一輝燒味小廚茶餐廳 (已結業)

📍一輝燒味小廚茶餐廳📮馬鞍山鞍源街63-64號地下.住馬鞍山嘅朋友應該唔會對呢間茶餐廳好陌生, 因為印象中呢間餐廳無10年都有8年歷史😌.茶餐廳黎黎去去都係果幾味, 除左腸蛋麵, 餐蛋治, 沙嗲牛麵之外, 呢間餐廳仲有燒味食.入到去左睇右睇, 侍應走埋黎推介是日精選「叉燒乳豬飯」, 本身已經想食叉燒但又怕乳豬多骨, 最後揀左另一個是日精選「叉燒燒鵝飯」.叉燒燒鵝飯 HKD49賣相又ok喎, 企企理理, 分量十足, 叉燒肉質鬆化, 再肥少少就更加好🤭唔知行咩好運, 師傅竟然俾左隻燒鵝脾我, 燒鵝脾皮香肉嫩啖啖肉, 美中不足係皮同肉中間既肥脂肪多左少少飲品·凍檸茶+3茶底唔錯夠濃, 檸檬足料, 凍檸茶就係應該飲返茶餐廳既味道😏呢樣絕對係我覺得茶餐廳仲正過酒店既飲品.So far咁多年好似無真真正正入去呢間餐廳食過, 外賣就有, 印象唔錯, 今次試過堂食, 絕對會再返去, 燒味既性價比無得輸.整體環境💭💭💭好味道：🧑🏻‍🍳🧑🏻‍🍳🧑🏻‍🍳🧑🏻‍🍳服務態度🤵🏻🤵🏻🤵🏻🤵🏻性價比：🧐🧐🧐🧐🧐回頭基率💫💫💫💫💫.#nonstopeatingdiaryhongkongstyle#nonstopeat

一輝，像我這一個年紀的人一定會聯想起聖鬥士。而部份的馬鞍山居民，就會想起一間時好食，時唔好食，卻又可以生存左幾十年既燒味茶餐廳，《一輝燒味小廚茶餐廳》。對上兩次來，的確是一次覺好食，一次覺難食。而就在疫情下的一個星期五，我接了家人的 order 買外賣回家，因為就腳，就決定來光顧下這間像極聖鬥士故事的 "一輝" ，打不死、吃不死的老字號茶餐廳。疲情下的晚上，我買了兩個飯盒。其中的一個，就是茶餐廳的主題食物，燒味飯了。來的當日，時間已經過左8點半，味部的東西已經所剩無幾，但也斬得出一份足料、肉厚的叉燒燒肉飯。臨收檔的叉燒同燒肉，是沒有期望過的。正因為沒期望便沒有失望，我覺得是日的叉燒同燒肉都幾好，叉燒依然是半肥疫，燒肉六皮脆肉腍，不錯。另外來了一份干炒牛河。用上了幼身的河粉，顯然不是正碗。雖這樣，這河粉炒得算是夠入味，牛肉也味道濃郁兼嫩滑。外賣附有可愛的辣醬啊，加少少辣醬去食，味道升華了，直接令我覺得這炒河，可口。在期望不大的大前題下，這一餐算是好味道的了。地點算是方便就腳，有需要我話，純買個外賣，或夜了想吃了才回家，都可以考慮。

係咪茶餐廳態度就一定係差嘅呢？本身呢間茶餐廳啲嘢都唔平 ，仲要受埋啲呀姐氣！今日叫外賣，佢話有嘢飲送 凍飲或熱飲。咁佢咁講我就叫咗凍啡，佢話要加3$咁我就話「我要熱啡啦咁唔該」，然後佢就話「到到食飯凍飲都要加錢㗎啦」咁佢就唔好話比人知送凍飲熱飲，態度仲要講到我問題咁。

沙田區如果要搵地道嘅茶餐廳選擇都唔多，馬鞍山嘅一輝好耐以前食過覺得好食，今次就專登揸車過去食。我去嘅時候係做緊晚市，成間鋪坐滿人而我就自己一個搭枱。我一心係想食炒粉麵，所以冇留意到店內有冇私人晚餐嘅選擇。炒粉麵嘅選擇非常多今日我就揀咗黑椒牛柳絲炒烏冬（轉意粉）配凍奶茶。先來凍奶茶，見到個色淡淡地以為奶味好重。點知入口又唔係喎，茶味好濃而奶味都好適中，好味！等咗10幾分鐘炒意粉先嚟，因為係即炒。熱辣辣食得出好有鑊氣，味道好好又好香口，鼓油唔會多到浸死啲意粉，唔會太咸而黑椒味都好香又夠辣。油嘅份量都係剛好，夠炒到啲意粉每條分明但又唔會太多。意粉份量好大碟、牛柳絲份量都好夠，食完成碟飽到上心口。烏冬轉意粉要加$7，凍飲又加$2，最埋單$67。如果就咁乜都唔轉其實只係$58，性價比真係超高！

今天又到吃飯時間，同事知我好少出現在馬鞍山區，佢哋知我想吃燒味，就介紹我到一輝吃燒味飯。 一輝在行人馬路燈位旁，遠遠也看見到。 入到去餐廳兩旁有茶餐㕔必有四人卡位，中間也有幾張圓枱。 牆壁四周也貼上餐牌，也有每日限定午餐。 今日午餐就有叉燒拼燒鴨飯，＄47包熱飲。 反正想試燒味，午餐唔貴就要叉鴨飯。 燒味份量適中，不過叉燒肉質太瘦，只有其中兩塊有少少肥肉。 燒鴨肉質及味道就幾好，但飯就反而一般，唔夠熱只是暖暖。

係馬鞍山成日行經，每次過馬路都會見到♥一輝燒味小廚茶餐廳♥，但就從來都未試過，每次見到都會想食燒味飯，今日終於去試下食啦。佢既燒咪餐牌佔左一頁，我就試下佢既燒咪有幾好食先！價位$50蚊左右，都略嫌有啲啲貴。。。叉燒油雞飯叫左最鐘意食既叉燒油雞飯～個飯一黎到個樣都幾靚仔，叉燒同油雞既份量都足夠，飯底啲豉油都好多，仲有一碟仔蔥油，未食都已經加左唔少分。叉燒有啲偏瘦，個人比較喜歡有肥肉，半肥瘦就最perfect啦！油雞反而就比較肥左少少，無咩肉，啲骨仲有啲血，隻雞麻麻地～好彩都有蔥油送下飯，整體成個飯都係一般，沒有特別無咩驚喜。。。可能佢啲小炒會好食啲。

話說今日聖誕節，因為老公要返工，所以就陪佢放飯時食餐飯，咁我地諗住平平地搵間茶記食啦，咁見到呢間野就入去試下，入到去時都仲未有咩問題，我老公一睇餐牌就嘩左一聲，最平燒味飯都要成50蚊，如果唔係想坐低食，我寧願去街市買都係30幾蚊，咁坐低左咪試下囉，諗住一分錢一分貨，我老公就叫左個叉燒燻蹄飯65蚊，我就求其揀左個叉燒燒肉飯50蚊，加左左2杯野飲約莫總數118蚊到，精彩嘅黎啦，第一碟飯上枱，好用力咁放上枱面啪一聲，放低左就調頭走，我同我老公都望住個條友，我老公話，算啦茶記係咁上下，咁我就冇出聲啦，第二碟又係咁，連飲品都係勁用力咁啪落枱面，好彩冇濺到出黎，跟住我就問洗唔洗咁呀，條友當聽唔到就走左去，我老公都係同我講算啦，食完快啲走，跟住我望望餐牌，原來叫左飲品就唔送湯，咁我就同我老公講如果係咁我應該揀飲湯啦，咁我老公聽到就幫我問，唔好意思，我想問我可唔可以轉飲湯，雖然我知道飲品出左就換唔到，咁我老公都係好心問問姐，點知佢地一個男一個女就好冇禮貌同好唔耐煩咁大聲講，緊係唔得啦，飲野飲出左咁點換呀，又唔早啲講，要飲湯一係加8蚊囉，咁我聽到佢地啲態度當堂火起就講，加你碗湯都要8蚊，我不如自己返去煲

夜晚游完水好肚餓，諗住快快趣食個晚飯返屋企，所以是但入咗附近既茶記，估唔到9點仲有咁多人食緊嘢。啲嘢食都嚟得幾快，order 咗無耐就到。我嗌咗個窩蛋免治牛肉飯，好大碟同好多免治牛肉，味度都ok 不過不失咁喇，但食食下忽然見到有蛋殼 ！雖然唔係話好大件事，我都係不走咗佢就算，不過作為食肆都唔應該咁唔小心囉，感覺好馬夫。。。反而杯奶茶唔錯，幾滑幾好飲。男朋友就嗌咗蕃茄蛋飯，都係好大碟好多飯，蕃茄同蛋都好足料。

坦白講一碗燒臘米粉可以值幾多錢呢,普通的燒肉鴨米無味道無飲品你可以同我收六十蚊,真心講你不值,再者加上收銀員的無禮貌對待,我只是坦白的講一句,你地貴過某公司喎,我只是提及一句比喻,就得到無禮對待,現今社會已經唔能夠咁啦

薑葱魚雲煲，香噴噴熱辣辣上枱。又滑又香口，味道香濃，有驚喜。豉椒鹅腸，境然係茶餐廳食到大排檔突有既鑊气。鹅腸雖然無肥果種甘軟淋，但一d都唔会難咬开，容易食，Gd。椒好新鲜，食落有汁。洋葱豬潤排骨，豬潤食落有口感，夠厚身，好味。但排骨食落有些梅，唔好食。

次次行過都見到好多人排隊，所以想年假最後一日黎試下。行完街肚餓，所以叫餸食飯係最好的。我地兩個人，叫左金菇肥牛煲同茄子魚腩煲。湯要加$5,今晚係蓮藕豬骨湯，味道吾係濃，但有住家老火湯既味道。先黎金茹肥牛煲，啲肥牛肥瘦參半，食落有啲乾，下面有金菇粉絲豆芽毯底，熱度十足，吾算油膩；茄子魚腩煲係我至愛，因為愛食魚。茄子都係有啲乾，同魚腩既汁分離甘，過令人食落一啲都吾油膩，反而有質感，好厚實既感覺。魚腩做得好好，魚肉吾散，外實肉軟，表面有啲焦脆，加上熱度足夠，非常有鑊氣。我明明叫凍檸茶少甜，兩杯飲落好似冇分別，過茶餐廳既茶味始終係最好。至於呢度價錢係貴左少少，但計返份量同質素，我覺得值，但吾會係成日食既飯堂。

太太晚回家的一個晚上，獨個兒，當然也沒有心機心情去煮飯食。回到馬鞍山，想找的一家餐廳原來星期三不開，正在猶疑吃什麼好的時候，看見這簡簡單單的一輝茶餐廳，正合我心意。一輝，像我這一個年紀的人一定會聯想起聖鬥士，多年前為這家位於馬鞍山市中心，也似是鮮有一見的燒臘茶餐廳寫一個食宵夜的食評時，已用了標題《聖鬥士一輝》了。是次正正式式來吃燒味飯，我正要試一試這似是唯一的燒臘店，那叉燒燒鴨的魔力。如果要同區外比，或是要同酒樓比，這一個燒味飯就真的未及質。叉燒瘦了一點，燒鴨不夠肥，不夠肉，幸好的是鴨油仍然有香味，叉燒仍可以叫腍，未能稱得上是佳品。迷迷惑惑地吃了一個叉燒飯，像中了鳳凰幻魔拳，要一會兒才醒悟，才知道這不是佳品。一輝，算是區內有聲有色的燒臘店，但......算吧。

首先，馬鞍山並非交通要衝，亦無特色景點，所以在整個馬鞍山內的食店都只屬街坊醫肚型，即並無任何食店，值得區外人花時間車資到此專程光顧的。但在一山還有一山低之中，總有一兩間比較似樣的，若然你某日流落馬鞍山，亦可以順道一試，專程則無謂。其中一間即一輝燒味。燒味店在馬鞍山中心區大大話話有8-10間，但可以堂食的只此一家。面對其他15-19一個雙拼飯盒，一輝連熱飲3x一碟都可以生存咗3-4年，證明佢有一定水準，不過，坦白講，絶不能跟外面以燒味出名的老店相比。我覺得灣仔的再興燒臘一定好過佢。咁如果再興你都認為唔啱食，哩間你千祈咪入。油雞、燒肉我都覺得唔錯，衰在碟頭較細。肉少，無得講，通脹一句解釋晒，但飯都少就真係...大隻男如我，真係唔多飽。熱奶茶亦有些少水準。馬鞍山內係好多茶餐廳，不過大部份店鋪的奶茶都比大家樂差。比較令人唔想幫襯嘅係嗰位負責收錢的話事人。黑口黑面的婆婆級，我對街坊生意一向無咩要求，但佢真係好似每個俾錢佢嘅人都係欠咗佢咁。

前晚瞓得唔好，冇乜胃口，諗住食雪菜火鴨絲紋米，醒胃o的。老婆著高跟鞋，話腳痛唔想行咁遠唔去新創發；馬鞍山小廚又嫌佢貴。咁經過一輝，就咁入左去。o係馬鞍山住左十幾年，一輝呢間餐廳，之前最多去過一次。連埋今次叫做第二次，不過會係最後一次。老婆食：燒味雙拼。我食：雪菜火鴨絲炆米。ＳＯＲＲＹ開場白寫左咁多，以下係結語。（o的野食可以話無需要講，唔係話佢唔好食，其實算係不過不失）老婆個雙拼冇乜肉，而我個炆美。。。好細份，個阿姐拎到o黎我地都呆左一呆，我同我老婆用左４個例子，o黎形容佢有幾細份。１。你有冇試過星期五帶飯，返到公司發覺同事都出去食，自己跟大隊出去，但係星期六日唔駛返工，惟有將個飯盒帶返屋企。而你星期五晚食o個個飯盒，就等於我食o個個炆美。２。又或者你有冇試過女朋友想要麥當勞個o的玩具，自己走去食happy meal。你食o個個happy meal，就等於我食o個個炆美。３。再唔係你有冇試過請病假，晏晝落大家樂食下午茶。你食o個個下午茶，就等於我食o個個炆美。４。如果都冇試過，咁有冇試過去大家樂叫焗豬扒飯，但係冇堂食碟，淨返外賣紙盒裝。你食o個個外賣紙盒裝，就等於我食o個個炆美。個炆美

是日早餐文迪想來這裡吃, 其實她之前已經來過, 反而我就是第一次來. 環境幾逼, 搭檯是必須的. 地下也幾濕, 衛生程度是一般. 我們的選擇都是醒神早餐.五香肉丁.火腿出前一丁 $26: 6分, 奇怪地個湯底是無乜辣味, 跟文迪的那個沙爹牛肉是無乜分別. 始終五香肉丁是應該有辣味的, 但這碗麵就不太覺得辣. 出前一丁就不俗, 不會太淋.沙爹牛肉.芝士腸出前一丁 $26: 沒有試到文迪的那一碗, 但吃了一小件沙爹牛肉, 是沒有甚麼化學過的痕跡.飲品要了凍檸茶及凍奶茶. 我飲的凍檸茶幾大杯, 沒有下過多的冰, 不過不算太有茶味, 當然, 凍飲始終會差點點.不計凍飲, $24一碗丁麵, 價位還算合理, 不過就上得好慢, 要等一大輪先有得食.