一幻拉麵

营业中

休息中

今日黎到海港城，由於友人想食拉麵，於是就走咗黎幫襯一幻，黎到條人龍都唔短吓，等咗大半個鐘終於都入到去。入到去叫咗兩份限定一人套餐（$99），拉面叫咗招牌原味蝦湯，有份小食同可樂。個蝦湯有蝦味，如果個湯底有啲櫻花蝦補吓鈣就更加好，友人果個既幼麵鹼水味太強，懷疑係趕時間整，啲面未去得切鹼水味，好彩職員都肯友善咁換個碗，而且建議粗麵會冇咁重鹼水味。拉麵嘅份量都多，食完都好飽。不過食完回程嗰陣時就真係好口乾。

收早去行下，又去海港城睇下日落。睇完日落又係搵食時間～有少少掛住呢間拉麵店，行到過去見到有個新口味，就食佢！北の極番茄蝦湯拉麵$78濃濃蝦湯加上番茄，就是多左少許甜甜的味道！拉麵我比較喜歡食幼麵，原因單純地係因為幼麵能夠沾上更加既湯😍仲有食一幻拉麵，紅薑天婦羅係必定要加架！叉燒正常，唔算太特別！番茄食落幾爽，有番茄味！叉燒飯$45飯上面嘅叉燒比較瘦一啲，一絲絲咁，味道唔算十分突出，試一次就夠啦！整體評分：⭐️⭐️⭐️⭐️PS. 下次都係食返最愛嘅辛辣味噌蝦湯拉麵😗

呢排好喜歡食拉麵，今日又來到海運食拉麵，如果可以坐到窗台位就好啦！有維多利亞港陪食麵特別好滋味。細閱一輪餐牌最後決定限定一人套餐 $99🥢豬骨豚骨拉麵湯底用上豬骨熬製故特別香濃有肉味，麵條煙韌帶富彈性，味筍好正好入味又爽口。👍🍺加 $20 札幌啤酒🥢特濃蝦汁叉燒拌麵 $88湯底勁香蝦汁鮮味好出。🥢叉燒（3片） $30口感軟腍有嚼勁，肉味香濃脂肪比例剛好不會太肥。🤤🥢餃子（5 隻）$35煎得香脆醮醋汁提升味道有助解膩。對日本拉麵來說超抵食。👏👏

♾繼續🇯🇵🍜♾#海景配拉麵#尖沙咀➡️《一幻拉麵》🦐🍜💡加分位：有一行窗邊位望維港海景，chill住嘆！🎇🌌*主打甜蝦湯拉麵既一間店*🔷#招牌蝦湯拉麵 🍜💰$88(湯底用北海道產的甜蝦熬成，再蝦油、豬油、蒜蓉薑蓉以熱鑊爆）💬湯底頭幾啖飲落都幾驚喜，嗒得出好濃郁既蝦鮮味同蝦膏香，食到一半就開始膩，可能因為揀咗濃厚版太濃同比較稠身，而幼麵同叉燒都係正正常常。🔶#特濃蝦汁叉燒拌麵 🍝💰 $88（以蝦頭、蝦湯、蔬菜等熬煮成特濃蝦汁，再加入蝦油、蒜蓉、蝦味醬油煮成特製拌汁）💬粗麵彈牙好多，汁係惹味既咸鮮甜加上蝦油香！叉燒就係切成小件都係冇乜特別，個人更喜歡拌麵！ 👁‍🗨係尖沙咀想慢慢嘆個拉麵都係個好選擇，Btw唔知點解成日都見呢間野做優惠😂

一幻拉麵店係來自北海道札幌，7月在荃灣開第5間分店了。我想試好耐，今日決定去這間海港城分店，有無敵維港海景，可以望住海景食嘢，感覺真好。食下午茶套餐，包括麵，小食，飲品。$68,加一，合共$75.揀了招牌蝦湯拉麵，原味，味噌，粗麵，有麵酥(紅薑天婦羅)，原味蝦湯，我覺得已經好濃厚，不是太膩，有蝦味。粗麵是我鍾意的正常粗幼拉麵，軟硬適中。麵酥，好快淋，要快啲食。蝦味飯糰: 好大一個飯糰，飯有調味，入面是小蝦仁，味道新鮮，好味。

由總店長林直樹先生創過江龍拉麵店推介, 款式都好多元化,湯底味道好香,三種蝦湯底選擇,純蝦湯,豚骨蝦湯,濃厚豚骨蝦湯.更重要係價格便宜, 最近做緊推廣提供左100內拉麵套餐.餃子做緊半價,品種豐富.憑著香稠濃郁甜蝦拉麵, 用上北海道蝦頭熬湯,新鮮製作絕不隔夜.來自北海道札幌品牌,鮮甜蝦湯用大量甜蝦蝦頭熬製,新鮮,真材,實料,拉麵爽口彈牙十分濃,令人飲唔停嘅湯.叉燒肥肉分明.麵條粗身有咬勁.雞蛋流心蛋入味, 有蛋香.日式煎餃,蔬菜肉餡為主,用佐料醋醬油,個底煎得脆.包著滿滿肉,菜比例好好.

見有coupon所以就試試😝全部都係🦐. 令我好掛住新宿既蝦湯拉麵. 拿 但唔會甘比較既！🙊可以望住個海景食真係唔錯. 不過怕熱人士日頭坐窗呢邊就會有點熱.我選了招牌蝦湯 配 濃厚豚骨. 原本以為我選嘅口味會有點複雜 兩頭唔到岸甘 點知出嚟又唔會. 但個蝦味就唔會太出. 朋友選了招牌原味. 我比較喜歡佢呢個😆不過我地都一致認同好似咸左少少麵質煮得剛好 配埋粗麵 好掛湯 好有咬口！叉燒唔會太肥. 加$30 多 3pcs食拉麵點可以冇煎餃佢本身個水完全唔凍. 只好加$叫凍飲

另外一間海港城我成日會去食既店🤣幾乎每次都係叫招牌蝦湯拉麵湯底濃郁，拉麵硬度適中，蛋夠溏心！叉燒就一般。麵酥好酥脆，一定要快D食，如果唔係好快就會浸淋哂。半價左抵食

今天去海港城行商場，行到有啲攰就去左商場搵野食，見到有一幻拉麵，我地就排隊試下。都排左一陣先入到，餐廳地方都大，環境都唔錯，唔會好迫。我地叫左特濃蝦汁叉燒拌麵，辛辣味噌蝦湯拉麵，木耳小食，同煎餃。拉麵黎到，先試下個湯，真係好濃郁既蝦味，好鮮甜，拉麵亦都好爽口，雖然辛辣湯其實都唔算好辣，整體係好好味。特濃蝦汁叉燒拌麵都好味既，但係都係配埋湯好食啲，有湯可以昇華成個拉麵，木耳小食感覺係中規中矩，煎餃子係唔錯既，只係應該係太多客感覺係煎好左一堆預備定。

✨尖沙咀篇 - 一幻拉麵✨.‼️用eatigo 去訂座有折，晚上9點後入座高達5折，折完碗拉麵只係$40 （好癲呀！）.一幻嚟咗香港都要一段時間，我見到網上嘅評語好壞參半，咁一於自己親身去試，揀左去海港城個間😋.間餐廳裝修選擇咗日式木系列，分開左bar枱，卡位，有一排bar枱仲要望住維景，極chill，成個環境好闊落—————————————————————呢間餐廳而家推出左一個$99套餐，可以任揀一款麵、一款小食同一罐汽水。-๑۞๑招牌蝦湯拉麵 $88蝦🦐愛好者一定會愛上佢地既湯底，一入口極濃郁既蝦味呀，每食一口都好似啜緊啲蝦頭嘅汁，但係食完之後又唔會覺得好口渴，證明佢唔係落咗好多鹽同味精。.不過佢呢款麵就得兩塊叉燒，所以建議食肉獸可以加$15追加3塊。. 個面底可以加減，我揀左正常份量，好夠飽，細食既可以少麵-๑۞๑ 北之極蕃茄蝦湯拉麵 $78呢個麵就同招牌蝦麵好唔同，佢混合左蕃茄之後，出嚟既味係龍蝦湯味，個湯對比招牌結身少少，啲麵幾爽，咬落去有少少彈口๑۞๑味筍套餐包小食，揀左味筍，出乎意料地好食，平時嘅筍好大陣味，佢啲筍又冇乜腥味，反而帶一份甜味—————————————————

難得冇乜人排隊，就去左呢間係日本都出名既拉麵試下。最喜歡日本拉麵既温度，雖然天氣好熱，但一端上枱係一碗熱騰騰的拉麵，仍然覺得真係好正招牌蝦湯拉麵充滿蝦味，糖心蛋冇得輸，麵質不會太淋又入味，同埋我中意佢係粗拉麵。唯獨對餃子有啲失望，因不是脆口，似係蒸餃既感覺，等我中好期待佢係日本既煎餃一人餐$99+餃子埋單都係一百二十元左右，拉麵來計價錢不過不失雖然望住個維港食真係一流👍但我都係掛住係日本食既拉麵🥲

同朋友已經想試呢間好久了，今日就有個機會來試試😍呢間餐廳在海港城入面所以如果夠lucky，可以坐窗位，可以邊食拉麵邊欣賞風景🤩我就無呢啲運氣啦😓但是我坐嘅位置正正可以👀到啲廚師整拉麵，都算幾正🤩佢哋午餐有個一人拉麵套餐，99蚊有一碗拉麵，一碟小菜（例如溏心蛋）同一杯野飲🧐但是我真心會食唔唒，所以就是叫咗一碗拉麵落單唔到15分鐘就來咗🤩😍我叫嘅是招牌蝦湯拉麵，裡面有溏心蛋和豚肉😍上面紅紅的東西，我覺得最好吃😋好似很特別🧐好似叫紅天婦羅🧐啲湯底都好特別，唔係話好鹹，話唔定因為我叫咗Miso湯嘅關係，所以啲湯底有少少苦🤪但是真是好大碗，我都食唔唒😓呢碗就88蚊啲服務都算好，佢哋都好親切🤩

🍜一幻拉麵平時食開豚骨拉麵，蝦湯底真未試過，但原來一試就愛上😍😍我最鍾意佢新出的辛辣味增蝦湯拉麵，好少日本野係我會覺得辣，但呢碗係辣嘅，同埋好香蝦油，唔會因為辣味而蓋過湯底，個湯底係好濃的蝦味，我好喜歡😙😙餃子都ok(本人超愛餃子，咩餃子都食🤤）

自從海港城有咗Dining coupon, 人流真的很強勁，間間食肆都大排長龍，塲面驚人，今日是閒日，又過咗中午食飯時間，終於見到好平靜的廣塲，一個人獨自決定食拉麵。一入門，服務員首先問你會否用coupon, 跟住話你套餐不適用，我當然是有coupon 啦！個服務員好細心介紹我食品及點菜，好warm.服務員是女仔呀！覺得自已好似大鄉里出城，點菜都要人教，哈哈😆由於過哂人潮時間，可以選張想坐的最佳位置，對住海景，不過有時有位保安阿嬸經過，認真失色，講吓碗麵，湯味濃郁，拉麵彈牙，义燒不太肥，所以不太驚喜，但係可以靜靜的一面睇住船仔，一面食，都係好享受😋

一直以來都未食過一幻，今日經過見唔多人排隊，就試一次 ... 但睇嚟近排仍然欠食運 ...其實喺門口已經聞到好香嘅蝦湯味，第一次食，叫返最基本嘅蝦湯拉麵。飲第一啖湯，蝦湯偏鹹，食到嘅蝦殼味道比聞起嚟嘅香味淡好多，心裏面已經一沉，唔通中伏？記得以前曾經喺別天神食過一次蝦湯拉麵，好似係期間限定，食第一啖真係好似味吉陽一咁嘩咗出嚟，果次就成為以後我食蝦湯拉麵嘅標準。而今次，唔可以話冇蝦味，但真係俾啲死鹹蓋過咗，給比下去 ...拉麵來講，麵身偏硬，仲帶有少少鹼水味。係我心目中，日本拉麵喺處理上，去鹼嘅能力遠比廣東生麵做得好，竟然喺日本拉麵店食到鹼水味真係唔掂。其實已經唔只係食落口先食到鹼水味，夾起啲麵已經輕輕聞到鹼水味 ... 所以，我最後放棄咗半碗麵，真係無謂嘥自己quota。叉燒方面，鞋口，我相信坊間有好多其他拉麵店做叉燒比呢度出色100倍！叉燒呢啲咁基本嘅嘢，都竟然做得咁差，似乎來貨嘅質素真係一個好大嘅疑問！溏心蛋方面，溏心流心嘅部份只佔蛋黃僅僅一半，火候處理未到家，絕對唔係好，只可以話合格。而醬油只係停留喺蛋白嘅表面，唔算太入味，所以食入