一起素 (已結業)

中大三十幾間餐廳終於有一間係做素食，同學有多個選擇！間野座落中大泳池隔離既玻璃屋，可以採到自然光，環境幾好～啊姐都幾nice，個陣人客唔多，所以唔洗好耐就有食物～嗌個湯麵，番茄湯底清新開胃，同埋都幾多一舊舊番茄，茄味唔會好假～啲餃子好好味，入面餡撈埋幾香，啲麵ok彈牙（唔會擺到淋曬最特別係咖啡用椰奶，有新鮮感，唔會甜膩。佢個all day breakfast 係可以自己揀餸砌埋，沙律有素大蝦，唔會太寡所以都唔錯～overall雖然係素但都幾滋味，多d菜有益又飽肚，唔洗日日做食肉獸～

對中大素友開素can真係個天大既喜訊，終於唔洗食碟邊菜同下下去蘭苑食靚野啦。好可惜我剛剛grad左，今日畢業禮味返黎捧下場囉。聽講呢度有個好靚仔既廚師哥哥，我去問過下職員果個應該係樓面經理哥哥黎架，大家注意下啦。我個鮮茄素扒意粉都幾貴，canteen一個餐都近50蚊，而且仲要超級麻麻。首先個意粉得個紅字，雖然可以清潔見到一粒一粒番茄碎，但係可以話冇咩番茄味。意粉的質地不俗，條條分明不會「痴」埋一堆。最可怕係個素扒，我好欣賞佢地唔係用素肉去整、係用左蔬菜，但效果唔好。離遠見到個顏色已經有D驚驚，點解會咁既食架？點解會紫得咁緊要架？後尾諗諗下應該係紅菜頭，但係好可惜，同樣完全食唔出係紅菜頭…碗湯又真係出奇，有曬色有曬料，但又係冇味…其實建議可以用日式麵豉湯底，咁味可以唔洗煲但又有味囉。啲齋滷味就唔錯，酸齋同齋叉燒最好食，齋叉燒夠淋滑多汁，酸齋就同出面D餐廳差唔多。值得一提係員工態度好好

我係個食肉獸，去食べ放題同食自助餐都食好多嘢，仲要係食好多肉。只要有我嘅場合，去べ放題同食自助餐就一定唔會蝕本。學年初素食餐廳開咗，本來只係打算抱住「試吓啦」嘅心態去試一試，但就比佢嘅高質食物，搞到鍾意咗去素can食嘢。（我哋中大人鍾意叫中大嘅飯堂做乜can 乜can，素食餐廳就自然係素can）最鍾意素can 嘅新鮮食材，響一菜難求嘅中大，咁難得可以搵到咁多鮮味蔬菜，當然會愛上。（要知道，宿生如果餐餐無菜，日常生活會好麻煩）素can 既蔬菜都唔係普通既灼菜，而係經過精心調味。食過一次香草雜菜，佢唔係好油，但會有好濃嘅香草味。食過一次豆豉南瓜，意外地兩者嘅味道都好夾，南瓜亦非常爽甜。叫嘢食有兩種形式，可以係套餐，有飯有一大碟餸有個湯；或者叫一／兩餸飯。兩餸飯28蚊，以中大餐廳黎講算係貴少少，但勝在夠真材實料。兩餸飯／套餐以外，每加一個餸就要8蚊。但佢有個套餐叫「自在隨緣」，38蚊，但就有三個餸，加一小碟齋鹵味，同埋跟餐嘅湯，非常抵玩。

曾經校園電台訪問我，中大要什麼餐廳。我說了素食餐廳，想不到這個心願達成了。玻璃屋，在我入學的那些年在營業，味道隨著年歲被遺忘，沒有很深刻的食物。兩年丟空後，搖身一變，成為了我夢寐以求的素食can。我很喜歡吃菜，但香港沒有這樣的環境，太多太多肉。在中大讀書的這幾年，都在努力在肉堆中尋找菜。兩餸飯有菜的機會較大。我最喜愛的med can可以選清菜。但其餘都很多肉，我去coffee corner選的雞蛋雜菜意粉，都是很多醬料，雜菜是椰菜，今年菜的份量都少了。開了素食can其實很驚喜，落址實在不錯，本來就是藍綠色的玻璃屋，一起素進駐時，有種天作之合的感覺。九月底才頭一次吃，那時感覺一般，可能我不喜愛吃椰絲。送的洛神花飲品挺特別，清新。但我還是喜歡吃med can。然後已經是十一月了，都沒有再光顧過，我身邊的朋友吃過都不太滿意。樓上的coffee corner和franklin人頭湧湧，排隊買食物花很多時間，吃完你也要馬上讓出座位，但素食can還是滿多位置，幾乎沒什麼隊要排。就是十一月中這星期，有朋友很想吃菜，那麼就一起素吧。不知道為什麼，又另一朋友想吃，這星期我吃了三次。沒有把三天吃的都拍下，

我九月三日中大開課第一天來趁熱鬧，好“鄧”中大生高興，二十幾蚊有咁好味的兩餸午餐，最難忘的是“南印度薯仔”呢道餸，全天然的香料，湯沒有味精，好似無見到素肉製成品㖭！ 優質素食食堂，中大同學好幸福！