一風堂 (德福廣場) (已結業)

我叫了碗一風堂辣肉味噌拉麵，覺得很好食。啲辣肉好配豚骨湯，而且還有其他配料可以加入湯底裡（有蒜蓉、芝麻、芽菜之類的）。拉麵裡的豚肉、紫菜、和玉子也很好食，而且他們本身就很有味道。我也試了一點炒飯，也很好食。此外，一人也可以選擇拉麵的軟硬度和湯底有幾辣，而且服務非常周到。I ordered a bowl of spicy noodles (don't know the English name), and was extremely satisfied with the quality of the food. The spices went really well with the tonkotsu soup, and so did all the other garnishes (garlic, sesame, and bean sprouts amongst others are provided for your liking). The sides of pork, seaweed, and a soft-boiled egg were all extremely flavou

星期日想係德福搵野食似乎都要等好耐，見一風堂得幾個人等位，唔想等位所以食呢間，反正啱啱返完鄉下好掛住鄉下嘅拉麵呢！😋打開menu見到炙燒豚肉半熟玉子丼真係忍唔住，一定要食🤤。記得係日本食過豚肉飯超好味，豚肉爽口，醬汁甜甜地，配埋彈牙嘅珍珠米，真係好好送飯，呢碗再加埋糖心蛋係我至愛，唔食點得吖，可惜碗飯好細碗咋，不過少食多滋味黎一風堂拉麵又點少得，要左碗赤丸拉麵。辛口餃子 ，煎得幾脆，皮唔算薄，不過都好味。豚骨湯波菜 - 好驚喜，用石鍋上仲熱辣辣，豬骨湯好濃好好飲，波菜好入味，份量唔算少，$28好抵食。

難得星期六想去行山 點知落雨唯有去九龍灣搵食 見唔多人排隊就試下呢間記得半年前試過 卡邦尼拉麵 幾有驚喜今次就試德福限定的橫濱拉麵佢附送左一堆蒜蓉同醋 好似仲有薑絲肉還okay 唔太肥/瘦 糖水蛋黃唔係實 蛋黃幾香麵質有咬口 只係湯底有點咸商場賣呢個價錢 好難要求咁高筆者係 上環長浜No.1 fans😂之後試佢的炒野菜 肉同菜份量比想像中多只係$32 可以一試！食埋佢中和個拉麵的咸

睇完戲差唔多開飯時間，好多餐廳已經人頭湧湧啦。。等左好耐位，成４０分鐘！如果拎飛等位記得入埋電話啊～！咁岩朋友原來未食過一風堂～咁就一齊去等位啦！本身見隔黎果間邊爐都好似好吸引。。特別係見到一風堂門口已經有好多人等緊，特然間就見到＂朝日啤酒買一送一＂同朋友間唔中都會dap番２位既我就決定係呢間啦！一風堂主打梗係拉麵啦，有叫到，點知唔記得影相ＸＤ仲出左幾款特別既口味，都賣晒～＞＜最後揀左雞醬油（＄９２），我就覺得麻麻地啦。。明太子雞翼又係普普通通。。反而呢個菠菜豚肉湯好味～！一滴湯都無淨呀！不過岩岩上台果陣要小心個鍋好熱～呢個蛋係勁淡味。。連豚肉味蛋味都唔覺。。失望＞＜！見台台都叫呢個炸雞，食飽都要叫個試下！雞肉又出奇地好嫩喎，可以有下次！！每人２杯ａｓａｈｉ，埋單加埋１都係３００蚊唔洗，都算ｏｋ啦～！仲有一讚係服務!!加水好快,抹檯上菜都好細心! 抵讚!!

火炎焱燚...，夏日熱辣辣，熱辣辣熱辣熱辣辣好熱好熱。不如食碗麵!#特製黑 湯低幾好  少少辣 蛋有一隻就好 如果有埋竹荀會更好

下晝要到附近工廈辦工，先填飽肚子再工作。中午午膳時間客人不算太多，感覺舒適自在。點了橫濱拉麵 (德福限定)，再加＄25要了明太子雞翼及芒果蔬菜汁飲品。拉麵送到時有兩小碟配料，蒜蓉及大蔥，這兩樣都是我喜歡的東西，再給我更多也能吃掉！店員還給我一枝醋，說濃底比較濃味，可以根據個人口味加些醋。我先試了原來的湯底，很稠身，味道是不錯，可以的確有點濃，有種不能把湯完全喝掉的感覺...於是加了兩圈的醋，味道就對了。拉麵是比較硬身的，下單時店員已提醒，我認為口感非常好。豚肉是慢煮的，脂肪比較多，不過口感鮮嫩，味道亦不錯。明太子雞翼隨後送到，非常熱，雞翼炸得稍為有點過火，但味道很好，外層香脆，裡面充滿了肉汁。把所有食物都吃光，湯也喝了不少，還坐了一會才離開。總括來說：店員親切，環境舒適，食物味道好，非常滿足的午餐！

一風堂經過九龍灣，原本只是環繞德福廣場一週，但是，看了一風堂的餐牌，餐牌設計十分精緻高格調，也有符合自己口味的菜式，於是去了一風堂。門口有一條暴龍，放心，它十分安全，不會咬人，我試過放隻手落去，它都沒有咬我，絕對不會是國產007中鬼鬼崇崇走嚟走去嗰條暴龍(當然亦都不是「哈—哈」嗰條啦)。九龍灣德福廣場可謂是美心的天下，除了星巴克咖啡處於德福廣場的另一邊外，元気寿司，丼丼屋，一風堂同處一個角落，無論你光顧哪一間，基本上都逃不出美心的五指山。他們採取多品牌營銷策略，目的就要從不同角度切入不同層面的消費族群，進行變相連鎖。一風堂十分具有漫畫風格，無論從餐牌設計，室內環境，飾物佈置上，都徹底維持品牌的連貫性，很明顯，目標市場是一般較年輕的消費群。剛坐下，由於見到來的客人是大肚婆，經理十分識趣地安排侍應提供熱水，細心程度值得一讚，然後我們點了主題菜式，一風堂辣肉味噌($76)及海佬豚骨($88)，看似份量都不會太多，於是又點了兩碟小食：蒜香枝豆($25)，辛口一口餃子6件($42)。枱面放置三種配菜，生蒜頭，芽菜，辣雪菜、還配備一隻搗蒜器，不過建議不要單獨吃，要放進面中，才起到配菜的作用，除非你

响旺角店食咗 N 次, 印象蠻好, 發現九龍灣店食物水準穩定之餘 服務仲好上加好, 同事們都超級友善啊~所以 我哋愛上咗尼間分店, 成日都會來~ ;) 今次終於食到德福限定版！！！真係忍唔住想歡呼出來～～～又真係再抵食啲喎!!!料多好多, 配料中 仲有 2款菜呀!!! 我好鍾意呀!!! 啲菜唔頹架, 好味的~ ;)店員話因為湯味偏濃, 所以會酸上酢比我地自己較味~我鐘意清淡, 但又覺得 ok 呀個程度, 食到一半 加番啲酢, keep 番住個味覺 食落清新番啲仲好味呀~------------------------------攪攪新意, 叫個混面黎影下相~呢個係配菜你黎, 番茄同埋煙肉~味道呢中規中矩~我地每次必叫嘅明太子雞翼, 好味呀~－－－－－－－－－－－－－－－－－我們的例牌：白丸新味 同埋 辣味噌~  btw,記得 記得 d/l 佢地個 app 啊!!!食 4碗 儲夠 4個印花 可以當 $30 用; 夠 6個印花, 送一碗拉面喲!!! 仲要好大方, 係減單中最貴哥碗架!!! 

一風堂我係幾年前係金鐘食過一次 當時叫白丸 我嫌個個湯太淡 今日再去食 叫左個「赤丸新製拉麵」 呢款麵既湯底較濃郁 個4塊叉燒都好好味 麵的硬度我選擇左「硬」 感覺岩岩好 食完整完拉麵係足夠飽之餘又唔頂胃 非常好 下次會再幫襯 順帶一提，無辣不歡既朋友可以試下佢呢到既辣拉麵 見到友人食佢碗「中辣」拉麵食到流曬汗 我好奇去試過佢個碗的湯底 就覺得辣味會奪左佢湯底既味道 所以應該唔會特登叫黎食啦 我見到佢甜品有個煎餅配綠茶雪糕，但係太夜食晚飯，怕肥無叫到，都係$25一客only 希望有機會試試佢 我係綠茶控呢

放假決定去食日本野😝😝 石燒鰻丼簡單啲泥講即係鰻魚石頭鍋飯😋 保溫好好 食到最尾個飯都仲係熱辣辣 鰻魚夠稔身 飯質都係偏軟身既😛 而且鰻魚汁分量剛剛好，每粒飯都沾滿汁，好夠味豚骨拉麵有得揀硬度:軟 適中 又或者硬 今次揀適中 拉麵湯底都幾濃郁😋 不過有少少偏咸 麵質都ok彈牙 其他就不過不失 如果份量可以再多啲就一流👍🏻 餃子係迷你size既 煎得唔算太燶 加埋薑蔥一齊食更加香口😝 餃子內都能夠鎖住汁，食起黎吾會好乾身南蠻雞肉質都幾嫩滑👍🏻記得點埋他他醬食 減低油膩感😛，而且酸酸地咁好開胃

記得一風堂開業時係要排隊等位, 門口聚滿晒人喺到等食, 初開業時個個都讚不絕口話好食, 今日我終於第一次嚟試食, 大概3點左右唔駛等位, 場內都有半數人, 呢到個場都好大而且座位都好寬闊, 拉麵種類唔算多, 只有6款橫浜家系豚肉拉麵 - 賣相一般, 紫菜唔算新鮮, 因為唔脆口, 菜比較老身有渣, 流心蛋都還可以, 拉麵可以揀軟身, 普通同硬身, 揀咗普通質地, 口感好爽口, 另外有介紹可以加醋, 生蒜同洋蔥, 湯底有豬骨味且濃, 但偏咸雞醬油拉麵 - 賣相一般, 菜老身有渣, 流心蛋都還可以, 雞肉口感好似怪怪咁, 雖然有雞味, 但肉質係梅梅地咁, 拉麵都係揀咗普通, 所以口感都係好爽口, 湯底比較清, 因為醬油味, 但都係偏咸另外一提就係杯茶, 茶味怪怪咁, 味道似五花茶底, 同埋係凍既***  食完覺得都係一般啫, 唔明點解啲人可以排長龍去等食, 如果比我揀我寧願食札幌拉麵

好耐無食拉麵, 黎左一風堂, 等左十五分鐘就有台, 好好彩.安排我地坐橫台, D椅好大張, 每人佔既空間都好多, 唔會有迫埋迫埋, 同其他人痴到實既感覺.BB椅係木製, 有坐墊的, 感覺好舒適, 而且好新,好乾淨叫左野食之後好快就拎左兒童餐具俾我地, 好貼心而且好乾淨又可愛, 本來自備既餐具都無拎出黎.叫左黑咖哩拉麵怕我地食面會彈污糟D 衫, 細心準備俾即棄圍肩俾我地, 真係好窩心…叫左一碗豚肉俾小朋友, 份量其實唔細, 一個細食女仔都夠飽, 飯上面仲擠左少少沙律醬, 更加開胃, 我無試過, 不過我估D豬肉唔鞋而且好好味, 因為我個女一啖接一啖好快自動清哂! 一粒都無剩.我地大人食左新推既  $78 同橫浜家系豚肉拉麵 $78黑咖哩拉麵 個湯底好濃好香帶少少墨魚汁,  又唔會杰得濟, 配上偏硬既面身好好味, 而且面唔會太粗, 可以依附更多湯汁, 加埋隻溫泉蛋,更完美, 而塊叉燒稍微有點過肥.橫浜家系豚肉拉麵湯底好好好濃, 店員特意提醒我地如果認為太濃可以加D醋中和, 我地無加, 濃味也不錯, 而呢款面另一特點係有全隻溫泉蛋架! 哈哈唯一個迷你餃子有D 怪, 個皮表面完全無水份無油脂的,

一風堂大概是我最常到訪的拉麵店，主要是因為它的食物質素和優秀服務。加上，登記店家的app，惠顧拉麵和食品便能儲上印花。4個印花能兌換$30優惠券，6個印花能兌換一碗免費拉麵！而且能兌換餐牌上最貴的拉麵，所以每次惠顧拉麵也可以慢慢儲到印花。今次享用的，是餐牌裡包含的啤酒買一送一優惠，共三款選擇: Asahi, Kirin和Orion （$38）。 這個長期優惠對愛喝啤酒進餐的朋友絕對是喜訊。雖然店家說可以拉麵佐啤酒，我還是對此有所保留。倒是配特式包食、串燒常的夾！推薦指數: 5/5本人點了半本白丸拉麵。白丸拉麵（$42），即原味的豚骨湯拉麵，麵的份量減半，價錢也相對便宜了。選擇硬身的麵身，配以豚骨湯，可以慢慢享用拉麵不怕變淋。個人認為硬身拉麵較有嚼勁，而這裡的湯頭稠度是相當出色。用上背脂熬煮的湯，不會太稀，而且骨味濃郁，比起很多拉麵店也出色。由2011年吃到現在，覺得九龍灣店的味道沒怎麼變，依舊好吃。重要是吃到豚骨的味道和感覺。配料不多，但九州拉麵的樣子卻直接呈現出來！推薦指數: 5/5至於炸野菜天婦羅包（$28），亦見出色。點了半份拉麵，多了空間試試其他美食。香脆的天婦羅，加上沙律醬，

晚下班，回到九龍灣，10時多可選擇的餐廳不多。一風堂10時15分才截單，所以還能吃得到麥當勞以外的選擇。而且，為儲電子印花，不時到這店光顧。幸好，店家選擇多，還未試勻所有食物。今天亦作了破天荒嚐試，不吃拉麵，點丼物！抱著身先士卒和未曾荒老的好奇心，點了溫泉蛋豚肉飯（$42）和豚骨湯浸菠菜（$28）。店員也溫馨提示飯的份量較小，下單時間快到，可點選較為飽肚的選擇。還是試了試，先來的有石鍋上的豚骨湯浸菜。熱辣辣的，菠菜上亦有一點本菇。菠菜份量略少，但明顯是較細嫩的部份。浸過湯，帶湯淡淡肉鮮味，令菠吃起來更甜，而且煮得軟腍，勝在健康味甜。推薦指數：4/5至於是日主角豚肉飯等了十分鐘才上桌。飯的份量不多，但調味用上沙律醬、湯汁也令人有飽肚的感覺。日本珍珠米拌入沙律醬也是難以批評的黃金組合。溫泉蛋和豚肉亦煮得時間剛好，加上用上日本食材，本身已帶鮮甜味道。份量不多，但見驚喜！推薦指數：5/5一邊吃飯，一邊喝著浸過菜的豚骨湯，身體也暖和起來。相對於坊間濃味的拉麵店，一風堂是較為清新的選擇，而且供應食物款式多，人多人才來也適合。

泥到德福廣場嘅一風堂，原本想試下佢個德福限定，潢浜家系豚骨拉麵，可惜下午三點先泥到，已經賣哂，唯有下次再早啲。所以今次就叫咗一碗，贏得一風堂拉麵總選第一位嘅黑咖哩拉麵。未上之前，店員比咗一個一次性嘅圍巾我，話避免整污糟我件衫，相當貼心！果然，拉麵與其名，黑忟忟，湯底係豚骨湯配合咖哩香料、味噌同墨魚汁混合而成，仲有少少醋嘅酸味，味道比較特別，個人泥講會比較鐘意普通嘅豬骨湯底多啲。而拉麵尚算有靭度，可惜份量略少。