三記飯店

营业中

休息中

早前約了辣椒女和她細佬去打羽毛球，之後便來了這裏食。因唔想食太多食物，只是叫了幾樣，包括大眼雞、蠔仔粥和生煎墨魚餅拼蓮藕餅。大眼雞- 很少食凍魚的，但試過後，味道又唔錯喎；雖然唔算新鮮，但肉質嫩滑，又唔會韌。蠔仔粥- 料多，味鮮；雖然蠔仔比較細隻，但還算好味。墨魚餅- 墨魚味幾夠，又新鮮炸起，的確唔錯。蓮藕餅- 蓮藕炸起比較上多油，但蓮藕味都幾好，蓮藕又爽口。可能今次在店內食，食物新鮮煮起，味道都感覺好點。

回辣椒女家食團年飯，因家人怕人多，最後決定買外賣回家食。看過這裏的食評都幾好，就決定買來試試。我們買了生煎蠔餅、生煎墨魚餅、滷水豬手和豆腐、京都骨和東江鹽水雞。生煎蠔餅- 煎得好脆，蠔仔都好鮮味；相信即叫即食會更加好，拿到回家，始終都有點了。生煎墨魚餅- 炸得好脆，外皮加上一層薄薄的粉醬，口感幾好，可惜墨魚味唔多夠。滷水豬手和豆腐- 滷水味好正，豬手唔會好肥，又好入味；豆腐外皮炸過，豆腐味幾好。京都骨- 味道都算唔錯，但淡了點；口感就唔多好，比較上韌，還是好味點。東江鹽水雞- 鹽味好夠，但雞肉好韌，外貌又唔好看，可以不要。

依家三記有邊爐喇.. .好正...好中意...ｄ肥牛勁勁勁好食..價錢又平....一個星期最少食二次...真係正正正!!

三記的野食真係好好味..價錢又抵..噂服務又好..我由細食到大都唔厭!!!三記.我愛你!!!!!!!!值得一試*

今日忙完一日點都要慰勞下自己個胃不過搭錯車幸好都好快就搵到黎到六點三已經全場爆晒相信同父親節有關得兩個人叫左蠔仔肉碎粥,蜜椒鱔球同大馬站煲蠔仔粥～蠔仔好多又大隻其他料都唔少清清地o岩晒病緊既我蜜椒鱔球～雖然等左好耐先上檯但份量幾多炸得好脆又唔會好厚粉外面再包左甜甜既蜜糖汁味道剛剛好連ｄ洋蔥都好好食所以好快就清碟大馬站～呢個相對地無咁好係由炸豆腐加火腩加蝦醬煮成由於火腩本身已經鹹所以食左幾件就覺得鹹左ｄ到最後只係食晒豆腐朋友仔話兩個送都鹹左ｄ我就唔算好覺可能因為我仲病緊卦不過我幾鍾意喎但如果要等位就要諗下喇要食就要俾ｄ耐性等喇

一行七人，叫左唔少野食同大約多過一打啤酒，坐左兩個幾鐘。蠔餅兩個，避風塘炒蜆兩個，肉碎蠔仔粥一窩，椒鹽九肚魚同鮮尤各一，魯水三拼，墨魚餅一客，春菜煲一個，白飯兩個。蠔餅一向好正，超多蠔，好夠味，非常脆邊。但今次兩個都係未隔清油就上枱，要扣少少分。避風塘炒蜆，又唔係話好辣，多蒜蓉同辣椒絲，食落幾惹味，亦乾身，蜆味又無被蓋過，唔錯。肉碎蠔仔粥，一窩大大窩，蠔仔肉碎多，仲有魚乾，個湯底唔錯，好甜，亦夠清，蠔唔腥，好。椒鹽九肚魚，今次都係皮薄魚正，但今次個皮好似白過以前，但亦無所謂，一樣入口即溶。椒鹽鮮尤，鮮尤幾新鮮，唔ｕｎ，岩岩黏左ｄ椒鹽，咸咸少少辣，送酒一流。墨魚餅，其實係墨魚打成膠，加入馬蹄，再上粉炸。ｄ墨魚膠好正，好彈牙，馬蹄豐富左口感，煙ｕｎ彈牙，推介。魯水三拼，墨魚，大腸，魯肉。上枱前淋熱魯水汁，所以一上枱幾吸引。墨魚都係同出面的差唔多，但大腸唔臭，亦唔算好肥，易入口，加埋魯水汁就易受得多。魯肉長方條型，半肥瘦，其實係腩肉，好口感，林林地，好香，好。春菜煲，次次都覺得太咸，今次都唔例外。之前叫過少咸，佢黎到都係咁，所以索性唔理。一煲春菜加幾舊腩肉，咸咸地，菜夠林，但又唔算黃，熱辣辣

招牌菜﹕豬頸肉、豪餅、墨餅、墨汁鱔球基本上，樣樣都幾好仲好平添我一星期食一次因為我響個度街坊

春菜煲夠平亦好味，只是略咸。蠔餅和九肚魚都是吃過的最佳，不誇張。打冷很好，魯水檔很高水準，魯肉和墨魚等也很佳，入味有口感，只是嫌魯肉太細塊。很多明星光顧，例如周潤發。

又係3記？寫的唔悶睇的唔悶成日咁食到底悶唔悶咖？做咩成日去食係咪定時定侯係咪每星期幾次係咪唔去唔得？唔通中左降頭白粉引起唔去唔得唔去就好似周身痕周身唔對路？但點解每次去都有驚喜都有正野都咁好味都食到反晒肚咁飽？點解比我發現原來羊腩煲加雞子係咁好味仲好味好得咁緊要？仲比晒全層2樓我2 個人坐晒趕埋其他人走搞到我食到巴士閉咁？可憐手切肥牛甘香可口一咬即溶鬆化無根都完全被比下去…

羊腩煲–I think it is the best 羊腩煲I ever have.炸墨餅- Very delicious and even better than泰式蝦餅春菜–is quite special if you haven’t tried it before.On the other hand the 打冷food is just so so.

2人3記。1個羊腩煲1碟炸墨餅，再整碟手切牛…嘩！正！不得了！對住唔個食牛的人，我係得一招：你唔食，我自已食。

尋晚打完牌三個人去左呢度食晚飯.蠔仔粥,有好多料下.不過d蠔仔頗細隻.味道ok蒜蓉炒油麥菜,好大碟.而且混合左幾條生菜.潮式三拚.有大腸,墨魚,腩肉.都係好大碟.味道唔錯.不過最好味都係個腩肉.雖然好大塊肥豬肉,但係入口一d都唔肥膩,好甘香呢~炸墨魚餅.勁香口.好好味.d墨魚勁彈牙.中間有d馬蹄,好有咬口....加多一支啤酒,埋單$160.服務唔錯,伙記好有禮貌!

宵夜，食小小野，食兩個新菜。咕嚕雞比咕嚕肉瘦和小脂肪，香口好味。潮式蜆，好像以豬肉餅碎加上方魚、芹菜等潮式料下湯煮成。好味唔在講，宵夜係清清地咁樣好了。

以前我好鐘意呢間食館，不但好食，重好抵食．可能個名越響，佢地就越忽視質素，求其整碟野比你食就算．雖然比起出面來講仍然叫好食，但比以前真係差天共地．希望佢地肯落下心機，否則舊客只有走下一個、走下一個..

如果你鍾意食蠔餅或者潮州野，不仿到呢間三記試下佁蠔餅，仲有呇釣銗L 野都好好食架!!