種壽司，總體來說，如果係普通的壽司係OK的，魚都新鮮，但海膽手卷的紫菜一上桌已經軟身左，加州卷的飯又太諗，一夾好快散。另一方面，因為坐吧枱，其實都幾逼夾，連佢地一加水或上菜都要就位。不太好！臨埋單收野仲俾佢倒瀉豉油TIM, 唉埋單每人一百二十元，其實有D貴，惟有下次等十點后半價先食吧。

一直鍾情一壽司. 之前試過很多其他同類型(連鎖, 平民化價錢)的壽司店, 都沒有一家比一壽司好.一開始是在舊公司樓下, Ashley Road 那家吃的. 用料非常新鮮, 天婦羅/炸軟殼蟹/炸豆腐都非常好.然後旺角開了一家新的, 還有10 電後半價壽司魚生, 當然不能錯過了.10 點前旺角店和其他分店一樣, 用料新鮮, 好吃.10 點後, 以為半價會水準下降. 結果並不. 除了部份貴價壽司($35 那些)要儘快點, 否則會售罄之外, 也沒甚麼大問題. 基本上壽司依然是即叫即造的-- 除了迴轉檯還有的那些-- 試過兩次, 帆立貝壽司, 等了好久都還未送過來, 催促了兩三次之後, 服務員吧迴轉輪上轉了不知多少個圈的帆立貝壽司拿來給我們. =____=anyway. 極力推介火灼(?!)和牛壽司, 海膽軍艦, 珍寶帆立貝壽司(10 點前才有), 炸軟殼蟹, 蝦天婦羅, 藍鰭吞拿壽司.服務- 旺角店, 通常沒大期望, 是否"地區文化"問題, 要迎合一般旺角區餐廳的文化來對待所有人? 服務基本上是不好的了. 某一兩個服務員態度是可以的. 但大部份的是差. -- 半價壽司的話, 就沒要求那麼多了,

10pm 後, 大部分都有半價,除了飲品,小食外......已經食過好多次, 因為又平又好味....d sushi 好新鮮ka, 特別推介雞軟骨配海膽汁,好正呀個汁....飽到無得再飽呀~~~但是要早少少排隊, 不過都係值得的!!

响旺角，食過峰、羽、板前、和花亭、東京、北海道活、金太郎...以上各間都比一壽司優勝，前幾間好味過一壽司多多聲，後幾間味道未至於好好但都比一壽司抵食。壽司超唔新鮮，舊飯唔實，味道唔得。*玉子壽司*呢個唯一我覺得好味(應該係可以接受)，舊蛋即整所以幾好味。唔單止迴轉個邊d壽司唔新鮮，就連order既都唔新鮮，絕對唔係即叫即整。杯茶飲完好耐，無侍應留意到，要叫佢地先識加，出面好多已經一早留意到並幫你加左水九世羅，d侍應口黑面黑，就連埋單走人都無人講聲多謝。非常唔得，絕對無下次。

前排同左幾個FRIEND 去左雅蘭既一壽司食宵夜因為佢地10:00 pm 開始有50% off既優惠但係要等好耐先可入座仲有等既地方係無chair 局住要齋企到腳都攰入到去坐bar檯個魚缸真做超大不過等魚仔幾條最慘既係竟然冇位放袋要攬住個袋.......D 野食個賣相好多都好靚壽司上面有D仲要有decoration 添........不過終看不終用因為D魚生唔新鮮三文魚壽司D魚冇光澤好明顯放左好一段時間北寄貝放到收晒水都仲可以係迴轉帶=_=" 很可怕其他食品質數都麻麻至於service 方面可以話係勁差.....全場既server都係黑面毫無笑容尤其門口個妹妹點解門口呢d咁前線既都係口黑面黑好似唔想做生意咁有個叫"KinneAs" 我刻意記住的佢d service 真係差到無人有!!!!!D 茶無曬成15 mins. 都唔fill仲要唔叫佢佢都冇意識幫你加茶....叫落單叫左勁多次先有反應但係叫埋單就飛咁快過黎仲要撞到你坐緊張chair 都可以無反應繼續直行直過一句唔好意思或者對唔住都無.....咁既service連一個普通waiter都不如但我竟然可以係佢名牌到見到: senio

最近發現位於旺角雅蘭一樓的「一壽司」，少人不用排隊，環境清清靜靜。材料夠新鮮，最正中那碟帶子壽司十分大隻和鮮味，基本上你很難找到壽司舊飯；而軍艦方面棄用小肥大師最憎食的紫菜，全部改用薄薄青瓜包住，清新脆身。整體來說，壽司比「元氣」新鮮和高級，但較「和花亭」遜色，以「一壽司」的價錢，我寧願去「和花亭」。