一日三餐 (已結業)

一日三餐💛G.肥仔推介早晨扒餐(吉列魚柳 餐肉) $39配熱檸水G. 肥仔推介早晨扒餐(雞扒 香腸) $39配凍檸茶 +$3A.自選雙拼公仔麵(午餐肉 漢堡扒 公仔麵) $36配熱華田午餐F: 銀芽雜菌素肉絲炒麵 $59配熱華田(我唔係好記得午餐F嗰個名 類似啦👷🏽)人均消費: $44 (4人)-😎：G. 肥仔推介早晨扒餐(雞扒 香腸)🍽整個餐嘅感覺係味道一般 口感一流啦麵包又脆又軟🍞蛋足夠地滑😋而雞扒係有驚喜 煎到脆皮香口🤤扒醬應該係店舖自己調味道不過不失中意蕃茄醬嘅應該會中意🍅·午餐F: 銀芽雜菌素肉絲炒麵🍜(我唔係好記得午餐F嗰個名🥺 類似啦👷🏽)係我食過最特別嘅炒麵🙈本身以為係會傳統香港嗰啲豉油炒麵佢呢個炒麵係脆卜卜有啲似係未煮過嘅成餅麵嗰種感覺不過佢應該係油炸過 因為都見到有啲油係我今次第一次食呢種炸嘅炒麵😝之後再配上一個好似湯汁嘅物體🍲本身係偏杰撻撻啲 好似嗰啲咩羹咁 有芡汁入邊嘅配料都算多👻包括芽菜 菇 素肉絲其實我諗咗好耐點樣食🤔: 將啲麵浸落個汁度 定倒啲汁落個麵度？最後兩個方法都有用 前者好啲😝有啲似沾麵嘅食法雖然咁樣會食得慢啲 但係可以sure嗰條麵嘅軟硬度🤣不過

一直好想去食呢間餐廳，就揾左日平日的早餐去食下先。因為不太熟旺角橫巷，要揾左一陣。十點左右的早餐時間冇咩人，都坐得舒服。叫左最愛的炸魚早餐😍炸魚都炸得乾身，吾會炸到魚肉老晒，入面的魚都係juicy 多汁的，吾錯。炒蛋都好滑，不過陣奶味我就一般。本身吾鐘意食丹麥多士，問職員可吾可否轉普通多士，職員話要加錢🤔咁我照要丹麥多士。丹麥多士比我想像中好食，因為我好怕好多牛油，呢個又吾會，都幾鬆脆。我吾食腸仔，如果可以轉其他野俾我就更好😆

住附近，真係試過一日三餐都食佢。收工又凍又攰唔想煮，地鐵去到佐敦站已經㩒定外賣平台自取，當時19:17，諗住返到去攞得，或者唔使再等好耐。19:32到餐廳，當時唔算好忙無爆場，堂食都可以直入。問企喺收銀位職員，個外賣準備好未？佢睇勻所有外賣，無一個係經外賣平台叫嘅。反覆睇咗收銀位、廚房對出，都真係無。原因？個order仲連住喺外賣平台部機度無人接過囉⋯⋯都算，成個人幢喺門口等啦。再重申，當時並非平時爆旺嘅一日三餐：出面排長龍等堂食、幾個外賣員等order嗰種景況，而只係我一條友幢咗喺正門口。好喇，再等咗10分鐘，見到有袋外賣ready，但只係俾人放咗喺廚房門口張枱置之不理。入去問，先話係我份餐。真係無言。漏咗order都仲可以咁hea，好嘢！

｛ 明太子沙律法包 + 薯餅 ｝｛ 賞花杏仁露 ｝ 之前買過｛ 珍寶全餐｝外賣，塊薯餅同其他食物放埋一齊，同一個盒焗住，結果薯餅變咗一pat嘢，淋到叉都拮唔起⋯⋯ 超失望，嘥咗塊薯餅！現場食，法包又熱又脆，薯餅都係香脆嘅😋 凍冰冰嘅早上，食完先返工，成朝都特別滿足😁♥️

我有嘢做，就叫男友自己出去食飯先食完就幫我外賣佢去咗一日三餐坐低咗、嗌埋嘢食甚至到佢嘅嘢食到埋上手飲過嗰個奶茶杯依然放喺度好不可思議所以佢都忍唔住影低畀我睇咁我象徵式話梗係太忙啦、大意啦之類如果唔係都唔知有咩原因唔執好喇，男友食飽就拎外賣回家我因為唔太肚餓所以叫咗下午茶芝士雞蛋三文治應該好安全吧？ok的~咁飲品就叫咗「賞花杏仁露」諗住潤下喉嚨點知...飲飲下有pat嘢嘅？我開頭覺得好似Horlick粉咁沖嗰陣攪唔勻啫但唔係喎怪怪地嘅？唔係好對路...有1pat好似紙咁嘅物體塞住喺個開口咁即係話呢pat嘢一路浸住喺我杯嘢直到我飲到尾佢就飄到出來唉唔講喇無晒胃口

話說自從兄弟幫執咗笠之後好難再喺旺角搵返間性價比咁高嘅茶餐廳，如果你未試過一定要去試試一日三餐，保證唔會令你失望🥰平時多數喺度食開常餐同All day breakfast ，今次膽粗粗試吓黎食個晚飯二人餐，估唔到又幾好味喎！呢個豉油雞二人餐，有半隻豉油雞，一個自選小菜，一碟油菜，兩碗白飯同兩杯嘢飲非常抵食！豉油雞用左本地生產嘅悅和醬園頭抽，味道好有層次，唔會死咸，雞嘅肉質亦都非常鮮嫩，份量足半隻，抵讚👍🏻小菜方面我哋今次揀咗紅燒豆腐，分量一樣好足料，味道亦都可以媲美酒樓嘅出品，絕對唔似食緊一間茶餐廳嘅小菜。最後油菜就冇乜特別，以呢個價錢可以食飽兩個人而且味道唔錯絕對值得推介❤️

❇️環境餐廳做環境唔算好大，繁忙時間都需要等大約15分鐘，建議大家可以早少少拎位.❇️食物⭕️焗洋蔥雞扒飯豬扒飯上面係有一層芝士一齊焗，入面仲要係炒飯底👍🏼而家已經好少餐廳會特登做炒飯底入面個飯唔會俾上面嘅汁整到好濕，保持到水準.⭕️叉燒炒飯炒飯同相片一樣係做到啲法粒粒先明.⭕️賞花杏仁茶杏仁茶好重杏仁味😂 加埋花喺上面超級靚😍

你有無試過喺茶記食All day breakfast?我試過真係試過！第一次應該係喺已經結業嘅兄弟幫，食左個$70港式All day Breakfast 飽到上心口，估唔到今次$52就可以再試一次！我之前食開一日三餐最鍾意就係叫佢哋嘅常餐，佢哋個蔥油雞扒撈公仔麵真係好邪惡好好味🫣今次我隔離嗰個叫左我個招牌菜我唯有試新野，一於挑戰吓港式All day。一打開真係被佢嚇親，兩塊吉列魚柳加埋應該有半塊手掌咁大，仲有薯餅、茄汁豆、蛋同埋一大塊牛油多士！有食過一日三餐嘅人都知道佢哋塊多士真係好好味，味道係可以媲美10幾蚊塊嘅高級麵包水平🥹🥹成個餐除咗份量大，味道亦都唔錯👍🏻唯一美中不足就係塊薯餅同啲茄汁豆放埋一齊😢😢😢對薯餅好有要求嘅我表示傷心最後最後記得要試佢哋嘅凍檸茶，唔鍾意飲甜野嘅我都會乖乖地放低$3🙌🏻

同事介紹呢間茶記，環境裝修簡潔明亮，食物味道唔錯，於是跟佢地試下。皇牌焗豬扒飯$62推薦👍🏻豬扒食落唔韌又唔會太鞋口，厚薄適中，口感岩岩好，加埋酸甜既茄汁🤤熱辣辣啖啖肉放入口好正🤤茄汁唔係果種淺橙色無番茄味既醬汁，有幾舊番茄同菠蘿，配埋豬扒，份量都算充足。炒飯底都算粒粒分明，算乾身，整體味道算唔錯。秘製叉燒煎蛋飯$66叉燒望落有d似豬扒，食落味道幾香濃，肥瘦岩岩好，撈埋蛋汁一齊食更加香🤤叉燒已預先切成細細舊，方便食客😊

同朋友仔睇完運動嘢喺附近想搵地方食個Tea但我本身已經食飽lunch所以簡單飲杯嘢，食少少就夠行到嚟一日三餐，有港式茶餐揀其實睇menu好想揀佢嘅西多不過好似heavy咗啲最後我就叫咗個蛋治烘底餐飲叫返杯紅豆冰gur一gur 蛋治搽咗牛油，非常之香煎蛋無完全煎到熟晒，係滑蛋嚟㗎食食吓仲有蛋汁跣咗出嚟紅豆冰嘅紅豆份量適中，質感唔會太硬太軟朋友叫咗個常餐⬇️⬇️⬇️雞扒撈丁+兩隻煎蛋同一塊丹麥方包但朋友急不及待已經食咗，所以無影到個雞扒大大塊，一上枱都聞到香噴噴朋友都話好嫩滑，個撈丁都乾濕剛好食得好滿足😆

經開旺角，想搵野食，見附近舖都要排隊，唯獨呢間一日三餐唔洗等位，諗住試下。睇menu係港式餐廳，價錢係旺角嚟講都算正常，咁就入去試吓，反正伏嘅都係一餐半餐，天氣熱，又拎住重嘢，等位會好辛苦。叫咗個XO醬鐵板雞扒炒公仔麵，份量OK，唔算好油，但麵身好好好乾，乾到要食幾啖就飲茶，雞扒冇味，但都唔算鞋身，但最敗北係XO醬係一啲XO醬味都冇⋯⋯ 食咗三分二之後都食唔落去，個麵太乾，食幾啖又要飲啖茶，食得好辛苦。

下午茶路過女人街唔想食太飽，見到一日三餐門面光猛，而且平日唔駛排隊，所以就直接入去食個下午茶☕️首先下午茶選擇不少，總有款岩食，不過因為已經被雞髀吸引咗，所以唔轉軚直接點A餐+賞花杏仁露餐點約5分鐘左右上菜，難得有擺碟，整整齊齊感覺良好，雖然size確實說不上珍寶,但雞髀油潤充滿光澤，配賞花杏仁露格外優雅感覺好似去左café 一樣，食落肉質熟度剛剛好，鬆軟有汁，無令人失望👍🏻其他配料則正常發揮，對得住$40蚊的性格比，店員服務OK,有求必應，喺茶記來講已經算好好⋯⋯

鐵板有好多唔同選擇：海鮮/雞扒/豬扒等等配麵/烏冬我地就揀左雞扒烏冬鐵板：好香口，好有鍋味，少少少辣另叫左個焗黑松露芝士海鮮飯：好多配料，八爪魚、蜆、蝦，翠瓜，忌廉味都夠濃

同屋企人食早餐，一般都係飲茶。不過，今次試下去茶餐廳食。因為太少外出食西式早餐，所以屋企人話既然一日三餐的午餐幾吸引，可能早餐都ok，咁就一齊試下！我食素，雖然唔係好嚴格的素食者，不過，去茶餐廳的話，我諗到的就係食麥皮或者茄蛋治，所以無論係邊一間餐廳，對我的分別唔大，因為預咗選擇有限吖嘛...不過，今次真係超乎想像。我見餐牌上的其中一款早餐係特別有塊樹葉做標記，一睇就知係素食，而且個餐仲有沙律添。早餐嚟到，賣相幾靚，份量亦大。餐碟上有丹麥吐司、芝麻醬豆腐同沙律。沙律好新鮮，係原形食物，呢點幾令人驚喜。可以一朝早就食到新鮮的蔬菜。餐碟上的每樣食物，除咗吐司，基本上都係我每日必食的項目，所以能夠點到呢一份咁啱口味的窩心早餐，都幾真意外同開心架！聽我妹講，呢間舗頭的豉油雞好出名,午餐亦好食。我見午市同樣有素食選擇，下次可以一試！

晚餐時段來到一日三餐，剛好有二人枱。餐廳menu選擇雖然比其他茶記少，但勝在夠精！食物上菜速度快，我們點了：鐵板XO炒豬扒公仔麵$68份量好大，公仔麵炒得夠乾身不會一舊舊，鐵板上有鑊氣，XO醬炒都幾嘢未，豬扒不算太乾可接受。焗黑松露芝士海鮮飯$66賣相都很好，表面鋪了不少芝士，雖然沒有很黑松露，但海鮮份量很多，幾乎每啖都有海鮮送飯～飲品要額外加錢，熱飲+3，凍飲+$6，點了一凍一熱檸茶，普通茶記質素可接受。整體價格比一般茶記貴了少少，但店員有禮貌，上菜速度快，食物份量多又幾好食。