一鳴拉麵

营业中

休息中

呢間小店位於大埔墟街市附近 中午時間都有好多人過嚟食 大概12:30舖面已經坐滿啦😮我哋一人帶咗一碗拉麵 午市套餐仲可以加$20或者$30 加多一樣小食同埋飲品 價錢就由飲品而決定😮黑蒜 豬骨湯底再配自家製黑蒜油 黑蒜油聞落已經好香 食落口嘅蒜味亦都好濃 每款拉麵都可以選擇麵條 麵質 細蔥 配料 唐辛醬 我地呢碗揀咗細麵 普通麵質 普通多細蔥 叉燒 兩隻🌶嘅唐辛醬 細麵幾掛湯 唐辛醬就唔係好食得出個味 可能湯底太濃味啦 叉燒有兩塊 都燒得幾香😺赤辛秘製地獄醬豬骨湯底 太麵 普通麵質 多蔥 豬軟骨 一隻🌶嘅唐辛醬 見到個湯紅卜卜 就知一定有返咁上下辣啦 夾起啲麵 啲麵變埋紅色添呀 不過食落嘅辣都仲可以接受😼 係刺激嘅辣 不過唔會持續得好耐 加上湯底有大量櫻花蝦 食落除咗辣之外 櫻花蝦味都好突出 令個湯底幾特別 豬軟骨份量都唔少 咬落都好腍身 叉燒同豬軟骨比較 會鍾意豬軟骨多啲🥰炸雞雖然個樣好似炸得好燶 但係咬開都有啲肉汁 可以話外脆內軟🐥餃子餃子幾熱辣辣 外皮都夠脆🐷飲品烏龍茶 正常味道 冇咩特別😂青檸青蘋果梳打 呢個酸酸甜甜 青檸味都幾fresh 又唔會太甜🍏呢間嘅拉麵都有返咁上下水準

今晚去大埔搵朋友，天氣都幾凍所以我地決定食碗拉麵暖一暖胃。我叫咗香菜拉麵，因為見幾特別同少有。賣相綠得好靚🍀太麵硬身好有口感同咬口，同埋會比較索湯。個湯底會比較似打邊爐既豬骨濃湯，莞茜味唔會話搶過豬骨味，自然得黎有肉脂香，重點會係好清新唔會過咸，做得相當出色。叉燒都柔軟唔會鞋口，如果多d焦香會更好～友人點的黑蒜拉麵既黑蒜味都做到十分到位，濃香好味！整體而言拉麵味道上做得幾出色，如果個量大少少會更加好～

成日周圍試拉麵店嘅我，今次搵到大埔嘅一鳴拉麵，之前朋友話周末去排哂長龍咁，醒目嘅我就揀左平日時間去，11點幾去到，發現冇開門，心諗出事，睇清楚d原來係中午12點開門，我等左5分鐘就開門，大家記住睇清楚營業時間先去12點就準時開門，店內都是柔和黃光，走日式小店風格，午市有一張餐單，可以選擇湯底、麵條及配料醬料分量等等，加$20-$30可配飲料及小食，今次就揀左豬骨黑蒜叉燒太麵，配餃子及乳酸梳打餃子炸得好香口，餡料豐富，乳酸梳打唔會太甜，又夠哂凍，最後到主菜拉麵登場，賣相滿分，感受到日本文化對食物賣相嘅要求，流心蛋及叉燒放中間，不同的配菜環繞，我用左10秒欣賞就開餐啦，叉燒好大塊，有2塊，之前係沙田食過其他同價位嘅得1塊勁薄嘅叉燒，呢度係好足料，唐辛醬都好味，鍾意食辣嘅朋友可以叫多醬。下次去大埔食嘢又多個選擇

以前中學都已經好鍾意黎呢度食嘢😁😁😁今日，呢諗住去埋附近蝶豆花園，就喺度食碗拉麵先！入到去，佢嘅裝修好日式🎎我就揀咗黑蒜拉麵， 成個湯底呢黑色嘅🤣🤣🤣咁我就配左細面，如果呢你未食過， 真係要試一試 ！佢有少少似意大利嘅墨汁意粉！ 打卡一流 同埋個湯唔會話超級蒜頭味，係好香好濃😜😜我諗應該係因為佢，本身個base豬骨湯底淆得好😝見佢本身有叉燒, 仲有糖心蛋, 大食嘅我，就梗係加錢配埋個豬軟骨！一次過試曬佢啦😆😆♥️個豬軟骨好入味亦都好淋，再配少少啫喱係側邊呢，勁sticky, 超級大滿足😆😆😍😍😋🍖跟住我再配咗餃子同埋乳酸梳打, 個餃子去煎到個皮脆咯咯，再畀咗啲醬油我哋點，餃子個味好重芫茜味！所以我非常鍾意😍

喺大埔墟街市行過少少有條後巷，呢條小巷入面，有好多外賣店，其中我就畀呢個日式風味嘅拉麵店吸引住♥️♥️入到去成間舖頭都過住日本嘅音樂，勁似我之前去大阪食嘅拉麵店咁佢午市係免加一，有2隻麵底可以揀嘅，一個就係幼面另一隻就係太麵，我就選擇咗太麵比較彈牙， 湯底我就揀咗 香菜， 我覺得你鍾意食芫茜嘅話一定要揀呢個湯底， 呢個超好食！佢個面好濃， 濃得黎又唔會話太過肥膩佢嘅叉燒亦都做得好好，好滑，唔會話好鞋身😜因為呢我鍾意食少少辣，咁就再加埋唐辛醬😜😜小食我就跟咗炸雞同凍嘅烏龍茶， 佢嘅小食有四件炸雞，我覺得如果你只係一個人嚟食嘅話再有杯嘢飲其實都幾飽佢個雞我覺得好好食，其實即係唐揚炸雞，佢個皮好脆，肉質好嫩，一撕開嗰下仲有啲煙出嚟

天氣凍凍地想食下啲熱野😉好耐冇食過日式拉麵🍜就諗起大埔墟其實有一間我係想試但係又未有機會食嘅🙈咁今日就去食啦，因為終於唔使排隊啦😆😆舖頭唔算大，但環境唔錯😊我一個人就坐係麵檔前面，餐廳播住日文歌🎶成個環境其實都幾有日本feel😍😍🌸咁我今次就叫咗兩樣嘢✌🏽當然唔少得主角拉麵啦，鍾意食辣嘅我就揀咗赤辛拉麵🍜而小食就係蒲燒鰻魚串燒🐟赤辛拉麵🍜好有驚喜🎉，冇諗過碗麵有咁多料，平時食拉麵都真係得兩塊叉燒🐽少少肉碎同蔥花咁，但呢個就超足料，除左以上幾樣基本野，仲有木耳絲，櫻花蝦🦐同糖心蛋🐥木耳絲爽口；櫻花蝦脆身；糖心蛋就，蛋香味重，至於湯頭非常濃郁，唔太辣但就好香，鍾意重口味嘅人士呢碗拉麵就啱晒啦！👍🏽👍🏽👍🏽蒲燒鰻魚串燒🐟原本以為係有竹籤吉住既串燒，點知嚟到嘅時候係冇竹籤嘅🤨唔知其他會唔會都係冇竹籤嘅呢🧐不過呢個都唔係重點😂講返條鰻魚先，個面有啲芝麻同紫菜，仲有鰻魚汁，熱辣辣🔥食落有入口即溶嘅感覺😋😋好味如果份量可以多番啲就好啦😝😝整體來講就係合理價錢食到高質素食物😋😋

大埔既一鳴食日本菜，食左個日式豚角煮飯$58會比起拉麵有完整一隻蛋，豚肉相對一般舖頭較厚身，味道不錯，不過飯就可以再少啲。大阪燒方面，不過不失，但不算特別所以我不會提議叫喇。明太子玉子燒$78有好多地方都做既，我覺得味道ok la 容易入口又唔會煮到好似有啲舖頭咁過份熟無左玉子燒半熟既質感，芝士味唔算好重。一如以往唐揚雞軟骨$38好難會唔好味既，乳酸梳打正正常常，都係甜甜地咁啦。係個飯相對好味其他都係正正常常。

黑蒜鳴 $65因為大埔返工，所以成日喺大埔周圍覓食，又去到一間拉麵小店 ，面積唔大。特別午餐時間需要等位，咁咗少少時間終於有位啦。一見到餐牌發現啲拉麵都幾抵食，平時出去啲拉麵都要成$100，呢度$60 $70就搞掂。湯底為豬骨濃湯加上黑蒜油，味道濃郁，食完成個口都係蒜味道，麵條:曲麵，掛湯掛得多啲，好食啲。麵條有咬口軟硬適中。配料:話明食拉麵一定要叉燒，三片大大片，適量脂肪，好香口。麵條爽口，唔會好淋。流心蛋正常發揮，整體都好食，湯底都唔會太鹹😊香蔥、木耳幾樣都有加，湯底會濃味好多，幾好食，會再encore。

平日星期四去食不是繁忙時間 樓面嘅女仔係極度冇禮貌！呢間拉麵一定唔會再比錢買難受！！因為有朋友後join嘅關係叫多左一碗拉麵 想叫樓面員工幫忙收拾清潔枱面 要多次先理會其實一眼就望到枱面有咩需要收走 因為已經食晒 仲氣憤的問有咩需要收走 跟住執到啲垃圾周圍都係 ！你間拉麵店一定唔會再嚟

黑蒜拉麵🍜開頭諗住加蛋 好彩侍應再提一提本身有半隻 最後無加😆一上枱 係要先試個湯 係唔錯係濃味 但黑蒜 唔覺得重整體食拉麵 沾到d湯 已經好夠味但如果一x堂 我係會清埋個湯底叉燒同豬軟骨二選一我揀咗豬軟骨 老公就揀叉燒大家試完之後豬軟骨 好食同抵食好多有成4-5嚿 好入味辛辣個湯 正👍🏻 飲落口 真係有辣又夠味但大肚的我 不能食太辣 試一兩口就夠唐辛醬係甜辣櫻花蝦 辣肉碎 連湯 越食越想食最後 我老公清曬成個湯🤭🤭但叉燒就唔推比大家大概有兩塊 咬口偏柴但辣肉碎 唔知係要叫辛辣湯先有定叫叉燒先會有我叫黑蒜豬軟骨係冇嘅一上枱 青bb 個賣相令我覺得唔好飲成杯野好化學 青蘋果一千零一夜會青bb到咁🙃🙂不過飲落口 就係青蘋果梳打加少少青檸薄荷味個感覺好好多可encore 的小店

大家覺得1碗稱職的拉麵需要具備什麼條件？湯底濃郁？麵條彈牙？滿滿的叉燒和配菜？如果她是過江龍，你又會暗暗為他加分嗎？如果吃畢整碗拉麵（連湯底）而不口渴，你又會再加多幾分嗎？今天來介紹位於大埔墟火車站附近的「一鳴」。她擁有屋台/居酒屋一般的格局。午餐時段到場的小妹已看到餐廳外有幾檯食客在等候，幸好翻檯速度蠻快的，而且員工會預先為我們送上menu和點餐紙，所以當大家入座後，店員就會立即為大家下單！大家除了可以揀選拉麵的湯底外，還可揀選麵質、麵條和配菜，建議「選擇困難症」患者預留足夠時間點餐。小妹今次點了黑蒜。鳴曲麵，拉麵很快就送到。先呷一口湯，黑蒜味強但又不會搶走豬骨湯的味道（最後小妹是清了整碗湯），太麵彈牙，叉燒不過不失，反而外加一隻流心蛋有驚喜啊！除了黑蒜湯底外，其實魚介湯底都很吸引，而芫茜控更可點選香菜鳴（同事吃完整碗香菜鳴後，我決定當天餘下的時間都不會跟她對話）注意！一鳴拉麵店旁邊就是一鳴居酒屋，小妹已經bookmark了，準備隨時再戰！

今日想食拉麵，去到唔算多人，等左一陣就入得自己叫左一碗拉麵食，聽人講好好食，都好期待！碗麵黎到都好吸引！本身好鍾意食蔥，有好多蔥，好香！木耳同流心蛋都好好食！反而個叉燒無乜特別！個湯底都好飲嘅，不過食到中段已經覺得好膩，我自己就覺得鹹咗啲！整體黎講，算唔錯！

​大埔有好幾間食拉麵🍜既鋪頭，今次就黎到一嗚拉麵，入到去既感覺已經好似去左日本咁，牆上痴左唔少日本動畫既海報。​🇯🇵​我地叫左一碗豬骨濃湯曲麵($75)、一碗黑蒜油直麵($78)同一份芝士明太子醬玉子燒($78)。豬骨濃湯🐷拉麵湯底香濃，曲麵係平時食開既拉麵口感。黑蒜油拉麵比較濃味，岩重口味既朋友，但直麵既口感冇曲麵咁好食，可能食開拉麵都係曲麵，所以我地都覺得直麵冇咁好食。兩碗都係揀左叉燒做配料，有兩大片唔會好肥都唔鞋。​​芝士明太子醬玉子燒🍳面頭鋪上一層厚厚既明太子醬，好足料，連埋蛋食會蓋過左蛋味，比較掛住日本屋台食到個種玉子燒係入面夾住明太子。整體黎講拉麵味道都唔錯，未食過既話可以一試。​

踩完單車之後 就準備食晚飯行到去小巷 見到呢一間餐廳都幾多人排相信應該都好吸引所以就跟咗佢地一齊拎位大約等咗15分鐘到就可以入去進食店舖嘅空間唔大大概只係坐到五枱我同男朋友坐咗吧枱可以望住廚師煮面好有日本風味而餐廳嘅設計 都同日本好似令人不禁懷念旅行嘅日子黑蒜。嗚拉面 $78我哋一個嗌咗直面 另一個嗌左曲面仲可以揀叉燒或者豬軟骨個湯嘅味道好濃令人食晒個面仲想想飲埋碗湯個面都好吸啲黑蒜油味唯一不足嘅係要加一除咗拎個碗過嚟 都冇乜服務要收+1就貴咗啲

大埔出名平的一間拉麵店，當日星期日下午去唔需要等位🔅黑蒜·鳴$𝟞𝟝湯底係豬骨濃湯再配上黑蒜油，味道好濃郁，食完個口一大陣蒜味🤪配料可以揀叉燒/豬軟骨，好後悔揀左豬軟骨，d肉好細舊仲好散😢碗麵本身有一塊細紫菜、半隻溏心蛋同木耳絲加左$𝟚𝟘有埋野飲同小食，飲品要左烏龍茶。小食可以揀餃子/炸雞，兩樣整出黎都係熱辣辣✨餃子正常發揮，炸雞就超乎想像咁大舊🤣如果自己食哂4舊，根本唔食拉麵都飽啦!有一樣野我覺得一鳴真係輸左，就係個拉麵無荀，係加都無得加!🥺食拉麵都係要有荀先開心💔除此，整體一鳴嘅價位係比出面拉麵店平，湯底都唔錯，算是幾抵食的😚最特別係佢有芫荽湯底，我就無食過了，有興趣不妨試下😆