上勝日本料理 (億利工業中心) (已結業)

做完嘢去咗間小店食lunch，無咩人堂食但好多人買外賣🤓叫咗個上勝特盛丼，未計加一$198，無前菜同湯或者小食，以呢個區嚟講唔平。本身話有海膽但話無貨變咗蟹膏，新鮮程度ok，軟綿綿。三文魚一如既往魚味好濃，油甘魚一般，唔係特別出色。吞拿魚茸比較淡，我撈埋蟹膏同魚子一齊食。牡丹蝦感覺新鮮，因為入口唔梅，口感實淨。帶子唔算大隻，都叫嫩滑。仲有燒吞拿魚好一般，無魚油香。飯係赤醋飯，醋味更加濃，感覺唔錯。另外一提，個碗好細，可能因為餐廳想個碗細啲，令到份量睇落唔會太小。但個碗咁細唔方便夾魚生同飯🤡整體味道ok，但唔特別出色。

今次係佢哋搬咗舖之後第一次食（雖然都係喺荔枝角）🧐不過唔知係因為我對佢期望高咗定係多咗生意，覺得食物同服務水準都差咗🙁 📌海膽三文魚子丼($148) 海膽同魚子份量都幾多！見到都已經流晒口水😆 魚子咬落爆曬汁好爽，海膽味唔太濃。雖然飯底係撈左醬汁嘅壽司飯，不過冇乜味。啲飯好黏，食到一半就已經好飽 📌火炙三色丼($188) 包括火炙拖羅、三文魚同埋油甘魚，食落都幾新鮮，不過我覺得份量比較少，夾埋只有四、五片，相反飯嘅比例就好多🤔 雖然都可以食到飽，但係刺身比例多啲比較好 之前食過佢嘅龍蝦海膽手卷超級好食！所以今次都試咗佢嘅📌龍蝦卷($198)，諗住兩個人share食都唔會咁狼狽👯‍♂️但呢個卷物真係令我小失望，龍蝦肉肉質唔算特別新鮮同滑，而且仲比較乾。加上佢外層鋪滿左一啲茶葉碎(menu冇講)，個人比較唔鍾意呢個配搭 💡搬咗舖之後空間大咗，佈置亦都比以前更加有心機，不過等候時間比以前長好多(e_e)晚餐時間起碼要等四個字，見隔離枱都有啲微言ʕ •ᴥ•ʔ最令我深刻係有個網上外賣平台外賣員喺我未食已經企喺度，去到我食完佢都仲未拎到個餐😕個樣好惆悵咁 💡餐牌款式真係好多，鍾意嘅食壽司嘅你應該見到

呢間係D2 Place附近嘅日本餐廳真心每次都咁多人，雖然唔及酒店級數，但又抵食又好食😋特上鮑羅鰻有丼$198🍱又鮑魚又鰻魚，仲有吞拿魚同小金至愛嘅蔥吞😋新年食呢個的好意頭呀🧧蒜香牛舌$88🐮我本身對牛舌嘅要求都幾高，然而賣相唔算太突出嘅佢令我「大吃一驚」😳，因為佢軟稔得來都幾入味，有蒜香之餘仲帶有洋蔥嘅甜味🧅油甘魚刺身$58🍣油甘魚素來有「開運魚🎏」之稱，點可以唔食佢呢，又厚切又新鮮，oishine😋燒牛油龍蝦$98🦞呢個係餐廳嘅「人氣之選」🏆蝦肉都幾彈牙，帶少少牛油香🧈極上牛肉鍋$98🍲雖然唔係壽喜燒湯底，而係似平時拉麵個啲湯底，但佢持續熱辣辣，冬天會食唔停口，加上牛肉嘅份量比想像中多好多，$98好抵呀😍

同朋友難得聚舊就當然一齊去食好野啦，朋友帶我黎到佢經常黎幫襯嘅日本料理餐廳 — 上勝日本料理，門口位置好有去左日本橫街小店嘅感覺，朋友向我介紹上勝嘅魚生飯係新鮮好食得黎價格親民，食過之後發現上勝出品真係有心思！親子四彩刺身丼 ＄78 刺身厚切，刺身丼入面食材包括三文魚、油甘魚、帶子、三文魚子、玉子和蟹子，材料新鮮，還有一啲青瓜紫薑作配料，整個魚生飯好足料份量絕無戲場。而且魚生鮮甜新鮮，最鍾意上勝嘅油甘魚，鮮嫩滿滿魚油香。再加上，最有心思嘅地方係，上勝嘅飯係用赤醋拌製嘅，用上嘅赤醋比較熟成，所以飯嘅顏色較深而且唔會過酸。一百蚊都唔使有呢個份量同埋質素，一定會再黎食！朋友就叫左 角切雜錦魚生丼 ＄60，魚生粒粒都切到好大粒，份量真係好足！

👯🥘半個月光顧了兩次，沒有一客重複的種類，雖然沒有選最貴的丼飯，但質素仍非常有保證。😈運動前的晚餐，吃得特別放肆，每次都安慰自己會把熱量清掉，但永遠吃得太撐，瑜伽動作稍稍壓到肚子，或是俯身都想吐。🍢🍣🥓🍛最喜歡這間店的種類繁多，從鍋物、炸物、丼飯、燒物都有不少選擇。明明已叫了幾樣主菜，翻翻餐牌，又忍不住要多點幾串串燒。🍲暫時最喜歡的是鰻魚炒飯，份量足夠之餘，也混了許多配菜，不只鰻魚在飯海中浮沉。燒物的火候控制得好，有外脆內嫩的效果。🥰🥰🥰♨️♨️鍋物暖胃，有好友相伴，天氣轉冷了，更需鑽進食堂，享受一室溫馨。下次再來，決定要挑戰特盛鰻魚飯。▪️▫️▪️▫️▪️▫️▪️▫️▪️▫️▪️▫️▪️▫️▪️▫️📍上勝日本料理@kamikatsu.hk荔枝角長沙灣道883號億利工業中心地下1B🥰 鍋物丼物燒物等種類多😍鰻魚炒飯足料多配菜人均消費：約💲1️⃣5️⃣0️⃣#日本菜 #日本料理 #荔枝角  #尖沙咀美食  #鰻魚  #刺身 #居酒屋 #魚生飯 #上勝 #丼飯 #日本美食 #sloweatfoodie #hkfoodlover #hkfoodie #foodiehk #foodie #hkblogger #hk #hkig #吃貨 #慢

北海道刺身丼刺身、洶湧澎湃北海道刺身丼，刺身新鮮厚肉，刺身丼飯如傳統魚生飯之美吃，自製感很多，刺身棒，很豐富～大大碗很高質，多到滿瀉，份量十足，魚生包括北寄貝～蟹肉、飛魚籽、玉子，店內用料豐富海鮮，刺身選擇可加大，有拖羅、甜蝦、劍魚腩、帆立貝等！計堆旁邊三文魚子及松葉蟹肉，有多款刺身喔，大堆頭，要吃的是蟹肉，質地實淨，有海水鹹香，蟹味大。雜錦魚生丼主打足料丼飯，丼飯很多，人氣丼鋪滿層層刺身，丼上放三文魚子，而飯刺身內混入了非常富油脂香的刺身，入口即融。蟹子爽彈口感。三文魚子脹卜卜，鹹香爆脆。海鮮丼醋飯用了口感滿滿之米，飯粒飽滿，酸度好好，飯香。滑旦炸豬扒飯混合日式高湯，糖，味琳，清酒，薄口醬油在一起～糖融入醬汁後很棒～洋蔥切薄片後在飯上，豬扒切成厚度很大～斷筋豬扒易吃，.丼飯相當抵～拖羅蓉三文魚籽丼、拉絲芝士牛肉丼飯等多款選擇，肉類、鰻魚可選，吸引～坐底來歎海鮮丼，日本感覺很棒！餐廳所用的海產新鮮～選擇很多呢～

之前係社交平台見到朋友食呢間丼飯好吸引，所以我專登黎食😍門口位嘅扇紙裝飾都幾grand下，環境幾靚心情愉悅店員親切地招呼我哋，就比左一次性餐具& 斟茶比我地之後，叫我地落單用QR code除左我一心諗住食嘅丼飯，發現追加嘅野食都好吸引，但當天無茶碗蒸食，所以我就叫左生蠔一試🦪我叫嘅係北海道刺身丼，有齊北寄貝、蟹肉、帶子、魚子、蟹子、玉子，其實有好幾頁丼飯可以揀，最後揀咗個我所有都會食嘅刺身丼💕帶子大大粒有2粒，鮮甜厚身～佢嘅飯都係沾好醬料，就咁食都好夠味仲叫左個關東煮，蘿蔔清甜年糕煙靭，個湯唔會死咸最後生蠔到啦，估唔到$38 係咁大陣仗，好大隻又冰凍，我分開2口先食得晒，一個字，creamy!!! 點埋佢個酸酸地嘅汁更帶出鮮味，好想encore!!

今晚去左荔枝角試左抵食丼飯🍣🍚 原來呢間上勝日本料理出名刺身丼飯！打開menu有32款海鮮丼選擇，另外仲有刺身、壽司🍣、手卷、炸物、串燒🍢… 樣樣都好想食，揀左好耐，最後點左：🐷💁🏻‍♀️ 時令七彩刺身丼 $198有七款日本直送飛機魚刺身，日日都唔同，有赤身、池魚等.. 全部都厚切！ 食得出係新鮮既，肉質同平時食既係唔同，好味呀👍🏻🤤🐷💁🏻‍♂️ 親卜四彩刺身丼 $78有三文魚、油甘魚、帶子、三文魚籽，配玉子同蟹籽，全部都係厚切👍🏻 就連唔鍾意食油甘魚既老公，都話新鮮同好食🤣呢度丼飯都係用左赤醋調味，而且飯量十足，我都食唔哂啲飯（如果多幾片刺身，可能食得哂😜）🍗 炸芝麻雞翼 (2件) $35雞翼炸得好香脆，好味👍🏻🍢 鹽燒牛舌 (1串) $40牛舌真係好好食✨ 唔係薄切，而且燒得好香，調味適中，加埋檸檬汁，so delicious 🤤🤤====================推介度：4.5/5❤️CP值：4/5👍🏻 （其實有好多$100內高質海鮮丼）好味指數：5/5👅====================

今晚放工黎到荔枝角食晚飯, 一落車就見到呢間日本料理, 時間尚早, 唔使排隊, 即刻沖入去, 點知坐左無幾耐, 就已經坐滿人. 門口有個好有日本氣氛既日本燈籠, 座位寬敞, 仲有個日式廚房, 寫左當日廚師精選. 刺身壽司款式選擇多, 另外仲有其他日式熟食, 好多款式, 梗有一款啱你.黑松露帶子壽司, 鰻魚壽司帶子好大粒, 好新鮮, 加少少青檸汁, 帶出鮮味. 仲有黑松露點綴一下, 加添香味.海膽雙魚丼今晚海膽賣晒. 轉左蟹肉. 刺身新鮮完全無腥味, 仲好厚切! 蟹肉份量都唔少, 肉質鮮甜! 唔會係罐頭品質.炸吉列廣島蠔炸得超超超鬆脆! 推介之作! 廣島蠔亦好好味. 唔使加醬都已經夠好味!日式關東煮鍋估唔到咁好味, 講真全鍋都好入味! 加上湯底好濃味唔會過鹹. 大根更加超入味, 又夠冧!龍蝦天婦羅充滿龍蝦味, 外皮炸到卜卜脆, 但保留左龍蝦肉既爽口, 超值!

網上見人介紹呢間餐廳話抵食夾大件，今日去開荔枝角就一定要去潮聖一番！餐廳裝修日系，座位寬敞，坐得幾舒服！◾️軟殼蟹沙律 $78造型夠哂厲害，堆到好高，打咭一流📸 面頭脆米好脆卜卜，好似食緊媽咪麵咁，下面沙律菜都好爽脆，食到有沙律醋，酸酸地幾開胃！軟殻蟹都唔錯，上菜時仲砌返做一隻蟹咁，真係成隻蟹炸俾你，幾好◾️親子四彩刺身丼 $78刺身好新鮮，好肥美，望落色彩繽紛，睇見都開心，三文魚同油甘魚都好厚切！帶子有2粒，好鮮甜，三文魚籽都好大粒，非常滿足～而且飯量十足，一定夠哂飽！◾️北海道刺身丼 $98呢款刺身款式再多d，但都只係$100有找！抵到爆～帶子超大粒，竟然俾左三粒咁多，仲有北寄貝、蟹籽、三文魚籽同蟹肉，蟹肉好鮮甜，仲有兩隻蟹鉗，真係好豐富！CP值真係超高～

之前仲係荔枝角返工個陣，LUNCH成日都幫襯，今日再黎原來已經搬左去新舖，好彩都仲係荔枝角，新舖係億利地下長沙灣道個邊，地點仲方便。餐廳裝修充滿日本風，掛滿哂日式燈籠。海膽雙魚丼今晚海膽沽清，改咗蟹肉，仲有三文魚同油甘魚，魚生好新鮮，三文魚好肥美厚身，油甘魚油脂好香，蟹肉清甜，壽司飯已經預先調左味，唔洗點豉油都好夠味。日式關東煮鍋之前每次返鄉下經過便利店都必食關東煮，估唔到呢度冇得叫，又可以懷緬一下鄉下既味道，關東煮湯底清甜，魚蛋煮到好林，好入味。龍蝦天婦羅第一次食龍蝦做既天婦羅，肉質彈牙爽口，天婦羅粉漿又夠薄。

早前係荔枝角跳繩放電後謙謙話好想食日本野，問佢想食邊間佢話緊係“上勝”啦！價錢又唔貴食完座巴士返屋企都超方便。謙謙媽咪想講其實我自己都想食。😝上次來食過已經覺得唔錯， 今次我地兩人不約而同都話要食呢到最抵食的丼飯呀！係咩？快睇👇🏻👇🏻👇🏻👇🏻🍱 角切雜錦魚生丼 ～ 2碗大家冇睇錯，我和謙謙一人一碗唔洗爭， 碗丼飯有幾正唔洗我多講啦！就咁睇相都知材料十足厚角切，魚生預先用調味料拌勻再放上醋飯上， 送來時好香麻油味。魚生夠新鮮$60就食到抵到爛。🍣 海膽軍艦 ~ 睇落唔錯，入口甘甜☺🍣 拖羅蓉軍艦 ～ 軟綿綿的拖羅蓉係我最愛呢😍🍣 花之戀軍艦 ～ 一人一朵花🤪 三文魚加沙律醬絕配。🍣 北寄貝壽司 ～ 夠爽口幾好幾好。

晚市多選擇,一於試下佢,呢間幾多好評唔錯咁一口牛肉丼飯配上蔥絲,椒絲,洋蔥等唔同配料燒汁香甜,牛肉味濃,一口一件日本米飯爽身分明,份量大大碗,抵食牛肉大細不一,但都係一口SIZE拌勻各式配料一齊食口感更豐富甜品有好多選擇包括冰沙,日本甜品等等今次選了芝士蛋糕同蜜桃雪芭原個蜜桃香甜冰沙感入口即溶芝士蛋糕上之前炙燒過擺碟都好靚一個人平均消費$200左右,抵食好食有水準連擺碟都靚上勝日本料理 (億利工業中心)  Kamikatsu 荔枝角長沙灣道883號億利工業中心地下1B號舖Shop 1B, G/F, Elite Industrial Centre, 883 Cheung Sha Wan Road, Lai Chi Kok

長沙灣荔枝角越黎越多餐廳呢度有間超人氣日本菜,水準高抵食有刺身,壽司,串燒,炸物,麵食等選擇單價亦唔貴,加錢可追加小食,套餐等等主食加錢$15有湯同沙律沙律清爽,粟米粒同沙律菜麵豉湯夠濃味有海帶同豆皮加8蚊有罐裝飲品,抵飲!主食 豚肉黑蒜湯底配拉麵或烏冬烏冬粗身彈牙煙韌,吸曬豚骨湯底味道好食,料又多,有半隻蛋,蔥,海帶,粟米等配料湯麵配主食配炸雞,日本無骨炸雞一客5件,配沙律醬,炸到好脆身,有肉汁雞肉仍然好嫩滑味美推介串燒炸物$98芝士燒龍蝦半隻大龍蝦芝士焗燒燒到好濃郁香氣,芝味勁,肉質細緻爽甜

高質日系小店餐廳位於巴士站旁，一不留神容易錯過。裝修簡單舒適，散發一股家庭小店氣息。餐牌冷葷及熱葷選擇什多，方便各種人士。是次點選親子四彩丼飯, 吉烈豬排烏冬 及極上牛肉窩。丼飯有三文魚、油甘魚及帶子刺身，刺身份量及厚度足夠。刺身入口鮮甜，不用加醬油都夠味。配上大量三文籽及熟蛋，滋味十足。飯亦預先加入醬油，方便懶人。極上牛肉窩鍋物熱辣辣上枱，湯底清甜，牛肉味濃厚，滿滿蔬菜新鮮入味。配上白飯令人上癮。吉烈豬排烏冬豚骨味重而不膩，湯夠熱，幼身烏冬彈性又掛湯。 豬排外脆內軟，配料多樣化，味道豐富亦一解豬排的膩。整體而言小店價錢親民而又選擇多，推薦大家一試。