上品火鍋料理 (已結業)

約了老友，得兩個人到火鍋店。我們叫了冬瓜豬骨瑤柱湯底，西班牙黑豚肉和頂級手切鮮牛，一路吃一路慢慢吹水。這間店的食物質素仲保持水準。冬瓜豬骨瑤柱湯底好足料。湯夠又夠鮮味。未開始放肉，先喝兩碗豬牛一齊上等我黎介紹西班牙黑豚肉，好煙軔。，頂級手切鮮牛，入口鬆軟。好新鮮，吃到舔舔舌。兩條友快快吃完埋單，仲有7折優惠，邊樹搵到

環境清潔，員工服務殷勤，地方闊落舒適，洗手間大而淸潔，火煱選擇多，但味道咸咗小小，下次去的話早小小到，8點半前結算有8拆，不包括海鮮，海鮮選擇多，吃到尾增送新鮮芒果布丁😋

今日比較難得，終於可以大半日同朋友一齊去行下街，食下飯。出左泥社會真係冇咩時間可以夾得到一齊出，不過今日行完街出泥都開始涼。唔知係唔係因為呢排有小小落雨，搞到天氣都開始涼呢。　　我地原本係旺角行街既，不過旺角有人話食到厭，甘不如去九龍城到，睇下小泰國有冇新野食麻。入到九龍城反而小左泰國餐廳，多左唔少火鍋店。間間都擺個大魚缸係出面，搞到我地得兩個人都想入去烚下烚下。　　不過未入過去散叫既火鍋店，所以都唔知入邊間好。(同埋次次入九龍城都係食泰國野麻) 行前幾步望到之前OPENRICE上過榜既上品。甘係唔知邊間係伏個陣，都係搵間有信心既鋪入去食好啲。　　入到去，樓底寬敞，冷氣都夠晒大，因為我地兩個入到去都抖左一抖。哈哈。佢幾得意架啵，入面重有樓梯上去上層，唔知上面係唔係包廂呢。　　我地坐低左一陣，上左OPENRICE做陣功課，叫左芝士蝦丸拼墨魚滑，櫻花肥牛，手打豬肉丸拼山根，重有唔可以唔叫既即炸嚮鈴。湯底本身想食個花膠竹絲雞既，不過可惜冇丫，如果唔係都想飲下養顏既湯水麻。 　　不過錯有錯著。後面會提及到。　　甘我地Order左有職員上左個配料盆上泥，有沙茶醬，重有瑤咩醬，正常野都會有既。不過

椰子花蛤蟹鍋我一黎到忍唔住飲左幾碗 好鮮甜既椰子味 好正飲完再落蜆同蟹 滾一陣已經又可以飲湯同食肉 好好味手釀芝心鮮蟹鉗呢個個墨魚餃好彈牙 入面舊肉又勁大舊 真係啖啖肉珊瑚蚌 呢個真係好大塊 平時都係細細舊 呢個係一塊都等於平時食既兩至三舊 又新鮮 好味蚧子包心丸 呢個都似係佢自己整 好特別 佢入面既料又夠多鮑汁螺片 墨魚釀蓮藕夾個蓮藕真係一流 佢中間用墨魚夾住 完全係好食 有口感 比平時更特別既食法 食晒咁多野仲可以再飲湯 真係不得了

同朋友一齊去慶祝生日，喺九龍城食到一間非常好味嘅火鍋店。夜晚九點半後入場仲會有折扣！個椰子雞湯底非常足料入味，材料新鮮。值得推介嘅係佢嘅炸魚皮係即叫即炸！店舖侍應服務態度一流，食得好舒服！抵讚

啲人成日話打邊爐梗係牛肉最緊要不過近幾年食親打邊爐越來越多人注重個湯底今晚食呢家餐廳都係一樣佢湯底嘅選擇簡直仲多個鴻福堂裏邊嘅湯品係我呢個選擇困難症嘅朋友底下選擇左成十分鐘都諗唔到邊個湯底比較好好彩侍應見到呢個情況底下就過嚟俾足我哋好多意見佢話呢排天氣開始涼涼地就梗係叫翻個杏汁豬肺湯去補下身而且佢講到明佢哋嘅湯底係真材實料完全唔係用味精溝成的聽到去講到咁我哋最後聽他選擇左：杏汁豬肺湯底去打邊爐湯底滾起左之後我就拎左一碗嚟飲下果然湯底係非常足料唔單止用上雞件裏邊嘅豬肺都非常之多果然唔係呃人之後叫左一個牛肉拼盤開頭以為呢個拼盤都係每一款得少少份量但係估唔到佢係每一款都比得好多三百零蚊有呢個拼盤簡直係超值而且牛肉質地都好好我最鍾意就係入面嗰件牛柳粒肉味濃郁之余唔會硬到咬唔落口之後叫左刺身拼盤入面有三文魚帶子同甜蝦而且仲有新鮮鮑魚同埋象拔蚌刺身鮑魚每一隻都大大隻食落口先甜無比象拔蚌就爽口彈牙呢一種新鮮嘅刺身真係唔可以呃人果然一分錢一分貨象拔蚌簡直係好食到震之後叫左一個小食就係青瓜伴海蜇頭雖然聽落好似好簡單次係現成貨但係我有真係未食過呢種咁嘅質地嘅海蜇頭可能佢哋唔係用化學品去浸透呢個海蜇因為出邊

放工特登去九龍城覓食行經上品火鍋料理，裝修好靚，舒服得黎好豪華，哈哈！最後就同朋友決定係上品恰下恰下啦！環境舒適，好岩gathering呀！湯底揀左潮式咸菜豬肚湯，湯底清甜開胃，好入味！餸方面點左肥牛，魚皮餃，金菇，牛柏葉，生根，蟹棒同烏冬。食材生鮮，份量岩岩好！上碟的造形好decent~特別值得推介係肥牛！同街外一般的肥牛與眾不同，非常鮮嫩，肉同雪花的比列恰到好處，食落好滿足！驚喜位係有熟食供應的！最後點左辣酒海螺，辣度中等，海螺粒粒足料，肉質鮮甜彈牙！總體黎講都上品火鍋料理值得鍾意邊打邊爐邊gathering的人一試呀！

第一次去呢間餐廳打邊爐，環境安靜，好適合同朋友一齊傾計。我地叫左鹹菜豬肚鍋，湯味濃郁，裡面仲有好多豬肚，令湯味更濃不得不提係呢個肥牛，雖然價錢偏貴，但肉質鮮嫩，入口即融，偶爾食一下都係唔錯既選擇。我地叫左個抵炒螺，每隻螺肉都好肥美，配上啲醬汁一流！最後仲有個桂花糕甜品,味道清新一流👍🏻仲可以解一解火鍋既油膩感！總括黎講，呢間火鍋店環境安靜，想同朋友閒聊又可以打邊爐既話值得一試。

經過今晚之後發覺去火鍋店其實唔一定要食打邊爐的因為今日去到打邊爐除咗叫平時食嗰啲火鍋料之外見到佢哋有好特別嘅熟食貪新鮮嘅我就點左幾款熟食第一款好特別嘅就係脆皮牛腩點解佢可以成為脆皮呢原來就係先將牛腩炆好在上面想一層脆漿然後放落去炸估唔到用上了炸嘅牛腩個一種外脆內軟嘅感覺又幾特別之後叫左鹹蛋黃鮮魷用牛油炒香左嘅鹹蛋黃果一種濃郁到震嘅味道再配合埋新鮮魷魚圈食落口真係不得不說一句膽固醇萬歲之後一款小食花雕醉雞呢款花雕醉雞非常之入味而且花雕底夠晒味而又唔會苦而且雞件嘅肉質都好嫩滑雞皮就保持彈牙不過食完呢個花雕醉雞之後千祈唔好就咁比店員收咗佢因為呢個花雕㡳用來點牛肉食係完完全全將牛肉味昇華再昇華由細到大牛肉通常都淨係點豉油但係花雕雞剩低嘅花雕酒估唔到用來點牛肉都係好鬼夾嘅之後叫左一樣fusion火鍋小食就係一款灌湯茄蓉包佢就好似用上灌湯餃嘅方法製作一款包點但係就放落湯底入面到煮但係記得要小心留意個包因為一放落水入面就要小心佢穿因為一穿左入面嘅餡流晒出嚟就已經食唔到個包點了入面個餡就係好特別因為你以為咬落去係中式嘅餡料但食落口原來係完完全全一個西式湯料嘅包呢一種mix&match又真係幾特別

天氣開始涼... 邊爐癮起..趁萬聖節就帶母親同朋友去九龍城打個邊爐慶祝一下未上湯底之前.. 我地叫左個刺食象拔蚌三文魚剌身三文魚 塊塊都係厚切象拔蚌非常鮮甜 一流好快比我地清哂好喇... 主角到喇..椰子花甲蟹鍋因為避免花甲同蟹煮得太耐而老所以呢2樣係另上..一打個開蓋 陣陣椰子既香味飛樸到我地鼻入面香到呢~~ 而裏面有紅蘿蔔同粟米等水滾, 我地都一齊試啖湯, 大家都覺得好香好清甜花甲蟹肉亦好鮮甜櫻花牛刺身呢個係生食的, 我就覺得生食味道一般食唔到有牛味反而烚一烚佢黎食味道就好出而肉質亦好滑蟹粉墨魚丸呢個驚喜..墨丸肉質結實咬落去蟹粉汁'BI'出黎蟹粉汁味道濃郁... 正呀~珊瑚蚌併貴妃蚌又係是非常新鮮3個人埋單1200 蚊~~為我地既萬聖節畫上一個完美句號

辣酒煮花螺就食得多不過去到用在辣酒花螺（大辣）做湯底去打邊爐今日真係第一次試一上台個湯底紅卜卜顏色非常之搶眼而且嗰種先聲奪人嘅辣味撲鼻而來估唔到叫咗呢個湯底之後就已經有一種可以即食嘅海鮮了一放落口嗰種令人開胃都打冷震嘅辣味已經充斥着成個口而且個花螺個鮮甜味唔會俾呢種霸道嘅辣味蓋着而且花螺剛剛好熟所以仲係非常爽口如果唔係多得個店員提醒恐怕花螺煲煲下都變成湯渣已經變得好硬了本來淨係想叫一種本地新鮮肥牛但係又想食其他牛肉正當係我諗緊之際竟然俾我發現有上品牛肉拼盤個拼盤入面唔單止有本地肥牛肉仲有牛柳粒仲有牛肋條牛胸油仲有金錢展我就最鍾意食佢個金錢展因為唔單止肉味好重之外仲更加有少少咬口而且肥膏又唔多之後再叫左個雙拼就係西班牙黑豚肉同埋珊瑚蚌西班牙黑豚肉有一層薄薄嘅豬油但係呢一層豬油就真係不得了因為豬肉嘅香味完完全全來自呢一層薄薄嘅油脂好食到不得了而且珊瑚蚌好爽口有時唔小心淥耐左呢種珊瑚蚌都唔會縮晒水而且呢個花螺湯底同海鮮都好襯小小嘅辣味完全可以調起晒海鮮嘅鮮甜味

打邊爐係有舖癮架，今日又同fd子去打邊爐，今次就試左呢間上品，味道不錯！首先，咸菜豬肚湯底都幾特別，一上鍋，可以飲下d湯先，湯底煮得好濃郁，呈奶白色，而且好足料，除左有吾少份量嘅豬肚之外，仲有好多雜菌，齋係湯底都忍吾住要不停飲🙈打邊爐點可以吾叫肥牛，呢碟肥牛脂肪同肉分佈平均，睇賣相都覺得吸引！食落充滿牛香，肉質嫩滑，吾會鞋烚烚👍🏻蟹柳同魚皮餃就同其他火鍋舖差不多，冇咩特別吾同。辣酒煮螺非常好食！調味剛剛好，吾會太辣😂醬汁完全滲曬入螺肉度，螺肉夜好肥美，鮮甜有咬口👍🏻下面仲煮左d粉絲，索曬d汁，好惹味！食完，店員仲送上一人一份小點心，係杞子桂花糕，味道清香！鮮榨西瓜汁都吾錯，真係飲到沙沙嘅西瓜蓉，吾似出面d死甜果汁。

呢排天氣開始轉涼, 又係打邊爐既好日子。 打邊爐除左爐要夠猛先之外， 湯底同埋其他食材都一樣不能少。今晚去咗位於九龍城嘅《上品火鍋料理》。聽朋友介紹呢間打邊爐每樣食物都唔錯， 趁住天氣涼番啲，一於去試下。店舖分開上下層， 有四人座，亦有十人嘅圓枱。 店舖嘅裝新淨， 以黑紅色為主題。係打邊爐之前，叫咗個咸蛋王鮮魷佐吓酒， 金黃色嘅鹹蛋漿包裹住彈牙嘅鮮魷， 外層金香鬆脆， 鹹蛋王味突出， 為今餐打邊爐宴打開序幕。打邊爐又點少得鮮嫩嘅肥牛？ 上品有個一定要推介嘅食物就係極品牛肉拼盤。 呢個牛肉拼盤有成六種牛咁多。 當中包括平時較為少見嘅牛胸尖，邊爪位同金錢展。 牛胸尖屬於半肥瘦， 食落油脂較重亦較為爽身。 邊爪位牛味就較濃郁。 至於金錢展食落就最嫩滑。至於炸魚皮同炸響鈴， 兩者都非常出色。 魚皮好脆口， 放落湯到幾秒之後食， 即可以吸收湯嘅精華， 亦不失脆度， 食落卜卜聲。至於炸響鈴， 炸得非常之鬆化， 點埋特製嘅甜酸汁， 酸酸甜甜，令人覺得非常之開胃。推薦流沙汁釀墨魚丸， 墨魚丸爽口彈牙， 一邊釀入蛋黃流沙汁， 一咬落口就即刻爆漿， 兩者味道非常匹配。珍珠蠔亦不錯， 雖然睇落細細隻，個淥完

次次食親麻辣湯底食完之後唔單止好口渴而且果陣麻辣味道通常都蓋過晒食物嘅鮮味有陣時直情食牛肉又係嗰陣味食豬肉又係嗰浸味最慘係連食海鮮都冇晒嗰種原有嘅鮮甜味所以有次食到一啲唔新鮮嘅海鮮都唔知道不過人就係犯賤嘅偏偏辣辣地嘅口味就好吸引人去食所以今晚我就冇再揀麻辣湯底反而揀咗呢種日式花螺湯底呢個湯底唔會好似四川麻辣湯底咁一食入口就將個味雷麻痹晒而且個湯底飲落會有少少偏甜嘅口味所以唔會遮住曬食物原有嘅鮮味而呢種日式偏甜嘅口味仲更加可以帶出食物嘅味道其他食物方面就叫咗自家製墨魚滑好多時其他餐廳嘅墨魚滑都已經預先弄成了丸子狀而呢度就係成個份量咁樣上咁樣客人就可以自己調校自己想食嘅大細粒度啱晒我呢啲勁鍾意食超大粒墨魚丸嘅人另外都叫咗芝士蝦丸爽滑嘅蝦丸一咬開入面香濃嘅芝士就標出來而呢度嘅芝士比其他餐廳嘅芝士更加香濃再在索埋湯底嗰種少少嘅辣味令到個蝦丸更加好食之後叫左豬頸肉呢度嘅豬頸肉大大件一淥熟之後爽滑無比呢個八花釀qq豆就十分之特別下面係用豆角差成一個迷你雀巢形狀入面就讓滿了墨魚膠兩樣配合起嚟十分特別都幾有心思

一向打邊爐都係注重食材 再去決定湯底而湯底一般都離唔開麻辣，沙嗲，醉雞，清湯但今日同朋友出黎食左個椰子花蛤蟹鍋真係難忘本來朋友想叫呢個鍋 但我認為蟹落鍋煮完無乜味 而花蛤烚得耐又鞋所以我揀另一個叫花膠雞鍋 可惜sold out..Okay..咁要番椰子鍋。開始係有各調味料可以自選不過食到最後我發現我碟混醬無點郁過..由於無茶水供應, 所以叫左jar竹庶茅根比較甜，好老實又係打到最後先發現杯野無乜點飲過..之後黎左個椰子鍋, 裏面有秀珍菇/紅蘿蔔/粟米原來蜆同蟹都係分開上 仲要有冰底店員介紹話係避免落鍋太耐會老, 所以分開上(即係話我一開始嘅顧慮已經破解左)突然水滾, 揭蓋一刻嘅椰子香味成為焦點未試過打邊爐打到因為個湯底叫左出黎「好香呀！」三個人急不及待飲番一啖湯, 好甜好香好正試下個櫻花刺身牛先賣相攞晒分生食會感覺到一件嫩滑嘅肉係口腔而熱食肉味肉汁更出, 更有質感象拔蚌三文魚剌身厚切三文魚 - 口感倍增，魚油味香象拔蚌 - 好厚肉，好鮮甜双蚌珊瑚蚌 非常好𡁻口，爽爽聲，蚌味出貴妃蚌 爽滑，爽口蟹粉墨魚丸好重膠質 好實淨。但真係要小心燙口因為我咬三次 三次都比裏面嘅蟹粉汁辣到蟹粉味濃，又