一點心 (通菜街)

营业中

休息中

阿媽成日想試一點心, 但常常都好多人排隊, 趕時間時真的無緣吃。 難得一個下午, 我地食得好開心, 因為食左五樣食物, 計埋茶錢都只係百幾蚊。食物質素唔差, 我份外喜歡它的魚湯鮮竹卷及蟹皇燒賣。鮮竹卷脹脹的, 餡很足夠, 吃下啖啖肉, 比起平時平平空空的, 它真的用料十足, 如果魚湯再鮮d 就好, 但這價錢是很值的。 同樣的啖啖肉, 蟹皇燒賣好實在, 吃時不但能吃到鮮肉味, 其肉沒有肥豬肉, 很爽的口感! 愛吃炸物的我們, 吃到酸甜炸雲吞時, 我更理解為何這店領過獎, 就是連雲吞中的蝦, 它絕不馬虎, 都是大大粒蝦肉, 外皮脆但絕不油膩, 配合酸甜十足的醬汁, 太好吃了! 還有是家鄉咸水角, 我俾十個讚! 它的外皮脆, 咬下脆後再軟身, 餡料豐富, 最重要是它脹卜卜, 食完想再吃。最後是古法炸蛋散, 是我第二次吃, 以前吃時感覺很差, 今次推翻了。 它不油但鬆化, 而且充滿口感, 它上面加了沙糖, 花生, 椰絲和糖膠。 雖然偏甜, 但新穎且好吃。收埋張單, 滿意度再提升。直得一試!

每次經過門口，拎完非都要等一個鐘，結果冇一次食到。今次終於晨早經過，竟然唔駛等位可以入坐，所以終於可以會一會不佢。一直以為多人等，一定係好野，點知今次伏左。首先馬拉糕，水氣太重，唔夠乾身，而且一開六，每件大少參差很大😣另外，菜乾粥D菜乾煲得唔夠淋😣而雞扎外面張腐皮，非常厚，而且切口很整齊，差D以為係機整。其他果兩樣，standard 同冇特別。食過之後，就算唔駛等都應該冇下次。只係諗唔明，除左遊客之外，點解仲有咁多人去食!

呢間點心店原來幾出名，通過朋友介紹仲帶埋我一齊去食。想知佢好唔好食，出唔出名，可能透過排隊等位嘅時候就會了解多少少，排隊嘅時候發現，來食野嘅人唔單單係本地人，細心d聽下，你會聽到呢度有人講韓文，英文，日文等嘅人來呢度食野好啦，講翻d野食先，呢度嘅點心其實都幾好味嘅，朋友大贊好味，我覺得都不無道理。餸菜上菜時間都幾快，點心都好入味個人感覺食落幾好店內空間不大，大概半間課室的空間，坐落有d逼，需要就一就另外見到d侍應姨姨主要講普通話，服務態度部分姨姨比較親切，部分較為冷淡d

每次經過太子都見到呢間店門外大排長龍，好多次都想試吓，但要等成個鐘，仲要坐得鬼咁迫，真係有D卻步。出於羊群心態，今次終於決心一試……果然要等一個鐘，我去花墟走了一大輪都未到！老闆响門外叫我寫好点心紙才入座，仲話只可落一次單，不可加單(唉，咁嘅服務態度！！！)此店嘅點心係抵食係好吃嘅，但堂食的話，真係坐得幾唔舒適，缺茶要等侍應得手才加俾你，這樣嘅進食環境，試一次就夠了！

Me and my fiancé queued up for this restaurant in the pouring rain, they estimated an hour’s wait so we returned at that time, they estimated another half an hour. We just ordered takeaway after that as we live nearby. The first thing I noticed is that they had a lot of empty tables that weren’t being filled, in fact it took on average 10 minutes for a table to be seated. The efficiency isn’t the best for that caliber of restaurant, I expected better for the amount of people waiting in line. Pr

放假約咗朋友想食點心又唔知食邊間就上網搵到呢間曾經係米芝連嘅點心店，當日冇打去訂枱6點左右去到拎籌好彩都唔使等好耐。等位嗰陣個職員已經派定張落單紙俾我哋落定單慳返好多等食物嘅時間。一坐低就有個侍應姐姐不停幫我哋斟茶加茶，服務好好。個咖哩土魷味道略嫌淡咗少少，不過口感都幾好，好彈牙。食點心蝦餃係我必點嘅其中一樣，佢哋個蝦餃又做到好薄皮好夠味。右邊個鮮蝦腐皮卷同我哋想像中有點出入，原來係炸嘅，定我大鄉里覺得腐皮卷通常都係蒸不過味道都幾好，炸得好脆，放耐咗都唔會話軟晒。鹹水角又係必點嘅點心之一，事關我太鐘意食，呢間嘅鹹水角個皮做到好脆，啲餡嘅味又夠balance，真心推介燒賣就中規中矩啦，整體味道都中上嘅。呢個鱆魚肉餅飯真係好好食，雖然食咗咁多嘢已經好飽，但不得不提佢個肉餅做得好好，肉質嫩滑，仲有粒粒鱆魚喺入面令到口感多咗層次，而且個飯好香粒粒分明值得一試！

本來一㣔4人想去食西餐，點知間嘢話唔開夜巿， 行過幾步，見平時人龍不絕嘅一點心，居媠有位，即入個隻，咁，概係唔理3，7廿一入左去先。 雖然佢只係每人一杯水或茶，但佢都有定時黎refill嘅。呢個蘿蔔糕，有一絲絲蘿蔔，正。最怕得粉嘅個燒賣有大粒蝦，有部份酒樓燒賣佢蝦都賣廿幾卅蚊，呢個真係似傳統燒賣。馬拉糕失望，唔夠鬆，似蒸前無打返粉將就攞去蒸嘅感覺，半鬆半實唔夠空氣感，個味偏淡。蝦腸，蝦大大舊，都唔係大大粒咁簡單。蝦攪又足蝦，皮夠薄，又正。個北菇蒸雞飯又係，一粒菇預左 ，個飯唔夠乾身，加鼓油後好濕，整體，可以唔食，除非你非要食飯不可。 呢個麻蓉好正，但一夾其實唔多想食，油到無朋友，連個托紙都已經油淋淋，食左一粒 我估我食左2茶匙油入口了，失望x2。不過整體還是不錯，如果同今次一樣唔駛等位，以每日約$50點費，一定會再黎。

星期五7:30左右到已經好多人等緊位，仲有唔少係遊客！等左4個字多d 終於入得3個人坐4人位好舒服等位期間已經剔好食d 咩但其實點心選擇唔多一坐低冇耐就送到黎 速度超快難怪咁多人等 份量足 味道好蝦餃啖啖蝦very good! 推介！而且價錢比較親民 叫左9樣野買單每人$6x 最後不得不提上菜速度好快...其實趕人速度仲快食剩1/3 果陣已經過黎收野&比說話你聽今次dinner食左40分鐘都冇埋完單出黎果然仲有好多人等

I really enjoyed dim sum there! My favorite were the rice cake made of rubbish, shrimp dim sum and mango cake!!!! I like the mango cake the best!! I'll go there soon maybe when I get tired and want to eat something delicious

飲茶其實唔洗下下去酒樓既,我就中意去下街邊既點心店食,一黎任何時間想食就食, 唔洗等下午茶先會平啲二黎係有時啲點心仲高質過酒樓呢 呢個古法蛋散最吸引！而且都係十八蚊炸到金黃色既蛋散,蛋散份量多到堆積如山, 咬落鬆脆中又有黏牙加埋滿佈既砂糖, 夠邪惡!正呀!食下又食下, 停唔到口囉 朋友點既我淨係食左幾啖粥, 不過粥底煮得唔太夠綿,有點兒過稀, 太水LU 食咁油膩既野就食返啲菜心平衡下菜心清甜, 煮得時間剛好所以都保持到翠綠爽脆配埋蠔油又係秒清左

太子有唔少點心餐廳，之前食過「添好運」同埋「籠太子」，咁啱上網見到「一點心」原來係2011年米芝蓮嘅1星餐廳，於是就決定去試試。其實有去開界限街運動場打波嘅朋友一定知道係邊，太子A出口，一出就向出口反方向行（即沿住運動場道往花墟方向行）。星期四6:30pm去到，完全唔洗排隊，不過唔好以為無人呀，餐廳入座率已達8成，再遲少少就要係外面排隊啦！👇茶錢每位$4，但飲落完全係水黎，茶味欠奉。看下圖👇- 咸水角夠香脆，餡料味道就一般🙁。- 蘿蔔糕內有少少長方形嘅蘿蔔條， 會咬到一條條煮好嘅白蘿蔔條， 口感同普通蘿蔔糕好唔同 其實點解蘿蔔糕唔係用刨成絲狀嘅蘿蔔絲， 而係用蘿蔔條？🤦🏻‍♀️- 至於糯米雞， 係全餐飯之中表現最出色嘅一籠點心👍， 份量夠大，餡料有雞、叉燒、冬菇等， 包飯嘅荷葉夠大塊同厚身（其他餐廳多數用D薄身容易穿破嘅荷葉）， 糯米蒸得油亮亮的，充滿荷葉香。👇炸兩令人有D失望，腸粉皮並冇問題，只係炸兩可能炸好後擺放得太耐，唔夠香脆，有D硬身。👇奶黃包同上網見到2011年嘅相比好似有D進步，睇落感覺比較軟綿綿，但係依然唔會流心，而且奶黃嘅味有D假，有人工調味或調色嘅感覺

如果介紹一樣香港美食給外國友人，相信不同人會有不同答案，但每一次我有外國朋友來香港，我都必然帶他們一嚐港式飲茶的風味，其中一間最常去的就是一點心。雖然這晚橫風橫雨，但進去以後，發現也照樣高朋滿座，其中還有幾張洋人面孔，看來壞天氣也阻擋不了一點心的受歡迎。看著這價格，每次兩個人來結帳都不會超過200塊，只收4塊錢茶錢又不加一，實在划算。薑蔥牛柏葉，香蔥味道很濃郁，牛柏葉份量適中，略嫌薑絲多了一點，整體很好吃。古法馬拉糕，鬆軟蓬鬆的口感，味道不會太甜，非常香的雞蛋味。份量足的我吃一片就覺得很飽。鮮蝦菜苗餃，皮薄而晶瑩剔透，顆顆飽滿，一口咬下去先是原隻蝦仁，再是鮮嫩翠綠的蔬菜，一點點蒜香味把餡的增加了風味。我最喜歡這個鮮蝦腐皮卷，雖然包了滿滿餡料，但是腐皮完全不會軟掉，還是保持著鬆脆口感，餡料蝦仁香菇馬蹄混合一起，顆粒大而分明，不會像餃子一樣什麼都剁在一起。很有口感。咖哩土魷，魷魚超級大塊，吃下去爽口而不硬，咖喱味香濃不漏。吃的時候要小心喔，一不小心咖喱汁會彈到衣服😉，因為魷魚太大塊了。我們兩個人吃了7籠點心已經非常飽，可是結帳也才160元，人均80塊錢，便宜得不得了。最重要是一點心的點心味

香港人幾時都好鐘意食點心，今次夜茶就去左一點心，傳心點心款式叉燒甜餐包、棉花雞、香煎蘿蔔糕、菜苗餃、香芒奶皇卷即叫即蒸，新鮮出籠，點心用料十足，每款都很用心製作夜茶精選，全店又不收加一，只收茶錢，價錢親民

帶來港的客人乘坐 Crystal Bus 水晶巴士,  玩 local tour ....在巴士旅程上 , 每位客人可以得到一份最能代表香港風情的點心拼盤 , 由曾獲米芝蓮推介的 " 一點心 " 供應 .... 點心拼盤包括有 蝦餃、燒賣、蘿蔔糕、春卷、珍珠雞、 叉燒餐包、香芒奶皇卷 ( 甜品 )、飲品一杯 ~春卷 : 炸得夠香脆 , 餡料也夠豐富 , 只得一條就是不夠喉 ~叉燒餐包 : 大小適中 , 餐包的皮十分甜蜜 ,  叉燒餡料多 , 味道很好 ~蘿蔔糕 : 蘿蔔糕的蝦米餡有夠香口 , 蘿蔔糕軟硬適中 , 也滿有蘿蔔糕味 ~燒賣 : 對我來說 , 是點心的代表 , 這家的燒賣既大粒又紮紮實實 , 豬肉餡料的肥瘦比例剛好 , 配合冬菇和蟹子 , 好吃 ~蝦餃 : 據聞 , 蝦餃是點心中最考師傅功力的 , 吃進口裏 , 蝦餃皮是煙煙靭靭的 , 蝦肉餡大大件又夠爽口彈牙 , 而且真有在筍在內 , 是好吃的蝦餃 ~本篇完 ~

琴日睇完戲 ,去返樓下太子食嘢,經過見到有間一點心 ,朋友就話試下啦 。其實都已經一半坐滿人，冇諗過十點幾都唔少人喎，仲要都仲話半係 外國人添 。整體味道只屬一般，吾太差，但係服務態度就差少少 ，因為我哋差唔多食完嘅時候， 佢就話出面有三個人就想我哋搬去隔離 ，但其實我哋已經講我哋差唔多走， 佢都在講話想我哋搬，但我哋只係飲一啖茶，等到吾等我地，佢攞埋我哋張單即刻埋單， 好似催人哋走咁㗎，最後連飲一口茶時間都冇。蘿蔔糕 都幾厚身，而且都有唔少蘿蔔味道都唔錯煎得幾香。腐竹卷，腐竹好難咬得開因為好靭 ，入邊嘅材料其實係幾好味，但係因為太油嘅關係所以食咗兩嚿就冇食。蝦餃 ，係今次最好食嘅嘢，好煙韌，而且入面嘅蝦都好多又彈牙。蝦米腸，皮好厚嚇親，只可以話佢嘅蝦米同埋蔥係幾好食，食咗一半都冇食放棄。咖哩土魷汁係唔錯，但係土魷唔太入，所以都係一般。