東京迴轉壽司 (已結業)

我幫襯了這間壽司店, 我諗都有十年, 店內的職員好親切, 掛住佢地呀!!!! 大家識左咁耐, 需然只係點頭之交, 店子突然間結束左, 真係不敢相信, 平日見客以雲來, 真係諗都無諗過會結業, 以後都唔知再會唔會有機會見面 啦!!!我啦!! 姐姐啦!!! 同媽媽都好鐘意去這間店吃壽司,特別愛吃肥三文魚, 佢的三文魚特別有魚味,又新鮮, 生蠔手卷亦係我的至愛, 炸粉加上肥嘟嘟的生蠔, 炸的火喉啱啱好, 再加上凍凍地的三文魚子, 一熱一冷的配合, 實在是一極品, 價錢合理. 香港失去了一間好好的壽司店. 以後去邊到食壽司呢?????? 太可惜了.(兩位姐姐,叔叔, 一班的壽司師父 和 一班後生的樓面職員) 你地要保重呀!!! 加油呀!!!!

尋日同衰公出旺角，一心去東京食帆立貝壽司，其實基本上食親壽司都必揀東京的，而家平價而又安心可以係迴轉帶上揀壽司既真係無乜幾間...差唔多行到去我突然有D不安既感覺:『而家佢附近開左幾間新壽司鋪，佢會唔會做唔住....』點知....真係比我講中，去到發現佢執左!!!真係超唔捨得.....誠心希望佢會開番啦......

係咪真係執左??如果係,真係好可惜呀!!仲記得12月27號果晚, 男朋友同我專誠去東京諗住食sushi啦,其實差唔多每次我地去旺角, 夜晚都會去東京!男朋友鐘意佢D挪威三文魚! 好好味!我就鐘意佢D軟腳蟹手卷(每次要都一孖咁叫)! 同埋八爪魚sushi! 有一次叫八爪魚, 佢比左兩塊我呀! 哈哈!果到有好多同男朋友既回憶!每次去食sushi都會坐好耐慢慢食, 傾下計, 休息下!如今, 執左, 非常可惜呀! 太突然了!

尋日經過見到東京執左,覺得好可惜... 早知佢執,我會食多幾次!!! 幫襯左佢超過五年. 東京d野唔可以話好高水準,但係都算係新鮮.價錢又唔貴,每人食一百蚊已經好飽.黎食佢係因為鍾意佢d壽司既口感,特別係三文魚壽司,塊魚真係勁厚切.佢自已都標榜自已係"全港最厚切既三文魚壽司".除左三文魚壽司,佢個煙三文魚壽司,吞拿魚腩壽司都好好味. 天婦羅芝心卷都好正~炸完d天婦羅用飯包住,好似加洲卷咁,但外圍有層剛剛熱熔既芝士包圍住.食定完既感覺好滿足!出面板前呀,峰個d都無架.仲記得第一次係個好朋友帶我去,去到門口我仲話"哇!呢間野個樣咁up dup,會唔會唔乾淨食到我肚痛架?!" 個次食完之後,就鍾意左東京,仲成日介紹d朋友去食... 高峰期個時,我同我個好朋友,一齊放十點工之後去食,一個星期食三次,連續食足幾個月雖然入面環境唔係太靚,不過都叫企理,都已經慣左同朋友去呢個老地方,傾下計又食下野...但係而家無左...真係好可惜... 希望有日見到佢既招牌再係附近出現啦...

好似是我飯堂一樣我是好衰的, 每次都要他們即做的, 不是因迴轉帶上的唔夠新鮮, 只是我喜歡凍冰冰的三文魚三文魚好大件, 凍冰冰, 正正正芝士蟹子壽司, 好正, 我覺得從沒有一個地方好食過呢度帆立貝壽司, 已前平D, 現在貴了, 但都一樣好食, 好大件, 都係那一句, 叫他們即做的, 凍冰冰, 超正炸蝦壽司, GOOD其他無特別

好唔好食又睇落去特別篇: 全港二十間迴轉壽司拖羅大戰全紀錄! 第十六位東京壽司http://hk.myblog.yahoo.com/goodboy_philip/article?mid=33967第十六位東京壽司: 中拖羅兩件只要 18 元! 真係平過籠, 暫時搵唔到一間回轉比佢更平, 味道唔係最好, 但係 9 元一啖過下口癮唔好咁挑剔喇!

入去個時得我一個都好怪...難食到只係食左２碟...................帶子味...都接受到.....但的飯又酸又難食三文魚簡直無味.....衛生都一般.我去時剛巧有食環署......都盡說間店的不是仲要４６元.真係慘

好心佢咪走拉麵生意可能好印象d..去間野係呢度睇到..賣點係壽司..去到即食左碟3文魚壽司..只係如其他食家所講..係好似大件d..但味道鮮味等只屬一般..去得日本食肆點都要試下拉麵..結果叫左餃子雞翼拉麵..雞翼ok過得去...但兩件真係小左d..湯真係連出x一丁隻豬骨都好過它..麵仲犀利..味係無嫁囉..第1次試到咁經典...咁就埋單5x total...掃下街好過...

我一向沒有寫食評的習慣。但我實在不願看到其他消費者再受害了！本人一向是旺角東京的常客,對他們的食物質素向來都很滿意,但過了今天,實在是不敢恭維了!話說今晚男友從回轉帶拿了一碟甜蝦壽司,看上去頗新鮮,沒有異樣。但當他一放入口，便立刻把壽司吐出來，他連口水也一併吐出，然後連忙灌水。老實說，我被他這個行為嚇了一大跳！原來那隻甜蝦是臭的，聽他說：那種臭味如同鹹魚／臭腳一般的臭，然後他便向經理投訴。他們的員工如閃電般把那碟發臭的甜蝦壽司倒掉，然後說：幫你換過碟！而經理還說：我們的師父說其他壽司沒有這個問題，可能是你吃的那隻蝦的腸沒有清理乾淨。連一句對不起都沒說。最後，我們二話不說便埋單走人，因為實在真的沒有胃口再吃下去。其實食物好吃與否，實在是其次，但始終是吃進肚子裡的，更何況是生的食物，起碼保持最基本的衛生要求吧！真的是一次很可怕的經歷！

上次試左峰 今次就試下平價既東京佢個招牌好唔起眼 我差o的行過左都唔知因為要睇7:45pm個場戲 所以6pm左右就去食野我地去時都無咩人 食多半個鐘就開始多人喇一坐低就睇下佢有咩特價野食竟然無芝士蟹籽做$11特價好釆本身都係$14兩件 唔貴 hehe點左七碟壽司 一對手卷 一碟炒飯同一個小食三文魚壽司 : 不過不失白肉豚壽司 : 起初以為係豬肉 原來係魚肉 男朋友話好食章紅魚壽司 : 不過不失芝士蟹籽 : 為左佢而黎點知芝士係凍的 食到最尾先有芝士味芥辣八爪魚 : 好辣啊!!!!辣到我標眼水 食一件攻左三次上腦 辣過峰十倍黃金魷魚 : 可能我飽 唔太想食鰻魚壽司 : 燒汁好惹味 幾好食七味炸軟殼蟹手卷 : 要一對咁order 比峰好但不及元氣 $37一對好抵吉列炸墨魚餅 : 炸起好脆口 放涼左就無咁好味鰻魚炒飯 : 偏甜 唔夠惹味 我好鍾意炒飯都唔喜歡食佢坐order桌 成餐都無人幫我地湛水可能本身無呢個服務想加水佢地竟然以為我地埋單加一後$206 幾抵食 下次會再黎

7月1日, 慶回歸~ 食壽司~! 我地懷疑可能半個九龍嘅人都過咗香港參加七一大遊行, 於是今日旺角變得好好行~ 黎呢間東京迴轉壽司仲唔洗等位添!::: 三文魚壽司 ::: $10坐低無耐二話不說就拎咗碟三文魚壽司先! 三文魚頗新鮮, 紋路靚~ 油潤有光澤~ 而且真係幾厚的! 壽司飯size適中, 捏得夠實唔怕鬆散. 整體令人滿足~ 所以臨尾再encore多一碟, 都依然係咁厚切咁好味!::: 拖羅壽司 ::: $20又係極厚切! 不過呢個拖羅就認真麻麻! 魚生無乜油光, 明顯只得厚度, 有欠肥美. 切口差, 咬落成條筋癡住根本咬唔開, 要成塊魚生啪入口! 味道亦一般, 仲有少少腥, 呢件拖羅唔合格…::: 劍魚腩壽司 ::: $14都幾新鮮, 而且清甜~ 不錯~::: 龍蝦沙律壽司 ::: $11本周精選壽司大優惠之一. 係唔錯wor! 龍蝦粒落得幾多, 咬落夠彈牙, 仲加咗洋蔥粒, 整體味道豐富~ 略嫌沙律醬多咗d~ 不過$11真係好抵食!::: 櫻花魷魚壽司 ::: $11本周精選壽司大優惠之二. 櫻花魷魚落得重手! 望落十分大堆頭~ 味道亦不錯! 軍艦好唔好一定要睇埋塊紫菜脆唔脆

我同朋友兩個人，見openrice咁多好評，特登黎試下架！果次係晚飯，要左：吉烈生蠔拉麵 $42@佢D生蠔係分開另一隻碟上，所以唔會浸於拉麵湯入面，而且佢炸得好好，唔會太油或太厚皮，香脆又鮮味！三文魚壽司 $11@太好食所以食完一碟又黎多碟，我地唔係另叫架喎，響迴轉架度羅架炸喎，但唔好以為同外面d迴轉壽司店一樣，響迴轉架上擺好耐無人要果d，而係真係新鮮！佢d肥不多不小剛剛好，又滑，岩晒鍾意食三文魚既朋友！豬軟骨烏冬 (唔記得幾多錢,,大約$35-40)本來係拉麵，轉烏冬唔洗加錢！D豬軟骨幾好食，我朋友平時唔大食既，都食晒D豬軟骨龍蝦沙律壽司 (宜家仲做緊特價$11@！！！！！！)呢個真係超好食，沙律醬不會太多一pat pat，件龍蝦肉仲好大舊添！芝士蟹子壽司 (呢個都係特價！XD)D蟹子幾新鮮，睇得出通透，唔係擺得太耐實晒色果D，芝士不滯，好好味！我食左兩件XDD!!總括黎講真係唔錯，我估唔到迴轉壽司店都可以比到咁好既質素比我，我同個朋友都食得好開心：）埋單$141，每人先$70.5，抵食喇掛！

壽司有平有貴...都係一分錢一分貨果類店子...無乜驚喜金童係麵痴...當然要叫拉麵啦坊間好多炸豬扒,一係硬到'吉'嘴,一係'乸'到塊豬扒霉晒...呢次兩樣都無出現...多油係多油左少少...但炸到脆卜卜,軟 un 適中,味道亦適中...而且無自作主張咁淋 d 燒汁上去....正...碗麵係普通豬骨湯拉麵....好彩好夠熱呢餐....拉麵係角....壽司反成為配角

呢間壽司店, 一個月都會食一次..必食:芥末八爪魚 (至愛) - 而排仲特價$11/碟, 有時會叫2碟三文魚 - 我就麻麻, 不過, BF 喜愛, 必食軟殼蟹手卷 - 呢個佢新鮮整的, 熱的. 可惜佢一定要叫2件($38). 呢間店新鮮, 去貨快, 一到DINNER, 個迴轉勁多食物出, 唔同其他店, 來來去去都係個幾款. 佢唔係特別大件既, 正常 SIZE .. 價錢的確比其他店平少少...而家經濟唔好, 佢仲有d 做左特價, 又平左!!!!我仍然會keep 住去!!

幾過月無去,質素依然ok今次主要是為了10蚊一碟三文魚,真的抵過板X好多,板X3蚊一小件,不過東京唯獨差在d壽司飯無板前咁好.鰻魚依舊好食又大件鹽燒三文魚頭連水潑一份30蚊,都算抵食,燒得剛剛好,不會過火.好耐無食得很滿足