一泡而紅 (已結業)

一炮而紅最喜歡就是吃他的冬瓜粒海鮮泡飯，十分好吃。每次經過，如果想不到吃什麼的話，都會叫一個泡飯來吃。泡飯的湯是用骨湯來做，味道不錯。泡飯吃起來很美味，個人很喜歡，推薦大家試一試。

行開葵廣搵野食先🤔一行3丁人冬瓜粒海鮮泡飯海鮮有蟹柳，魷魚，蝦仁😋清清地，唔會好重味精感（食完唔會太口乾），夏天天口咁熱好消暑🤣🤣🤣 酸菜麻辣雞泡飯唔太辣🤣 雞都幾大份量醬燒骨米線醬燒骨好食呀😋😋😍都有好多舊呀😍抵食👍🏻👍🏻👍🏻同埋肉質夠"淋"韭菜餃 正常一般既餃子算好抵食又飽飽既一餐🤗😊

葵涌廣場附近現在的確多咗很多餐廳選擇，平貴都有，今次就揀咗正正葵涌廣場裏面比較平民嘅餐廳試一試！個名叫得一泡而紅，我估應該食湯飯吧！就去試一試，位置相當易找，裝修極度平民，一睇就知道係平嘢醬燒骨泡飯，$54,對唔住極度不推薦,豬骨雖然入味，但係外表好老，也很乾，飯配上酸菜酸酸甜甜湯底，令人開胃，但係似乎不太夾豪仔肉碎泡飯$46，這個飯正常好多！不過材料就太少，湯都不夠鮮甜，屬於清湯一種，更潮州打冷的少咗方魚的香味，我覺得湯太多了椰菜餃子8隻 $40，椰菜味餃子我就的確好少食，識落都比較多汁，清甜入味，其實有啲似泡菜餃子不過唔辣，這個我就比較滿意整體來說以這個價錢不過不失，話晒都咁平，部份都係手工菜，雖然唔太合我口味，但係都值得支持

菜肉餛飩： 雖然叫上海雲吞，但是皮厚，而且包法不太正宗。其實我不熟悉上海菜，只是記憶中不是這樣的，上網簡單的搜了一下資料 ，好像真的不是這個樣子的。 雙魚泡飯：有蝦米、冬菇、肉絲、豆卜，很豐富的配搭。不過好像只有一種魚片，不懂為什麼叫"雙魚"。魚湯有薑味和胡椒味，所以不腥， 味道上說不上驚為天人，但是感覺味精不多，吃完不特別口渴。看著不多，但吃著原來很飽，應該是男人的份量。ｰｰｰｰｰｰｰ這裡好像沒有午餐供應，所以可能附近其他地方的收費會便宜一點。雖說未必值得推薦，但是性價比還是有的，而且畢竟可以吃泡飯的地方不多，日後想吃泡飯，應該會再次光顧。

好多人黎到葵芳首選會揀三樓既小食街掃街，但我就偏向喜歡有得坐慢慢食，費時人太多左閃右避，一下唔留意就被人撞到跌唒D野食～今次揀咗呢間”一泡而紅泡飯專家”，咁大膽話自己係一泡而紅仲要係專家，當然要試一試佢虛實。佢係一間相連舖，旁邊個間都係佢但唔同名，座位方面都幾迫下而且叫野食就要去門口有個COUNTER落單俾錢。MENU的確有好多唔同種類的湯可以揀泡飯或者米線但黎到無理由唔揀泡飯，所以叫咗一客蠔仔肉碎泡飯同椰菜餃子。＄45蠔仔肉碎泡飯份量有一個大湯碗，蠔仔份量都唔少，有D驚喜！除咗有蠔仔、肉碎之餘仲有2粒細冬菇同蛙蛙菜，最鍾意係加咗莞茜，提升咗個香味。個湯唔會過咸，睇到佢牆上面介紹係用上魚湯，唔怪得咁入味。＄38 椰菜餃子一心想叫韭菜餃點知賣唒唯有食椰菜餃啦，都等咗大約15分鐘。餃子皮唔係十分厚但若果煎得再香口D會更好。餡料方面，小妹覺得太淡，無咩味，所以加咗辣椒醬抖黎食。個人覺得如果個午餐可以包埋飲品會更加吸引，不過值得一提既係，店舖雖然好忙但職員仍然好好態度同主動帶位

夜媽媽有啲肚餓，於是約埋朋友仔去附近食啲野，本來想食樓上間吉野家，但太多人，同埋朋友又想試下新野，最後就黎左呢間一泡而紅。想食得健康少少，就揀左個番茄薯仔牛肉泡飯，但點知落order 時老細話無哂薯仔，最後轉左落冬瓜粒，但都係完全唔夾個湯，加上番茄湯底本身飲落都幾酸，最可怕既係佢既飯係食得出有種隔夜飯既味道，同埋煮得太爛身。唯一覺得唔錯既係牛肉，煮得唸身又比較好食(不過都係夾唔到番茄湯底)再試左一啖朋友嗰碗雙魚奪金泡飯既湯，同自己嗰碗差好遠... 真材實料既魚湯，魚肉好滑好好食。不過無試佢啲飯，但應該同自己嗰碗一樣都係麻麻地。差三蚊既話，早知我都叫呢碗雙魚奪金泡飯。

每次肚餓的時候來到葵芳，我都有選擇困難症。因為這裏的小食、正餐、零食的選擇都很多！通常是到葵涌廣場逛街，或在葵涌運動場做完運動就要來餵飽肚子了！今次，我選擇了「一泡而紅」是被它的麻香牛展所吸引，想試試它的麻香能否刺激味蕾。店內裝潢新淨，平日晚上不算多人，坐得舒服。先看在門口看餐牌，然後到收銀處付款，就可以隨便坐下。我點了麻香牛展米線，想要辣的請叫麻辣。等了不用五分鐘就上菜，先這米線分量真係大食如我都夠飽了！牛展是凍食的，上次淋上一層香草粉，還有醬汁，夠入味但一點都不麻不辣，看你喜不喜歡，我比較期待它有麻痺感，可是沒有...可自行加辣油/胡椒。米線份量超多，還配有很多芽菜！45元的麻香牛展米線有幾十蚊就食飽

食左個醬燒骨泡飯唔會太油膩，但口味都幾重，而軟淋淋既米飯都吸收哂濃湯既精華， 不會有太黏糊和綿糊感。吃起來飯與湯很有融和感，燒骨有點像糖醋排骨走酸版，幾入味，但豬肉比較太瘦和硬！

店舖位於出名多廉價小食既葵涌廣場入面，主打食泡飯、餃子之類，先係收銀處落單，然後搵位，店員就會送餐。今日係晚飯時間先去到，人比較多，好彩有店員幫手搵位先有得坐。環境一般，座位與座位之間較窄，有位坐都坐得唔多舒服。大約等左十分鐘左右，食物已經到齊。最推介既就係香炸雞翼，又香又脆，而且唔會乾淨淨。另外點左個胡椒豬肚酸菜泡飯，其實之前都光顧過幾次，佢既胡椒味每次都唔一樣，一時冇味，一時太勁，賣相亦都麻麻，所以有待改善。平民區黎講，係可以回頭再返去食既，因為價錢同味道都可以接受。

葵涌廣場幾時都係咁多人，三樓食街簡直係插針都插唔入呀！無他既，平靚正呀嘛！$50件衫，淘寶都未必得啦！今日唔想周圍行，決定坐定定開餐~鄧媽媽唔知老闆係咪姓鄧架呢？叫左一個麵一個飯，擔擔麵係阿珊既最愛，佢次次食上海野一定要叫，呢個擔擔麵都幾大碗，麵質唔錯，煙煙un un咁，食落幾彈牙！我地食得好慢，但都無話發晒漲，呢點唔錯喎!擔擔麵既醬糊糊地，感覺一pat咁，我地叫左少辣所以都幾易入口，d湯幾好味，阿珊直接飲埋d湯，愈飲愈辣，愈辣愈流汗，正！我叫左個醬燒骨泡飯，因為d湯好熱，所以第一啖都幾熨口，飯就好味，夠林，撈埋d湯好正！醬燒骨有四舊，初初唔知係乜，食落原來係豬軟骨，炆得幾林，軟骨位幾多，有咬口，骨膠原好多！但可能係個人問題，感覺上豬軟骨湯飯總係怪怪地，豬軟骨都係配拉麵好！食飽又去全店$50血拚啦！

其實都成日黎食呢間，大大話話都幾十次，今日終於食到雙魚泡飯，當個泡飯黎到就問個阿姐攞2隻鐵羮同2個碗，點知個阿姐淨係拎左2隻羮，之後再叫俾反2隻碗我，點知佢一句：有咩攞，一次過攞！心唸：無野呀～我都未話你聽唔到無攞俾我。勁無禮貌，好，講反個泡飯，之前夜晚黎食，次次都賣曬，今日晏就黎就食到啦～講真，呢間泡飯一向有水準，所以今個泡飯亦絕不失望，之但係，就分唔出何謂雙魚，個湯好清，配埋冬婼真係唔錯，好野，唔駛每次黎都食同一款啦～下次可以再食

放假啦放假啦! 難得放假梗係去見下屈小姐啦! 今日行程豐富，好多地方去呀!!! 所以一定要先儲滿能量再出發!第一個地方係葵芳附近，由於事前大出血既關係，我地就去左平民食堂既葵涌廣場啦~~本身都仲諗緊食吉野家好定食呢個泡飯好，上左黎呢度睇下有咩野先! 點知睇睇下，屈小姐比個店員誘騙左入去坐低焗食， haha! 既然都入左就睇睇啦，屈小姐就鍾意食蠔仔同豆腐，所以佢叫左蠔仔豆腐泡飯，而賴生叫左香菇雞絲泡飯轉蕃茄湯，諗住屈小姐果個唔好食就換自己果個比佢食! 另外我地仲加左個菜同8粒餃子!首先講下個 蠔仔豆腐泡飯先個湯底都可以，但係呢，個湯底應該唔係連蠔仔一齊煲既，所以個湯欠缺左蠔味!但蠔仔都大粒同乾淨既! 不過有驚喜既，係豆腐， 原來豆腐夾埋泡飯都幾好食幾夾嫁喎! (3.5星/5星啦，0.5星係豆腐賺既)蕃茄香菇雞絲飯原來香菇雞絲係得1粒香菇咋，問過店員佢好堅定咁話係正常架但屈小姐個蠔仔豆腐泡飯都有3粒菇喎，係咪我理解有問題？Any肥，佢個雞絲係用雞扒整既，滑得黎啖啖肉，而個蕃茄湯底呢(+6蚊)，本身鍾意食蕃茄既人咪加囉，都有一定既蕃茄味，但唔好有expectation…(整體係3/5星)韮菜

葵涌廣場是不少姊妹的shopping 熱點，衣服款式多，價格實惠。買衫其實不用去淘寶，來葵涌廣場就得啦。血拼前夕，定當先行醫肚。一出近港鐵那邊入口，便看見鄧媽媽過橋水餃。水餃店旁的是一泡而紅泡飯專家，顧名思義，它是一間主打吃泡飯的食肆。泡飯店非常旺場，已經滿座。於是轉而走到鄰家尚有座位的鄧媽媽座下，一看餐牌，才知道原來泡飯店都是鄧媽媽旗下的，都可點泡飯店的食物。泡飯不算便宜，最便宜的那款要$38。我選了配料最天然的一款 - 蕃茄薯仔牛肉泡飯。泡飯頗大碗，蕃茄湯底味道很天然，味道剛好，不過甜過酸，有住家湯的味道，感覺健康。牛肉中規中矩，只嫌份量略少。

呢間餐廳係我以前讀書時候成日食，今次再黎回味~我地兩個叫咗鮮蠔豆腐泡飯同埋麻香牛展麵~大大碗既鮮蠔豆腐泡飯雖然貴咗，但味道就同以前一樣，湯底鮮甜，蠔雖然唔大隻，但勝在夠多，每啖飯都有蠔，蠔食落唔算鮮甜，但起碼無沙~豆腐軟滑，不過花生如果脆口少少就好喇~我再食咗我fd既麻香牛肉，好正呀~~~麻味十足~~不過唔夠辣~牛肉味都算濃，而且好林~過咗咁多年水準依舊~難怪咁多人食~

海鮮泡飯，不過不失，清清地，D飯都幾好食，是長身的，不是我地在家食果D，軟硬適中。這個D肉很好，只是D汁太油，加上LEE 個係泡飯，會飲埋D湯，會肥上加肥LAW，不怕肥的都可以食下，我怕肥，所以只能不飲湯，但都食左好多飯，份量都幾好，男仕都夠食的。濃濃味道，要消消地的就不要選這個了。賣相都OK的，只係要自己排隊買飛後有人會送過來！