上樓 (已結業)

o黎上樓食飯都成十幾次,話佢\味道頂級就唔算,不過以九點後折左o既價錢又真係幾抵食o既~ 雖然o岩o岩今次去半價o既點心似乎少左,有d變左七折,但好似正價又平左d,點都好啦,都叫抵o既~小籠包: 味道幾好,裏面有湯又夠薄皮,可惜薄得滯好易穿生煎包: 呢個係最愛,雖然似乎冇o岩o岩開o個陣咁好食,但出面脆入面軟重有湯,抵食...雞絲粉皮: 係有一次食過冇汁麻麻地,今次食就好多麻醬,好食!担担麵: 叫左個唔辣o既,d味淡左d,個麵d口感都算唔錯.之前試過呢度d甜品似乎唔係好得,所以都係寧願出去再食囉~

係呢樹已經食過三次,呢樹真係幾好食,次次都食到要take away,因為份量真係好大,而我哋每次都係九點後食,皆因有折呢!!!小籠飽~~不過不失醬爆蝦~~呢過真係唔係好得,個菜名好似係熱,原來係凍食,所以唔係我杯茶!!招牌炒飯(好似係呢個名)~~好味道呀,用蛋黃炒,好香^^炸春卷~~比起出面冇甘油,唔錯力高豆沙~~我冇食到,但honey話好味,好正,一次食晒..勁呀!!呢樹服務都幾好,但要等好耐位,特別係九點後,因為有折呀!!

之前過一次覺得ok，特登帶媽媽試，三個人叫︰雞絲粉皮- 個麻醬好味"算"泥白肉- 好少肉，個底係青瓜&粉皮，而且冇乜"算"蘿蔔絲酥- 好味生煎包- 上次覺得幾好味，今次差好遠，細個好多而且個包勁"立"，完全唔掂...砂鍋雲吞雞- 完全冇味，好似飲水咁，雲吞又唔好味，食過幾間0既砂鍋雲吞雞哩間最差，唔怪得$70一鍋（平時食成百蚊嘛）上次人參烏龍幾好飲，點知今次話冇貨，惟有要碧螺春，一都唔好飲...飲茶已經失望，食埋就仲失望，以後唔會再去...

宵夜時段..我地一行4人(盲人JOE, SEXY,LULU 同我)…食左…14個…大食到...我自己到有D怕怕我地食左頭盤:五香牛肉, 油爆蝦, 油炆筍, 鎮江肴肉, 醉雞熱熏:南翔小籠包, 蟹粉小籠包, 塞磅蟹, 青菜煨麵, 炸銀絲卷, 沙窩雲吞雞甜品:豆沙窩餅, 高力豆沙, 擂沙湯丸每人都係食左…$90我地覺得好好味...又無加一, 又唔收茶錢..一定會再去...

與家人一起7時晚膳，首次嘗試此食肆，裝修很有格調，但枱與枱之間稍迫。整晚不知是否人手不足，伙計永遠都是很忙無暇招呼，有些因太忙而表現得不耐煩，嚇得一時不敢問她取碗仔或再點菜。另外，又不知是否想我們快些吃完趕給9時宵夜的客人，伙計總是匆匆忙忙問吃完沒有要收碟。我們點了菜式如下：1. 小籠包(皮靚多汁唔穿，值得推介)2. 冷盤：燻魚、花雕醉雞(兩樣均入味)3. 油炆冬筍(我個人不太喜好)4. 酸辣湯(自己加多少少醋會好些，味道一般)5. 紅燒小元碲(味道不錯)6. 回鍋肉炒年榚(非常入味，值得一試)7. 松子炸鮭魚(味道不錯)8. 雪菜肉絲麵(味道不錯)9. 火腿扒津白(味道不錯)10. 甜品：高力豆沙(OK)、豆沙鍋餅(一般)、雷沙湯丸(OK)、桂花酒釀丸子(雖較少酒味，但很香桂花味，十分清甜) 其實食物質素不錯，價錢不收加一茶芥又抵很多，若果能改善好服務質素，才能留住食客的心。

星期六晚上7:30時都預度度都要等位...上到上樓真係估唔到咁多人. 我地好彩2個人等左20分鐘就有位坐. 不過坐得一d都唔舒服好迫. 2個人叫左一客小龍包- 多汁皮薄最正; 雞絲粉皮- 好多花生醬我就喜歡食啦.糖醋小排骨- 嘩原來係冷盤凍冰冰最唔好食此碟...最後叫左碗擔擔面- 面質彈牙好味..個湯底唔錯.一碗酸辣湯- 傻鬼欣賞我就麻麻...我縑唔夠酸及辣只可惜係環境真係太迫啦, 人手亦不足服務就更係麻麻

無為意荷里活廣場上面開左幾間食店, 今次同朋友黎左呢間試食上海野, 9點黎到見門口好多人等位, 但好快就到位, 安排左卡位比我地, 都幾舒服不過好嘈囉~小籠包- 皮薄餡夠鮮, 湯都幾多, 味道唔錯蒜蓉時蔬- 有大約8種時蔬選(同價), 我地選西蘭花, 蒜蓉岩岩好, 不過略微多油砂窩雲吞雞- 湯底好重味精, 份量較少得6粒雲吞1隻雞比, 雲吞皮厚味道差, 雞夠淋ok啦埋單覺得咁平每人唔洗$50, 先知原來9點得有宵夜特價, 非常抵食~

「上樓」裝有大量水晶燈, 驟眼看似平易近人版本的「夜上海」. 食物方面不寄厚望, 反而有驚喜！驚喜一, 是價錢.幾廿蚊一個菜好正常, 但「上樓」九時後廚部七折, 冷盤、點心五折, 例如：醉雞$50, 半價後$25; 素鵝$40, 半價後$20; 拌海蜇$35, 半價後$17.5; 小籠包$36 半打, 半價後$18 半打......簡直是便宜得過分！我lunch time 食果個大家樂菜飯都要$25 啦！驚喜二, 是食物.原本以為好似潮樓咁, 菜式個樣就十分, 味道就五、六分, 時高時低. 但「上樓」食物質素及樣子都有平均八、九分, 小籠包是「翡翠」質素, 唔穿皮、有汁爆,醉雞雖不夠小南國中環店咁滑, 但分量大小一樣, 花雕香味十足, 原來師傅是上海人, 刻意把上海菜修改成少d 油、少d 鹽, 冇三六九咁濃味, 又冇正隆咁淡, 比好多上海菜細舖做得好, 我甚至覺得佢好食過「夜上海」添.驚喜三, 是分量.特價時段, 有時會做細個portion size, 將貨就價.「上樓」的portion size 卻是四至六人份, 建議點冷盤時分兩round, 否則就好似我同老公咁, 食剩四分一, 又

食過上樓3次..頭兩次都好滿意..但係琴日果次就失望左d喇~~第一次經朋友介紹話抵食所以一試..d野ok..大致上都好滿意,but火腿津白好唔掂..津白淋到爛哂~~蟹粉小籠包一般,feel唔到係蟹粉lor~~最後兩個人食左二百幾..人地請..無睇單(但係同朋友講番佢話一定唔會咁貴wor)第二次食好滿意..雲吞雞好大鍋(入面的確有一大塊雞)..小籠包多汁好味..豆沙鍋餅都好好味..回鍋肉一流(不過好多油)..唯一唔掂係上海粗炒..俾都唔會再食!!至於琴日果次..係好燥d service..叫我地no.話有位..帶我地入去行左個圈之後話未有位..等左陣又話有位喇..再入去行完一圈又話未有..(燥了!!)..最後帶我地過左"潮樓"坐(好唔鍾意lor)!!又冇一煲煲果d荼..冇service..埋單果陣發現冇比到discount我地..我問佢點解係正價o既..佢答:"你地係食宵夜特價果d ga?"..我地成10點幾先入坐..你話呢?!?! 之後改單足足等左15-20分鐘..我唔吹佢都冇人理我地!!今次真係食得激氣!!!

食左肴肉, 小籠飽, 生煎飽, 皮旦豆腐, 雪菜蝦仁煨麵小籠飽& 生煎飽都幾多汁, 小籠d 皮都幾薄, 如果要彈, 我會話佢個醋唔及其他.呢幾樣我會覺得個麵最好味, 其他ok la, 中等水準.

去朗豪坊睇完8:00走得都成10:00本來想去雅蘭南北和食宵夜點知basement裝修又想食上海菜咪去上樓囉去到成10:15都仲勁多人以為唔差啦,點知2個人叫咗1.小籠包(6個)皮幾薄吓,入面都幾多湯,而湯都ok鮮味.不過唔知點解,d小籠包有4隻痴埋咗,所以一夾就穿咗皮,流咗啲湯2.醉雞夠酒味,但雞完全係雪雞,仲係雪到肉到霉晒嘅雞3.油炆筍呢個唔錯,炆得幾夠味,啲筍又唔老4.涼伴海折一般啦,冇乜特別.5.上湯菜肉雲吞先講味道.幾清唔錯.但係個廚房有冇腦架.個湯得細半碗,完全浸唔過啲雲吞.啲雲吞咪乾爭爭囉.唉~完全冇cooking sense6.上海粗炒成碟嘢肉絲都冇多條仲不特止,仲乾爭爭咁.究竟個廚識唔識整上海粗炒架.正宗上海粗炒要夠油先好食,你竟然整到變乾撈粗麵咁.另外,都想問問佢哋個廚房,究竟知唔知乜嘢係豆板醬?唔該唔好當我傻啦,求其攞碟飲茶時嘅辣椒醬就當係豆板醬7.糖醋小排骨買比媽咪食,未問過佢意見.Service仲唔掂.枱枱都有個火爐仔heat住啲tea,得我哋冇.咁咪問囉,成十世先拎個火爐仔嚟埋單又一絕嘅,個阿叔擔天望地.喂~我係客嚟架,又唔係白飲白食,唔駛咁呀另外,環境都幾

服務態度差，明明訂左位．．．但都要等成個鍾．．．問職員．．．．職員又話唔知幾時．．．．好快．．．只係搵藉口．．．絕冇確實答案．．．．．食物方面：食物太油膩．．．而且．．．上菜時餸菜已涼了．．．．．差差差．．．

真係唔係好掂book左8:30pm多人到爆等位地方又唔夠大同之前咁多位仁兄講既一樣好鬼嘈張枱o的客未起身要我地成十幾人o係度等waiter o的面口唔係太好囉o的野好細碟唔夠食亦都唔係特別好食個酒釀丸子好難食同中環董家菜o的酒釀丸子比完全唔係o個回事我自己都仲整得好食過佢唔掂係唔貴不過碟頭細唯一可取就係個烏龍蔘茶好甘~~同三免囉，免茶、芥、加一無必要唔會再食

早前聽朋友講過這間新派上海菜館，今次第一次去，環境OK，7:30pm已有很多人等位，好彩都係等左十零分鐘。因為好耐冇食過蟹粉小籠包，所以第一時間點了，之後還有雞絲粉皮、鍋貼、上海粗炒,甜點有豆沙鍋餅、雷沙湯圓，四個人吃不算太多。食物尚算OK，不過個蟹粉小籠包有點失望，實屬一般，反而上海粗炒唔錯，好食得黎油不太多。走的時候比之前更多人等位，早點去比較穩陣...

20 January 2006 (Fri) - 晚飯同兩個朋友黎食，係我話黎既，但係我都未黎過，其實都驚唔好味，不過入到去個感覺都ok，坐位又算舒服，不過就由於我哋係坐正門口嗰張枱，所以想坐耐啲都唔得，企喺度等緊位既朋友們好似勁怒’啤’我哋咁見我哋食完仲唔走．．真係有啲尷尬，但係其實我哋真係想搵撻地方係可以食完再坐耐啲傾吓偈．．．　不過我諗旺角區都好難可以搵到！我哋叫咗四樣嘢食：小籠包，蒜溶炒白菜，砂碢雲吞，上海粗炒！小籠包唔算差，包入面既汁都幾入味；蒜溶炒白菜好貴，我哋叫佢做’好貴既菜’，其實嗰度所有既菜都比較貴，全部都要over $70咁滯，所以好唔捨得叫，不過又冇理由冇菜架一餐飯入面！然後個砂碢雲吞好抵，有湯，有雲吞，有雞，有菜，都只係$70，呢個相信係全場最抵，湯亦非常入味，好味道！另外個上海粗炒只屬一般，不過不失！本來佢既環境(雖然較嘈)，食物都算不俗，可惜都最後埋單時，唔知係我哋心急想快啲走定係點，等咗好耐好耐(起碼15分鐘)都未找錢，我哋埋單係$214，我哋比咗$220，佢唔係諗住我會比$6蚊貼士佢呀？？我哋催完佢之後，佢至找比我哋時，我朋友一毫子都無比佢呀．．因為太過份