上海姥姥

营业中

休息中

小籠包肉幾淋，有好豐富嘅肉汁，整體調味唔錯，賽螃蟹啲蛋都整得好滑，配上醋食啱啱好，豆沙鍋餅都好足料，有好多紅豆餡，粗炒好夠鑊氣，而且配料好多，回鍋肉整體肉比菜多，都好足料，而且調味好濃味，最後醉雞都釀得好入味有酒嘅少少苦澀味

大年初一開餐無得出街食飯揀左上海外賣呀點左~九菜鮮肉鍋貼雖然凍左但都有肉汁係入面皮係厚既煎得幾香口~酸辣湯麵會分湯既味道可以呀唔會過酸材料都算多~涼拌小黃瓜(輕盈)佢D小食大部分都可以揀大份同細份啱晒兩三個人SHARE食又可以試多D款呀呢個青瓜其實OK係略嫌食到底個汁浸住青瓜好耐入晒味就酸左DD

農曆新年就到，但係睇嚟都無得出去食晚飯喇…不過唔緊要，有上海姥姥嘅新春外賣，一樣可以好似出去食一樣咁好味！先嚟嘅有七星涼菜拼盤，有雞絲粉皮、四喜烤麩、香辣貢菜、花雕醉雞、蘿蔔絲拌海蜇、糖心燻蛋同醉基圍蝦七款大人細路都啱食嘅涼菜，仲好有心咁用一個大盤裝晒，好有體面，特別要推介燻蛋，因為唔係好多地方有得食新年食豬手是常識吧！豬手寓意橫財就手，呢個「金沙黃金脆豬手」就啱晒喇！炸豬手配上秘製蛋黃醬配上脆豬手，表皮脆卜卜，豬手夠滑，阿女食到Lam Lam脷！另外加埋豬扒湯麵同雞絲粉皮呢啲必食之選，就算喺屋企，都可以食得滿足，過個豐衣足食嘅虎年

收工突然想食上海嘢就去咗食上海姥姥入到去最鍾意一定要叫小籠包，入邊嘅肉汁非常知多仲有一個黑醋排骨都超好食😋又濃郁嘅鎮江醋味道，食落非常之開胃，仲有一個粗炒亦都係上海出名嘅菜式，整體價錢又唔貴，同埋餐廳可以用手機用掃QR code order非常之方便！

食物質素一般，性價比低；員工態超級差，環境嘈雜，非常差的體驗，無下次。員工態度惡劣，完全沒有解決客人要求嘅意思，仲會積極建議客人離開。沙田仲有好多好好嘅餐廳選擇，建議直接 Skip 呢間。

呢間上海姥姥喺火車站上蓋，鄰近有好多間唔同嘅食肆，而呢間係咁多間之中人氣排長龍嘅餐廳。嗰度間間餐廳都係用緊㩒飛系統，所以都唔憂冇嘢食。🤤今次佢嘅時令菜式係蟹粉類別，嗌咗個銀絲卷、黃金蝦仁炒飯、蟹粉餃子拉麵，再追加炸排骨。今次有兩樣特別值得要提嘅，就係飯麵兩個主食。1. 黃金蝦仁炒飯我以為係簡單鑊氣炒飯，加少少蝦仁，同落咸蛋黃醬，點知食落去粒粒飯都重咸蛋黃碎，蝦仁仲要落得唔少，成碟飯食完都冇油膩感，好值得encore! 2. 蟹粉餃子拉麵我貪得意嗌咗呢個麵，點知食落去跟本就幾普通，餃子都算有少少蟹粉，色澤就有，但帶出嘅味道都尚算平庸。建議大家嚟可以試其他野。講句公度說話，小食又好、主食又好，其實上海姥姥選擇都幾多，但係唔好預啲野好大碟，試款式算🙈

連鎖店式上海菜館 坐位舒適 等位約十分鐘吧~凍盤豬腳凍 夠大件 豬皮包住好似果凍既骨膠原同肉粒 入口冰凍 加點醋食味道仲豐富小籠包夠大隻  小龍蝦小籠包係新口味黎既  皮薄多肉汁，咬開真係有龍蝦肉係入面煎餡包 咬開滿滿湯包 小籠包食法差不多~味道鮮甜多汁個兩面黃上面放滿蝦仁肉片炒既料,夾埋脆麵食,咸咸香香,口感又脆又豐富平均消費$300評分8/10沙田沙田車站圍1號Citylink 1樓101號舖

下午茶時間想食啲精緻點心，就入咗嚟呢間上海菜試下。我個人幾鐘意食芝麻醬手撕雞，所以就嗌咗輕盈size嘅雞撕粉皮。嚟到個陣有啲驚訝，因為都真係幾mini, 不過味道唔錯，花生味幾重，只係價錢上貴咗啲。點心就嗌咗蔥油餅同小龍蝦小籠包，蔥油餅外皮夠脆，芝麻配香蔥食落去好香口。至於小籠包賣相精緻，皮薄多肉汁，咬開真係有龍蝦肉係入面!最後仲未夠飽叫咗個牛肉炒麵配雲吞湯，食落有少少辣，炒麵都算中規中矩，個湯幾好飲，清得嚟又有味。下次嚟會再試其他點心。

原來佢地而家有午市套餐！ 🤩午市套餐（$88）有湯羮、主菜配菜飯同飲品。如果$78嗰個套餐就配麵食。1️⃣宋嫂魚羮都幾大碗，味道清淡帶點鮮味～2️⃣糖醋雞球見到都多人叫，望到啲顏色都被吸引，所以我地都叫左碟！糖醋汁開胃又好味，配雞球又冇骨，正！🤤3️⃣上海排骨朋友怕好肥好油膩，但另一朋友食過覺得可以，我地又叫黎試一試。食落唔油膩，排骨又唔會太肥。👍🏻4️⃣熱豆漿豆味濃郁，而且清甜清甜，唔會搶左豆味～😋

上海姥姥推出限定「尋味江南」餐牌有四款別具風味、高性價比嘅江南手工菜而且價錢親民我一於帶埋屋企人嚟試吓順便提早預祝父親節🧔🏻😁.四款全新江南菜式包括烹煮過程極為講究嘅：🔸滬上兩面黃（$88）上海蘇浙嘅經典傳統麵食， 製作過程十分講究，大廚先將白麵蒸熟後再過冷河，以慢火熗至表層酥脆，再淋上即叫即炒、 配以干貝、蝦、魚、豬、雞及冬菇等多款食材，口感非常豐富，愛香口嘅爸爸好喜歡！.🔸爆汁鮮蝦韭菜餡餅（$42/ 3 件）👍🏻餡餅由師傅即叫即做，以鮮蝦和韭菜做餡料，再香煎至金黃色，皮金酥脆，一咬爆汁！韮菜好香，好好味😋！.🔸家傳老上海粗湯麵（$66）👍🏻以老雞豬骨煮成濃湯，再將肉絲、冬菇絲、椰菜絲及上海粗麵烤煮至入味，粗麵非常掛湯，味道濃郁，而麵唔會太淋，保持到彈牙口感，好食！.🔸鮮肉小龍蝦小籠包（$48/ 4 件）金黃色嘅小籠包非常吸晴，師傅即叫即做，餡料係手剝小龍蝦、鮮肉，皮薄餡鮮，一咬落去湯汁滿瀉！.✅上海姥姥最晌康怡廣場開設全新分店，由5 月 24 日起推出康怡分店限定的外賣粢飯早餐，由師傅現場即點即包，另外，亦設有其他手工製點心早餐，例如菜肉雲吞、蒸素菜包及鮮肉蝦鍋貼等，住附近嘅朋友一

上海粗炒$76不是即炒的涼的,退了；滬上兩面黃不脆而且有點韌,醬汁太多又得個咸字,肉無味；鎮江肴肉硬爽的不好食；素菜餃也不好吃…兩人$270卻沒有一樣好吃點解咁多人食,仲好似好滿意咁？真係好唔明呀!大家真的咁無要求嗎？

星期五經過見到啱啱先晚市裏面已經坐滿9成，又有師傅喺度即叫即整，好似好新鮮；原來最近加咗新餐牌，主題係「尋味江南」，價錢唔貴，所以今晚重點試新野🔸滬上兩面黃香脆白麵上淋上以海鮮、豬、雞及冬菇嘅肉汁精華，大人細路都咁鐘意🔸 鮮肉小龍蝦小籠包師傅即叫即做，外皮薄嫩，肉汁有微微香辣非常鮮味，$48有4件，抵食！🔸 爆汁鮮蝦韭菜餡餅名副其實入口爆汁，外皮香而脆，裏面好嫩口，好正～🔸 鎮江黑醋骨煮得酸甜比例啱啱好，係我食過最好味嘅😋🔸水煮魚片十分足料，成碗紅卜卜，有花椒粒、四川辣椒粉同乾紅辣椒🌶️等等，聽到都覺得辣，老公好欣賞自己一個食晒成碗😂重有家傳老上海粗湯麵同香煎素鵝 都好好味；最後食埋即叫即炸嘅豆沙鍋餅 做甜品，為完美嘅晚餐畫上句號；下次一於帶埋阿爸阿媽再嚟食♥️

2021.04.05 上海姥姥經外賣app嗌外賣。小龍包都仲係熱既，皮厚身，正常。蒜蓉炒油麥菜，幾fresh,炒得幾香。炒年糕，煙銀，好味。炒飯撈埋d炒蛋，算係全晚最好食既。鍋貼同粗炒我冇試到。

每逢禮拜日沙田都真係多人到🙈今日同屋企人諗住去飲茶但實在太多人，完全冇耐性等位🤣所以轉場去咗附近連城廣場嘅上海姥姥。去到上海路路一樣係要等位，三個人等左三四個字左右啦。一坐低發現依家好多都係自助手機點餐落單，都有好處嘅，唔使成日等店員過嚟！輕盈四喜烤麩（輕盈）- 一心都係諗住當前菜咁食，夠晒入味， 而且非常開胃， 重點真係好輕盈🤣🤣🤣🤣🤣鮮蝦炸雲吞-配合甜酸醬，酸味味，個人就非常鍾意，而且雲吞新鮮炸起❤️超脆口，而且好足料。爆汁鮮肉鍋貼-味道一般，而且鍋貼底唔夠脆，煎既時間仲未夠，如果香口啲就好喇！招牌小籠包-招牌菜果然係比較出色，上枱熱辣辣，一入口勁多精華😋👍🏻值得一讚。姥姥家鄉粗炒- 老老實實，賣相比喺出邊食嘅粗炒深色好多，如果淺色返少少買相會靚啲，味道就不過不失，粗炒黎講唔算係好出色最後因為唔夠飽，加多左個擔擔麵，有點失望，湯底味道真係有啲遜色，有啲唔足料嘅感覺。

放工同同事食上海野，個份擔擔拉麵，其實都超清淡，湯底無味精，最岩食完中藥既我食，小龍包當然唔及上海地道，擂沙湯圓都普普通通。但環境係卡位，坐得算舒服😌路過可以一試