上咖啡

营业中

休息中

接住都係CAFE系列介紹,今期搵到小店一於試下佢同大家SHARE!走小店簡約風裝修 食物提供意粉同輕食麵包為主 有咖啡師先點一客忌廉汁三文魚意粉,再加金磚多士配練奶 一杯精選咖啡金磚多士即平時西多士但就切成小份每件都炸香 每一口都有蛋漿包住既西多士 配練奶無咁甜膩接住上菜係煙三文魚配忌廉汁意粉,忌廉汁香滑意粉麵身唔會太淋軟,入口香滑加上三文魚咸香味道好食精品咖啡,味道濃而香氣十足,唔加糖都好好飲評分7/10消費$200筲箕灣筲箕灣道361號利嘉中心1樓Captain Coffee

a hidden gem in shaukeiwan which is inside a hair salon! i think the restaurant is actually somehow a church(? (can tell by the music and the cross on the wall)probably the reason why i felt comfortable in that restaurant despite the limited seats. people visiting this resto are regular costumers from church~🤎 so we needed to wait for a while before we could get a seat. the food are quite mediocre. but i’d say it’s worth the visit 💛 my fam said their eggs were quite impressive! so do give them a

呢間位於筲箕灣樓上鋪嘅cafe開係髮型屋入面！真係夠晒隱世🤣枱同枱之間好闊落，好適合同小姊妹兩個人傾下計hea下🥰🐟牛油檸檬汁香煎魚柳伴焗薯（$88）魚柳金黃色，外層卜卜脆，十分香口😚稍徽按壓一下面頭嘅檸檬塊，配搭酸酸嘅檸檬汁更好味，可以中和膩感🍋焗薯係薯蓉，間中有少許大塊的薯塊增加口感，入面有少許煙肉🥓調味較淡，口感綿密🥔推介！要注意呢度係要自己出櫃枱點餐，而且食完野要自己執返餐具同分類！🍽

朝早係石澳玩完一啲戶外活動，lunch當然番黎依下黃店，筲箕灣選擇其實唔算多，搵到依間同髮廊一齊既cafe，認真一開始無預過食物質素如何，但食完有驚喜。冰搖青瓜咖啡蜂蜜薑茶第一次見到青瓜+咖啡，飲落口果然係想像中很有趣的味道，青爪清爽的清新感同甜甜地咖啡，係好有趣。而薑茶薑味濃，但唔惹人討厭，最重要有番蜂蜜滋潤番成杯茶。霸王雞扒包果然夠霸王，雞扒有人面咁大塊，肉處理得香滑多汁，包係用法包質地，出奇地香脆顛覆咗我食依種包，只有乾周硬既感覺。牛油檸檬汁香煎魚柳伴焗薯都係顛覆左我對鯰魚柳既印象，外皮煎得好香脆，魚肉很少可地我覺得有鮮甜味，鯰魚我通常都叫做hea魚，因為無味口感又散散咁，但估唔到原來有心機去烹調，hea魚都會好食酒浸車厘子朱古力磅蛋糕配雪糕食得出係自家人手整，雖然唔係天為驚人，但簡單好食就足夠

去過呢間cafe嘅可能都會覺得好特別，因為佢係位於一間飛髮鋪💈入面，要上一層樓穿過剪頭髮💇🏻嘅地方，先會入到間cafe。當日同朋友傾計食嘢嘅時候，都會見到啲姨姨👳🏻‍♀️包住個頭染緊髮嘅時候走過嚟買咖啡☕️飲，好有趣好特別嘅情景🤣。🍲蘑菇汁海鮮長通粉 $76海鮮配料有大蝦同青口，唔算特別多海鮮料，青口飽滿多肉，個人比較鍾意。海鮮唔會有冰鮮味，味道同個醬汁好夾。的確個醬料做得比較出色，主要係因為個蘑菇汁超creamy，而且入面好多蘑菇，好似飲緊蘑菇忌廉湯咁。醬料都俾得夠多，令個長通粉唔會好乾身。雖然以性價比嚟講未算好抵，外賣其他海鮮飯都會比較平，但整體味道都係好食嘅。👅評分：7.5/10🧇香蕉窩夫配雪糕 (半份) $48半份窩夫有兩大格，配咗一條香蕉🍌同一球雲呢拿雪糕🍨，蜜糖🍯就比較特別，係桂花蜜糖。窩夫做到外脆內嫩，一啖配上雲呢拿雪糕，送入口就食到又熱又凍嘅口感，味道真係一流🤤。個桂花蜜糖有特別嘅香味，不過略嫌有啲太甜。本來個甜品已經有雪糕、香蕉同朱古力醬，個桂花蜜糖反而會令佢變得有啲滯，所以我哋都冇咩再點個蜜糖。甜品set叫咗杯熱奶茶☕️，個茶底係英式茶，有少少伯爵茶嘅香味。不得不提個茶杯

星期日下午1:30找上呢間在屋企附近，想試好耐既餐廳。上到去先知佢下午2點先正式營業， 不過可以坐低等。 我覺得星期日要2點先開， 實在太遲。為何不早點開，賺埋早餐既營業呢？ 因為有wifi, 阿仔話留低等。2點開始， 越來越多人入黎，大家都知2點開吧！？ 大家找到位子後，（全店只有9-10枱）要出counter落柯打。 食物飲品黎得好快， 仲非常好味！價錢唔貴， 我同阿仔都覺得一定要再幫襯！餐廳自助式， 客人食完要自己將餐具放回指定收集膠兜內。不過食物連食具是會有人送去你張枱的。餐廳有紙巾提供。

教會經營餐廳+髮型屋大大份all day 早餐大胃王也能吃飽！都係$90又不用加一，份量十足，大條脆皮腸不會太咸外皮脆不是平價貨，蛋好香是炒滑蛋，洋蔥圈好甜，厚切多士麵包仲有4塊，如配有果醬更好。而咖啡叫了latte 細杯和大杯都是相差幾蚊就叫了大，付送曲奇一塊、曲奇好味，而咖啡味道不夠香不夠熱，能再熱點更好。是有提供代糖可問店員。是自助式需先付款後送餐，自行清走餐具。因無加一可接受。

筲箕灣有一間特色樓上Cafe ！餐廳設計有書櫃：board game 、書本，對望透過玻璃看到髮廊，成為cafe 吸睛的焦點，這裡可以減輕壓力、能夠增進一班朋友的快樂感的特色Cafe Weekdays 午餐係包飲品，但星期六食物，另外叫飲品整體食物質素好高我點左雞扒沙律，覺得超好食新鮮沙律菜配雞扒配上別具心思的好味醬汁，吃起來雞扒Juicy 有咬口，香味撲鼻！食客光顧需自行點食物同執拾食具我朋友夫婦住附近，同餐廳職員好好傾，原來呢度係佢哋飯堂

上網見到有間剪頭髮再加coffee shop，覺得好特別，於是去試下😂搵到間鋪頭時，出面寫哂剪頭髮既價錢，話cafe 上一樓，搵左一陣，原來係要經過剪髮鋪先入到去coffee shop，仲要地下係咩都無，以為去錯地方，響香港真係少見😂😂之後叫左個抹茶雪糕紅豆窩夫，同埋試佢既咖啡，個窩夫，真係好好食，外脆內軟，加埋楓糖漿，雪糕，紅豆，cream一齊食，真係好夾，食唔停口，大家黎到必點。黎cafe，除左環境要舒服，當然要試埋咖啡，咖啡都有驚喜，大杯之外，拉花靚之外，仲有塊餅乾🍪俾你飲咖啡時食，好窩心，咖啡本身無糖，加埋一塊提子餅乾，真係好夾，有少少甜，杯咖啡即刻易入口，口感即刻唔同左，咖啡既味道都唔同左，真係好好飲👍🏻👍🏻1. 抹茶雪糕窩夫2. Latte

今日經過筲箕灣凍肉舖要入返貨，順便搵吓有咩好食😌突然之間老公諗起細細個食過呢間Cafe，旁邊仲有間salon 可以剪頭髮，咁就一於去試吓啦🙂 入到去座位偏小，一行七人，要分兩張枱坐，大概等了20分鐘左右。好彩嘢食都好快到，職員亦都好有禮貌，值得一試

樓上隱世Cafe，係間理髮店隔離所以如果食住野等朋友剪頭髮都幾方便😂起初以為冇乜人會幫襯點知一撘正營業時間入去已經成半個場滿晒🤣地方比想像中闊落，而且仲提供書籍和board game玩😍老實說整體上食物性價比吾太高但環境吾錯適合聚餐慢慢食💛黃店認證：8.5、11.11罷市。👓牛油檸檬汁香煎魚柳配焗薯 $88魚柳好大塊，煎到金黃色脆邊，食落好香脆但魚肉嫩滑，堅外脆內軟。魚調味有少少檸檬汁嘅清新酸甜香氣，和黑椒香草等非常夠味。薯蓉好香牛油味creamy但又唔會覺得口感好肥膩，而且帶有薯仔粒同煙肉好有口感。評分：8/10👓香草煎羊架伴焗薯 $98有兩件羊架，配上香草味道沒有任何羶味，但肉質少韌，欠缺嗰種外皮焦香肉質軟熟的感覺。伴碟的焗薯同上creamy好食。評分：7/10👓黑松露帶子意粉 $80有三粒帶子都肥美大粒煎得香口，普通正常意粉，有少許黑松露香味但整體唔算十分香濃唔係嗰種濃郁黑松露意粉，如果以依個價錢來說性價比唔高。評分：6.5/10👓煙三文魚白汁意粉 $70有兩大塊煙三文魚，普通正常意粉，配上洋蔥。白汁唔算好creamy稠身但忌廉味好重所以少漏。評分：6.5/10👓鮮果茶 $59勁

就好似「三一如三」電視劇集，星期日，她是教會，平日，她是飛髮舖，也是咖啡廳。我因為覺得呢個安排幾有趣，專登來試一試。場地因為星期日係教會，有一個明顯講台，但反而成件事好親切。原本擔心飛髮舖嘅電髮等藥水味會飄過來，又無喎。Ａ、香草煎羊架伴焗薯($108) - 嘩！大份到… 羊架無咩濃嘅調味，煎得香香，又唔羴，肉唔韌。大大堆軟綿綿嘅薯蓉，好味又飽肚。呢度好有青年村風味，因為食完飯要自己張啲嘢放入餐車。仲見到書櫃，有少少玩具，唔知可唔可以借來玩呢？總結一句，呢個價錢，大滿足！

呢間係我私心推介嘅餐廳❤️ 平日晏晝同星期六都經常排長龍架，但好可惜佢夜晚同星期日唔開，所以冇得成日都去食🥺佢嘅位置其實有啲搞笑，要上一層再串過間髮型屋先會見到佢🙈 我每次去都係叫意粉，食完佢嘅意粉我都會覺得超滿足🤩 叫雞扒意粉實無死，差唔多每一枱都會有人食😌 雞扒煎得夠香脆，搽咗啲蜜糖係雞皮度，食落好香口，醃得夠入味😋配搭嘅意粉有時候會用芝麻汁或者蒜蓉炒，兩種我都食過，都好喜歡🥰 醬汁夠多沾滿麵條，麵條亦做到al dente，一口接一口，好快食晒🤪另一款南瓜海鮮意粉好足料🤩 南瓜醬好creamy好重南瓜味，味道係南瓜湯咁🎃 每一啖都好滿足🤤 海鮮一定係雪藏架啦，但係夠大隻，蝦同青口都處理得好，冇雪味，仲有少少鮮味添👌🏽咖啡或花茶嘅味道唔錯，跟餐會平啲🤣 以同區黎講，價錢有少少貴，但係高質嘅👍🏽 側邊有啲書同埋board game可以玩下，幾適合喺度吹下水hea下咁😛▫️鮮茄粒芝麻汁香草雞扒意粉$76▪️忌廉南瓜海鮮意粉$76▫️焦糖爆谷鮮奶咖啡$34

位於筲箕灣道樓上Hair Salon內，唔搵都唔知，原來呢度有一間咖啡店，約有3x個位，有嘢食、有嘢飲、有書、有board game，係一個唔錯嘅消閒之地。冰搖青瓜咖啡 ($38) - 濃郁青瓜味，可惜太甜，首次見到呢個配搭，都幾得意！如果怕甜，建議要走甜或少甜栗子鮮奶咖啡 ($34) - 微微栗子味，都係偏甜，如果怕甜，建議要走甜或少甜焦糖鮮奶咖啡 ($34) - 正常焦糖味，甜度正常，配埋塊曲奇餅就啱啱好隨熱咖啡附上的提子曲奇餅，好香牛油味。見到唔少人都有叫佢哋個窩夫，如果唔係已食飽咗，一定會試下，下次吧～特別一提，呢度係顧客自助服務的，先到櫃枱落單及付款，會有個數字牌，店員會送餐，但用餐完畢後，需自行將食具、杯碟放回近門口的餐車上。

朋友成日過黎食話都不錯，今次專程由荃灣過來試試，去到裝潢都吾錯，原來是社企餐廳，食物選擇都不少，今次叫了意粉，窩夫和飲品作午餐。朋友叫的咖啡味道正常，冇咩特別，吾太差，我叫的綠茶latte 茶味可以再濃點，鮮奶味真係好香，整體都可以。食物就來到，帶子意粉，意粉份量都可以但口感和味道比較普通，炒得吾夠香和用普通蕃茄醬整成，幸好帶子都煎得吾錯。甜品窩夫來到見到都不錯，沒有失望，窩夫整得做得幾好，外脆內軟身，不過用的是蜜糖，如果用楓糖就更香，但都好食過出面的餐廳甜品。