三記飯店

营业中

休息中

成為慶祝今年父親節之最後一站, 選了我成長的地方 – 慈雲山, 其中的一間打冷店 – 三記.聽父母説這舖就是我家從前常去吃的大排檔搬過來的, 雖然我對此印象也不深, 但也勾起我不少回憶, 例如時常叫的筍蝦多筍少腩肉, 韮菜豬紅, …, 還有每次吃打冷前和爸爸去買OJ橙汁飲.今次當然不放過叫以上菜式吧! 落單快, 上菜快, 我們清枱更快, 哈哈!!炸墨魚餅拼炸蝦丸 - 墨魚餅比上次來的時候細塊了不少, 兩者外皮也幾油, 也算爽口, 但不算有驚喜.鹵水大腸拼墨魚 – 大腸浸得入味淋軟, 不太肥; 墨魚很新鮮, 嫩而不韌, 不錯~~韮菜豬紅 - 豬紅嫩滑, 其實這味餸也幾油, 韮菜索油後不會乾鞋, 入口也不太有渣.春菜腩肉 – 春菜炆得淋, 吸收了豬腩肉油香, 更吃出甜中帶點甘香.蠔餅 – 炸得香而不油, 尤其邊位更脆卜卜, 中間則有薯粉的煙韌. 筍蝦多筍少腩肉 – 以前用碟仔上, 今次用煲仔滾着上菜. 筍其實聞落幾gna, 有人受不了那陣味, 但我很愛吃它呀!炒聖子 - 聖子也飽滿新鮮, 但不算很鮮甜.蠔仔粥 – 有大地魚調味, 米水分明.蜜椒鱔球 – 可算是全晚最差的一味餸. 鱔球漿

一直係慈雲山返學,但都唔發現依家老店,因為佢只做晚市自暑假係又係慈雲山返工,就開始成日去3記食宵夜到以家,時不時都會同舊同事去開餐尋晚, 又去開餐了最愛就係佢既蠔餅($38).可能有點誇,但我真係覺得3記既蠔餅係全世界最好既蠔餅皆因佢既蠔味好足好鮮,其實都有其他地方既蠔既味都好鮮,好似牛頭角大排擋果d,甚或比佢大粒但佢落粉既比例岩岩好,香口唔油膩,我覺得e個其他人係比不上佢既蠔仔粥都好正!因為其他地方係唔夠味,一係就咸得滷味都好好味,應該澆左d沙嗲汁,每次都一定會叫墨魚,好好咬口=]不過我想佢再熱d!之前食過佢既墨魚餅我覺得好好味,夠熱夠香口但係朋友話ok冇野特別仲有個唔記得咩野雞..炸既...e個好正ar..有少少燒酒味,好香好惹味...不過食得多就會feel到d渴,可能重味精而其他既菜式就冇乜特別lo,同埋d煲仔菜會多油得服務方面我就覺得冇得彈,阿姐其實好好人屎記得有次等位我地見長龍就走左去打波返到去d位過晒,呀姐都盡量搵位比我地,真係唔該晒=]又有一次我地有十八個人去食,但係分開入座,搞到要換幾次阿姐都冇怨冇黑面,真係唔話得平時如果唔旺又會講2句,好過癮ga讀左咁多年書,全慈雲山

超鍾意三記既打冷！真係非常好食！：）我同屋企人都好鍾意架！其實我地來來去去都係叫果幾味：‧墨魚餅　（其實係炸左既墨魚波，讚讚讚！）‧蒜蓉炒通菜　（好夠鑊氣，無得頂！）‧BB鴿　（抵食！）‧沙嗲金菇肥牛煲　（d汁撈飯好好味）‧蠔餅　（我本身唔識蠔，但我屋企人就好鍾意）不過就唔好expect有d咩服務，尤其係o係d special既節日（如父／母親節呀之類），由於超多人等位，有時要等好耐，真係full得好緊要架，連條街唔suppose係佢地做生意既地方都開埋檯！哈哈！非常熱鬧！但如果想開開心心食餐飯，我同屋企人依家都唔會揀節日去喇，因為佢地員工唔係話好多，到超多人既時候，好難serve得好，有時只係想落個order都要等好耐先叫到人黎，同埋又要等好耐先上到菜，會食到有d「炆憎」。嘿嘿…所以我建議果d未試過又想黎試下既人最好揀d平日，你會發現好好多架（尤其服務）！：）

d煎蠔餠勁正,,雖然有人話太多粉,,但我覺得岩岩好,,脆脆地,,但又5會冇左d蠔,,正!!仲有沙拉骨同9菜豬紅,,掂牙!!!

成日見人講呢間三記好好食，咪試口碑囉。7點半到已經見有人等位啦，我地一行三人，好彩有將細剛剛食完，咁伙記就俾左我地坐啦。三個人又唔叫得多！便叫了隻BB鴿、一碟煎墨魚餅、一個魚頭煲同一個炒豆苗。隻BB鴿唔記得叫佢紅燒，味道都一般啦，紅燒應該香脆；墨魚餅就係炸墨魚圓，幾香脆！個魚頭煲就咸左少少！碟菜都係一般啦。食落唔算差。但又無話超好食啦。

第一次嘗試到0禁美味o既打冷!!! 有天剛剛收到朋友call話有間超正打冷就一行十人去試一叫就叫0左十幾個餸食到碟碟照晒鏡=.=太多好食0既野就精選o左幾個!蠔餅:外趣內軟,多,超少油,香趣惹味,送酒一流,超好味=.= 滷水鵝:好夠鵝味,一試傾心! 蠔仔粥; 湯底鮮甜,好大隻有口感,大地鱼夠淋,正!!!正宗潮州春菜煲:春菜吸左豬肉香味,0 舍香甜十分吸引,送粥一流.唔知点解連炒菜都好食過人,值得一讚!!!

聽好多朋友也說好味,終於去試一次..感覺不錯..食物仲好好味..雖然貴左少少..但唔系呃人錢!值得一試,^^

聼聞左好耐，卒之找到了，今晚去到慈雲山的三記，同老婆叫左炒聖子／煎墨魚餅拼爽肉卷／砂鍋魚頭煲，一個字．．．正，未食完已經諗定下次食乜．．．．．各位朋友，記住呀．．．不吃不可呀．．．最衰唔記得影相sorry各位朋友（老闆富哥仲好好招呼）

八點半去到唔算好爆, 八至九成客左右啦, 兩個人都預左搭檯, OK冇問題, 坐著張有電視睇o既檯仲正!兩個人去菜館有度唔好, 就係唔叫得好多餸, 左度右度之後叫左:紅燒BB鴿蠔仔粥沙鍋魚頭滷水三拼BB鴿皮脆肉嫩, 肉汁豐富, 好味道, 不過真係好細隻.蠔仔粥最正, 湯底鮮甜, 材料豐富, 除了蠔仔肉碎之外, 仲有冬菇絲, 魷魚絲同柴魚, 不過要彈o既就係o的柴魚, 煲得唔夠淋, 好鬼硬.沙鍋魚頭鑊氣夠, 份量十足, 應該有一整個普通份量的魚頭, 配料亦多,有豆腐, 火腩同冬菇, 不過食到底時就咸左o的o的.滷水三拼(墨魚/生腸/魷魚鬚)好大碟, 沒有多餘的墊底花生, 韮菜等.其實上面份量係夠三個人食的, 所以我地食到好飽下, 不過管著"食得唔好o徒"o既精神, 最終都食晒!!再加一罐汽水同一碗粥, 埋單大概$150, 的確係食得過!!搵機會同多o的人再黎食過, 因為見佢餐牌有不少特價小菜, $28一碟, 相當吸引!

母親節勁多人,又冇訂位,好彩都吾係等左好耐,仲有ka位tim~我一家三口,叫左蠔餅,鹵水鵝,砂鍋魚頭煲同春菜煲.蠔餅縛多蠔,又夠脆,幾好鹵水鵝尚可,但吾夠鹵水味砂鍋魚頭煲佢竟然話太多單,建議轉蒜容蒸班頭腩,不過都好味,夠滑春菜煲漏左單,好彩吹佢就即刻起番,除左肥d之外都吾錯咁鬼多人勁似打仗,不過個個侍應態度都好,算係咁啦

4-2-2007心血來潮想打冷, 記得慈雲山有間出名的打冷店而食評亦唔錯, 所以和太座直奔三記。蒜蓉炒菜心: 有鑊氣, 但菜本身的質素麻麻, 冬天的菜應該唔差, 可能將貨就價, $28碟都真係幾平。滷水大腸拼豆腐: 大腸幾好,並不是用腸頭充大腸, 豆腐亦不是死滑, 有豆味, 這正是太座杯茶。煎墨魚餅: 不如話炸墨魚球, 都幾香口, 不過太座覺得一般, 遠不及小菜王的墨魚餅。蠔仔粥(走蠔): 問佢有無方魚肉碎粥, 個大聲阿姐話即係蠔仔粥走蠔啦, $30一碗同蠔仔粥一樣。結果半個鐘後先知佢漏單, 上檯發現無方魚, 連方魚味都無, 只是一碗肉碎粥+味精! 激奀!

好~其實我本人非~~~常之喜歡飲潮州的蒜頭白醋，所以我也十分之喜歡打冷的~~碰巧看到這裏的食評，便去帶同一行5人去試了~~去到時...人多到要等位....(那時是晚上7時)我們吃了:--越式春卷===很好吃!!>~<內裏有芋頭、少許肉，我一個人吃了5條~~好像是38元10條?總之物超所值啦~--鹵水鵝===超~~級香的~~皮跟脂肪是最好吃的地方~~肉也十分入味~~大的70元，小的50元~又大碟又抵食~配上那兒的蒜頭白醋...我不懂得形容了~~~>~<~值得一讚的是，這裏每樣食物都十分夠熱~不會冷冰冰的~十分難得~>~<但也有缺點，它的小菜份量略嫌太少，味精也較重。

星期五晚和薑餅人在慈雲山吃飯, 弟弟推介此潮州食店. 是夜二人坐在室外, 很地道風味.叫左:1.香脆墨魚餅–一粒粒形狀, 偏油但脆, 馬蹄粒+墨魚都爽, 但唔夠鮮味.2.鹵水鵝片–淋身入味, 但鹵水味不是很濃的那種, 都幾油.3.南乳酥炸鱔–炸得乾身香脆, 但鱔是淋身鱔而不是爽身鱔, 因而令這菜失色不少.下次要試蠔餅, 鹵水大腸, 墨魚和羊腩煲先.

尋晚一行四人去三記打冷，第一次去！叫左以下菜式：1.) 生煎墨魚餅-- 好好食，香脆得o黎又有墨魚鮮味，夠爽口！加埋個泰式甜辣醬簡直係無得頂！2.) 蠔餅-- 水準OK！不過比起廟街果d 我略嫌太過粉，不過蠔仔都ok 大隻3.) 鹵水鵝片-- 甘香可口，鹵得幾入味，皮、脂肪同肉比例ok4.) 鹵水大腸拼墨魚-- 鹵水大腸都係好味，不過我怕肥，但係都忍唔住食左…墨魚都好鮮味、爽口、一d 都唔韌！5.) 椒絲腐乳通菜-- 勁夠鑊氣，隔左一陣每條菜都係好熱o既…好有腐乳味！6.) 上海炆麵線-- 我都唔知乜味！因為太飽！

約左波友在附近踢波，來了又未夠鐘，就兩個人去吃點東西先。對商場食肆沒有興趣，就行多兩步下來，見這裡幾旺場，就吃這間。室內全滿，我們是在外面街開了張圓檯坐下，都好，風涼水冷，夠晒通爽﹝筆者按：個幾月前的事了，家陣當然熱好多！﹞。兩個人吃不了這麼多，就只叫了個煎墨魚餅、蠔餅及蠔仔粥一碗就算了。煎墨魚餅其實似煎炸墨魚丸多一點，炸得熱辣辣又脆口，墨丸打得彈牙又有墨魚鮮味，加入了點點的馬蹄去增強口感，十分不錯，值得一試；蠔餅是圓圓的一大塊，也是下油去炸的。蠔仔幾大粒又鮮美，炸得又係幾脆口，也有水準；蠔仔粥雖然是一碗，但二人分吃也沒有問題。又係蠔仔大大粒又鮮甜，當中還有大地魚乾、魷魚、冬菜等，下了香菜及芹粒，味道很好。當然是有點味精在內，但情況不嚴重。三個菜色，份量足夠，二人吃都可以。如果不是跟著有球賽，會再試其他的菜色，水準都應該不會差。啤酒姐姐賣的是嘉士伯，另外藍妹15蚊，森保啤就只10蚊，可惜今晚不能啤啤佢。沒有什麼服務可言，不過在這些街邊打冷舖，都預左。埋單103蚊，唔貴，下次有機會會再來試一下其他菜色。