一幻拉麵

营业中

休息中

一幻拉麵係令人又愛又恨，點解咁講呢，因為佢嘅湯底係蝦湯，蝦味非常濃厚，第一啖飲落去係好滿足，但食到大半碗已經覺得好有點漏，通常半碗左右我就停，食唔到落去，但隔咗一輪又對個湯底念念不忘，所以就話對一幻嘅蝦湯底又愛又恨。已經大半年冇嚟食過，今日同寶貝仔心血來潮又嚟試下，而家做緊第二個餐半價，我哋就揀咗兩個一人餐，包一份沙律，餃子，仲有飲品，我叫咗支靜岡縣蜜柑梳打，相當唔錯，餃子同沙律做普普通通，兩個餐埋單好似唔使三百蚊。

日本過江龍一幻拉麵，係香港有多間分店，主打濃蝦湯拉麵。尖沙咀位於遊客區，比較多人，所以今次揀咗去荃灣分店試佢推出既任食餃子放題😆 惠顧任何一客拉麵，加$28 就可以一小時任食一幻餃子。睇menu 一碟5隻既餃子都做緊三十幾蚊。如果叫左餃子放題，根本上食一碟已經回本！今日放工過去，肚仔空空，目標係要吃十碟！🫢😹（講下笑） 一幻既蝦湯拉麵一向都有保證，湯底濃郁，唔會太鹹，食得出用料豐富。而餃子今次係第一次食，一開始店員已經每人上一客餃子。餃子唔算大隻，皮薄，餡料份量正常。食落味道偏淡，配上佢附上嘅醬油，配搭啱啱好。而且本身蝦湯已經好濃味，餃子清d 反而冇咁滯。不過餃子只係個底微微煎一煎香，總體感覺似蒸餃較多。最後大概一個人食咗三碟半餃子😆 17隻左右～基本上食完個麵都飽咗七/八成，但係本着放題嘅心態，點都要追加下餃子😅 不過真心要讚一讚侍應服務態度好好，追加餃子都好快送上枱，更會主動問我地使唔使再加餃子。女仔食完碗麵+ 2/3隻餃子就好夠飽。反而男士好啱去食呢個放題，有機會可以去挑戰一下！ 🤪

之前見尖沙咀店排長龍冇試到，今次見鄰住買有買一送一優惠所以即刻買，買完仲想快d 搵機會試，事關之前已聽朋友講好好味，來自日本北海道，自有捧場客！！😌今次揀左荃灣店，8點左右大約八成滿座，我地兩個人直入有位。即刻點左原味鹽味蝦湯幼麵兩碗（買一送一）...蝦湯麵一上枱熱辣辣，急不及待試啖湯，真係好濃蝦味，但又算清湯類唔會好厚身，好易入口，越飲越想飲，最後我地差不多飲晒成碗湯！...而麵質係彈牙有咬口，仲要碗麵都好大碗，女士基本上食唔哂俾埋男士食，好抵食下！炸左蝦脆脆好好味，如果再多d 就好！😌再點左幾款小食：胡麻汁脆辣雞拌青瓜$38冷盤黎，見上面有層紅油以為好辣，食落先知係蝦油，好好味好鍾意，覺得可以再多少少就好，幾啖就食晒...😅餃子5隻 $35，皮薄餡靚，好味！👍加叉燒2片 $20，因為冇咩小食可以叫，結果又點返叉燒，如果店舖提供多d 小食選擇就更好！收銀姐姐態度友善，食完有想下次再食嘅意慾，下次試另一款湯麵！😌

早輪見到鄰住買有買一送一拉麵真係好抵不過我覺得蝦味拉麵始終唔係太入味如果入味啲會更加好食湯底太淡個餃子就好出色👍🏻👍🏻枱面剩係得冰水，如果有暖水咁就好啦

今天同老婆去一幻食飯，頭痛的問題又來了，除咗叉燒飯外，我又甚麼都食唔到啦，事關我對蝦敏感，如果佢可以有朝一日會有清湯拉麵，我就可以試試！今日佢個叉燒飯唔夠汁，不過我老婆食得開心就好啦

晚上響荃灣見到一幻拉麵呢排做緊買一送一優惠，就同朋友二人去食下！❇️辛辣味噌蝦湯拉麵（小辣）賣相唔錯，麵質選了粗麵，都幾爽口，配料有兩片叉燒及半隻糖心蛋，叉燒都幾腍，整碗食完冇加底都幾飽湯底蝦味幾重，不過偏向味❇️濃厚豚骨蝦湯拉麵湯底有濃郁嘅豬骨味，與蝦湯味道配搭不錯，配料就正常味道❇️煎餃子買一送一餃子不過不失，底煎得幾香脆，不過餃子皮較厚跟餐仲有龍蝦沙律同一款飲品，呢個價錢食都幾抵❗️而且店員服務好好，有禮貌👍👍👍

📍一幻拉麵間唔中都會做下唔同特價優惠，之前有做過餃子任食。今次係海老牛乳蝦湯拉麵，買一送一優惠。另外一碗可以揀招牌蝦湯都得。🦐海老牛乳蝦湯拉麵 $138個人就揀左幼麵，覺得掛湯感高啲。幼麵食落都彈牙爽口，份量都唔少。蝦湯湯底加入左牛乳，蝦湯蝦味濃稠感有比牛乳沖淡。但口感更creamy，令到成個湯更滑。配菜有香煎大蝦、雞叉燒、南瓜蓉、芝士脆片、日本水菜。芝士片浸咗落蝦湯後，蝦湯嘅蝦味同芝士片嘅芝士融合，食落幾特別。

喺香港要搵到一間好食嘅拉麵真係唔容易‼️有啲又貴💔有啲又鹹💔———————————————呢間一幻拉麵算係我encore過唔少次嘅拉麵店，原因係湯底✔️好濃郁，又夠味👍今次黎既主要原因係覺得抵食😂💰$2482⃣️碗拉麵、2⃣️支嘢飲、1⃣️份南瓜沙律、5⃣️隻餃子，再加1⃣️份小食！埋單嘅時候見到門口貼住嘅poster寫外賣自取，同樣套餐再平幾十蚊，真係太抵！❣️❣️❣️我揀咗呢個係「辛辣味噌蝦湯拉麵」，雖然話係辛辣🌶️但其實唔係太辣，唔係好食得辣既人應該都接受到🤓

食湯麵除咗麵質好之外，湯底係非常重要。一幻係以蝦做主要湯底，亦可再加一般日式拉麵嘅湯。今次我呢個係原味味噌粗麵餐。沙律有雞肉、椰菜絲，配胡麻汁，好開胃！濃濃蝦味湯底，飲咗啲湯都唔覺口渴；麵條有咬口，叉燒淋滑，糖心蛋就一般。餃子餡料係豬肉，普普通通，勝在煎得香脆。呢度人流比較少，想食麵唔使去尖沙咀排隊了

🔸一幻拉麵🔸🔆唔知大家中唔中意食拉麵，​係香港要食一碗好食拉麵真係一啲都唔平，好掛住係日本食個啲又有麵又有飯，比澱粉質暴擊嘅每一餐。預告，1月會去福岡啦！到時會講下福岡嘅野食，同大家分享下。但暫時都係係香港食住先啦~🔆今次的拉麵係連鎖嘅，一入到去已經聞到好濃嘅蝦湯味，令我地都幾期待。但唔知點解明明到左食飯時間都係無咩人食....🔆濃厚豚骨蝦湯拉麵 $88湯底蝦味真係一試難忘，佢係蝦甜味加個蝦頭獨有鮮味混合，再後來有種豚骨嘅豬油香。揀左粗麵，麵質爽口彈牙。日式叉燒肥肉較多，唔係我style。但湯底真係好出色，唔會鹹到覺得自己要有腎病得黎而又夠濃。🔆辛辣味噌蝦湯拉麵 $88Oh WOW!飲一啖個湯底，辛辣味好出，第一啖未ready，會有小小嗆，但佢唔會搶左個蝦味，反而好似帶埋個蝦味一齊出黎，個湯底真係好濃好厚，唔係個種稀冷冷嘅湯底，每啖麵都掛到好多湯！好好食！不過個日式叉燒都係太多肥肉。麵底揀左幼麵，所掛到的汁會更多，蝦味爆發！🔆餃子 $35餃子一共有5隻，豬肉餡。但無咩特別記憶點，反而有啲油膩。🔆Pleasure指數（滿分5粒🤩）🐭小姐：🤩🤩🤩🤩🦁先生：🤩🤩🤩🤩+0.5📌地址：荃灣楊屋道

見到呢個品牌好多分店，決定試一試，果然沒有失望😍。✨黑蒜叉燒蝦湯拉麵（$78）湯底真係充滿超級濃郁既蝦味🦐，配上黑蒜日式叉燒，簡直冇得頂，拉麵既硬度柔軟，一個拉麵最緊要湯底好味，而佢做到。

【有番茄湯底的拉麵店】 今次來到荃灣一幻拉麵，就在荃新天地內，位置方便，而且餐廳環境寬敞，有嬰兒椅，亦有水於枱上自行斟，很細心！點了番茄蝦湯拉麵，可以自選麵條粗幼度、加減配料、追加飲品和小食。這碗番茄蝦湯底很特別，足料濃味，好似有一點辛辣感，不知有沒有嘗錯，總括而言是不錯的。 一幻拉麵 (荃灣)荃灣楊屋道1號荃新天地UG樓UG02號舖

其實本身都食過幾次，之前都覺得佢幾好食，但係今次呢，就覺得佢個湯底雖然都好味，但係就冇初初開業嘅時候咁濃味，但係以蝦湯底來講呢，佢都算幾特別，同埋都幾好食，而且唔知點解每一次嚟呢度都唔需要等位，其實我都百思不得其解，所以既然佢又唔使等位又好食又啱口味，值得我下次繼續幫襯。值得一提嘅係，可能你間舖頭比較人少啦， 嚟過幾次服務員嘅Service都幾好，會細心同你講吓有咩promotion，點樣叫會抵食啲，呢樣就真係幾值得讚

心血來潮想食拉麵，咁啱一幻又搞緊個一人餐買一送一優惠，一於就試下啦！ 套餐好抵食，連加一兩個人先$206，即刻平均每人$103就食到碗拉麵，餃子，沙律同野料🤪 甜辣小蝦沙律呢個沙律好好食🥹 用咗麵酥(紅薑天婦羅)去取代一般沙律會出現嘅煙肉碎，成個沙律好有一幻風格⭐️ 生菜新鮮爽脆🥬 佢哋特製嘅甜辣小蝦調味啱啱好，甜甜地好似食緊日式小菜咁😋 蝦嘅質感咬落酥酥地，但嚼落似蝦乾嗰種感覺，好食！餃子3隻日式煎餃子🥟 內餡係白菜豬肉🐽 餃子底煎到香脆😀 唔錯👍🏻鹽味蝦湯拉麵最經典無加豚骨湯嘅拉麵🍜 配料有2塊叉燒，半隻糖心蛋同埋麵酥(紅薑天婦羅)👍🏻 今次揀咗粗麵😋 麵質煙韌，配埋香濃嘅蝦湯真係一流😍 叉燒肥瘦適中😝 麵酥脆脆為成個麵添來神來一筆，增添一幻獨有風味👅 辛辣味噌蝦湯拉麵作為食到十小辣嘅我都飲到呢個湯😎 喺蝦湯嘅基礎上再加上辛辣味噌，令到個湯再濃厚😉

一入鋪就聞到濃濃既蝦香味豚骨蝦湯拉麵$88 原味蝦湯拉麵$88餃子 $35 一食落去真係好濃蝦湯味 不過我自己覺得原味好食d個湯濃到食到一半好膩最鍾意佢有得任你加蒜 餃子就無乜特別