一幻拉麵

营业中

休息中

放工想食拉麵經過荃新天地既時候就見到佢之前已經食過 記得幾好食馬上就入去開餐鋪頭地方寬敞, 位置都好多 唔會逼住逼住我地每人分別叫左個原味蝦味拉麵同埋一個濃厚豚骨 鹽味拉麵等左一陣個拉麵就上啦原味既蝦湯拉麵蝦味真係非常濃郁我係一個好鍾意食蝦既人 呢個拉麵湯底就真係岩哂我至於濃厚豚骨湯 佢都會有蝦味係入面但相比原味 佢就會有豬骨湯既味道係埋入面我地叫鹽味相對無味噌或者醬油咁咸更加容易食得出湯底入面既蝦味蝦味既拉麵真係好好食!推介大家一定要黎試下

平時豬骨湯就食得多，蝦湯麵比較少食。之前因為有海港城食物券，認識咗一幻，覺得幾好食👍🏻知道佢其他區都有分店，所以都有試過。個湯頭真係好似用咗好多隻蝦淆咁，上枱係好夠熱，麵質彈牙😄真係唔錯。

週末出來行街的時候，經過這間拉麵店舖。四/五點入去的時候不算太多人，不需要排隊，很快便有位。平時見好多人排隊。店舖地方很清潔，同事也很有禮貌，服務不錯。這裏是用QR code落單，主要都是點拉麵，因應自己的喜好而選擇粗麵或幼麵。然後就揀選要不要加額外的配菜，如糖心蛋、叉燒、面底。還可以加一些小食，如煎餃子，甜辣蝦沙律。我叫咗個龍蝦湯拉麵粗麵，湯底好濃郁，叉燒有兩三片，油脂均勻食落口好軟霖，加埋嗰濃湯一齊食更加好味。糖心蛋都算是合格，但並不是十分流心。餃子比較普通， 甜辣沙律味道有點辣，但很惹味。

前排同呀B帶我去咗荃灣一幻 叫咗二人套餐🍽套餐簡咗：🍜招牌蝦湯拉麵 x2🥗沙律一碗🥟煎餃子6隻🍹桃味梳打 & 烏龍茶📝招牌蝦湯拉麵蝦湯底非常鮮味濃厚，拉麵質地非常爽口但唔硬身，麵身容易掛起湯汁😋拉麵附兩塊叉燒同半隻糖心蛋🥚叉燒片薄身又軟非常易入口 大讚👍🏻🥗沙律以生菜為主加試蝦乾及雞肉做topping 以芝麻醬混合 非常開胃又健康✨🥟煎餃子表現正常💪🏻如果餃子皮可再薄身啲就出完美🍹桃味梳打 & 烏龍茶我哋簡啲呢兩款飲品都係日本直送，雖然桃味梳打味道偏甜😆但汽水樽包裝好靚😂餐廳環境闊落又乾淨，好有好似係日本食緊麵嘅感覺✨😋

今次去屯門依間一幻依蝦湯拉麵，個湯先係精華，個味都幾濃，不過有啲肥油，今次食粗麵，軟硬適中。而今次去亦可以加$5要3隻餃子，所以都叫左黎試下。個餃子皮幾薄，味道都唔錯，另外都叫左份雞髀菇食，都唔錯👍🏻👍🏻佢依家仲做緊個優惠，電話號碼有幾多個5字就有幾多優惠，最多可以有8折。整體都唔錯！😆👍🏻

荃灣荃新天地一幻拉麵，湯底口味多，有醬油、味噌同辣味，蝦湯味道夠晒鮮美 😋。價錢嚟講，算係中規中矩啦，$100有找，都算幾抵食嘅！荃灣分店環境好乾淨，座位仲好闊落添✨麵條彈牙，而且啲湯底都好香濃，令人一試難忘。如果鍾意辣味嘅話，可以試下佢哋嘅辣味湯底，啲辣椒味道好豐富，但唔會太辣，好啖。如果想要啲清爽嘅湯底，可以試下佢哋嘅醬油湯底，啲湯底有啲淡淡嘅甜味，同埋啲麵條好滑口。至於味噌湯底，就有啲濃郁嘅味噌味，同啲麵條配合得好好，口感豐富。ps加分位係職員幾有禮貌🤣🤌🏻

今次同 T 小姐去荃灣試下一幻拉麵！店內的裝潢和氛圍也非常舒適，員工勁有禮貌，有啲跟日本嘅招待禮儀，令人覺得放鬆和舒適！講番個拉麵，由麵條到湯頭都非常用心，湯底仲有幾種口味選擇，包括醬油、味噌和辣味，蝦湯味道十分鮮美。我地就試左辛辣同鹽味湯底，麵條彈牙有嚼勁，湯頭鮮香濃郁，一食就停唔到落嚟。總之，今次一幻拉麵改變左香港食拉面嘅死板形象，唔係淨係得魚介豬骨，其實應該可以有好多選擇！價錢嚟講，今次去食$88一位，算係中規中矩啦，以呢個質素嚟講，係抵食嘅!! 值得再嚟!!

荃灣新天地都有好多食肆，想搵個下午茶食，喺個商場兜嚟兜去揀吓食邊間，都行到對腳有啲攰。一幻主打日本蝦湯拉麵。餐廳寬敞，裝修以淺木色做主調再撞紅色，中間一排排木三角頂兩座位，似日本拉麵店。一幻下午茶套餐，已包小食及飲品。一上枱紅色嘅麵碗盛住深橙色嘅蝦湯，顏色好搶眼。◉辛辣味噌蝦湯拉麵 $68係香港店限定，上枱首先飲啖湯，係純蝦湯無加入豚骨湯，蝦味更加濃郁，飲得出用大量蝦頭蝦殼熬製，質地稠身。辛辣味突出，慢慢喺個口到擴散，唔會辣到食唔到。揀咗粗麵更為硬身有嚼勁。叉燒肥瘦平均入口溶化，溏心蛋入味，有流心。❀餃子小食配餃子加$10，皮夠薄餡飽滿，如果煎得再香脆啲更好。◉招牌蝦湯拉麵 $68蝦湯底揀咗加入濃厚豚骨湯，更為稠身肥膩，蝦味相對溝淡咗，揀咗醬油口味，湯底更濃味。幼麵質地煮得剛好，唔會過腍，掛湯力強，一樣有叉燒及半隻溏心蛋，配料都可以隨自己口味選擇，揀咗有蔥同麵酥。❀蝦味飯糰珍珠米口感偏硬身，粒粒分明，淡淡蝦味，裡面有少少蝦米，配脆紫菜一齊食。雖然係下午茶，但係份量都好足，食完好飽同埋成個人充滿蝦味。#一幻拉麵地址：荃灣楊屋道1號荃新天地UG樓UG02號舖

琴晚同男朋友買左飛睇鈴芽之旅🥹睇完出黎都9點幾好肚餓諗住快快脆脆喺附近搵啲野食就算快啲食完返屋企瞓 第二日仲要返工🫠咁緊急嘅情況之下經過呢間餐廳嘅時候就衝左入去喇😂📍一幻若干年前佢啱啱黎香港開舖我喺海港城排左好耐隊就係想試佢個招牌蝦湯🦐到而家佢已經唔再需要排隊好彩個水準都仲keep到👍🏼👍🏼✅招牌蝦湯拉麵💰$88🍜加左💰$15有罐裝可樂同一個小食我揀左木耳絲男朋友就揀多左隻溏心蛋🥚另外佢話要跟返日本人食飯所以加左💰$10要左個白飯🍚個蝦湯勁濃郁😋每一淡都好勁蝦味食食下再加左蒜蓉加重口味🧄個味好襯🤪食哂啲麵倒個飯落碗湯度變湯飯都好出色好羨慕男朋友食到咁多澱粉質😅😅

晚市路過覺得幾吸引，店內環境&座位都幾闊落，坐得舒適又唔會趕客。不過食客唔多，場面有d冷清。店員都幾主動介紹，服務唔錯。原本以為係普通拉麵店，睇真d原來賣點係蝦湯湯底🦐蝦味濃郁，就咁蝦湯伴麵都已經幾好食。餸同配料唔算多，但可以加錢order叉燒/糖心蛋。麵底一般，可以揀粗幼，但冇得揀軟硬，比唔上其他拉麵店。辛辣味噌蝦湯拉麵 $88辣辣地，但只係濃蝦湯嘅陪襯。蕃茄蝦湯拉麵 $78試埋蕃茄味，覺得辣味好食d。

午市後途經，就試一試佢，聽説蝦湯好岀名⋯⋯店員見有位，都會安排啲舒服啲嘅位比客人，服務態度亦好好。唯一係食物真係麻麻，我叫咗蕃茄蝦湯拉麵$78，價錢拉麵嚟講係唔貴，上到時見面有兩塊蕃茄，湯偏橙色，飲落無咩蕃茄味而且蝦味都唔夠，合埋眼其實講唔岀係咩湯。麵質揀咗粗身，但係食落都偏冧身，唔好食。

窩心暖意高水準濃香辛辣蝦味噌半肥瘦粉嫩叉燒拉麵伴木魚絲雞脾菇小食,美味和服務媲美殿堂級拉麵店像是歌詞"天氣不似預期"明明昨晚天氣報道陽光明媚,但早上出門後,突然冷風微雨寒氣襲人,真要來一碗暖笠笠拉麵！之前曾經過這店剛剛開幕排長隊,或是己經在前幾個商場吃飽了,因為它位置夾在幾個大型商場,比較蝕底,雖然此店看來頗有板有眼,窺探店外內店員也頗友善,也未有第一時間進入品嚐,但己把它列入名單內,準有一天會試試,終於來到今天！甫入內己傳出日語歡迎！門前嬌小親善的接待女店員款款待客,安排入坐,然後簡介餐牌,跟著就有專屬該區的高級女店員詳細描述推介午市套餐特色:$78-$88拉麵有多款湯底可選主要是味噌也有蕃茄味,可選粗幼,飲品有$15汽水,但也可+$$有波子汽水,綠茶...甚至啤酒等,送指定多款小食,也可+$$追加....在店員誠意介紹下我叫了套餐：辛辣蝦味噌叉燒粗拉麵拌雞脾菇小食.店員還熱情奉上熱水如需要,還提醒可加圍巾避免沾污衣服👍（在日本拉麵店是很普通,現絕無僅有在香港會提供,但也可能日本人比較在乎儀表淨潔,文化不同所致）開始服務印象己大大加分👍食物質素如何？先上涼伴木魚絲醬油雞脾菇小食我加上

.又食拉麵(˶‾᷄ ⁻̫ ‾᷅˵)去荃灣睇戲🎬係睇之前食個快捷晚餐👦🏻話去食拉麵🍜其實我個人對拉麵既觀感一直係貴又唔抵食不過都係抱住試一試心態去食既然係荃灣 咁就叫左個📍荃灣限定—🦐蝦湯拉麵因為我本身唔太餓，所以只係單叫左麵無套餐啦～呢一碗都係有驚喜既(⁎⁍̴̛ᴗ⁍̴̛⁎)我一直覺得拉麵好少餡料結果呢碗麵就岩晒我啦😆勁多餡同配菜重點！！啖啖都好有料咁湯底味好濃，我都比較偏重口味所以好岩我，仲有好多木耳絲另外叉燒係火炙果種，更加香口價錢亦比較抵，80幾蚊就食到性價比拉麵黎講係幾高👍🏻

呢幾日真係凍到騰騰陣🥶除左打邊爐，我不斷好想食一碗熱辣辣既拉麵🍜所以黎荃新天地𝐮𝐧𝐢𝐪𝐥𝐨買完𝐡𝐞𝐚𝐭𝐭𝐞𝐜𝐡之後就搵間拉麵店坐低休息下～👉🏻有套餐選擇➀ 自選拉麵一款 ➁ 自選飲品一款➂免費自選小食一款*亦可用特價追加小食🍴辛辣味噌蝦湯拉麵 $88湯底超級濃郁，我選擇左粗麵非常掛汁。當中欣賞兩片叉燒厚薄適中，好軟腍好好味，但喜歡食辣既小編就略嫌唔夠辣喇🤣🍴招牌蝦湯拉麵 $88呢碗相比起辛辣就會淡啲啲，但可以真正試到蝦湯既鮮味，好喜歡呢到湯底飲幾啖後都唔會口渴👍🏻🍴餃子(5隻) 追加價錢$25煎得有啲唔夠香脆，味道正常，並無太大特別🍴雞脾菇呢個好入味！又唔會太鹹，加埋木魚碎更加香。

今日同屋企人去荃灣行街，難得兩老話想食拉麵，所以入左荃新天地入面既一幻拉麵度食晏。餐廳比較少4人位，大部分都係吧枱位或者2人枱，所以都係門口等左大概5分鐘左右先入到去。不過店員都預先俾左餐牌我地揀住野食先。拉麵就有5個選擇，如果加$15up要飲品，就可以送一款小食，例如秋葵、木耳、薯仔沙律等等。不過每張枱都有一大壺水可以任飲，我地就無額外加配飲品了。招牌蝦湯拉麵 ($88)我叫左全蝦湯鹽味幼麵走蔥：另一碗就係濃厚豚骨蝦湯鹽味粗麵走蔥。每款麵都配左兩塊叉燒同半隻溏心蛋🥚我略嫌塊叉燒有點薄，口感算軟滑，不過好快就食哂😂 溏心蛋就正常發揮。個全蝦湯真係超濃郁，好香蝦味😋 而撈左豬骨湯既蝦湯底係唔同風味，多左種豬肉既咸香，不過蝦味就少左。個人都係偏好全蝦湯底。番茄蝦湯拉麵 ($78)相比之下我更加中意番茄蝦湯底，感覺似飲緊龍蝦湯咁😆 不過無論邊款拉麵，一開頭都覺得好香好好味，但食到中後段開始覺得咸同少少膩，要停低飲水清一清個口先得。