三井日韓料理 (已結業)

今次絕對係我食過最唔好食既一間放題...我地3個人卜左星期日8點食呢間既放題啦因爲之前有篇文係推薦佢既又話刺身好好食又有芝士炸雞乜乜乜咁 但食過就知完全唔係個回事...一入到去見到間野都幾大下但係包埋我地先得5台心諗星期日8點呢d日子同時間應該會好多人食同埋好full架嘛點解會得咁少人...之後我地都冇理啦開始叫野食 食左d刺身啊壽司咁 佢既刺身一上台都幾靚幾吸引既但食落就唔係個回事 佢既甜蝦係冇味既三文魚同吞拿魚個d就普普通通咁啦係唯一得個鮑片有少少味 之後就到左壽司 佢d壽司係唔錯既款式都算ok但係唔知點解全部都要加沙津醬-.-搞到全部都好似一樣味咁...而且有幾件腥腥地咁之後仲試左d熟食天婦羅啊芝士炸雞啊牛肉粒同埋雞翼 呢幾樣野入面淨係天婦羅係正常味都好食既 之後食左佢既牛肉粒粒同牛肉卷 個牛肉粒係冇味兼好乾都算啦佢個牛肉卷係酸既...即係好似變壞左咁我都算乜都會食既人但第1次食放題食到忍唔住吐返出黎=.=之後就係雞翼啦佢有2款既分別係醉雞翼同埋椒鹽雞翼 個醉雞係極凍同埋冇酒味完全好似白焯雞翼咁同埋個椒鹽雞翼又勁乾得少少椒鹽粉味！之後試最多人推既芝士炸雞 極難食！睇落係真係好似好

逢星期一至四 每位198 蚊既放題若升級就加50 蚊係一間食日韓食物既放題食物種類都算有幾多， 而面既飲品 汽水 可樂 韓國啤酒 雪條可以任拎(若想飲清酒 可以問職員 但數量有限)刺身有三文 吞拿 希靈 馬刀貝 劍魚 鯛魚 八爪魚 甜蝦 等等 全部新鮮程度都可以 馬刀貝 同八爪魚特別爽口 而三文魚同劍魚都夠新鮮壽司放面都有好多選揀 好似鰻魚 八爪魚魚子 赤貝 蟹棒 各式 軍艦 全部都幾新鮮好味 而且舊飯唔會太大 唔會塞飽客人炸雞翼 炸得夠香脆。粟米夠甜 串燒好似牛舌夠爽口彈牙 荔枝煙肉卷平時少有得點都會有 鹽燒海蝦都唔錯天婦羅除左蝦 南瓜 茄子外 仲有金菇 金菇炸得幾香脆 此外 韓式冷麵 辣得黎 都幾好食 牛肉鍋熱辣辣 牛肉juicy湯汁都好夠味 炸雞軟骨 炸得夠香脆加50 蚊可以試到既食物有芝士焗青口 十分入味 青口新鮮大赤蝦 帶子 油甘魚 同長腳蟹 都幾新鮮 味道唔錯 此外 仲有 toro壽司 口感煙韌夠吞拿魚味 同和牛壽司 都十分夠肉味甜品除左出面拎外 仲可以點雪糕球 有綠茶同朱古力味 都唔錯 , 仲有蛋糕 苞芙等等

阿女近來成日和我去旺角吃好野,今次去了兆萬行街,兆萬徐了有潮流野賣，對於我這個師奶不太識欣賞，最愛和阿女來這個商場吃平靚正餐廳，今次來了三井，阿女見有人派宣傳單張就來了，我們行入去餐廳就開始叫野食,三文魚十分鮮味,海擔味道都不錯 ，北寄貝又夠鲜甜可口，這裡的食品整體好新鮮，服務又幾好,座位十分舒適。真是平靚正

發現咗最近有間新開嘅放題，只要訂位就會送樣靜勁吸引嘅「九大行星」創作壽司，所以就心郁郁訂咗同男朋友食喇！三井位於放題聖地嘅旺角兆萬中心，估佢唔到，啲位又幾闊落。就算兩個人都有卡位可以坐，食得夠哂舒服。坐落見到升級美食有拖羅、和牛、松葉蟹腳，仲有鵝肝蒸蛋！好似好正，就加埋試試。飲品就係自助拎嘅，自己出去拎。首先店員就主動上咗訂位有嘅九大行星，其實係主廚親自整嘅創作壽司嚟！每一粒都用上唔同嘅食材整咖，睇得又食得。用料好豐富，海膽，三文魚，左口魚邊，帶子等，每一粒都有好不一樣嘅感覺。而我最中意嘅就係三文魚配上呑拿魚腩蓉、海膽同甜蝦嘅配搭，口感好豐富且有層次。一件壽司就食哂咁多種最鮮嘅魚生，味道鮮甜！接住就當然係刺身啦！最吸引就係大大隻嘅珍寶赤蝦，肉質彈牙又夠甜，隻隻size都夠哂大仲。帶子又係另一必食推介，厚切得嚟新鮮肥美，入口即溶亦夠甜。黑魚子鵝肝蒸蛋估唔到日式放題都會有同鵝肝有關嘅野食。蒸蛋吸哂鵝肝嘅味道，帶有油香嘅油脂味。鵝肝亦都唔係細細舊，配上小小黑魚子點綴，好香蛋亦好滑。拖羅壽司第一次食放題有拖羅食！成件事即刻高級咗，入口即溶，魚油味都幾香。雖然講唔上係好高質嘅拖羅，但以放題嚟講，

媽咪聽小姐成日食放題，竟然要求我帶佢去食！咁就帶佢去放題集中地搵食啦。媽咪第一次填放題紙，好興奮呀媽教落，要食左咸野先可以食「生冷野」，費事肚痛幾滑既蒸蛋終於等到食晒媽咪點果堆熟食，可以食小姐最愛既壽司刺身喇！火炙壽司燒得岩岩好，甘香出晒黎三文魚有一般水準，夠凍、夠厚、肥美；甜蝦感覺好新鮮，肉質彈牙甜香，帆子都好鮮甜！

琴晚去左食晚餐，加完一兩位$392。🤔🤔完全係因為個芝士炸雞所以去嘅，芝士炸雞okla，刺身壽司都新鮮，但反卷個啲勁多飯，手卷都係🙄唔係好掂。串燒天婦羅都不過不失，我叫左蕃薯天婦羅叫左三、四次都無黎過。甜品選擇多，但味道一般，除左但焦糖菠蘿ok之外，雪糕個日得返曲奇味，無咩曲奇味🌚。放題黎講選擇都多嘅，但係有啲黎得好慢，本身以為漏單再叫過，點知就走先黎手卷😭，漏單唔算好嚴重但係都有嘅。

姐妹們又聚頭了 今晚再去食三井照舊upgarde食豪啲食好啲勁多魚生 不過蟹腳弱左少少牡丹蝦好鮮好大隻 入口都鮮甜魚生真係好多款 三文魚好好食 螺肉彈牙炸物好好食 炸粉唔厚 南瓜勁好食有忌廉藍青口 唔會太老拖羅同牛刺身都好正 飯粒唔算好實而且坐得好舒服 正！

成日經過兆萬門口都見好多人派傳單，就隨便挑一間上去試下，諗住8:00pm已過繁忙時間食物上檯速度和質素都會好d，點知都係垃圾。我們一行7人一坐底就開始點菜，魚生、熟食、芝士雞樣樣叫d，5分鐘後魚生上檯，大路野無驚喜，之後等左30分鐘只係黎左碟和牛粒 ，已落單果10幾樣野完全無到，望下隔離檯情況一樣，問職員佢話可能漏單，叫我地再入過單，咁我地再入一次頭先點過既食物，魚生都係最快上檯，跟住都係和牛粒，我開始有d火火地，走去揾經理，佢話師傅做緊，而芝士雞要等埋一次過炸，我話已經等左一過鐘，佢話即刻跟進，食物總算黎左，但隔離檯仍然呆坐，芝士雞凍既一d誠意都無，食完檯上食物再落單，一如既往完全無到，坐左個幾鐘好似無乜食過咁，開頭諗住出去嘈個經理，但最後都係算啦，廢事影響心情，索性埋單走人。其後諗清楚如果係好野都吾洗揾咁多人派傳單！

狂甩單 寫完又甩 d野食好少 吾抵食 刺身麻麻 冇乜特別 正常放題有嘅野都有 主打芝士炸雞冇想象中好食 雞冇雞味 吾脆 似隔夜雞 一系甩單一系就系咁上 好無奈 -____- 食物賣相5吸引 炸野方面超多油 不過環境幾好 幾寬闊

又到左每月姊妹淘！因為要去買容祖兒卷髮梳，於是揀左旺角食放題一入座每枱都會有呢碟9大行星，賣相win哂升級左之後仲有大虎蝦同帶子，帶子超級鮮甜！另外仲有拖羅同和牛壽司，拖羅尚算肥美，入口溶化~唔錯啊刺身選擇都唔少~不過我最愛都係呢個鵝肝蒸蛋，非常非常滑，亦充滿蛋香！當然唔少得放題必吃既火炙左口魚，油脂豐富！入口即溶，好香呀！仲有枝豆天婦羅都唔少得~推介穴子!埋單唔洗$300,環境舒服，唔嘈，岩哂我地傾8婆野好滿足啊！

行經旺角兆萬，見肚餓就去左三樓呢間叫三井放題！加五十蚊就升級任食，油甘魚刺身，珍寶赤蝦刺身，拖羅壽司，等等刺身夠新鮮，壽司都唔錯，最值得一讚，特別係黑魚子鵝肝蒸蛋，一定要試個蛋滑，配合埋黑魚子鵝肝，好甘香不斷想食！南瓜海鮮湯，味道夠濃，燒物亦唔錯，荔枝燒煙肉，將燒到好香口既煙肉包住粒荔枝！粒荔枝好香甜，仲有個燒雞泡魚乾~醬汁惹味~送酒爽呀！值得一讚現場野飲提供夠多，仲有雪條任食，甜品選擇亦夠多，荔技味雪糕係第二度比較少有，味道唔太甜，不錯！值得再去的放題！

今晚第一次嚟食嘢，佢同一般日式放題都係差唔多，所以都唔介绍嘞，咁我介绍兩個比較邪惡既食物俾大家，第一個就係芝士肉酱薯角，拉絲芝士滑而不腻，薯角亦入味。第二個就係韓式芝士部隊，湯底有少少辣，配上可以索味既年糕及辛辣麵，正！大會可能要迎合香港人口味，居然加埋半塊厚切午餐肉及半條腸仔，好攪笑。😂

食完真係差.叫份天婦羅，等左半個中都未到，黎到係皮餡分離又難食，除左刺身同壽司，馬卡龍皮有曲奇餅口感餡有麥牙糖既痴牙唔知想點..................

兆萬新開既三井日韓放題，又平又抵，重點係好食唔會頹‼️💯👍🏻四位預早訂座，會有圓lolo既可愛'九大行星'壽司送！唔講既話仲以為係高級餐廳既出品呀！😂😂😂壽司飯沾上黑芝麻、白芝麻等等，精緻又新鮮，更將傳統既壽司突破到另一美味&創新既境界，好值得欣賞💜💚💛❤️除左咁有創意既壽司波之外，仲有好多款美食選擇...單係刺身就已經超過十款喇！刺身夠新鮮，唔會有雪味！三文魚魚油味濃，入口好香油脂味！八瓜魚爽口唔會靭，有質素韓式既美食選擇都唔弱，有石頭鍋飯、迷你部隊鍋、鐵板芝士年糕等等，差唔多諗得到既都有！年糕夾埋拉麵一齊食，非常好味！最特別既係，甜品除左有泡芺、雪糕、冬甩、楊枝甘露之外，竟然有心❣太❣軟❣實在太瘋狂了吧？！超愛唷！三井既放題完全令我對放題=頹既定律改觀，下個月朋友生日一定會再去唷！

今晚去左旺角果邊買野，之後去左兆萬一間叫三井既餐廳食放題，二百零蚊，兆萬系甘上下價錢。講到食，梗系要對自己好啲，揀埋升級料理，選擇更加多，仲有松葉蟹腳、拖羅＆和牛壽司、河豚乾、珍寶紅蝦刺身等等。松葉蟹腳可以任點，大家當然唔放過，成為其中一款大家focus既食物，蟹腳新鮮清甜，就算要拎起較剪慢慢拆肉都在所不惜，唯獨系肉質唔夠爽口。芝士火炙三文魚壽司都幾cheesy，半熟三文魚配火炙芝士醬從來都系絕配，真系冇得輸，但醬汁之濃有少少蓋過左三文魚味。拖羅壽司色澤血潤，比起一般既吞拿魚油脂感更重更香，算系唔錯。燒河豚乾燒得幾香，切開一條條都仲有唔少肉汁，唔會太乾，但系個燒汁有啲太甜。其他食物仲有鹽燒海蝦、牛脷、牛仔骨、薄牛肉、牛油帶子、雞軟骨、各式各樣既天婦羅炸物。