一日三餐 (已結業)

今日黎到油麻地食譚生新開張既一日三餐食店，見到竟然星期一下午2點左右都要排隊先入到去，小小既隊龍無阻我想試食既決心！排隊既時候牆上面已有餐牌張貼俾大家諗定想食咩，正值下午茶時間一於試下果度既特色下午茶！入到去環境好乾淨，店員做野都好勤快，好快就落左order!我同男朋友分別揀左紅豆西多士同黑松露炒蛋菠蘿包，兩款我都好想試！首先上左我個黑松露炒蛋菠蘿包，大大個金黃脆皮菠蘿包夾住厚厚既黑松露炒蛋，食落勁有黑松露味，旁邊有薯仔沙律開胃，勁飽，結果要分俾男朋友食！再黎紅豆西多士，本身以為紅豆會鋪面，原來夾左響西多士中間，要切開先見到，上面係大大舊牛油，仲有糖漿提供，俾你自己照個人喜好搽上，啲紅豆唔會好硬，但男朋友就覺得同西多士唔太夾，我個人就好中意食紅豆，覺得呢個配搭好新鮮！最後重點係幫襯黃店！幫襯黃店！幫襯黃店！

#我們的燒賣是黃色的 見到已經值得排隊啦 💛 都係排左20分鐘 條隊其實郁得好快！今次介紹食常餐 & 下午茶🐔蔥油雞排撈公仔麵我覺得呢個combo 冇得輸🤣 雞排半煎炸方式煮 唔算好多肉汁但夾埋蔥油味道好夠！重點‼️係個多士到🍞佢唔同一般茶餐廳個隻 係有少少酥皮 所以好鬆脆🤤 絕對有掛住塊多士！杯凍奶茶我自己好鐘意😍 奶相對多d茶味唔會太澀—黑松露炒蛋菠蘿包 🥐講真望到有諗左3秒🤣因為同幅圖太唔同不過個菠蘿包 真 係 好 好 食！好耐冇食過咁脆同重牛油味！反而個煩炒蛋既黑松露味相對失色左🌟最後要講 員工態度好好🥺 大家大大力懲罰！

有說一日三餐，最重要的是早餐；不吃早餐便沒精神，做起事來也事倍工半，所以每早我也吃得非常豐富，期望每天也有個好開始！這是近期最火紅的小店之一，出於任何原因也定要光顧的。店子面積不大，疫情下每張枱限坐二人，在繁忙時段得輪候較久。想吃得豐富一點，揀了一日三餐全日早餐配熱奶茶。全日早餐配搭豐富，有香脆的魚柳及炸薯餅、軟滑juicy的3.6牛乳炒滑蛋、牛油厚多士、茄汁焗豆、香草蕃茄及早餐豬肉腸，水準不錯；尤其是魚柳，即叫即炸，外脆內滑，份量也不少，值得一試。絲襪奶茶，香滑有茶香，也不錯。以$49而論，已是物超所值，要吃記得早點來呀！#全日早餐 $49#醫護人員9折#一日三餐地址: 旺角通菜街2Q-2Z號鴻輝大廈地下7號舖電話: 93113202

2021年1月6日，第一次來到一日三餐，起初對食物沒太大期望。等外賣的途中，看到譚先生默默在鋪內工作。原想邀他拍照，最後怕羞沒拍到。拿到外賣，第一時間很欣賞盒和餐具都是環保材料。食物方面，味道很不錯，午餐連湯及飲品，份量足。焗肉醬意粉是小時候吃到的經典口味，喜歡它芝士放得很大方。中式例湯是媽媽的味道，喝了不會口渴。熱鴛鴦也香滑順口。這價錢十分超值！2021年1月7日早上，看到新聞，無言。只能夠中午再去了一日三餐，外賣了五一常餐。選了沙爹牛肉麵，沙茶味濃，有分湯，麵下了湯後軟硬剛剛好。只談食物味道，已經令人很滿意。加上各方面，例如對食材，環保及支持真正香港人經濟鏈的用心，一日三餐值得一訪再訪。願你們早日平安歸來。

今日WFH，所以專登去食個下午茶，貪平dd。入便好乾淨，本來想堂食，但要排6，都係改外賣。野菌乾燒伊麵，好味，不油也不咸，味道岩岩好。同埋佢外賣都係用紙品多，比較環保。推薦

自開張以來，每次經過一日三餐門外都是大排長龍，假期的人龍更是誇張。這天經其他app預訂外賣，製作時間大約20分鐘，就不用慢慢排隊了。到達餐廳直接行去收銀出示編號，付款後就完成。餐廳地方好像不大，不過環境光猛，乾淨整潔。外賣須要加$3；雖然餐廳使用的外賣餐具偏向環保，不是焗的食物會使用紙餐盒，另加$3是偏貴一點。迷你焗咖喱豬扒飯，經app購買再加上外賣包裝費為$43。看樣子飯加上咖喱汁只有錫紙兜的一半，豬扒是正常偏細的大細，份量普通。不過味道都幾有驚喜。咖喱汁做得不錯，濃味得來不會太heavy，不會甜但又帶點香，還有少少辣，十分惹味。我喜歡咖喱汁的份量很足，令每一口炒飯都沾到濃郁的醬汁，炒飯也做得夠乾身。表面的芝士做到拉絲，增添了咖喱汁的風味。相對上，豬扒的表現沒有那麼突出，但肉質是很淋滑的。初嚐此店，感覺他們的焗咖喱飯幾有誠意，說是招牌也沒有令我失望。下午茶的焗飯有說是迷你版，女仔食會足夠但男仔就不肯定了。價錢跟食物份量、餐廳定位衡量，餐廳的收費進取少許，不過都是在可接受範圍內。下次有機會再試試其他食物

之前睇報紙，見譚文豪開咗呢間餐廳，立即話題十足，見有時間，所以早上來了一試。餐廳入面開掦，空間感十足，但是價錢比較進取一點，如果平返一啲嘅話就好。今日我點嘅係五香肉丁炒蛋公仔麵，唔知點解，呢部的肉丁粒粒分明，唔知道用咗邊一個牌子，而且唔會有肥肉，食到係一粒粒的肉粒，炒蛋的部份就是正常的炒蛋。我相信來這間店舖，客人要嘅都唔係一個美味嘅食物，反而係想對店主的支持。希望社會氣氛可以盡快和好，雙方找一個共識，大家為香港加油！

我從事餐飲人力資源，培訓新人是我的其中一樣重要工作。飲食業職位是云云眾多工種中最易入行的，不計較背景、不需學歷、不需美貌、也不限年齡，只要應徵者肯踏出第一步申請職位，很大機會隨即獲聘。確實近期經濟下行，許多食肆都新聘了一批年青高質生力軍。我自己也新聘請了一位機艙艙務長、兩位大學畢業生、眾多的年青男女，以往即使加薪也留不住他們的。飲食業工作雖然容易入行，但同理地離開行業者也很快。屢見新入職員工只工作一個午市，便失去蹤影，薪金也不要。極速離職原因不外乎不習慣工作，首先體能上要每天不停步行九至十個小時、其次是要衝破自己心理關口，學習使用自己纖纖雙手，觸摸及清潔別人的殘羹冷飯。所以，我的其中一個培訓範疇就是讓新入職員工readiness to be server，使他們身心適應工作。星期六正午十二時，車泊對面之恒隆停車場。輪候人士約三十多人，大比例上是白髮長者，以腳來支持良知，值得尊重。輪候近一小時，機師屢次身穿牛仔褸皮鞋，雙手合十感激大家久候。樓面侍應連同機師一共五人，兩名年青男士，兩名年青女士，外型都是俊俏貌美，令人耳目一新，非一般傳統茶記之員工。女士畫眉化妝氣質高秀，手上佩戴珠鏈首飾，指

人不是動物，活著不只是為了三餐一宿，還應該有崇高的理想，不過一日三餐，以求溫飽，還是必須的。這間「一日三餐」，正好讓慕名而至，首次到來的我，在享用過這天的早餐之後，可以得到力量開始新的一天。「早起的鳥兒有蟲吃」，這天我一早到來，餐廳才剛開門營業不久，我不用排隊，便可直接入內。餐廳雖是普通茶餐廳格局，牆上的多幅食物海報和介紹文字，卻十分吸睛。這兒供應的早餐款式不算少，撇除常見的款式以外，就數豐富的「 一日三餐全日早餐」（$49）和最特別的「我們的燒賣是黃色的早餐」（$29/雙拼、$39/三拼）最吸引。不想吃得太飽，點了特別的「我們的燒賣是黃色的早餐」吃。其實這早餐的雙拼是指「燒賣皇后燒賣六粒」+「腸粉三條」或「牛肉球兩粒」，要是加多十元，就可三者兼得。一場來到，當然是要三拼。等了好一會，我的即叫即蒸早餐才送到來，排列得整整齊齊的三拼點心早餐，賣相不錯，把隨早餐送上的調味品----豉油、麻醬、甜醬、辣醬一一倒到不同的點心上面，隨即可以開餐。各款點心雖然不會好吃得飛天，地道的港式味道卻是既熟悉又親切，加上一杯冰凍的「凍奶茶」，以茶餐廳來說，這早餐無疑是不算便宜的，但能在一間良心餐廳吃東西，還

由於六時後不能堂食，約朋友吃一個很早很早的下午茶晚餐。5:00前到，前面已經排了大概10個人，跟着又有10個人排在我後面，侍應也要出來截龍。但是大概等了15分鐘就入到裡面，食物也來得很快。朋友吃了黑松露炒蛋菠蘿包，我則點了下午茶的乾炒牛河。我覺得菠蘿包沒有什麼特別，乾炒牛河份量剛好，炒得不油膩，牛肉也足夠，算不錯。侍應有禮貌，也坐得舒服。如果不用排隊，下次可以再幫襯。

今天特意去堂食，門外已見長龍，人龍彎出轉角，以為避開平安夜、聖誕正日會少人些，但事實證明有很多很多香港人嚟支持🙌🏻，雖然排到腳仔軟（50分鐘🤭），但見到條人龍真係好窩人情溫暖！我們仨三份餐：鐵板XO豬扒炒公仔麵、乾炒牛河、㗎喱豬扒飯和賞花杏仁露。原本杏仁露送到但冇花的，後來店員主動補添花瓣，味道即刻香晒，呢刻可以賞花（上返）行人路👍🏻。食物不會等太耐，店員服務態度認真，食客有要求他們都快速回應。期間見到男神(文豪)親力親為，有時更走出店外向人龍點數和托焗盤～熱辣辣麵包🥯。下次有機會再去支持

一點半左右去到，約三十人喺前面，大約排了一個鐘左右。等既時候已經見到有人食緊鐵板銀芽肉絲炒麵，啲銀芽勁多好大份。坐低又見到隔離位食緊鐵板雜排餐，心思思想食鐵板餐，於是叫個xo醬豬扒炒烏冬，等左大約15分鐘就到了。啲烏冬熱辣辣，喺冬天食暖笠笠，加左枱面供應既辣椒醬好惹味，而豬扒都好大塊，食得滿足。至於朋友叫左常餐，份量都足夠。最開心多士係用丹麥酥包，除左煎蛋炒蛋外，亦可以揀配薯餅。 值得一讚係餐廳侍應好有禮貌，服務良好！

依家咁嘅時勢我哋啲年紀大D嘅巿民都係留番堂食比D年輕人喇，自己就外賣食物比較穩陣啲。亞女介紹我用拎得個Apps來order外賣食物，好方便👍🥰Order左咖喱雞扒飯同埋常餐豬扒公仔麵，只等左15分鐘左右就有通知可以拎得🤗咖喱雞扒飯餐拎咗返屋企D雞扒及咖喱汁都係熱嘅，咖喱汁好香濃，又唔太辣，雞扒都煎得好香（咖喱太好味食左一半才記得影相😅）提吓佢哋一定改進的是D飯有D凍，可能reheat得唔夠、希望佢哋可以留意一下，將食物做得更加完善🙏🏻常餐豬扒公仔麵豬扒炸得好香肉質都算淋嘅一切都係正常水準，奶茶稍嫌茶味唔夠香濃有改善空間，這幾天經過都見有人排晒長龍等位，希望佢哋可以繼續keep住食物水準努力，不要鬆懈，一日三餐要繼續加油👍👍另外一様要讚下佢哋對環保嘅支持🤩，全部餐具都係用紙質做嘅，成本唔輕，所以收番我哋餐具費我覚得係值得嘅🥳加油👍👍

今次第二次外賣自取(我用Lingduck 拎得), 日日行過都見到吾少人慕名而來, 好在我住得近。 上次我食外賣自取午餐, 食過回頭再食!! 我目標係想試哂店裡面既所有野食。次次望住菜單都好頭痛, 好多野想試至於今次呢。。。我諗左好玲, 終於叫左公司三文治仲有炸得熱脆既薯角伴碟。三文治好足料, 我食左兩件其實已經飽左... 咖哩豬扒飯塊豬扒吾會"un", 咖哩味好濃好正。仲有叫左兩杯熱既賞花杏仁露, 花瓣飄飄, 暖笠笠之餘又岩哂打卡wo

我認, 因為Captain Tam 而嚟. 通常第一次試新開嘅茶記, 就算好少飲奶茶嘅我, 因為地道香港文化, 都會叫番杯熱奶茶飲吓, 試吓師傅嘅功力. 奶茶放在台面已聞到茶香味, 入口好滑、茶味香、唔「鞋」口, 我比80分啦, 因為茶味可以更香. 唔太餓所以只點了雙併麵早餐. 個豬骨湯底真心值得推介, 一個用心煮制的湯底, 非一搬茶記味精湯底, 唔知咩味. 個麵麵好夾口彈牙. $33 CP值好高.不是因為顏色, 真心覺得好食. 就算要排半個鐘都會再嚟幫親.