三不賣野葛菜水

营业中

休息中

龍城陳仔的葛菜水飲得多,這間"三不賣"就未飲過,爐兄引領到此,也得一試.三不賣這個堅持,我們外人實在無從稽考,近日吃得瘋狂,飲得窮兇極惡,個肝熱熱地.一碗葛菜水,深慶得人.$7一碗,例加少少鹽,味道沒有陳仔的甘,反而喝到菜的甜味.更易入口.風格鮮明的三不賣,眼見顧客不絕,應該真有點效用,謝爐兄.

雖然好多地方都有得飲，不過每處煲出來的味道都有唔同，這間煲出來好原味，夠火喉～”正”．不過較為貴咗一d．

不夠火喉不賣，不夠材料不賣，地方不夠乾淨不賣。這三樣才是這裡的真正的三不賣，1948年開業到現在，都是堅持以上的宗旨，而獨弧一味只賣這個野葛菜水。野葛菜加了龍利葉、羅漢果、蜜棗、果皮等煲製，去骨火、去濕、防治感冒咳嗽第等，是我們南方潮濕地區的特有植物，唐代開始已有記載有關野葛菜的藥效及烹調方法。這裡的野葛菜水跟家母煲製的一模樣，不過可能要顧及客人的喜好，總覺蜜棗加得不小而令到味道較甜，另外羅漢果的味道比起野葛菜的味道為濃，但若野葛菜的味道較濃的話就需加點鹽來減卻野葛菜的腥草味。現在廣東涼茶已加入到世界文化遺產裡面，不知像這種野葛菜水是否屬於此系列之內！

當真?只是猜猜而矣，實際有那三樣不賣就不知道了。七大圓一碗真係俾佢賺到笑；七大圓一碗又真係好飲到要叫！

本身屬於寒底，中醫師話脾虛、濕重，所以火氣上升時切忌食龜苓膏或廿四味一類苦寒中藥，一啲滋陰清潤嘅嘢比較適合我。呢度啲野葛菜水，味道帶點甘甜，飲咗真係可以生津止渴。我耐不耐都會買一碗嚟飲，七蚊一碗，好過飲汽水咁冇益。至於點解叫做三不賣，就真係無從稽考。

平平凡凡一碗葛菜水, 照計好易煲, 但唔知佢係咪有秘方, 其他人做極都做唔到佢既味道. 全間舖頭只靠一千零一碗湯水支撐, 竟然賣足幾十年, 灣仔奇蹟.

捱左咁耐終於病倒了喉嚨痛對我黎講係好大件事因為之後必定感冒鼻水長流好肉酸好煩其實捱都未必出病最衰就係上個禮拜六睇波期間肚餓整左個杯麵之後飲唔夠水就出事我有一對喉痛孖寶分別係杯麵同飛x子薄荷糖萬試萬靈次次食完都中招下次真係唔敢未流鼻水之前先黎三不賣整杯葛菜水先食晚飯葛菜水本身比較滋陰無廿四味咁剛烈呢度既葛菜水就更加無一般葛菜水既羅漢果味更加易入口最特別就係整個交易過程猶如買老翻一企定係阿姐面前除非你出聲話要一支($22)佢就自動勺一碗係你面前自己飲完俾錢就行開仲有落鹽其實並唔係為左吊味而係用黎加強下火既功效呢樣野係另外一間涼茶舖既老闆教既可惜今次飲得太遲結果都係要睇醫生宜家食左藥好眼訓…

年幾之前開始, 每一兩個星期食飯時間總會有一日去再興,然後去三不賣飲野葛菜水, 貪佢排毒下火, 同埋夠新鮮之後, 每次我見到有野葛菜水賣o既地方我都會試試順便比拼一下. 走遍銅鑼灣,灣仔,中環,西環後, 始終覺得三不賣最好飲!三不賣o既野葛菜水溫度適中,火喉十足,味道甘甜. 比起灣仔葉留香味道更濃. 其他舖頭o既野葛菜水,一係唔夠火,一係味道'水'得濟三不賣: 我唯一推介o既野葛菜水!

我係一個熱底體質的人，很容易便口喉痛和熱氣，所以很多時都會飲些清熱解毒的飲品；廿四味和野葛菜水都飲了唔少。很久之前便聽說過這間店，但自已又好少經過這裏；今晚剛好經過，當然要立刻飲返一碗。野葛菜水味道清甜，飲完真係全身熱辣辣，真係幾有料到。有食評話甜，但我又唔覺得好甜喎，返而感覺甜度剛剛好。

Each week I must came down to drink 野葛菜水, just do it as my habit. Especially in the summer, always good to have a bowl in the hot afternoon.野葛菜水:8分, after the first few times, I do not add salt, original taste and it is still good.Just stand there for a minute to finish the bowl, and there would be at least 5 people stop by for a bowl. Should be popular in this area.

last nite having quite a lot of 熱氣野in 樂口福, so tried to drink 1 bowl of 野葛菜水, after drinking it, don't feel significantly different, but I think it should help me to 清熱! My boss highly recommends it!野葛菜水:8分, after adding the salt, the taste is quite good.

11/9下午經開,飲了一碗,比平時飲開果d比較甜少少(我之前未飲過lee間),味道都ok,係咪lee d先至係正宗呢(甜)！？

昨天我生日,剛巧長頸鹿放例假,所以又係做例牌動作-行街同搵美食.在銅鑼灣打左一陣麻雀機後,決定去灣仔食晚飯,行到大半經過呢間小店,想起自己最近都有少少躁,於是一試聞名的野葛菜水.野葛菜水盛惠$7一碗,由於我第一次飲,唔知味道會否太怪,所以加了d鹽調味.野葛菜水飲落口都幾甘,未致於太甜,有d草藥味,但唔算濃,好似飲緊藥材湯咁,而我落鹽重手左d,所以有d鹹,不過總括來講都幾好味.飲完呢碗菜水,令我想起老媽子以前煲的清補涼湯,同埋各式各款的老火湯同滾湯等,我經常都會飲兩碗以上,可惜...而家已無機會再試到佢煲的湯,更加無法親口向佢請教如何煲,如何揀材料了,想飲就惟有自己設法去鑽研,找出最接近的味道了. ~_~

呢間鋪頭認真歷史悠久，鋪頭名叫三不賣，<br />真係唔知唔賣邊三樣野，只係知道佢只賣一樣野---<br />葛菜渴! 咁多年都係貫徹始終！<br />味道唔多講啦，總之三不賣既味道係唔同其他<br />涼茶鋪一樣，飲前最好加d 鹽啦，好飲d 架。<br />三不賣由我老豆細個飲到我依家大個仔，你話<br />幾利害呢！行過試下咪當清下熱氣囉，無壞。

呢度賣野葛菜水大大話話都賣左幾十年，以前在修頓果邊賣到現址，雖然無位坐要企住來飲，但都係咁多人幫襯。聽佢講野葛菜水好處多多，清熱下火生津、止渴、清熱、潤肺、排毒瓣瓣都掂，老實講係米咁有效就唔知，但間唔中飲下都飲左好多年，勝在無落糖又好似幾健康。如果嫌齋飲葛菜水有點寡，亦有幼鹽給人客調味。<br /><br />順手祝各食家猴年進步，愈食愈有！<br />