上海榮華川菜館

营业中

休息中

今次我食左佢個二人套餐$258八寶茶🍵 。 佢個材料好足㗎有紅棗、菊花🌼、杞子、 蜜棗 、 果皮等等.... 。 店主話一杯可以冲兩次飲 ， 所以你飲完之後可以叫佢比熱水你 。佢個裝修個地板成個環境都好有6十幾7十年代黑社會講數feel 😹🤣😂 令我諗起港產片 。咸肉豆腐湯🐷 。 成個湯唔洗落雞粉唔洗落鹽都好夠味 。鎮江肴肉🐷 $58。 好似啫喱咁跟住又一啖一件 。衣個就另外正價叫既 。 姐係二人餐果度冇得叫既 。韭黃鱔糊 。好抵食好大碟 。 😋😋個汁好入味送飯一流 。香港畫家畫衣間鋪 。 都畫得幾靚 。 大家 follow 下啦 。糖醋魚塊 🐟。 佢有個糖醋排骨㗎但係我果日唔想食有骨嘅嘢所以揀咗魚 。 個魚好似咁洗咬咁 😂🤣😹 。 一把年紀或者個口好攰就食衣樣啦 。衣個係佢既其他野食 。

小店好有香港情懷，原來已經開左接近50年，淨係睇門面就已經感受到歲月嘅歷練。酸辣湯，個湯都幾大碗，兩個人都飲咗好幾碗。夠酸夠辣，入面有木耳、豆腐，幾開胃🙌🏻糖醋排骨，好熱辣辣，佢地用左無骨排骨肉，所以食落去唔會咬到骨，做法同傳統嘅醬料有啲唔同，冇落咁多醋但係又有酸酸甜甜嘅味道。招牌回鍋肉，選用肥肉片配椰菜同椒絲爆香，又脆又嫩，個汁好好味，用嚟送飯一流。推薦佢哋個八寶茶，好足料之餘飲落甜甜地，解渴又好飲❤️

觀塘呢間唔顯眼嘅上海菜館食物質素有驚喜! 裝修風格帶香港地道懷舊風味, 入到去先知原來曾經獲得米芝蓮推介呢!我就外賣咗【二人套餐】, 可以揀一款湯, 兩款小菜, 另外會配兩碗白飯。小菜選擇好多, 有5款湯羹供選擇。《花雕醉雞》呢個好食, 要推介👍🏻! 醉雞好入味, 酒味好香, 又夠濃, 雞肉肉質嫩《獅子頭》肉質軟腍, 配埋香濃嘅醬汁, 送飯好正! 《雲吞雞》個湯拎到返屋企仲係熱辣辣! 裏面有雞、雲吞、小棠菜, 份量十足! 個湯調味剛好, 清甜又好喝, 雞腿大大舊, 雲吞大大粒, 粒粒飽滿, 皮薄餡多~

今日又來到盡孝嘅日子啦，得閒梗係要帶屋企人食好嘢㗎啦，榮獲米芝蓮上海榮華川菜館，位於觀塘崇仁街，今日帶咗爸爸媽媽嚟食個三人餐，坐落去環境舒適，舊式餐廳風格，老闆仲好好人😍可以揀三餸一湯😋😋或者兩餸一湯一小點，仲送埋三個白飯同八寶茶，都係三百零蚊😛超級抵🥰我哋就揀咗招牌菜花雕醉雞，花雕味香濃，浸透整個雞，香滑美味，食過反尋味😍，另外我哋重點左另一道招牌菜奶油津白🥰，奶油配上菜，每一條都充滿着奶油，入口即溶，簡直是舌尖上的享受，最後就係糖醋排骨，軟硬啱啱好，唔會太淋太脆！十分推介🥰🥰🥰喺湯方便我哋就揀咗青菜豆腐湯，適合老人家或者鍾意健康嘅你的健康之選😙😙😙好嘢梗係要擺喺最後就係八寶茶啦😍😍超級推介呢個百寶查，混入左八種嘅食材，大家記得去探究下啦！😍😊整體上舒適放鬆，適合一家大細，我哋去食嗰陣仲有時間可以俾我哋傾吓計，唔使趕住走，推介大家可以試吓😍😍

古色古香既上海菜榮華川菜館，餐館保留了傳統風味🕺🏻上海菜，唔少得既當然係雲吞雞🐥今日我自己一個人挑戰2人餐🫵🏻🫵🏻奶油津白超級多奶油 ，再加上金華粒火腿，令到每條津白都沾上了奶油🧈🫵🏻雲吞雞四隻大大件嘅雞，再加上六隻大大粒雲吞，雲吞入邊有原隻鮮蝦配搭少少嘅蔬菜🥬再加上成煲湯，唔會邊飲水邊飲湯，真材實料，無添加味精😋我自己一個都已經飲哂了😂🫵🏻口水雞麻麻辣辣，極之開胃，口水雞嘅份量已經足夠兩個人食用🙌🏻雞肉嫩滑🐥而且10分入味，啲麻辣味道慢慢深入喉嚨😋自己一個人都可以食到兩碗白飯🍚🫵🏻八寶茶可以消除油膩感之餘，仲可以下火🍵🍵焗一陣先飲，甘甘甜甜嘅味道更加特岀👍

好耐冇食上海野啦🥲好彩仲有呢間係黃😆呢間懷舊小店原來開係裕民坊附近~座位唔算多 勝在價錢平民 人均百幾蚊都可以試到唔同既野~✨小籠包 $48一籠有四隻~ 雖然唔算好多汁 但皮夠薄 熱辣辣 倒啲醋入去超正🤤🤤✨二人套餐 (湯一款+小菜兩款) $258我同男朋友揀左花雕醉雞 九王鱔糊 (+$38) 雲吞雞 (+$40) 套餐仲包左兩盅八寶茶同兩個飯~ 醉雞好入味!!好重酒香☺️鱔糊啱哂餸飯 鱔都夠爽口 其實真係好抵食 成個餐咁多野 雲吞雞份量十足🙈我個日lunch打完邊爐 夜晚已經唔算食得多 鍋雞我淨係食左一件餃子同雞 我男朋友食哂淨低個啲然後話ok飽😐飲埋八寶茶好滿足😆

大家好！今日又係我銅鑼灣食神微服出巡嘅時候，今日好開心收到米芝蓮嘅邀請寫食評，出發尋找穩世食店，今次嚟到觀塘崇仁街，這間榮華川菜館。睇開我食評嘅都知道，我要講吓四周圍環境先，如果地鐵站行上嚟到金金地，當做下運動啦，如果揸車嚟，街王冇問題，小心抄牌。講返啲餐先，佢呢個套餐二人餐，二百零蚊，都好抵食。睇開我食評我其實好少寫菜式，都話希望睇咗嘅人，來自己試吓。我中肯講一句，他們的味道，不是大集團味道，這樣令我最開心，他們的味是小店的味道，味道沒有因為年代而改變，那個醉雞，幾好食值得一試。開頭看裝修，都有點錯愕，開了餐就明白點解曾經兩屆入選米芝蓮。因為我哋做食評嘅，都會因為價值而評論。他這個二人餐是2xx元，有湯有兩個小菜，有甜品，還有八寶茶。以價錢來評論，曾經入選米芝蓮當之無愧。他這家餐廳，好適合遊客，那些深度遊的，絕對看到香港的真正一面。

觀塘嘅特色小店，門面睇落都好有歷史感，代代相傳嘅感覺店入邊唔算好大，舊式茶餐廳的設計我地揀了2人套餐，夾款小菜同湯一款，如果平時一餐半餐可以食下懷舊美食我覺得價錢可唔接受小菜熱辣辣，第一款糖醋排骨，佢地用了無骨排骨肉，所以食落去唔會咬到骨，排骨肉吸入甜酸汁，顯得入味醬汁唔佢太酸，有自己特色香口的宮保雞丁，小小辣但超級開胃，配料用肉片挺夾，可以中和油膩感，終於明白人地講一道菜有味道嘅層次感因為火腿煙肉咸味重，到奄肉再到青椒最後雲吞雞，睇落有油，但都好正常有娃娃菜，雞同雲吞大大煲兩個人岩岩好雞肉嫰滑大大舊，一人可以食到3舊雞肉雲吞吸入湯汁，係韮菜皮薄餡靚湯睇落有油但一點都唔油膩，飲落清雞湯，配娃娃菜十分鮮甜食完飯飲杯百寶茶，菊花香帶有小小甜，應該係話梅味，加紅棗好養甜。地址小小遠但都唔難行，值得食一次嘅上海特色食店，傳統嘅手法唔係到到都會有，價錢嚟講唔會係普通茶餐廳嘅價，值小炒嚟講都算唔錯

平時在觀塘見客都只留在地鐵站附近， 最近先知原來有間隱世川菜小店！這間上海榮華川菜館 原來已在觀塘數十年，年紀都大過我😆，始於1975年，見證住觀塘發展！但人情味仍在，而且廚師👨‍🍳廚藝好，菜式仍保留風味，今日幫襯完都覺得下次要再來呢！我們下午時來幫襯的二人餐只係$258便有湯有配小菜兩款連白飯！更有特色的八寶茶！招牌菜式我覺得確係必點，特別係時菜獅子頭 ，出面比較難有，煮法用心，入味又好味😋另九王饍糊，新鮮惹味，順飯一流！加上湯品都配料十足， 我和同事都食到好飽，最後一讚八寶茶 ，是天然菊花、紅棗等花茶製成，十分清甜，夏天天氣炎熱飲咗好舒適的感覺！

觀塘裕民坊一帶，自從拆卸改造後，凱匯商場落成，印證住時代變遷…..但係呢個不斷推陳出新嘅地方，仍然有少數保留住舊香港情懷嘅小店，實屬難得。呢間至1975年開業至今，將近50載嘅上海飯店，淨係睇門面就已經感受到歲月嘅歷練。踏入舖頭，店面細細，大約只坐到5/6台客，沒有浮誇嘅裝修，只有沉實嘅卡座，感覺好似到了外婆家吃飯一樣。翻一翻餐牌，選擇種類繁多。餐廳有二人餐可供選擇，相對經濟實惠。於是便點了兩個小菜，分別是口水雞同回鍋肉。口水雞是無骨雞腿烹煮而成，辣到適中，而且食到有陳醋嘅味道，送飯一流👍回鍋肉吃起來，比其他店舖多了一種甜味，我估係因為落咗海鮮醬。同樣亦都係有微微辣，好好送飯。不得不提嘅係白飯，軟綿綿，我個人十分欣賞👍，有好多地方而家啲飯都係又乾又硬，食到好冇癮🙃個餐包埋一個湯，加$40可以要砂鍋雲吞雞，湯料十足，兩個人飲完一碗又一碗。仲有四隻雲吞，飲得出有金華火腿嘅味道，真材實料。晚膳去到尾聲，店家奉上兩杯八寶茶，打開杯蓋，清香撲鼻，喝下味道甘甜，而且有濃厚嘅菊花香，為一頓晚膳畫上完美句號。好似呢一類嘅鬧市小店，實在買少見少，想感受老上海風味嘅朋友，可以來支持一下

好鍾意係香港嘅舊區周圍行— 今晚放工，就同老公夜遊觀塘。自從裕民坊翻新後，成個觀塘都唔同哂，物華街就好似變左新舊交界，一邊係凱匯裕民坊，另一邊就仲係舊街小巷。我地行左去舊個邊，行行下就見到呢間上海小店。😆佢嘅門口有舊香港風，入面裝修偏舊，喜歡懷舊感嘅人應該會覺得尋到寶。還有，Menu封面好有趣。🤩我地就無揀餐牌入面嘅，因為比個二人餐牌吸引左，寫住「招」嘅招牌菜已經中哂我想食嘅。我地叫左 口水雞🐓 回鍋肉🍖雲吞雞🐣，跟餐有兩個飯同兩杯八寶茶☕️。口水雞：唔算太辣，有四川風味，值得一讚嘅係成碟都係去骨雞髀肉，送飯一流回鍋肉：一直都驚回鍋肉會好油好膩，好彩無事🤣唔似平時啲回鍋肉，入面無辣椒，同埋佢用左一隻甜甜地嘅醬炒，又幾夾雲吞雞：好大煲同足料😆😆😆有幾件大雞腿同4隻雲吞，湯好夠熱，好飲八寶茶其實我都真係第一次飲，甜甜地清清地，不錯！

生平第一次寫食評，仲要係負評，可知呢間店真係好伏。除咗食物質素差，份量少，價錢仲要貴。4人埋單要$1000，每人平均消費$250。感覺Hea 住做， 質素似街外冷藏食物翻熱咁，唔明白呢間老店仲可以收呢個價錢😞😡當晚叫咗小籠包，東坡肉（好柴）麻婆豆腐（唔正宗），豆沙鍋餅 （冇豆沙）上海粗炒（似叮叮食物）鱔煳（唔新鮮）肴肉（份量奇小）全晚最正常就係罐可樂😂😂😂😂。一個字，伏。失望到爆，一定唔會有下次。

老字號但食物質素一般位十分窄回窩肉的味道與其他舖頭有點唔同，唔覺好好味午餐配白飯，飯好難食，唔知用咩國家的米小籠包皮太厚，幸好肉多，汁也多酸辣湯無豬紅，質素已好過詠黎園。麵唔錯，也好詠黎園

聽舊街坊講，呢間係該區最好食嘅上海店之一。兩年前路過，吃個午餐，還可以吧。今天再去，見全店有四張枱攞咗嚟放外賣雜物。裏邊只有四台客食緊野，我想要張四人枱都要等位，因為全店只得三張四人枱，都俾人坐緊。食品來了，食味、食材都還可以，食相就不忍目睹，加上店內陳設殘舊凌亂，心想以同一個價位，企理的茶餐廳多的是。應該不會再來了。

今晚老公接收工，話帶我去食好嘢喎😄有幾好呀？食上海菜，但門面係榮華川菜館，望入去環境真係麻麻，餐具衛生麻麻，座位好迫，卡位好窄。望吓餐牌都好多選擇，我地選了二人套餐蒜泥白肉滿滿蒜蓉醬，加上夠辣，白肉又唔算肥，所以超喜歡呢個餸椒鹽排骨一上枱已經聞到好香，又多葱多炸蒜，肉質鬆軟，吃落好惹味😋(呢倆個餸夠辣又惹味，忍唔住order多杯豆漿飲解吓辣)😆雲吞雞呢個雞真係麻麻😑一睇就知用冰鮮雞腿，吃落當然唔好食👎肉質冇雞味又唔滑，雲吞用咗雪菜做餡，我不大喜歡陣味，好怪🙁不過個湯同白菜味道都鮮甜既!套餐配白飯兩客，八寶茶兩盅吃完濃味再飲八寶茶感覺都幾清甜又可以消吓油腻。總括都有好吃菜式，不過衞生同樓面姐姐態度可以改善吓😆