上海榮華川菜館

营业中

休息中

榮華川菜館係觀塘好耐好出名, 成日都好想去試,但耐何觀塘對我黎講唔算好方便, 好彩屋企人去開果邊做野, 就買外賣大餐比我食啦!入面既環境雖然係比較傳統, 但都掛左唔少得意既畫同公仔, 令人有推陳出新, 唔會墨守成規既感覺SET一定係最抵, 所以我地叫左個$258, 有小菜兩款同湯一款銀芽鱔糊-另加$38鱔肉都幾多, 而且幾有彈性, 本身味道都唔錯, 再掛上個濃油赤醬, 冇得輸, 另外銀芽好多人都覺得係CHEAP野, 但係當佢遇上鱔糊時, 佢既爽脆口感令到成碟菜都有所提升糖醋排骨個糖醋汁係有D似生炒骨既汁咁, 酸酸甜甜, 令人特別開胃, 好好送飯, 而排骨幾入味, 個汁唔會水旺旺, 包住排骨咁, 味道唔錯雲吞雞-另加$40雲吞有四粒, 而雞腿肉有好大舊既四舊, 雲吞個皮好滑, 即使外賣浸耐左少少仍似舊保持到佢既好味, 而雞肉好嫩滑多汁, 而最值得一讚係個湯, 鮮甜無比, 我地飲晒都唔會覺得口渴, 證明係冇味精啦總結, 唔怪得榮華川菜館係觀塘享負盛名已久, 真係有其道理

Happy Friday來一點傳統風味，走到位於觀塘崇仁街的上海榮華川菜館用膳。二人套餐可以揀兩款小菜和一款湯，或一款小菜、一款湯和一款小點。這夜的選擇是前者啊。第一款小菜是銀芽鱔糊，味道香濃，份量充足，銀芽亦夠爽口，用以拌飯，實在非常可口。第二款小菜是糖醋排骨，炸得夠乾身，糖醋均勻地沾滿每一件表面，香口得來酸甜，口感實在出色。洋蔥及青椒的份量亦充足，可為色香味俱全。湯羹的選擇是雲吞雞。雲吞雞送到時實在令我很驚訝，全因其份量相當充足，差不多半隻雞，加上底部有四粒雲吞，湯味亦非常清香、充滿着雞香。雲吞亦相當可口，軟滑外皮包着菜肉，是很值得推介的菜式。另外，還有兩客白飯和兩盅八寶茶。白飯勝在熱騰騰，份量夠多，軟硬適中。八寶茶是我至愛，用料十足，味道濃郁，那甜而不膩是教人一試難忘。

今日收工照常係觀塘搵下有咩野，搵到呢間超過四十幾年歷史既懷舊上海菜，仲要係米芝蓮優質食店推介👍餐廳裝修簡單樸素，內外都保留住老觀塘既懷舊氣息，甘岩隔離台對老夫妻表示專登過黎懷緬過去，即刻令我有種置身於老香港既感覺~我哋嗌左個二人餐$258，套餐包兩個小菜、一湯、兩個白飯同兩盅八寶茶，價錢又適中而食物方面，整體黎講都無咩油同味精，可以食到食物既原汁原味，同時又做到夠濃味，岩哂我呢啲又重口味又怕唔健康既人~.湯) 酸辣湯個湯好大碗，材料都好足，入面有木耳、豆腐、雲耳、筍絲等等酸酸辣辣，好開胃惹味，好岩鍾意食辣嘅人!小菜) 糖醋排骨排骨無骨，好淋身易咬，肉質好酥鬆糖醋汁無咩醋味，但味道調校得好好，依然酸酸甜甜，超級開胃，送飯一流配菜有青椒，加埋糖醋汁，味道好又夠健康小菜) 招牌回鍋肉回鍋肉同樣無骨，肉切到好薄好有鑊氣，醬汁濃，辣度適中，食落爽口唔乾身唔油膩配菜有配上青椒、椰菜，好掛汁，用嚟送飯一流另加小菜) 蝦仁炒蛋蛋炒得好滑，有跣入口既感覺蝦仁爽口，而且份量都算多飲品) 八寶茶招牌八寶茶真係十分推薦! 估唔到中式茶可以甘好飲!八寶茶有菊花、杞子、蓮子芯、果皮、胖大海、紅棗、龍眼肉，非常足料

今日收工同朋友睇下觀塘附近有咩中菜食，咁岩見到有一間漆黑中的螢火蟲😍😍一間懷舊上海菜！！gogogo衝呀我地兩個人叫咗個二人套餐！一湯兩個小菜，當然唔少得試吓佢哋嘅八寶茶酸辣湯如果鍾意食辣嘅朋友都會幾啱，酸度都配合得好好，份量同埋材料都好足！三個人食都冇問題👍🏻宮保雞丁呢個超入味，完全感受到佢嘅鑊氣由於我比較鍾意食辣，所以口味非常適合我！唔鍾意食辣嘅朋友仔可以叫佢小辣或者唔辣招牌菜唔係浪得虛明蒜泥白肉蒜泥好夠，肉質都好爽口，但係比較薄身，未必適合鍾意食厚切嘅朋友仔！不過份量絕對夠兩個人食招牌百寶茶食完咁豐富嘅晚餐梗係要飲番杯茶消滯，唔好睇佢細細杯，非常足料！好香啊🤤🤤🤤所以如果你哋係鍾意食懷舊上海菜嘅話絕對可以嚟試吓，環境有特色之餘亦都係好用心煮每一道餸👍🏻👍🏻👍🏻價錢都好合理

疫情嚴重搞到都無得成日出去食好西，堂食又怕被感染😷而依間川菜館就供應緊外賣，俾我哋唔使擔心喺餐廳要除口罩食飯，可以買返屋企安心享用美食~鱔糊粗炒 $71如圖所見，一開蓋就見到海量芽菜🤣同埋香味撲鼻！醬汁雖然濃但食哂都唔會覺得膩🤩鱔魚既鮮甜又彈牙，而且份量都算多！麵底就好煙韌，所以整體口感一流~回鍋肉套餐 $58客飯套餐配例湯同白飯。當日例湯食材有冬瓜粟米豬軟骨，飲落無咩味精味，粟米味就好濃喇👍整體都好清甜！不過回鍋肉就得3舊，略嫌唔夠餸飯🤭勝在落咗啲紅椒夠惹味同埋啲肉都醃得夠入味~

住喺觀塘嘅我.有咁多野食.唔想煮飯就梗係要去返觀塘食啦.係街市果邊買完生果.行行下見到呢間好懷舊嘅上海菜館.諗諗吓都好耐冇食上海嘢.決定試下!食物方面:叫咗個二人套餐(小菜2個.湯1個)⚪️糖醋排骨⚪️花雕醉雞⚪️雲吞雞⚪️白飯和八寶茶2位個糖醋汁好開胃酸酸甜甜.排骨都好淋.個雞好滑好濃酒香.中意酒味既人一定中意.個雲吞雞係雞腿好多肉.個湯好鮮甜配埋雲吞食唔錯😉第一次飲八寶茶原來咁好飲.入邊有好多好養生嘅材料好甜好香.正!而且個杯用中式果d杯好特別👏🏻整體方面:呢間係一間好懷舊嘅上海菜館.裝修都係好懷舊.依家香港真係唔多.食物方面都可以食返佢嘅原汁原味.而且價錢適中.經過可以試下都唔錯!

滂沱大雨食上海菜陽光普照出門，食完落大雨，感恩食飯過程開心，食物好味，一路行一路勁大雨，對鞋全濕，最後好似小朋友似的，完全不理會大雨大笑住直行，想起都開心！人均：$129.叫了兩人餐，可以選兩小菜/一小菜一小點配湯、白飯、八寶茶.蒜泥白肉顏色和一般蒜泥白肉不同，這裡醋味較出，好易上腦帶點沖，愈食愈刺激，另一樣腩肉片切得很薄，是我喜歡的厚度，醬汁和蒜蓉更易食到。.回鍋肉好有鑊氣，醬汁濃稠，肉片和白肉厚度一樣，有椰菜、青椒、辣椒，辣度適中，不會過咸，送飯一流！.粟米羹好舒服的湯羹，滿滿粟米和火腿粒，加點蛋花絲，每人可以有4-5碗，份量好足！.八寶茶驚喜之茶，推介！眼見一杯茶已經有6種材料，入口微甜，慢慢飲到好香菊花紅棗味，女士飲好滋潤！

晚餐試吓唔好又係商場連鎖餐廳，支持吓 Local 小店，呢間無論內或外同埋裡面的相片都好保留到惜日的觀塘的味道，原來仲攞過米芝連 ! 咁啱快樂餅店結業，真係要好好 promote 吓呢啲老小店，真係執一間少一間。叫了個 $258 二人餐，有一湯兩餸白飯。先來個酸辣湯，酸辣度剛好，配料十足，好有正宗上海茶的味道。口水雞: 師父好有心機起晒骨，上碟的雞都係大大件不吝嗇，讚! 不過我感覺師父做上海菜係拿手啲!時菜獅子頭: 獅子頭其實好蝦人煮，又要打幾款肉再砌個球又唔可以散又唔可以太熟blah blah blah，而呢味餸係做得好好味，成碟連菜連汁都食晒。八寶茶，呢杯茶真係好飲，八寶茶真係有八寶，天時暑熱飲返杯，消暑解悶。

剛同好朋友出開去觀塘shopping, 行到咁上下已經到晚飯時間！於是乎上網搵下有咩好嘢食！搵到一間食上海菜嘅菜館, 本身好鍾意食上海菜嘅濃郁味道嘅我, 當然急不及待要去試下啦！喺地鐵站行過去約五分鐘左右就到咗呢間睇落好懷舊嘅上海菜館, 一行入去就發現好有屋邨味道特色嘅裝修, 坐低之後睇下餐牌原來係有好多款招牌菜, 而我嘅第一選擇就當然係要試我最鍾意嘅回鍋肉, 之後另外揀咗糖醋排骨, 當然唔少得要試下佢嘅酸辣湯啦！而套餐係會跟兩個白飯, 有湯當然要揀埋佢嘅八寶茶消滯一下啦！唔駛五分鐘老闆娘就攞咗兩個小菜跟白飯過嚟, 我仲問呢間都好似幾老字號喎？原來1975年已經開始開咗呢間舖, 到而家已經足足47年, 佢呢度嘅招牌回鍋肉果然與眾不同, 啱曬我呢啲重口味嘅食客, 有啲上海店舖有骨, 但係依間係啖啖肉超好味, 糖醋排骨都係啖啖肉好有糖醋嘅酸味, 但係酸辣湯就覺得真係好酸, 唔夠辣唔夠辣嘅味道。我嘅朋友食咗半碗飯, 畀埋半碗白飯我, 我足足食咗一碗半食埋啲餸真係要捧住個肚, 飽飽滯滯當然要試埋個八寶茶, 我咁大個仔未試過飲八寶茶仲以為係淡茂茂, 原來係好甜好滋潤真係估佢唔到！總結嚟講呢間老字

今日放工之後去咗觀塘APM行街，周圍搵吓有冇上海菜食，因為我今日突然間好想食回鍋肉，行吓行吓去咗崇仁街，見到一間老字號小店。青菜豆腐湯：好適合今日咁熱嘅天氣飲，簡簡單單好清甜，好有家嘅感覺。花雕醉雞：濃烈嘅酒香，雞身好滑，好有雞味，我係會連埋皮食。回鍋肉：炒得好有鑊氣，少少辣帶動到成碟餸，椰菜好掛汁，送飯真係好一流。八寶茶：我第一茶飲，甜甜地，好足料，飲完成個人好舒服。我哋兩個人去咁啱有個二人餐真係好抵食除翻開每人都係百零蚊，下次我會叫多幾個人去因為餐牌上邊好多選擇。

Immerse yourself in wonderful Chinese cuisine 🥢in the Shanghai Wing Wah (Sze Chung) Restaurant. You will really like the perfectly cooked 🍲 chicken dumplings soup 🐓 in casserole. The chicken is moist and tender. The Kung Pao chicken is highly addictive stir-fried chicken with the perfect combination of salty, sweet and spicy flavour🌶. It is a really nice weeknight dinner with a side of rice🍚. 🥢Shanghai Wing Wah (Sze Chung) Restaurant📍G/F, 15 Shung Yan Street, Kwun Tong, Kowloon, Hong Kong

喺觀塘街市出出入入, 成日經過都好好奇呢間餐廳, 今日終於可以一試喇! 好鐘意呢類懷舊冰室格局的餐廳, 不像商場餐廳般冷冰冰。牆上好多相同畫, 見到舊日觀塘樣貌都幾得意。叫了個兩餸一湯餐 ($258), 我地兩個大人一個小朋友都食唔晒哦, 呢個價錢抵食!蒜泥白肉, 蒜砌得好碎, 真係蒜泥, 做法無平時煮法咁落好多辣油, 無咁油膩。五花腩肥瘦均勻, 辣味好香, 太太就略嫌辣。糖醋排骨, 呢個必食, 叫碟唔辣的比小朋友食, 點知佢差不多食晒成碟, 佢個芡汁顏色味道炒得好靚, 酸酸甜甜送飯一流。雲吞雞, 雞湯足料入味, 大大件雞上碟上台, 一啲都唔孤寒, 雲吞飽滿, 呀仔都飲咗兩碗, 不過最後都真係太飽食唔晒, 好抵食!!八寶茶, 茶有驚喜, 清甜回甘, 足料有八樣材料, 可食可飲, 食到飽飽立刻消濟。

老店不老上海榮華川菜館店主保留左老香港原有貌，喜歡這種原味道喜歡懷舊嘅你地點可錯過丫😍呢到2人套餐都係200幾,價錢親民, 又食到老香港味道酸辣湯一定要點,真係好飲到停5到口, 酸尾尾好開胃🤩蒜泥白肉-多蒜蓉,豬肉又切得好簿一啲都5肥膩,用嚟撈白飯一流😍甜品方面豆沙鍋餅 - 每日新鮮出爐, 豆沙嘅甜度剛好，啲皮又做得好脆一啲都5油膩 最後整番杯八寶茶 - 飲完好驚喜丫一大開賣相好靚好清新味道甘甜的又健康養生

有日路過觀塘見到呢間餐廳，諗起以前學生年代成日嚟食，今次就再買外賣試下先。門面同印象中嘅差唔多，夠哂懷舊。今日就揀咗個二人餐，小菜、湯羹同小點各有一款。另外仲有兩個白飯，而八寶茶只限堂食先有。九王鱔糊 - 份量都幾多，韭黃爽口有口感，鱔肉都幾彈牙，個汁好好味，用嚟撈飯一流。雲吞雞 - 湯底好濃雞味，上海雲吞大大粒，餡料係雪菜豬肉。雞肉係成隻雞肶切開，食落啖啖肉。娃娃菜索晒啲汁好好味。春卷 - 即叫即炸好香脆，點埋紅醋更好食。白飯 - 粒粒分明軟硬適中有口感。

陪朋友去「YM² 裕民坊」選購太陽眼鏡，之後一齊食晏。由友人帶路，嚟左崇仁街呢間以紅磚、白紗簾作門面嘅食肆「上海榮華川菜館」。唔好睇佢店面細細，地方不大，一派街坊格局，原來係一間有超過四十多年歷史嘅老店，而且仲要係米芝蓮優質推介食府之一。👍🏽👍🏽我哋點左個二人餐 ($258)，套餐包兩款小菜、一款湯羹、兩客白飯同八寶茶兩盅。小菜揀左糖醋排骨同韭黃鱔糊。糖醋骨用上腩排炮製，食落肉質好酥香，鬆而不韌。糖醋汁嘅味道亦調校得啱啱好，入口酸酸甜甜，超級開胃。另外呢碟韭黃鱔糊 (+$38)  製作亦唔馬虎，選用傳統濃油赤醬，加入芡汁同韭黃炒香。鱔肉膩糯又不失彈性，加上條條都均勻地沾滿了醬汁，用嚟送飯真係一流！湯羹選了雲吞雞 (+$40)，雲吞雞以砂鍋盛上，用料十足。雲吞大大粒，內餡用上豬肉和蔬菜製成，蔬菜嘅清甜中和左豬肉嘅油膩，咬落去超有口感，皮薄餡靚。雞件肉質嫩滑多汁，一點也不柴，而且份量亦不欺場，加上湯底清澈鮮甜，入口溫潤順喉，飲完亦唔會覺得口乾，美味。最後飲埋杯八寶茶，內有菊花、杞子、蓮子芯、果皮、龍眼肉等等，入口甜甜地，味道溫和，用嚟潤喉很不錯，為今餐劃上完美句號。