三冠皇餐廳 (已結業)

下雨，不想到雲吞麵店，故來此與男友晚膳。行過先知原來譚臣道都幾多野食…環境舒適乾淨，有電視睇，唔錯。叫一個晚市套餐($119)同一個飯餐($68)。先來紅蘿蔔湯兩客，好咸，飲左少少就無左。然來上飯餐－－意大利海鮮飯，估唔到用料好足，有兩隻青口，四隻蝦，好多墨魚，飯除左白汁外，芝士味亦好香。意料之外地好食。晚市套餐－－泰式酸辣魚，少辣，魚好大條，兩個人食都幾飽。晚市套餐－－什菌翠肉瓜，本來以為呢碟菜一定萬無一失，點知菌類全部都係苦既，只有翠肉瓜可以食。見其他顧客都有叫密洞雞，好似好好食咁，下次有機會試下。免收加一，總計$187，以環境＋食物份量算唔錯啦。

今晚同朋友第一次黎食晚飯，首先一讚門口個女仔好有禮貌咁介紹餐牌。餐廳環境尚算舒服，我叫左個蝦醬炒飯，朋友叫左個牛仔肉天使麵。好快就上菜，我估唔會炒定掛？蝦醬炒飯好香口，不過配較少，得ｄ蛋絲同肉鬆。朋友個天使麵就好細碟，不過佢話味道唔錯。呢度既飲品就一般，凍檸茶完全冇味。呢度野食其實唔差，不過成５０蚊既價錢係咪應該有個餐湯飲下呢？

實在大失所望!!!本來被Gourmet KC兄相中的格仔餅"樣"吸引, 心想會有奇蹟出現. 但今天4月29日的下午茶之格仔餅己改變成一個又薄而圓,顏色像熟不透的奶白色, 味道更加......怎樣也不值HK$23/set.

因為「三冠皇」這名字，所以幫趁。無論怎樣裝修和包裝，這兒只是一間茶餐廳。情形就像附近的大胃王一樣，企圖成為高檔次茶記。午餐時份，超多人。我和財務部老兄被安排擁在一張四人枱，排排坐迫到爆！對面兩個中年OL，甫坐底即吱吱喳喳，很煩人！午餐附中湯，要了紅蘿蔔粟米湯，淡但還算OK。我的「巴提雅炒飯」油膩少料無味，唉！老兄的「焗香草忌廉汁雞球飯」看似幾好，但味道糟透，淡而無味！餐飲要了熱檸檬茶，兩片薄如蟬翼的檸檬，配上淡如開水的所謂紅茶，係「趕客之殺手撊」，妙！埋單共$82，好明顯係「無下次」。

找地方吃下午茶，原本屬意華南，仲可以吃碗牛什粉，見隔離轉角位新開了店，環境唔錯又有卡位，下午茶餐統統廿幾蚊，就抱著一試無妨的心態來試試。這裡叫得「三冠皇」，大大幅爪皇凌雨的衝線相片，掛在店中間，夠晒貼題。要了兩個下午茶餐，分別是「三冠皇豬扒包」及「鮮果窩夫」。食物賣相不錯，尤其鮮果窩夫，是相當的吸引。豬扒包凍凍的，如果硬豬包烘熱一點更好。豬扒用蒜蓉及香草醃過，不大覺有化學品的痕跡，也不韌。硬豬包裡面也用蒜蓉醬塗過，吃落味道幾好。當然如果有多幾片生菜或蕃茄更好，不過都已不錯。鮮果窩夫要趁熱吃，窩夫凍了味道是差很遠。塗點忌廉，夾一塊蘋果來吃，不俗的。熱咖啡及熱奶茶俱一般，前者沒有茶味，後者又淡淡的不夠香。阿姐服務態度很好，值得一讚。埋單42蚊，沒有加一，不失為一個經濟抵食的選擇，下次想找處地方坐得舒適一點的，也會來這裡。

6/4(五) 紅日的星期五,竟如常地涉足最熟悉亦有點厭惡之地-灣仔;為的是近期鍾情的玩意-相機.完事後我倆從298步向金鐘方向覓食,路過位於譚臣道盡頭的三冠皇,被那賣力的接待員臣服,無心插柳下得到一頓頗完滿的晚餐!接待員把我倆安頓於近門口的卡座,店內洋溢葡式風情,鮮黃格調配合木色裝潢,暗黃水晶吊燈,及牆上掛滿各式各樣的賽馬圖,無庸置疑地東主乃馬主一名.翻閱過多元化的菜牌後,我倆要了招牌密洞雞飯餐$38,蒜香鹹魚蜜汁銀鱈魚焗飯餐$52,法國凱旋門炸田雞腿$33,上湯浸芥蘭$20.招牌密洞雞飯--兩款自家醬汁做得相當到家,令鮮嫩的油雞水準進一步昇華;而白飯混入少量紅米增加口感,唯質地不算超有咬口.蒜香鹹魚蜜汁銀鱈魚焗飯--非常出色的fusion菜;青紅椒,洋蔥絲,蘑菇粒,配以芝士,雞蛋及微甜的蜜汁;而魚味強而質地嫩滑的銀鱈魚份量慷慨,無懈可擊的中西混合雙打!法國凱旋門炸田雞腿--賣相及食味皆有板有眼;田雞腿脆度十足不油膩,肉汁豐盛;至於車厘茄,羅文生菜,配以混入黑椒,芝士,蜜糖等調味料的自家蕃茄醬,格外開胃!上湯浸芥蘭--芥蘭入口爽而嫩,湯頭清澈鮮甜且沒味精.餐飲--凍檸茶;連檸茶也能做到

放工和男友食飯，試下呢度，我地點了咖哩牛尾配豬仔包和泰式炒飯。泰式炒飯，少少辣，配了有肉碎，泰式超迷你小蝦，泰式臘腸，蛋等。幾香口，都唔錯，不過稍為油膩少少。咖哩牛尾配豬仔包，咖哩汁非常香濃，好好味，好香，牛尾炆得好淋好入味。豬仔包好香脆，好好味。配上咖哩汁，好野味，好味道!

本黎係想去甜甜地食晚飯,或者食魚蛋粉,但路經此地,出面門口有個侍應同我sell野,幾有禮貌,搞到自己唔好意思推左人地,就入左去...出面個侍應同我sell的係拉麵,話拉麵做緊特價,二十多元又唔使加一...自己則求其點個豬軟骨拉麵...講講環境,天花兩盞水晶吊燈,有跑馬的大畫像,成層幾兩層樓高...而menu,有些食物菜式也有用與跑馬有關的詞語命名...豬軟骨拉麵碗大拉麵少...豬軟骨頗入味,肉質腍身,但骨則不軟,而係硬的...拉麵比平時食開的幼身,食落唔係咁似拉麵,但算係有d咬口...入面仲有d椰菜,紅蘿蔔,椰菜花,個湯係咩湯,自己就唔知了,不過應該冇落味精...味道上可以的,不過唔係日式煮法,感覺上有點兒不倫不類...服務方面,門外的侍應幾好禮貌,但可能因自己叫得少野食,入面的侍應似乎有d不滿...下次黎食的話,都係食意粉好了...假如係跑馬時間,呢度會否熱鬧非常呢?

和同事食lunch，原來呢度係唔會轉lunch set menu，A-I。今次唔食飯，試了吉列豬扒拉麵，估唔到幾好，加上環境幾乾淨企理，又多一個lunch選擇。

Came here for a dinner set. The food was ok la, but the drinks really sucked. I ordered lemon tea, but no taste of tea at all, not to mention if it's good or not. My friends ordered coffee. They could tell that it's just like instant coffee. In my opinion, the tea and coffee are the main reason I'll visit a HK style Cha Chen Tin. Hope the drinks of this shop will improve over time.

第一次來，周圍貼滿馬既照片，相信是位馬主開既。要了燒雞卷飯，比想像中好，有湯有飲品。服務都幾好，有下次。