三星台菜食堂 (已結業)

魯肉飯有大/小可以選擇，見到隔離枱揀大size都真係好大份，所以我決定揀小size，起碼個胃仲有空間食小食。細細碗好可愛，魯肉飯好香，上面的魯肉好入味，而家肥瘦適中，微微的油脂溶化後令到本身的飯粒都帶有魯肉香，加埋隻溏心蛋真係perfect既配搭！另外加左份鹽酥雞小食，份量比我想像中要多，肉質好嫩滑，咬落去都幾juicy！而且我最鍾意的係鹽酥雞表面的炸粉一d都唔厚，完全唔會有油膩感。小店播的每一首都係當紅的台灣歌曲，聽住台灣的歌食台灣料理，真係完美的組合！

好耐無食過魯肉飯突然好想食，朋友介紹灣仔區有間食台式料理的小店唔錯，所以決定去試下。餐廳細細間大概得十零個位，裝潢簡單明亮所以唔會有好侷促的感覺。餐具有雲石紋，好靚！！我點左個魯肉飯(小)，哈哈 真係好迷你！魯肉有肥有瘦令到口感層次更加豐富，連埋飯一齊擺入口真係好滿足！我仲加左隻溏心蛋，流心的蛋黃真係為個魯肉飯加分。之後加多咗個鹽酥雞小食，分量又多又好味，正！雞肉好嫩滑多汁，最重要係炸粉唔多👍🏻

之前已經想黎試下呢間台式料理小店，不過上次黎既時候已經9:30岩岩遇上佢地關門，今次特登早d過黎食。店面唔係好多，大概得十零個位，不過麻雀雖小五藏俱全，裝潢簡簡單單都好舒服。menu紙細細張唔係太多選擇，我點左佢哋嘅是日推介花雕酒三星牛肉麵，三星係指，牛腱、牛筋、牛肚，同埋小食鹽酥雞。我覺得粗麵好好食，好彈牙，牛腱同牛肚整得非常淋，好入味，加埋花雕酒就更加香。鹽酥雞雖然係小食，但係份量都幾多，而且特別嘅地方係平時嘅鹽酥雞外面炸粉好多好厚，但係呢間既鹽酥雞外層炸粉好薄，完美地鎖住肉汁👍🏻👍🏻👍🏻

最近突然好想食台灣牛肉麵.. 同事介紹公司附近嘅三星話之前試過唔覺有好重嘅味精所以今日提議朋友一齊去試下由於驚多人, 所以決早啲去拎位..就現在所見..室內得16個位因為室內坐位有限, 所以要等齊人先入得係等緊期間就畫定食咩朋友黎齊後等多10分鐘就入到去喇! 但好好笑店員本來要求我地三個人打橫坐埋一邊但個到係一張4人檯..咁打橫一邊都係坐兩個人啫...坐三個人都避免太逼喇呱...一坐低見到另一個店員好醒咁將我地提前交埋佢嘅點菜紙落單我點左三星牛肉粗麵, 蕃茄湯底, 加溏心蛋好快溏心蛋就到左~~等埋個麵就正式開動試左啖湯頭, 微酸唔會過鹹微微蕃茄味..粗麵同佢個湯好夾牛肉, 牛筋同牛肚都好軟稔粒溏心蛋非常流心..但好似唔太夠味~ 但搭埋個湯一齊又搭番夠朋友另點鹽酥雞.. 調味好似重左少少, 有啲太鹹... 但個蒜頭又幫佢加番分我感覺到好似上次係師大食個埋炸物..都係有加蒜頭~真係好香絕對會再搵其他朋友再同我去食三星牛肉麵

平日lunch時段都幾full，今次被安排坐喺對街嘅bar枱位置，透過玻璃窗望住街外嘅人同車，開頭有d唔慣成日有人望入嚟睇住自己嘅食相，好彩之後少咗人經過，感覺好多了！👑 紅燒三星牛肉麵香濃嘅牛肉麵湯底，配有3款指定嘅餸 — 牛腱、牛筋、牛肚，全部都好入味，麵嘅份量好多，好味又夠飽。唔只係三星嘅牛肉麵，一試難忘，值得再encore！👍🏻

2018.7.22 三星台菜食堂👍🉐🍜三星牛肉麵 $82(➡我鍾意這個👍湯底有蕃茄。而且湯底較傳統牛肉麵既濃。好飲!!!➡牛腱。牛腩。牛筋。三樣都好腍。超正🉐🉐🉐🉐🉐➡ 我揀左粗麵。雖然不算非常QQ.但都唔差。我覺得好食過幼麵!➡最估唔到係酸菜咁好食🌟🌟🌟🌟🌟。甜甜的。又唔酸。超好食。不停添加食!!!!)🍜傳統牛肉麵 $75(都好食😄。湯底較清)🐖蒜泥白肉 $28(嘩!係估你唔到。又平又好食。有15塊。而且上枱啲肉仲係暖既。好薄好腍。份量多又好食!必食👍)🍼豆漿 $18🍀🍀🍀🍀🍀🍀🍀🍀🍀🍀🍀牛肉麵真係有水準! 牛肉部分好腍又入味! 會再黎食!!!😍.係飲品價錢較貴!

灣仔行完書展喺附近搵晚餐食，經過一間有文青風格嘅台灣菜，主要係食牛肉麵，甘啱冇乜人排隊，就決定試一試。店鋪比較細，但裝修擺設好靚，而且店裡播著周董既歌，整個感覺好舒服。麵款式唔多，揀咗今日推介，係花雕三星牛肉麵。面嘅份量頗大，餸有牛展、牛筋、牛肚，麵揀咗冬粉同要葱。花雕湯底濃郁，有杞子及少少藥材味，味道真的很不錯！枱上有酸菜及辣椒醬可以自行加配，酸菜甜甜酸酸令整個麵更加美味，十分開胃，追加溏心蛋。小食叫左炸滷大腸，邪惡又好味的小食，大腸炸得乾脆，另外灑上生蒜同椒鹽，十分惹味。

三星食堂一直都好出名但果時只有一間分店 又唔太順路就無話特別去幫襯下本身放工同男朋友想行去食附近間泰國菜就發現三星食堂係隔離開左間分店就即刻轉軚入去品嚐下我地揀左3樣野食花雕牛肉麵 $8x麻辣乾麵 $52鹽酥雞 $48當中最推介係花雕牛肉麵同埋鹽酥雞牛肉麵本身係台灣既名物去到台灣可以話必食近排香港就牽起左一陣台灣牛肉麵既熱潮但最特別真係莫過於依個花雕牛肉麵食落口有濃濃既酒香味再搭配埋本身牛肉湯底混合埋唔同藥材飲落口真係好爽~仲好補既感覺！而且麵質係我個人鐘意既粗麵麵質黏韌有口質，仲吸到湯底既味~實在不錯不錯~點解推介鹽酥雞呢~？唔係好普通嫁咩~非也非也！因為店家好用心~鹽酥雞本身已經炸得好香口仲可以保留到肉質既鮮嫰仲好有誠意甘加入左台灣既味道比客人撈左台灣人好鐘意既九層塔同埋炸過既生蒜所以~依味鹽酥雞真係好香口好惹味！店家用既蒜係偏濃味同辣~食完真係幾口臭但真係上晒癮！提提大家！一定要試埋店家既酸菜~店家既酸菜係超好食~爽甜脆口！一啖麵一啖酸菜無得彈~

今日3點幾經過灣仔，就一於嚟試吓呢碗台灣牛肉麵，睇吓有幾勁先😏。店舖好細，坐位唔多，真係替上班族排隊搵食嘅人辛苦😭。紅燒牛肉麵，一落完單就好快到😨❗️湯頭滾熱辣，味濃香甜，飲唔停啊😅。我選粗麵，不過有啲腍冇咩咬口😒。牛腱唔算太腍，有啲咬口😄。牛肚就切角，帶點酥味唔錯😋。牛筋就得一件係大嘅，食到係彈牙嘅😋，其他牛筋就係濕濕碎嘅😢。今日推介小吃，係炸蝦卷。炸蝦唔係即叫即炸，上枱只係暖嘅😑，而且炸完皮唔脆，蝦🦐味都有少許嘅😑。我已經唔食得辣，所以冇加秘制牛辣油👌。但要加辣，真係要三思呀😰，因為冷氣真係好弱😭，除非坐喺個移動冷氣機隔離，否則就好似我咁，食到滿頭大汗囉😭❗️另外就係，飲得太多個湯，轉頭好快就感覺到好口渴呀👉👈⋯⋯

深信只售數款食物的餐廳，每天都是製作那幾款食品，Practice makes perfect質素都有一定的水準。餐廳點餐紙的設計像日式拉麵店，在紙上圈圈再交給店員。聲稱所有湯底都是微辣，當然，吃過紅燒牛肉麵的都知道是不辣呢！初次朝聖，點了紅燒湯底三星牛肉麵，湯底是甜甜的，有驚喜。枱上有酸菜、辣椒醬自己添加，加上酸菜和辣椒醬把湯底昇華了。牛肚牛腱牛筋份量合理，煮得恰好，有牛味。灣仔店空間有限，若是非繁忙時間能省卻排隊環節，不過避免不到搭枱的情況。店員很有禮的介紹是日推介小食、麵食。餐具又一致的用上雲石紋，很吸睛。整體感覺令人舒服。

店內位少，12:20到達，已有人等位，幸好店內有3-4個等位的位，不至要在店外等，而陸續亦有人排隊。等了大概20分鐘，就可入坐了。點了花雕酒牛筋牛肉麵，酒味香，牛筋正常，牛肉大舊、入味及淋，好味，惟麵亦比較淋身，欠彈牙。湯濃郁，有非常輕微牛羶味。冷泡茶（$14) 香，都幾大樽。

不知從哪時開始夏門街多了一條長長嘅人龍，大概從那時就知道開了一間新的餐廳。.本來我完全沒有為意這間小店，也沒有準備去試食，因為午飯時間太珍貴，如果沒有特別原因，都不會光顧不能訂位且大排長龍的餐廳。.就是有一天有人問我有沒有試過這間新小店，說不錯云云... 終於在今天配合了天時、地利、人和而有機會一試。.小店，真的是小店。室內位置大約只可以容納少於15名顧客。所以到來的人要有心理準備繁忙時間等位需要等至少15分鐘至30分鐘。. .今日推介是:.趕來的我非常之感動選擇並沒有十分多。只是有三款麵食。反而配料及湯底等等就可以按個人喜好選擇。..我第一眼見到下單的單張嚇了一跳。根本就是一蘭拉麵的下單方式。就是連單張的格式，也模仿得一模一樣。.我和朋友都點了三星牛肉麵（這個名字真的很吊詭，雖然其實是因為用了台灣三色蔥來做配料，但驟眼看來還以為是韓國的品牌），大家也選擇了幼麵，唯一不同的是我選擇了紅燒的湯底而他選擇了麻辣的湯底再加上一隻溏心蛋。.. 溏心蛋非常入味..三色蔥有別於平常吃到的蔥，非常特別。但味道卻是非筆墨所能形容，要親身試過才可以。湯底非常濃郁，一不小心會喝下不少。加分的是麵底可以選擇

剛剛食完這一家店就要寫這個食評，整體上正常過關。去到餐廳時見到餐廳得三張普通方枱，已經都有人坐左，只好坐近門口吧枱。叫了一個紅燒三星幼麵，糖心蛋，魯肉飯，炸甜不辣，一罐仙草蜜（有很多台灣罐裝飲料）。個魯肉飯對我來說味道不夠吸引，三星麵(牛筋、牛腩、牛肚) 三樣都幾好味，個湯都好味，個麵底就太軟。甜不辣份量正常，價錢太貴了($48)。我想說的重點來了，吧枱坐得好辛苦，無地方放東西，我要放個袋係大腿上。店鋪衛生不太滿意。

寫食評之前要先講講搵食貼士:當日中午12:00，唔使等即刻有位。12:15開始有人龍，而且係keep 住有人龍，各位如果有興趣平日中午試菜的朋友，記得早啲搵位啦！跟同事一行三人叫咗3個牛肉麵，兩個紅燒，一個傳統。點茶紙非常細心，可以選不同細項，例如走葱等。食辣的朋友記得加牛辣油，其實名為辣油，但只麻不辣，加入後更能帶出湯的鮮味。牛肉好腍，而且好大件，同一般片裝的不一樣，湯唔太鹹，唔覺有味精。美中不足嘅係，同事因為覺得湯太好味，想要個替玉，點知原來唔可以單點替玉的，嗰吓有啲失望。希望可以考慮一下，加入呢項服務就好啦！有同事都叫咗溫泉蛋，但係蛋黃唔夠流心，亦唔太入味。所以呢除非你無溫泉蛋唔開到飯，否則，可以留肚食其他小食。我地仲叫咗台式香腸，個香腸幾好味，仲配埋蒜蓉，更加惹味。小店嚟講，坐的地方算寬敞，但係冷氣系統真係要改善一下，嗰個風機吹到頭都痛，成間鋪最失色係呢到。

灣仔分店好細，室內大約只有10幾個位，室外亦有條後巷可以坐。座位咁少，難怪門口經常有人龍中午天氣成30幾度，企係馬路邊排隊，排左陣已經想放棄。入到室內以為可以涼下，點知個冷氣超弱，通去後巷個度門又長開。叫凍飲，雪櫃拎出嚟既罐裝飲品係室温，人熱到未食飯已經開始冇胃口...魯肉乾麵 (包溏心蛋) - $52撈勻左d魯肉粒同麵底都幾好食，溏心蛋好味。慶幸自己叫左乾麵，如果咁熱仲食湯麵，會頂唔順埔里花雕牛肉麵 (灣仔分店限定) - $88花雕味唔算好重，不過d牛好淋入味，唔錯鹽酥豆腐 - $22好重蒜味，味道普通總結: 食物唔錯，不過夏天時冷氣雪櫃都發揮唔到作用，扣分。希望餐廳能夠盡快處理問題吧