上勝日本料理 (億利工業中心) (已結業)

之前食過一次，老婆係咁話要再返嚟食，所以今晚就滿足佢呢個心願。三文魚腩刺身 & 三文魚刺身，鮮甜肥美嘅三文魚必定要叫，魚腩部位就更加甘香肥美！黑松露帶子沙律，上面嘅炸麵好有蛋香味，蔬菜新鮮爽脆，配合埋柚子醋好開胃，鮮甜嘅帶子加上黑松露嘅幽香，味道更加有層次，好味~蒲燒肥厚鰻魚飯(大盛)，鰻魚夠晒厚切，加埋上面嘅醬汁味道真係一絕，我超鍾意！海膽軍艦，呢個海膽真係令我地喜出望外，堆滿成個軍艦飯糰，入口非常鮮甜甘香！芝士燒扇貝，估唔到叫一隻扇貝都有咁靚嘅擺盤。扇貝好鮮甜，加上少少焦香嘅芝士味道好夾~日本芝士蛋糕，鬆軟嘅芝士帶嚟綿滑嘅口感，味道又香，係老婆嘅最愛之一！巨峰乳酸梳打，好香巨峰提子味，仲好夠氣，爽~老婆對呢餐非常滿意，睇嚟距離下次再戰嘅日期又不遠了 😂

日本餐廳來說目前最喜歡上勝！！為了要讓一直吵著去吃的我閉嘴老公終於帶我去了（勝利✌🏻）頭盤先來個超愛的沙律！黑松露帶子沙律的帶子好～鮮～甜！帶子上還有黑松露！一口吃下去就湧出兩種滋味～沙律菜很新鮮爽脆～配上超甜甜蛋、蟹籽、青瓜粒和炸麵條，真的是好吃到不要不要！作為三文魚控的老公，當然不會放過點三文魚刺身的機會，但沒想到他點完三文魚腩刺身後馬上追加三文魚刺身（汗）雖然我戒掉三文魚好久了但看到如斯肥美的刺身真的沒辦法不動筷...結果忍不住吃了一片後問「可以再吃一片嗎🥺」也太肥美太鮮甜了吧？主菜點了蒲燒肥厚鰻魚飯（大盛）鰻魚汁果然是鰻魚飯的靈魂！醬汁濃郁但不會太咸無論是與鰻魚同吃還是用來拌飯都是一級棒的美味！而且鰻魚完全沒魚骨可以大啖大啖豪氣地吃鰻魚真的很爽(○’ω’○)海膽軍艦必點！必點！必點！上勝的食材真的很新鮮海膽非常極之甘香我是把整件軍艦放進口吃的那股甘香而帶甜味的味道充斥著整個口腔加上紫菜的脆脆口感真的是超好吃！芝士燒扇貝的擺盤會不會太美！即使整盤只有一隻扇貝但廚師還是很用心的裝飾真的很專業！而且扇貝即使燒完肉質還是很嫩！巨峰乳酸梳打也好好喝喔(❁´ω`❁)即使放了很久還是很夠氣就

🇯🇵上勝日本料理咁啱行開荔枝角，見到呢間壽司鋪，上網睇過評價唔差，就入去買個丼飯食🧐今次試咗個平平地既丼飯，叫完岀咗岀面等，但竟然等咗差唔多20分鐘😅餐廳入邊仲要冇客😭親子四彩刺身丼 $78油甘魚、三文魚、帶子、魚子刺身每款2件，都厚切既😬無腥味👍🏼飯係赤醋飯，酸過平時一般既壽司醋唔會有陣死甜既白糖咩🤪份量啱啱好，男仔食都夠飽😏$78算係咁啦，如果唔洗等咁耐就好d囉🤫😌😌😌😌

#驚嚇茶碗蒸要＋＄20的茶碗蒸，牙籤咁高的茶碗，上嚟只係得半碗，份量如圖未食過，我只係找過有乜餸所以整散左，只係得一片魚蛋、兩粒冬菇及10粒左右嘅三文魚子⋯⋯🤬🤬🤬，冇啦，係咁多，唔好咁過分好喎！本身冇諗住寫，茶碗蒸最後先上，比佢激親，所以之前食物冇影到，其他食物水準只係一般水平⋯⋯三文魚子色澤暗及好林，唔太新鮮。鰻魚蛋飯太濕，燒豬腩肉唔夠焦香，又係濕濕地，雪藏貨⋯⋯刺身丼飯正常水平，拉麵連鎖店水平⋯⋯

真係第一次食到咁難食日本餐我哋兩個人，一個叫左北海道海鮮當，一個吞拿魚腩蓉當。。。真係極之後悔坐低左食。。。蟹腳係霉既、臭既！飯更加不知所謂，個湯吾熱嘅，另外一個吞拿魚腩肉蓉更加有洗潔精嘅口感，難食同喊其實環境本身都唔錯既，D飯吾知道點解係啡色？好難食，食都食唔出係咩味⋯⋯價錢又唔係話特別平，坦白講爭鮮仲好食，成間野又冇客，其實都真係好差下。。。食物外表本身吾錯、餐牌嚟睇都幾正，不過一食落口lur 返哂出嚟，D副食又唔得，真係OMG若果大家想挑戰下極品，可以一試。完

特登開左個account. 咁岩做野行過去左呢間丼飯店，昨晚無期望的，肚餓快食就走，叫左個98蚊既刺身飯，性價比真係好低。。個飯下面有推介既。。。。朋友叫左咩就唔記得。。。超超超好難食。。。。。啲海膽黑色有廁所味？？蝦超細隻。。。得三文魚係正常。。呢個係我人生食過最難食既丼飯。。希望貴餐廳日後有改善。。食物同呢度啲圖完全不符。。朋友都有話未搬之前未係咁差所以大家都係睇下日後其他人的意見再考慮是否光顧吧？？？。 。。。。

呢間位於長沙灣道883號億利工業中心地下1B號舖，店名上勝日本料理，店舖唔算好多，但真是用心製作，今日就試左角切魚生飯，真是性價比高，唔好以為細細碗，d飯份量十足，魚生亦是滿滿，重有麵豉湯，沙律及前菜，都是HKD60蚊咋，中午唔餐來講，簡直無得輸，當然重有很多款魚生丼飯選擇，不過價錢就貴小小啦，但都是平的，店舖環境舒服，服務員態度非常好，食物質素高，不過建議早小小去等位，可能好多荔枝角工作嘅人都知道呢間質素高，服務好，所以都幾多人去食架。

一百四十幾蚊，加埋一之後，一共一百六十幾蚊，一般食刺身丼飯嘅價錢，不過，呢間d刺身都幾豐富，所以，性價比係算高嘅。張單show 唔到加一，加一後實際收了163元睇吓上圖個飯，我叫左我最鍾意嘅三文魚籽海膽飯。魚籽算幾多。海膽其實有五舊，三大兩小。其餘仲有玉子，加上一啲諸如青瓜的塾底配菜。魚籽夠鹹香，不錯。海膽五舊之中，覺得有三舊好味過另外兩舊。好味d果三舊幾肥美，大大隻，係幾香口嘅。總的來說，個飯係算幾好，主要係性價比算高。睇餐牌，發覺其實該店的丼都好多選擇，下次會試吓其他。呢間都會係有下次嘅。

假日行完D2 place 既市集 係附近覓下食🔦無意中經過呢一間主打丼飯既店舖🏠丼飯又唔同嘅配搭 仲有雜錦魚生丼一次過滿足心大心細嘅你💕💛海膽三文魚子丼飯🍚用上日本赤醋米飯🗾米飯粒食落比較濕潤同煙韌💦三文魚子有多過1/3表面 海膽有3大件👏🏻三文魚子既量都幾多 食落鹹鮮😋海鮮大件creamy 甘甜味多啲就perfect 🤤🤤仲有醬菜同玉子🍳🥒整體刺身同配料都好多 大大碗CP值不錯👍🏻.🦪兵庫縣岩蠔係時令既蠔 肉質爽嫩無金屬味👍🏻 女孩子歡喜既味道😌

荔枝角都有唔少日本野上勝係荔枝角仲有另一間分店叫呢間分店門面又裝修得唔錯 所以就堂食試下🍽角切魚生飯$60成個餐牌望落屬於中上價位, around $8×以上見到我鐘意既角切魚生飯只係$60,甘就梗係叫黎試下, 不過見佢平其他野食都幾多,所以都無也特別期望😅點樣一上檯,覺得喜出望外窩雖然$60,但一d都唔馬虎,同其他一樣都係成個set上,有芝麻醬沙律+小食(肉粒&玉子)+麵豉湯+魚生飯五顏六色,擺盤精美,增加唔少食慾🤤沙律,小食同碗湯都係ok既, 正常水準講返個飯,魚生鋪滿飯面,雖然有d係玉子同青瓜,但魚生既分量都算多...有八爪魚🦑,三文魚,魷魚,吞拿魚,蟹子...材料新鮮,唔會切得太碎,口感剛好👍🏻但唸都唸唔到唯一既敗筆竟然係個飯🍚其實店家好有心思想係個飯度搞d新意思, 用醬油類似既醬料加左落d飯調味,但我想話個味真係唔好食,普通壽司飯會好味好多😔如果換成普通壽司飯就perfect🌟🌟🌟💁🏻‍♀️

朋友Lunch 經常黎上勝日本料理食Lunch ，朋友話性價比高，所以今日係附近做完野就黎上勝日本料理食晚飯。餐廳主打不同款式配搭的丼飯，亦有串燒、刺身、小食、炸物、壽司，款式係超級多，款款都好吸引，好想食。角切雜錦魚生丼（$60）賣相精美，顏色色彩繽紛，角切魚生堆到滿滿的，餐廳用上赤醋飯，所以顏色是啡色的，味道會更濃郁。角切魚生切到大大粒，有三文魚、吞拿魚、油甘魚、玉子、蟹籽，刺身新鮮，鮮味十足，刺身與飯比例剛剛好，唔會食到尾得返D飯。鹽燒雞翼（$35）和牛大蔥串（$40）即叫即燒，雞翼夠入味，和牛味道濃郁。鹽味枝豆（$38）必次都會必點藍色海洋梳打（$25）藍色好夢幻，甜度適中，味道有點似檸檬茶味，我很喜歡

上勝日本料理位於荔枝角億利工業中心地下1B號舖，由地鐵站D1出口步行約1-2分鐘左右到達，6:00 鐘到達，已經好多人入座。餐廳裝潢簡潔明亮，座位不會逼狹，坐得舒適。餐牌多元化，有丼飯、壽司、手卷、刺身、拉麵、烏冬、日式飯類、串燒、炸物、小食、甜品、飲品，好多款式選擇。八爪魚刺身（$42）刺身新鮮，沒有雪藏味，八爪魚刺身爽口。中拖羅手卷（$55）手卷用上赤醋飯，中拖羅沒有筋，魚味濃郁鮮甜，肉質油潤而軟滑，加上點綴的金箔，顯得更高貴。極上牛肉鍋（$98）牛肉鍋配料好豐富，有娃娃菜、金菇、昆布、流心蛋、牛肉，個湯好好飲。極上牛肉豬骨湯拉麵（$68）拉麵麵質軟硬適中，拉麵非常吸湯，配料夠多，牛肉有嚼勁。

今日同老婆去荔枝角 D2 Place 行街，行到肚餓就見到呢間日本料理，就入去試下啦~三文魚牛油果沙律，佢個造型真係不得了,一上枱我老婆即刻"嘩"咗一聲。先試食上面脆脆嘅麵條，再試下面爽脆嘅柚子醋生菜，嘅味道好開胃。主角三文魚份量都唔少，亦都好鮮味，牛油果非常綿滑，兩樣配埋 washabi 豉油真係好滿足~海膽松葉蟹肉丼，蟹肉非常鮮甜，海膽甜得嚟好甘，味道充斥住整個口腔，超好味！再加上爽脆嘅青瓜，脆卜卜嘅蟹子配埋壽司醋飯，真係一流！浦燒厚鰻魚，厚厚嘅鰻魚配上燒汁，鰻魚有少少爽口，雖然我個人比較鍾意食"林"嘅鰻魚，但係呢個我都覺得好好味，每一口都充斥住鰻魚的香味，正~一口和牛(鹽燒)，鬆化嘅牛肉，加上濃濃牛肉味，好味！日本芝士蛋糕，非常濃厚嘅芝士味，上層好似燒過，有一層薄薄嘅脆皮，呢個絕對係老婆嘅最愛~巨峰乳酸梳打，呢個一向係我哋嘅最愛，巨峰加乳酸梳打嘅味道真係令人難以抗拒！提子味波子汽水，日本汽水果然係唔同啲，提子味好香濃，超好飲~下次要再試埋佢其他嘅丼飯，食到咁飽真係要散完步先返屋企。

上勝日本料理之前經過餐廳門外看到招牌魚生丼的賣相相當吸引，今晚決定試試。上勝特盛丼 $198當店員奉上特盛丼，難得圖文相符，魚生鋪滿在赤醋飯上，份量十足。最令人驚喜的是火灸拖羅，充滿油香入口即溶，油甘魚、帶子、三文魚等鮮甜肥美，牡丹蝦和海膽則不過不失。赤醋飯微溫，調味恰到好處，令人相當滿足炸物︰炸吉列豬排$48、炸芝麻雞翼$35、海苔雞軟骨$68來放縱一日，叫了三款日式炸物品嚐。師傅炸功不俗，吉列豬排外皮香脆不會過厚，肉質尚算嫩滑。雞軟骨和芝麻雞翼屬「穩陣」之選，惹味可口，值得一讚是碟底仍乾爽，不會「油淋淋」，不過雞軟骨的海荅粉不足黑松露帶子沙律$98均衡飲食總少不了蔬菜，這道沙律份量甚多，蔬菜爽甜，配合油醋清爽開胃，加上香脆的炸麵，口感豐富。然而原本是主角的帶子雖然入口嫩滑，但似乎與黑松露醬不甚合拍，以致遭配角搶盡風頭總括而言，魚生丼性價比相當高，下次到訪會試試燒物！

今日下午約了朋友到荔枝角D2逛文青小市集見到對面工業中心地舖開了很多不同類型的美食但最吸引我的還是日本料理餐廳在晚市6點才開門作為晚市第一批客人少不了點超級豐富的魚生丼和一些小食🔴上勝特盛丼$198魚生片總類非常多而且每片魚生都是厚切良心食店👍🏻👍🏻👍🏻刺生十分新鮮🤤🤤🤤🤤每口都啖啖肉魚生飯是用赤醋所以酸味更濃與濃味刺生非常搭配🟠炸芝麻雞翼$35雞翼炸得很亁身一點都不油膩咬落去酥脆十足連雞翼尖的骨頭都能吃下去🟡黑松露帶子沙律$98帶子居然有六大粒加上造型好美菜上鋪滿了蟹子和炸拉麵脆脆在視覺上是一個完美的藝術品🟢炸吉列豬扒$48很大塊的炸豬排同樣地炸得很乾身而且外皮很薄肉質很厚身沒有像其他餐廳一樣鋪上厚厚的炸漿加上蛋黃醬變成了完美的配搭🔵海苔雞軟骨$68海苔粉鋪在雞軟骨上可以增添海苔風味雞軟骨切成一小口方便一口一粒進食碟邊附上一小片檸檬可以擠檸檬汁淋在雞軟骨上使雞軟骨更為清新總結：店員服務十分周到，緊密地為客人添茶，臨走時還會禮貌地說謝謝和提示我們要帶齊隨身物件，服務100分👍🏻👍🏻👍🏻👍🏻📍 上勝日本料理 (億利工業中心) (荔枝角)荔枝角長沙灣道883號億利工業中心地下1B號舖